واحد متقدملي..واحتاج مشورتكم؟

السلام عليكم ورحمة الله وبركاته

الولد يسير ولد صحبت ماما العزيزة عليها زي اختها كل طلعاتهم وروحاتهم مع بعض
امو حابتني .. وهو كمان ..
بس المشكلة امو مخوفتني من تعاملها مع بنت ولدها .. احس انها ماتحب اي تصرف هي تسويه ودايمن تشكي عنها والسبب انها تغااار منها عشان زوجها يدلعها ..
وهي طيبة بس حساااسة وغيورة وتزعل من اقل حاجة .. واحس ماحاد راحتي معاها لو اتزوجت ولدها ..
هي و ولدها دايمن في مضاربات ..
ولدها عصبي وحساس
.. واحلى شي فيه مهندس والولد شكله عاااجبنيييي..
و مالو بطلعات والندرات ويحب البيت والدراسة والنوم والنت .. زيي يعني .. احس اباااه بس مترددة ..


وفي واحد تاني بس يقربلي ودااشر يحب الطلعات ومتعرف على بناات كثاار و مهندس و كان يحب بنت تقربلنا و انا كنت احبه من طفووولتي كلها فلمن اشوفه اتزكر اني كنت اتمنااه .. واحيانا افكر انو مستحيل اتزوج غيره رغم انه مو عاجبني .. والولد دحين سار يريدني ..


والشي الاخير امي وبابا احسها تتمنالي من الطبقات الالمعية .. وانا يهمني شوية رضاهم في الزوج ..



ايش رأيكم في الموضوع ؟

ابى استقر على قرار بس احس في اشياء تشوشني