نصيحه منكم..؟

مراحب عزيزتي
اخيتي انتي تتكلمين عن شيء لحد الحين ما صار فلا تسبقي الاحداث ..والوقت كفيل بان ينسيك ..اي شيء صار ...واختك ايش ذنبها ما تزورينها بسبب شخص آخر( عمتها ) صله الرحم ليس فيها مابي اشوف فلانه ولا غيره...صله الرحم هي صله الرحم ..
توكلي على الله وادعي لاختك بالسلامه انشاء الله ..واحتسبي الاجر ..وتعاملي مع الكل بحب وفرح ...
همسه في اذنك اخيتي ..
لو قلت لك ان عمت اختك
الان
في المستشفى وبين الحياه والموت ..وفي حاله خطرة ...ايش هي ردة فعلك بسرعه ..؟؟
راح تكسر خاطرك وتقولين مافي قلبي شيء عليها خلاص ..والله يقومها بالسلامه ويمكن راح تروحين لها المستشفى مع اختك .....وتزورينها .وواذا ماتت لا سمح الله ..بتحزنين عليها..وبتظل في بالك ...فتره طويله لانك كنتي شايله بقلبك عليها .وتتمنين لو ترجع وتكون علاقتك معاها بما يرضي الله وعاديه .....صح

سارعي بالخير قبل فواته ..
واجعلي مرور الايام يزيدك حسنات وفرح وراحة بال
ولا تجعليها عليك فتزيدك سيئات وهمووووووم ...
سارعي بعيش كل لحظات الدنيا الحلوه ..في وقتها ..
حتى لا تندمي على الايام التي مضت دون الاستفاده منها ..
وبالتوفيق

عزيزتي ..اجعلي كلامك معاها طيبه واحترام ..ودعاء لها ..وتكريم ..وكثري من اهتمامك فيها ..وحتى حبيها على راسها ..صدقيني راح تحبك وتتغير ...وراح تشوفين ..
اخيتي حاولي ان تنامي ولا في قلبك اي شيء على اي انسان ..تسعدي بحياتك ..وتنالي راحة البال...

صدقيني ان راحة البال في العطاء وليس الاخذ ...

الا ترين سعادتك عند الصدقه ...تذكري دائما الصدقه عطاء وسعاده ...دنيا وآخره ..كذلك القلب المعطاء راحة بال دنيا ..وسعاده في الآخرة...
ولا تجعلي في قلبك اي اثر لاي احساس يزيد من حزنك وشقاءك..
اكسبيها لصالحك ..واجعلي هذا هو هدفك معها ..لتثقي بنفسك بعدها ..انك انت الاقوى بعطاءك واخلاقك ..الكريمه ..