جربتي ايه و عجبك ؟ و جربتيه ايه و طلع مش حلو؟ يللا تعالي قوللي

جزاك الله خيرا يا ام بوووووودي الموضوع تحفة

lifedrop;13905341:
طب يا بنات
حد من اللى جرب مكرونة كوين
لاحظتو ان الاسباجيتى فيها ارفع من العادى؟؟

ايوه فعلا يانودي

رشرووش;13906016:
ايوة انا جيبت جنان العرض اللى 4 ومعاه ازازة هديه
لاقيت الاسباجتى رفيعه جدا اتخن شويه من الشعريه
وفى السعوديه برضه احجام وفى كمان اسباجيتى مخرومه زى الانبوبه برضه

انا برضه جبت العرض ده وحلو فعلا
مكرونة جنان حلوة والنوع بتاع السباجتي اللي في العرض نوعه ررفيع لانه انواع


المهم انا مش فاكرة حاليا الحجات اللي كويسة والوحشة زهايمر اشتغل :D
بس بمناسبة الشاي اللي ادمنته ومقدرش استغنى عنه نوع اسمه ديلما هو انجليزي وده صورته

ناني فيبس;13905925:
ايوة يا رشروش شاي احمد دة شاي انجليزي جامد جداااااااااا

وادي صورته

الشاي ده اعد مركون عندي له سبع شهور تفتكرة يكون باظ


وبمناسبه المشروبات علي كافيه تحفففففه جوزي ادمنه خلاص بيخلص العلبه وحده

ايووووووووووووة يا سيمو عليكي نور شاي ديلما دة جربناه قبل كدة فعلا تحححححححفة كان رايح من بالي خالص
وعلي كافيه بردو حلو اوي


انا جربت كريم الليل بتاع اولاي وحلو اوي ماشاء الله

انا كمان جربت العرض بتاع جنان وحلو اوي والمكرونه دي اصلا جميله اوييي ماشاء الله بس الازازاه جبتها والغطا بتاعها مقطوع ..

طيب سؤال لناني انتي جربتي كريم دابر املا حلو وللا عادي ؟؟ وبيغمق الشعر ؟؟

sosiii-cat;13906235:
ايووووووووووووة يا سيمو عليكي نور شاي ديلما دة جربناه قبل كدة فعلا تحححححححفة كان رايح من بالي خالص
وعلي كافيه بردو حلو اوي


انا جربت كريم الليل بتاع اولاي وحلو اوي ماشاء الله

سوسى ممكن تقوليلى ايه النتيجه الى شوفتيها من كريم الليل وياترى جربتى كريم النهار والغسول ولا لاء لانى عايزة اجبهم بس خايفه يطلعلولى حبوب وكريمات البشرة زى اولاى كدة تنفع فى الحمل ولا فيها خطر على الجنين وياريت تقوليلى جبتيه بكام وكان صناعه ايه معلش هتعبك معايا

هوبي

انا بستخدم كريم املا تقريبا اهو بقالي يجي سنه عجبني اوي وناسب شعري

وهو لا مش بيغمق خالص

ماشي ياقمر تسلميلي يارب ..أصل انا شعري ده خلاص عقدني الحمدلله هو ناعم وبيطول كويس انما بيقع بشكل فظيع وجربت تقريبا اغلب الكريمات والزيوت ..انا عاوزة حاجه مش تتقله بس على الاقل تقلل التساقط او حتى محسش انها بتوقعه اكتر ..طيب الكريم اللي عندك صنع فين ؟؟ يعني مكتوب عليه بلد المنشأ ايه عشان لما اجيبه من هنا مجيبش حاجه مضروبه

هوبا انا كمان جربت كريم دابر املا جبته من مصر هو صناعة اماراتى وجبت مرة تانية المصرى
الاتنين حلوين مفيش فرق بينهم
الفرق بس فى السعر كنت جايبة الاماراتى بـ35 تقريبا بس غالبا اتضحك عليا فى سعره
والمصرى بعشرة

قطقوطة مبروك الحمل يا جميل
كريمات البشرة عادى بس احتياطى ابعدى عنها اول 3 شهور
وبلاش كريمات التفتيح والحاجات دى يعنى خليكى فى الحاجات المرطبة بس

بيبو لو فعلا هو الاماراتي يبقى على فكره سعره كويس لان الحاجات الاوريجينال اصلا بتبقى غاليه في مصر ..عموما هسأل برضه في العزبي اما اشوف

انا جربت احمد تى برضه عجبنى هو والربيع طعمهم مختلف تمامًا عن ليبتون

وجربت كذا سكر دايت اكتر حاجة عجبتنى كانت شوجر ماتش طعمه زى السكر العادى

مكرونة الملكة فى الاول كانت كويسة دلوقتى بطلت اجيبها بقت بتعجن كده وبقت غريبة .. مش بجيب الا المصرية دلوقتى . ماجربتش جنان اللى بتقولوا علها دى خالص

ويندكس ومستر ماسل ممتازين جدا

تونر نيفيا فيزاج رائع
غسول لوريال للتفتيح ممتاز برضه بينشف الدهون كويس قوى وبينور البشرة ومش بيخلى الشمس تأثر عليها قوى

لو افتكرت حاجة تانية هقول

هوب اللى خلانى اشك فى سعره ان فى بنات قالوا جابوا الاماراتى بـ24 تقريبا عشان كده شكيت بس هو فعلا كان مكتوب عليه صنع الامارات

عايزة اجرب الشوفان بس مش عارفة بيشتروه منين ولا اجيب ماركة ايه؟

*pippo*;13906941:
هوبا انا كمان جربت كريم دابر املا جبته من مصر هو صناعة اماراتى وجبت مرة تانية المصرى
الاتنين حلوين مفيش فرق بينهم
الفرق بس فى السعر كنت جايبة الاماراتى بـ35 تقريبا بس غالبا اتضحك عليا فى سعره
والمصرى بعشرة

قطقوطة مبروك الحمل يا جميل
كريمات البشرة عادى بس احتياطى ابعدى عنها اول 3 شهور
وبلاش كريمات التفتيح والحاجات دى يعنى خليكى فى الحاجات المرطبة بس

اللة يبارك فيكي يابيبو بس هو كريمات اولاي بتاعت الليل و النهار بردو تفتيح ؟ هو عايزة حاجة ترطب بس لان طلعلي حبوب صغيرة تحت الجلد من الفتلة و حاسة ان وشي مفيهوش نضارة و بهتان ياريت تنصحوني بغسول و كريم وبشرتي مختلطة بس في الشتا بتبقي عادية و لو الجو سقع اوووي بتجف في منطقة التي زون

اللى عندي اماراتي طبعا يا هوبي انا عايشه في دبي :D

يانهااااااااااااااااااار سرقه علني

كريم ايه اللى ب 35 دة انا بجيبه من هنا ب 7 درهم


بيبو

انا بجيب شوفان كويكر

انا مش عارفة يا قمر الحاجة بتاعت اولاى كلها تفتيح ولا فى منها عادى انا بتكلم معاكى بشكل عام
وموضوع الحبوب ده عادة بنستعمل كيناكومب بس هو فيه كورتيزون مش عارفة ينفعك ولا لأ

بصى فى الشتا ممكن تستعمل الغسول بتاع اوبتيمالز الاخضر من اوريفلام مش هينشف وشك خالص وكريم الليل والنهار بتاع نفس المجموعة حلوين خالص برضه
فى الصيف بقى لما الدهون تزيد استعملى بتاع لوريال ده حلو جدااا

بجد يا ناني بتجيبه ب7 دراهم ..يعني بحوالي 12 او 13 ..يانهار على الفرق

صحيح ياناني انا مكنتش عارفه الكريم الاصلي صناعة ايه توقعت انه هندي هو كمان بس عرفت من بيبو انه امارتي

يا بنات ازيكم
كنت عايزة اسالكم على احلى نوع للبرجر و السوسيس
, احلى منظف للارضيات???????????????????????

تسلمي يابيبو ربنا يكرمك يارب بس للأسف منتجات اورفليم مش متوفرة عندي لاني في السعودية و ان شاء باقي البنات تفيدني لو تعرف

at2ota;13906462:

سوسى ممكن تقوليلى ايه النتيجه الى شوفتيها من كريم الليل وياترى جربتى كريم النهار والغسول ولا لاء لانى عايزة اجبهم بس خايفه يطلعلولى حبوب وكريمات البشرة زى اولاى كدة تنفع فى الحمل ولا فيها خطر على الجنين وياريت تقوليلى جبتيه بكام وكان صناعه ايه معلش هتعبك معايا

قطقوطة مبروك الحمل يا قمر
بصي انا حسيت لما استخدمته انه عامل زي كريم الاساس فعلا زي ما بنوتة هنا قبل كدة قالت بس مش فاكرة مين وبينور الوش وريحته حلوة اوي ومش بيطلع حبوب خالص انا اصلا الكريمات عادة بتطلعلي حبوب انما دة ماعملش كدة الحمدلله وماجربتش كريم النهار ولا الغسول هو الليل بس اللي جربته لون العلبة ابيض والغطاء دهبي صناعة ايرلندي مش فاكرة خالص بكام والله بس مش غالي خالص وهاسأل جوزي برضه هايكون فاكر بكام
وبالنسبة للحمل ماعرفش والله انا الدكتور بتاعي كان بيقوللي كللللله عادي حتي صبغة الشعر هههههه بس انا عن نفسي كنت موسوسة في الموضوع دة ماكنت بحط حتي ميكب وربنا يقومك بالسلامة ان شا الله

OM SIMO;13907088:
يا بنات ازيكم
كنت عايزة اسالكم على احلى نوع للبرجر و السوسيس
, احلى منظف للارضيات???????????????????????

يا جميل بلاش الحاجات دي من بره عشان كلها بتجيب أمراض مفيش أحلي من شغل البيت و منظف الأرضيات أنا بجيب كلينتول من كلوركس