ابا اجابات لاسئلتي بعد القيصريه

الحمدالله على سلامتك اختي انا سمعت ان العمليه تطيب بعد شهر ونص تقريبا وانصحك تسويلك منقوووع للمرة يعني كميه من ماء الصحة مع قليل من المر المطحوووون حطيه في قارورة وحطي على الجرح

اما عن الكرش تقدرين بعد فترة تسوين تمااارين رياضيه

وردة الشعر
مشكورة اختي عالنصيحه

ما عندي خيرة
الحمدلله على سلامتك
و حابة اعرف منك هل القيصرية مؤلمة او عادي و شو المضاعفات اللي بتحسي فيها اول ما تصحي من القيصرية ؟؟؟

~▌♥ الثلجة♥البيضاء♥▐~;13722033:
ما عندي خيرة
الحمدلله على سلامتك
و حابة اعرف منك هل القيصرية مؤلمة او عادي و شو المضاعفات اللي بتحسي فيها اول ما تصحي من القيصرية ؟؟؟

افضل اني اربي طبيعي خمس مرات ولا قيصريه مرة وحدة
وبعد ما تصحي من البنج وتبداي تتحركين مثلا انج تحاولي تيلسين او تسيري الحمام عزج الله بتحسين بالالم مكان العمليه

هلا حبيبتي

اولا الحمد لله على السلامة ومبروك ماجاكم ويتربون في عزكم


اما بخصوص العملية .. طبعا الجرح الخارجي راح يتحسن ويلتأم خلال 10 ايام الى اسبوعين بالكثير
اما جرح الرحم الداخلي .. يطول شوي .. لانه الررحم يكون مخيط خلال 7 طبقات فياخذ تقريبا شهر او اقل بشوي لما يلتأم
..

ولاتخلين العملية تأثر على نفسيتش ابدا لأانه كل ماتكونين مرتاحة ونفسيتش مرتاحة وترضعين طبيعي يلتأم الجرح ببسرعة
وتتخلصين من الالم

اما بخصوص ترهل الكرشة لازم اول الايام تحسين بهالشعور وخصوصا انه الحركة تكون ثقيلة وصعبة في البداية

لكن مع تقدم الشهور والتام الجرح تقدرين تبدأين في التمارين الرياضية والرجيمات الخفيفة عشان يرجع الجسم مثل قبل


والحمد لله علة السلامة

افضل اني اربي طبيعي خمس مرات ولا قيصريه مرة وحدة
وبعد ما تصحي من البنج وتبداي تتحركين مثلا انج تحاولي تيلسين او تسيري الحمام عزج الله بتحسين بالالم مكان العمليه

الف سلامة عليكي و ان شاء الله في الحمل التاني تولدي طبيعي و يبعد عنك مشاكل الحمل و العمليات يا رب
انا كمان كم يوم بفوت بالتامن و رأس البيبي فوق و قالتلي الدكتورة ازا بيضل الرأس فوق رح نعملك قيصرية
وانا والله خايفة كتير كتير
و الله احيانا بكون قاعدة لحالي و بقعد ابكي من الخوف
و لكن لسا عندي امل
ان شاءالله البيبي يصير راسو تحت ياااااارب
واللي الله كاتبو رح اشوفو

الكرش ياخذ له فتره علما يصغر وينشد ,, وطبعاً هذا يبي له رياضــه وفتره من الزمن
والجرح أهم شي يكون جاف , يعني بعد السبوح أو تطهير الجرح أهم شي تجففينــه
وفي كريمات تقدرين تستخدمينهــا تساعد أكثر على إلتآم الجرح
اني المستشفى عطونــي ميبو كريم وأسمع الكل يمدحــه
يعني اللي والده بعمليه أو طبيعي يعطونهــا إياه لأنه يساعد الجرح على الإلتــآم
والرضاعه الطبيعيه تساعد بعد ,, وعليج بالحركه والمشي
يعني حاولي تتمشين في البيت أدري مؤلم لكن القعده الكثيره كلش مو زينــه

بتروح اذا كملوا البيبيات 6 شهور بتشوفينها تختفي شهر ورا شهر اول ماتجي الدوره

انا اول ولاده لي جذي قامت تختفي يوم كمل ولدي ست شهور بدون مااسوي رياضه ولا شي اذا اول ولاده لاتخافين بتروح

الثانيه تتم شوي الثالثه ماتروح الا بالغصب

انا والده بعمليات

بارك الله فيكم خواتي ما قصرتوا كفيتوا ووفيتوا
ان شا الله راح اهتم بنفسي وبسوي رياضه عقب ست شهور ان شا الله عشان تخف الكرشه
بس انا خايفه زوجي ينصدم من شكل كرشتي بعد الاربعين