بوح الكلمات;13828569:
صباح الورد من الساعة 6 طالة عليكم وللحين محد نزل ولا رد :-o نايمين مفلا ؟ ؟
اليوم صادني موقف الله لايحط وحدة منكم فيه قاعدة اكتب وقلبي يدددددق :mad: اليوم السايق مال روضة ولدي مستعجل عفر عادة ينتظر دقيقتين على ما انزل ليه من فوق الا اليوم عفر ماتريق ويمبى ينزل الجهال من وقت عشان ياكل 8o| مالحق ضرب هرن وسيدة ركيض اخدت حسن ونزلنا على ما افتح باب البيت الااسمع صوته بحححح يعني مشى ، على طول لحقت عمري واتصلت في الروضة عشان يتصلون للسايق ما دامهم للحين ماتباعدوا الا تقول ليي المديرة بيخلص من الجهال وبيرجع ليه ، قلت لحسن يركب ويايي فوق مارضى وخبركم كذا مرة اكلمكم عن عناد حسن الاوفرررر وفي نفس الوقت كانت غفران قاعدة وتزن زن لأن هدا موقت قعدتها ، قلت لحسن ينتظر الباص عند الباب وما يتباعد وركبت بغفران فوق بعد جم دقيقة قام قلبي يوسوس ليي ان حسن واااااجد حركي ويتعلف في اي واحد في الشارع يعني جريء بزيادة واني مكلمة مديرة الروضة تسوي ليي رنة ادا جوا المهم نزلت تحت ولا حسن بحححححح ما ميش واني لا سمعت هرن ولا رنة وأكلني قلبي أكال على ولدي جان ما راح بعيد وضاع ، جان ما احد ولد ابليس خداه ، ركبت فوق وعطيت غفران ابوها ونزلت الشارع ادور شوي وما شفته :'( قمت اتصلت في الروضة وسألتهم ادا جو خدوا حسن الا المديرة بكل بساطة تقول ليي اي جا ليه الباص وخداه :mad: بعد ما خلت الف فكرة وفكرة يلعبون بعقلي هدا وأني موصتنهم يسوون رنة لأن في سيارات يمرون صوبنا وساعات حتى الهرانة تتشابه فيختلط عليي الأمر وددددددددي اروح الحين افغص هالمديرة الباردة . قيمووووووني سريع على سلامة ولدي والله لايحطكم في مثل هالموقف F:
حمد لله على سلامته ..
الاسبوع الي طاف صادني موقف مشابه .. بما اني ما اشتغل ولا ادرس فـ الصبح اكون فاضية
اقعد ويا بنات اختي هم 3 ( بنت بسمة عمرها سنتين - و بنات اختي كل وحدة عمرها سنة )
وبذاك اليوم فقدنا وحدة منهم .. دورت عنها في كل البيت اني وامي والشغالة وما حصلناها :!!: وعقب شفنا فتحه المجاري مفتوحة \ الشغالة اذا تنظف برى البيت تفتحهااا ونستها :confused:
وطاح قلبي في بطني لانها امانه وامها في الشغل .. وعقب سمعت صوتها داخل الحجرة تضحك وتلعب .. شلون دخلت ما ادري :!!::woo: