زوجي و ابنت اخيه .. علاقه مشبوهه

روح الأنوثه;13859683:
بسم الله الرحمن الرحيم

ما شاء الله لا إلا الا الله

اخيرا رديت لكم بعد فتررررررره طويله و انا كلي طاقه و قوة في تحدي صعوبات الحياه .. الحمد الله رب العالمين ..

بحكم ثقتي با الله الكبيره ثم مساعدة البنات لي و اقتراحاتهم و اولهم مشكلتي دلوعه .. قدرة اني اسيطر على المشكله الي كنت اعانيها

وبحكم اني توني ببداية المشوار مع زوجي و كنت اعاني من تصرفات ابنت اخ زوجي معه و عدم مبالاة زوجي لي بنسبه لتصرفاتها

.............................................................................................................................................

تعلمت ان اكون قوية جدا .. صامده .. مايهزني موقف ولا اصير طايشه و اصرخ و اعصب .. اتحمل و احل المشكله بهدؤ

كانت تصرفات بنت اخ زوجي مع زوجي اكثر مشكله اعانيها و بالخصوص انها تكرهني و تغار مني ..

( كنت تاركتها على كيفها ) تضايقني و تجرحني و صابره ما ابغى اسوي مشاكل


لكن تعبت و الموضوع وصل حده و لازم اني اوقفها ..

بدأت استخدم اسلوب السعاده و الابتسامه كسلاح :) ... : اسلم عليها و انا مبتسمه و اوهمها اني عايشه بسعاده و صرت اسولف امامها اني سعيده جدا في حياتي الزوجيه و ناجحه و ان زوجي دائما يفاجئني باليالي

رومنسيه ههه طل طبعا .. و كنت اتقصد اني ابتدع هذه القصص عشان تحس أنها دخيله في حياتي انا و زوجي ولازم توقف و تطلع خسرانه من اللعبه ..

كنت كل ما اتكلم عن سعادتي مع زوجي اشوف ملامحها تتغير و الكل يقولي الله يهنيج و يوفقج إلا هي تسكت مقهوره ..

بعد كذا .. ساعدني زوجي في انه مايعطيها فيس و مايجلس جنبها كثييييير ..

قد لما جينا بيت اهل زوجي سلم وراح المجلس عند الرجال .. قالت له عمي ابي اوريك البرود كاست في البلاك بيري بس نجلس في الحوش لحالنا .. قال لها انا جاي اقعد مع اخواني و ابوي مو فاضي اجلس معك لحالنا ولا فاضي لبرود كاسات هههه

الربوع طلعنا جماعه للمزرعه .. كنا جالسين الحريم في جهه لحالنا منفصلين عن الرجال .. راحت عند عمامها وقالت لزوجي ابي اتمشى وياك .. قال لها خذي عبود و تمشي وياه

( عبود ولد عمها صغير سنه و نص عمره ههههههه )

صار الوضع من صالحي ..

وقت الي يجي و يجلس جمبي ( اقوله تفضل عمري و كل دنيتي ,, استخدم احلى كلامات المغازله ) اشوفها تغلي بس ماسكه حالها و حسيتها انها خلاص بدت تخسسسسسسر اللعبه خلص

جابوا الفاكهه و قالت لزوجي عمي تشاركني بتفاحه .. قال لها لا مو مشتهي .. بعدين حسيتها انقهرت

ــــــــــــــــــــــــــــــــــــــــــــــــــــــــ

قبل يومين رحت بيت اهل زوجي عشان اخذ شغله . شفت سلفتي الي ساكنه معاهم قالت لي انه بنت اخو زوجي تبكي و تقول ماحد لها بهدنيا .. قلت الله يرزقها بنصيب الزين

بس ما تحط طاقتها بزوجي ,, بنات الناس ما ترضى بهالشي ( اكتشفت انه زوجي كان يسايرها خوفا على مشاعرها ) خخخخخ

حاليا انا مرتاحه و احس اني متغيره و اني واثقه من حالي حاسه اني مسيطره على الوضع .. اتمنى من كل قلبي تترك طبعها البغيض و تتأدب و يرزقها الله بزوج يثلج صدرها

مشكووووووووووووره من كل قلبي اختي مشكلتي دلوعه انتي ساعديتني كثير من شي كان مضيق حياتي و كنت بسبايبه اتخانق مع زوجي تقريبا كل ويك اند .. دعواتج لي ان ربي يعطيني حاجتي و كل شخص عنده حاجه من رب العباد ..

و كان ماخذ عني فكره اني اغار من بنت اخوه مع انه العكس صحيح و انا غيرتي طبيعيه الحمد الله رب العالمين

الله يعطي كل وحده على قد نيتها

حلوّت أيامي;13861800:

بسم الله الرحمن الحريم ..

السلام عليكم ورحمة الله وبركاته ..

الحمدالله اختي ان ثقتج بنفسج زادت وحياتج صارت احلى وهذا شي حلو ويفرح ..
بس انت اوزنيها ..
انتي تغيرت حياتج للاحسن لان انني حطيتي في بالج انج لازم تغيرين من نفسج وطريقة تفكيرج..
وبالتالي ثقتج زادت وسعدتي بحياتج اكثر..
اما بالنسبة لبنت حماج ..
كسررررررت خاطري
يمكن اهي غلطانه ..
انا معاج بهذا الشي..
بس ما يجوز تكسرون بخاطرها جذي..
يعني انتي انا معاج باسلوبج الجديد ..
بس عمها ليش يعاملها بهذي الطريقة ..
ماكو مانع من انه يطيب خاطرها وهم ما يضايقج بنفس الوقت ..
ديري بالج لا تظلمين احد ..
وزوجج بيضل لج ..
واهي انشالله يجيلها نصيبها ويملي عليها حياتها..
ماله داعي اهو يسوي معاها جذي..
وخليهم بعدين يذكرون بعض بالخير..
ما تدرين شكثر اهي خدمته وساعدته قبل ما تكونين موجودة بحياته ..
لا تطلعين زوجج ناكر الجميل..
والله بيوفقج لو احسنت النية ..
مهما كانت تصرفات اللي حواليج ..
صفي النية والله ولي التوفيق..

تقبلوا فائق احترامي..

شكرا..