Daisy Ash;13768255:
لما أجي أكلمه بهدوء هو يكون ينطط و يصرخ من الزعل، فما يسمعني، لكن لما آخذه في حضني و أبدا أكلمه يهدأ شوي، بعدين يرجع يكرر نفس الشي!
الله يجزيج خير عزيزتي...
إن شاء الله أنفذ اللي قلتي عليه و أعطيج النتايج...
بس بقول شي يمكن تنصدمين، بصراحة أنا ما ألعب معاهم أبداً! اللعب هذا واجب أبوهم... لأني أكون تعبانة من شغل البيت و بس أفضى أبي أرتاح و ما لي خلق حتى أقابلهم! لكن أبوهم باله طويل عليهم و يلعب معاهم و يطلعون طاقاتهم معاه!
طبعاً أنا يحز في خاطري إني ما ألعب معاهم أو أسولف معاهم... و أحياناً أحاول أضغط على نفسي شوي، بس بعدين خلاص أمل!
حتى راشد لما يطلب مني أقرا له قصة، يقعد طول اليوم وراي مسكين!
و بالنسبة إني أوكل له مهمة حماية أخته، هذي قصتها قصة... بصراحة ما أثق فيه أبداً!
حاولت كم مرة، يعني أقول له: راشد أنا بروح الغرفة أصلي، خلك عند عليا، انتبه لها! و بس أكبر للصلاة أسمع صراخها حتى أحياناً أضطر أقطع صلاتي و لما أجيه ألقاه ماسكها و طايح فيها ضرب بكل قوته!
فصرت أجلسه في الهاي تشير و أربطه عشان ما ينزل، و إذا خلصت صلاتي أو خلصت من الحمام و انتوا بكرامة، أنزله!
لكنه يحبها في حالة وحدة، إذا كنا عند بيت جده، و قلنا له عليا بتنام عندهم و احنا بنروح البيت! هنا يتمسك فيها و ما يرضى يطلع و يقعد يصيح يبيها!
الله يهديه إن شاء الله...
ان شاء الله
اللعب أهم عنصر في حياة الطفل وأهم ميزة تميزه ويمكن تستغلينه في التربية أصلا العلاج النفسي للأطفال يعتمد على اللعب أكثر شئ
حاولي تنظمي جدولك اليومي بحيث تتركين وقت تلعبين فيه مع أولادك مش شرط مدرة طويلة لكن الشرط طريقة اللعب وانها تكون كافية لأولادك
اللعب فيه ايحاءات يمكن أنك تستخدمينها في أنك تساعدي راشد لأنه يتخلص من الغيرة
حاولي وتشوفين النتائج السحرية للعب
أما عن حمايته لأختك لاحظي انا قلت لك واقعدي راقبي من بعيد مو تتركينهم لوحدهم لأن الغيرة ممكن تخليه يعمل حاجات تؤذيه ، استغلي نقطة انه ما يحب تبعد عنه وقولي له أخلي أختك هنا احرسها لحظات اذا ما قدرت تحرسها انت اخوها راح أوديها لبيت جدها لاني مو قادرة أخاف عليها انك تأذيها وأنا لاهية بشئ... حسسيه باحتمال خسارتها اذا لم يهتم فيه واقعدي تراقبينه مو تتركينهم لحالهم وشوي شوي ان شاء الله تلقين نتيجة واذا استمر الجئي للعقاب .
راح اسرده بردودي الموالية
وخبريني بأي تطور