maryoom;13808091:
هلا حبيبتي وعليها بالعاااااااااااااافية البنوتة الأغراض وربي يجيبها بالسلامة لج يااااارب..
آنا رحت أمس الصيدلية عشان بشتري المراضع بس لقيت إيفنت ووااااااايد كبار ماعجبوني.. فقلت بآخذ بيجون بس بعد ماكو عندهم بس لقيتهم في صيدلية ناصر وإذا صار مجال اليوم راح أمر أشتريهم..
بخصوص البودرة ليش؟؟ يعني شفايدتها؟؟
لأن أمس شريت مجموعة جونسون وفيها البودرة..
حافظات الصدر عن الحليب ماخذتي؟؟ ولهاية؟؟ ومقص الأظافر لقيت من جيكو واااايد حلو..
وحفاظات البيبي قلت بآخذ إذا دشيت التاسع بأذن الله تعالى..
الله يعافيج عسولة
أنا لقيت إيفنت أصغر حجم 125 ملم في صيدلية جعفر
كان فيه بالوحدة وفي كل ثنتين مع بعض لذا شريت علبتين من النوع الثاني يعني 4 مراضع
قريت وايد يمدحون فيهم وجفت مكتوب عليهم مزود بتقنية لتخفيف المغص ومنع الغازات من التسرب أثناء الرضاعة
ثم إن جهاز التعقيم اللي شريته بعد إيفنت عشان أضمن إن المراضع تناسب المعقم وتركب فيه
البودرة طال عمرج بس عشان تجفف رقبة البيبي ولو إن ماله رقبة خخخخخخخخ وتعطيه ريحة طيبة
حافظات الصدر ماخذت الصراحة لأني بالعادة مادر حليب وايد بس باجوف الوضع إن إحتجتهم طرشت أختي أو ريلي ياخذون لي
مصاصات خذت من مذركير أظن 4 بس ماذكر الماركة بس حبيتهم لأنهم صغار ومعاهم علب تحفظهم
المقص ماعترف فيه ماحسه سهل لقص أظافر البيبي المقراض وايد أفضل بس مالقيت في الصيدلية إلا كبار دفشين أنا أبي صغيرون
