تجمع بنات مصر لشهر ذى الحجه 1431part2

N0rma;13827911:
لا محدش طفش ي حبيبتى دا هما الوقت دا بيبقى اتنين بس الموجودين

بقالي كتير اوي مجتش في الوقت ده يمكن عشان كده اللي مستغربه شويه
المهم سيبك مني انتي اخبارك ايه

الحمدلله تمام هو كان ف حد قبلكم ساكن ف الشقه قبل ماتشتروها؟

لا خالص دي كانت فاضيه علي المحاره

اصل افتكرت حاجه حصلت قبل كدا ف الشقه

بس فعلا شكل حد عامل عمل يا دارى

مش عارفه يانورما والله الموضوع بقي فوق الاحتمال بجد وبدعي ربنا ليل نهار يفك كربي
المهم
معلش ياقلبي صدعت واستاذنك هقوم انا بقي اصحي جوزي عشان ينزل شغله
تصبحي علي خير

وانتى من اهله

هاتصحيه بدرى كدا؟

يادوبك علي مايصلي الفجر في الجامع ويطلع ويفطر يبقي يادوبك يكون في شغله علي 7

ماشي يا قلبى

بيب بيب بيب

انا اعدت اقرا من اول اخر صفحة سيبتها امبارح الساعة 4 وتلت الفجر لحد هنا وبعد ده كله اجي هنا مالئيش حد اعد والائي نفسي لوحدي
يا دارين ماتزعليش نفسك ... وخليكي واثقة ان ربنا شايفك وسامعك مطلع على الي انتي فيه
اقري بنفسك سورة البقرة في البيت كل يوم ... معلش هتاخد منك وقت في الاول لحد ما تتعودي عليها مش هتاخد منك لما تتعودي اكتر من ساعة باذن الله
بس خليكي دايما واثقة بربنا انه هيفك كربك باذن الله

معقول لسة ماحدش جه ... انا هنا من بدري لوحدي
ياللا ماعلينا احب ابلغكم ان اللعنة صابتني هيهيهيهيهي
جوزي سافر من تلت اسابيع نسي في المطار البدل بتاعته وفي مطار المدينة شنطة هدومه اتبدلت فيها كل هدوم شغله وغياراته وشراباته هيهيهيهي
طلع يحج اتسرق منه هناك الف ريال صحابه الي معاه ماحدش بيرد عليه وموبايله كل شوية يفصل شحن اخد تاكسي وماعهوش غير 10 ريال من مكة للمدينة ولما وصل الفندق دفع للتاكسي 3000 ريال وطبعا اشترى هدوم وغيارات بدل الي ضاعوا يعني المكافئة بتاعة المأمورية راحت
انا هنا بئة ممشية نفسي بالعيدية بتاعتي لحد ما جوزي يجي كان معايا 700 جنيه
حطيتهم في كيس صغير كدة وماعهم بطاقتي بدل ما اشيل المحفظة الكبيرة ونزلت ادفع لجوزي فاتورة الموبايل في فرع فودافون الي جنبي وانا راجعة قلت اشتري شوية بقسماط وجبنة وشيكولاته ولبان وكدة هاهاهاهاها ورجعت البيت الفاتورة كانت 160 بس دفعت في السوبر ماركت 21 جنية
الصبح بئة وانا اعدة اقرا الي بيحصل لدارين الباب خبط فتحت لئيت بتاع الغار عايز 7 جنيه بدور في الشنطة مافييييييييش هيهيهيهي الحمد لله ماما كانت لسة جيالي اخدت منها ال 7 جنيه وقلبت البيت والشنطة على الكيس الي فيه الفلوس مافيش وهوب افتكرت اني حطيت البطاقة معاهم
كلمت المحل قالولي ماحدش لئة حاجة نزلت بنفسي واخدت كيس زييه علشان اوريهوله قاللي ماحدش لئة ولا شاف حاجة يا مدام
رحت نقطة الشرطة قالولي لازم في القسم ودلوقتي الساعة 2 ونص مش هتلحقي خليكي لبكرة من 8 ل 2 في القسم وتدفعي 2 جنيه وربع رسوم هيهيهيهي
عشان تاخدي ورقة تقدميها في السجل المدني تطلعي بيها بدل فاقد وعشان ماحدش يلائي البطاقة يعمل بيها حاجة هيهيهيهي من امبارح لبكرة ما الي هيلائيها لو هيعمل مصيبة بيها كان زمانه عملها خلاص ورحت في داهية وبعدي بلد ايه دي الي القسم فيها 6 ساعات بس ونقطة شرطة ايه الي زي قلتها دي
لو جرالي مصيبة بالليل اعمل ايه طيب ... عرفت ساعتها ان اللعنة صابتني انا كمان هيهيهيهي المامورية بتاعة جوزي كان مبصوصله فيها ياخواتي طب ليه وعلى ايه يعني ما هم في الشغل دول سنة ودول السنة الي بعدها يعني الي مارحش السنة دي راح الي قبلها وهيروح السنة الجاية
اهه الفلوس بتاعة المامورية راحت والفلوس الي معايا هنا طارت والحمد لله على كل حال
طب انا كنت عايزة ابعت اجيب كنتاكي او بيتزا هت دلوقتي اعمل ايييييييه

أيه المأٍساويات دي

لا اله الا الله

اهه الحمدلله على كل شيء
قضا اخف من قضا
وشوية مضايقة هياخدوا وقتهم ويروحوا
بس انتم فين بتختفوا ليه كدة

انا جييييييييييييييييييت

نورتى البيت يا سيمو

بيب ربنا يعوض عليكووو وفداكووو

ثوانى يا سيمو وابقى شوفى الجروب بتاع عروس عقبال ماجى

ده نورك يا انوسة

اتلغى من عندي يا انوسة ومكسلة ابعت للبنات

هتصفح في عروس شوية لان بقالي فترة مدخلتش لغاية ما تيجي