أبي أسوي حفلة وأسافر

البارحة قبل لا أرقد قمت أفكر في سالفتج ., :lol: :lol: :lol:

>> طاع الفراغة :-#

لا بس تذكرت إنج قلتي إن الحين الـ 800 حق الحفلة فقط , والسفرة بيكون لها مبلغ ثاني

وقعدت أحسبها بـ مخي ورتبت لج بعض الأفكار ,

على أمل تستفيدين منها :thumbs_up:

وحاولت أقتصد بـ كل شي , على أساس تشمل هـ الـ 800 وبنفس الوقت تطلعين بشي مرضي ومقنع

لأن هذي ليلة العمر

وشي ما بيتكرر

فـ حلو تكونين بـ أجمل صورة

وما تقصرين على نفسج بـ شي

|||

[MARK="#666666"]الحفلة (الصالة)[/MARK]

عندج خيار رخيص + قوي على قولتنا

صالة " البركة " - المصلى

تتسع تقريباً إلى 350 - 400 شخص

يعني بـ صراحة تكفي معازيمكم ..

وهي شاملة الديجي , المسرح , القهوة & الشاي .. إلخ

إيجارها في ليلة عادية بـ 180 دينار .. ليلة إجازة أعتقد توصل 200

فـ أخذيها بـ ليلة عادية أفضل

وقولي البارسلات + العصائر .. خذي إلى 600 - 650 شخص ,

يمكن تكلفج 250 إلى 280

عندج مخبز (التموين للجميع) - (الكوثر) - (المرزوق)

أسعارهم زوينـة :thumbs_up:

|||

[MARK="#666666"]حقج إنتي العروس (فستان , تسريحة , ميك آب , باقة .. إلخ)[/MARK]

- الفستان

تلقين وايد إيجار 120 أو 140

ويكونون فخمين وحلوين وراقين وايد .. بس يبي لج تاخذين لفة عدلة ع المحلات وتكاسرينهم

- الباقة

أكو محلات تسوي لج باقات كشوخية , ورد طبيعي .. بأي لون تبينه

بـ حدود 18 إلى 25 دينار

فـ ماله داعي تسوين صناعي وأكو محلات رخيصة موجودة وشغلها ممتـــــــــــاز

- الحنة

الحين أغلب حناياات البحرين

أسعارهم لا تقل عن 40 إلى 50 دينار

الكل مغلي أسعاره :badly:

بس أكو حنايات يحنون بـ 35 .. ويجون للعروس بيتها

وحناهم لا يعلى عليه

والصور تشهد ,

مثلاً : أم محمود - زينب (المالكية) , زهرة المحاري (عالي) , أم يسرى (سترة)

وفي غيرهم .. بس أنا نسيه .. عندج موضوع " موسوعة الحنة "

- التسريحة & الميك آب

مسببين لج أزمة وقلق ههههههه

لا تخافين :thumbs_up:

ترى الحين الخيارات صارت متعددة ومتنوعة من كثرة الماكيرات عندنا

يعني طبي وتخيري

لا تحكرين روحج بـ ناس معينة

لأن أسمعج تقولين (رقية البحراني) .. ترى أختي هذي شغلها كلش مب شغل عرايس :-o

أسمحي لي !!!!!.. :o

أنا أختي وأمي وخالاتي , راحوا لها كـ عادي في ملجتي

وبصراحة طلعوا ( زيرووووو )

فـ ما بالج عروس ؟!..

شغلها كلش عادي

ومكياجها جيب , لاهو ماركة ولا شي !..

شـ إلي حادج عاد ؟!.. :hysterical:

بقولج خيارات .. وإن شاء الله تكون تناسبج

- شريفة فولاذ (الرفاع)

هـ الإنسانة ماكيرة مبدعة وفنانة وما في منها

أول شي مكياجها كل أبوهم ماركة .. وبودرتها فخمة وثابتة ولا تتغير

وثاني شي ستايلها بـ الميك آب عذاااب

صاير وسط مايل للفاخمة وزاهي ,

مكياجها يقلب الوحدة 360 درجة

أنا رحت لها كـ عادي وسوتني عروس

فما بالج عرايسها ؟!..

هي تحط للعروس بـ 70 أو 100 دينار

بس طبعاً إنتي روحي لها للعادي :biggrin:

ميك آب بو 30 أو بو 40

قولي لها زواج أخوي , أو زواج أختي .. وأبي اطلع احلى وحدة بـ العرس

>> ولا يفوتج هـ الكذبة الحين ناس وايد قاموا يسونها

وشوفيها شلون بتتفنن وبتبدع فيج

وشوفي شغلها قبل لا تحجزينها وتآكدي !!!..

وعندج بعد كـ خيار ثاني ,

- الماكيرة (فاطمة بستكي)

هذي الله يسلمج تمكيج العروس بـ 45 دينار

بعد مكياجها ماركات وشغل عدل

بس ستايلها بـ الميك آب ثقيـل ,

بس مو تصبغ وصف ألوان

حسب ما سمعت إنها فنانة ومبدعة صج ثقيـل

بس شي مرتب مو خرابيط وجلتر في الوجه :thumbs_down:

وشوفي بعد بنفسج شغلها وأحكمي ,

- الماكيرة + الكوافيرة ( صابرين الذواذي )

هذي الله يسلمج تشتغل بروحها في بيتها

تسوي شعر وفي نفس الوقت تسوي مكياج

طبعاً مكياجها ماركات , وشغلها ممتاز ولا يعلى عليه

روحي لها كـ عادي

ميك آب بو 30 أو 40

والشعر يمكن يكلفج 30 ,

وأستخدمي الكذبة البيضا إلي قلتها لج ههههههه

ومنهووووو بعد ؟!..

حالياً هاي إلي في بالي :D

- التسريحة

أكو وايد كوافيرات مبدعات .. فنانات

يشتغلون بـ البيت

شغلهم نظيف وحلو وايد

وعادي يسون لج تسريحة عروس بـ 30 أو 40 دينار

وتكون تسريحة عروس بكل معنى الكلمة .. مب أي كلام ,

وشغلهم ممتاز شويه عليه

مثلاً : اميرة العريبي (توبلي) , فاطمة حجير (بوري) , سعاد (سار)

|||

- الدبلة + المضاعد

شوفي بقولج حبوبة

الذهب الحين ما يسوى

ولو خذيتيه ما أستفدتي لأنه سعره مولع نار :(

وسعره ماله علاقة بـ المواسم خيه

يعني بيرخص في محرم وصفر وبيغلى في ربيع !..

لا !!..

سعر الذهب زاد وغلى من الآزمة الإقتصادية العالمية :hysterical:

قبل سنتين كان سعر غرام الذهب 7 أو 8

والحين موصل إلى 14 - 16 دينار

ولو فكر ينزل بينزل لج حد 12 أو 11 بسسسس

ما بينزل زود

وكل محلات الذهب لو تروحين لها

بيآكدون لج إن ماكو امل ينزل , إلا بقدرة قادر :lol:

لأن صار له سنتين هاي حالته , ما أعتقد بينزل في شهر أو شهرين :study:

فـ أكتفي بـ الدبلة حالياً

لأنها المهمة ,

والمضاعد .. يمكن في المستقبل

تاخذين لج كرسي جابر بعد , مو بس مضاعد

حالياً ( الجود بـ الموجود )

|||

طبعاً مب حلوة كـ عروس يوم عرسج بـ الفستان والكشخة تكونين خالية

أغلبية العرايس الحين يلبسون أطقم كريستال مع الفستان الأبيض

في البحرين إن شفتي واحد كشخة وحده راهي بـ 50 وما فوق

لكن!..

روحي السعودية

على آفه من يشيل على قولتهم هههههههههههه :lol: :lol:

25 إلى 30 دينار

تاخذين لج طقم فخم وراقي ولمعته قوية

وإذا تبين ناعم بتحصلين وبأسعار أقل وايد :thumbs_up: :thumbs_up:

|||

يبقى عليج أغراضج كـ عروس

(بيجامات بيت , بيجامات نوم , ملابس داخلية , ثياب , شنط , عطورات .. إلخ )

أغلبية هـ الأغراض تلقينها بـ السعودية

وبسعر أقل من النص .. عندنا في البحرين

يعني روحي السعودية وشيليها لج , :D

وشرط ما توصل لج 100 دينار حتى ( أقصد البيجامات + بيجامات النوم , الملابس الداخلية + العطورات )

لأن هناك كل شي متوفر وبأرخص الأسعار

والحين بعد جاي موسم صفر + محرم + نهاية السنة الميلاديـة

معروف إن كل أسواقنا .. المجمعات

تسوي تخفيضات جنونية توصل 90%

فـ أستغلي الفرصة وتسوقي

شوي من هني , شويه من هناك

ولا تاخذين لج أشياءات وايد نصييييييييييييييحة :-#

يعني خذي خفايف وأساسيات

لأن في العرس

أولاً : بتجيج هدايا شكثر !!!!..

ثانياً : لو سافرتي راح تشترين وما بتقصرين

ثالثاً : إن شاء الله بتحملين وجسمج بيتغير وايد بـ الكروشـة ونص هـ إلي شريتيه بيصير ما منه فايدة

لا تكثرين ,

يعني من كل شي خذي 4 إلى 6 قطع فقط

:thumbs_up:

|||

وهاي ترتيبي لج بـ شكل عام .,

تقريباً بيصك الـ 1000 دينار

وإنتي حالياً عندج 800

يعني لازم .. لازم

بتحصلين مساعدات من أهلج , زوجج

مب معقولة كل شي بيكون على راسج بـ روحج

والله ييسر كل امورج ويتمم لج على خير F: