الصوت ماصار يطلع

افتحى ابدا
لوحة التحكم
الاصوات واجهزة الصوت
اختاري تبويب حجم الصوت
وضعى علامة الصح امام خيار
وضع رمز حجم الصوت في شريط المهام

وبعد جربي اختي في لوحة التحكم دشي الاصوات وبعدين في اول خانة اللي اهيه playback هل موجودة كلمة speakers وهل موجودة علامة صح بجانبها نفس الصورة

طيب جربتى سماعات اخري

عادي اختي مو شرط يكون عنج البوكس الاسود
جربي مثل ما قالت ام مايا حطي سماعات اخرى لان في احتمال يكون الخلل من سماعات الجهاز فلازم تتأكدين

حبيباتي انا الجهاز لاب توب حتى لو ماحطيت سماعات يعني المفروض الصوت يطلع لبرى

وجربت كذا سماعه برضوا الصوت مافيه :(

احيانا اذا السماعات الداخلية في اللاب خربانة فلما تحطين سماعة خارجية فيطلع لج الصوت... بس دام ما طلع الصوت فان شاء الله الخلل يعني مو من السماعات
دشي اختي لوحة التحكم وبعدين ادارة الاجهزة (device manager) وبعدين sound, video and game controllers وجوفي اللي خاص بالصوت هل موجود بجانبه علامة استفهام او اكس؟ طقي عليه رايت كلك واختاري properties وفي خانة general جوفي شنو مكتوب في device statues...هل مكتوب this device is working properly? وبعدين طقي مرة ثانية على نفس اللي اخترتيه مالت الصوت رايت كلك بس هالمرة اختاري update driver software وكملي الخطوات وبعد جربي اختاري scan for hardware changes وكملي الخطوات...

وخبريني اللي يصير وياج

للأسف سويت مثل ماقلتي وبرضوا الصوت يطلع لي انه شغال بس الصوت ما اسمعه :(

جربي اختي هالحركتين:
* طقي ستارت وبعدين settings وبعدين control panel وبعدين اختاري administrative tools وبعدين اختاري services وبعدين اختاري windows audio طقي عليه دبل كليك... تأكدي في خانة general ان محطوط على automatic في "startup type" وبعدين روحي على خانة recovery واختاري حق "first failure" و "second failure" و "subsequent failure" هالجملة (restart the service) طقي اوكي وبعدين طقي رستارت

* طقي ستارت وبعدين programs وبعدين accessories وبعدين system tools وبعدين system restore وبعدين طقي next وبعدين اختاري اليوم اللي كان فيه جهازج اوكي وبعدين بتطلع لج اخر اربعة ايام فاختاري اليوم اللي كان فيه جهازج عدل (ملاحظة: اذا مشكلتج كانت قبل خمسة ايام فحطي علامة صح على "show restore points older than five days" وبعدين اختاري اليوم اللي تبينه) وبعدين طقي next وبعدين نطري شوي وبيسوي رستارت للجهاز وان شاء الله عقب بيشتغل الجهاز بدون اي مشكلة... اختي هالحركة بتعيد لج الجهاز لليوم اللي اخترتيه يعني اي تغييرات سويتيها عقب هاليوم بتتمحى وهالحركة ممكن تحل لج وايد مشاكل


وخبريني شيصير وياج

سويت مثل الطريقه بس برضوا ماصار شي الصوت شغال باللاب بس مادري ليه مايطلع برا وهذي الصور

اختي جربي حطي سماعات ثانية بعد وجوفي الصوت موجود او لا لان يمكن السماعات اللي حطيتيهم اخر مرة كانوا ما يشتغلون... فتأكدي انج حاطة سماعة تشتغل... هل سمعتي صوت او بعد لا؟

اختي حاولي تغيرين درايفر الصوت عندج يمكن يتعدل... شنو نوع اللاب توب مالج بالضبط؟ عشان ادور لج الدرايفر الخاص فيه

قبل حتى لو ماحطيت السماعات يشتغل الصوت من سماعات الجهاز عادي بس الان مدري كيف :(

وبعدين جربت كل السماعات برضوا مايطلع الصوت

نوع اللاب توب DELL / inspiron 1520

انا سألتج عن السماعات لان شاكه ان سماعات اللاب خربانة... بس دام الوضع نفسه بالسماعات فالمفروض الخلل مو من سماعات اللاب...

المهم قبل ما تحملين الدرايفر اليديد جربي اول شي طقي رايت كلك على درايفر الصوت من ادارة الاجهزة في لوحة التحكم واختاري إلغاء التثبيت (disable) وبعدين سوي enable وسوي رستارت...

اذا بعد ما اشتغل فمسحي درايفر الصوت من ادارة الاجهزة تحت قسم sound, video and game controller وبعدين حملي الدرايفر اللي حاطته...

اختي اذا نظامج اكس بي فتفضلي الدرايفر مال الصوت


واذا نظامج ويندوز فيستا او ويندوز 7 فتفضلي هذي الدرايفر


(ملاحظة: تقدرين تستخدمين windows update "التحديثات التلقائية" عشان تنزلين اخر تحديثات وهالشي ممكن يحل مشكلتج)


جربي كل اللي قلتلج وان شاء الله هالمرة وحدة من الخطوات تضبط وياج... ناطرة اعرف اللي يصير وياج