زوجي راح انتداب للحج بدون رضاي وللمرة الثانية

السلام عليكم ورحمة اله وبركاته

مرحبابكم جميع يالغاليات انا مسجلة من فترة بس بصمت مالي الا قريب بديت اشارك في الردود المهم غالياتي

عندي مشكله راح اقولها لكم لاني بصراحه تلخبطت موازيني وما عدت اعرف انا صح ولا غلط ولا كلنا غلطانين

بصراحة زوجي وباختصار ما يهتم بزعلي الاختصاصيين يقولون ان الرجال يعبرون عن حبهم بالافعال زوجي عكس الناس مابقى كلمه الا وقالها احبك اوت فيك ومن هالسواليف

بس الافعاااااال عدم مايقصر بس على مزاجه هو في البدايه كلللللل شي يلبيه لي لكن زعلي مايهتم فيه يعني اذا قلتله لاتسوي كذا يضايقني انك تسوي كذا مايهتم ويبرر بشي ثاني ومن بدايه زواجنا كذا

مع العلم اني ما اضغط عليه في شي مايقدر عليه كل اللي اطلبه شي يقدر عليه

مثال عندكم انتدابه للحج اولا باختياره مو ملزوم يروح يعني ان بغا قدم وبعدين تجي الموافقه يعني بيده مو الزامي

ثانيا ماهو مستفيد شي لاشهاده تفيده في شي ولا شي بس على قوله خبره والمكافاه اللي يعطونهم ماتجي حتى ربع الراتب يعني مو ذاك الشي اللي يخليه يصر سوى عناد وبس اوشي ثاني يفوق تصوراتي

السنة اللي فاتت قلتله هذا اول عيد اضحى وانا حامل خلك لاتروح قال لا ومادري ايش وراح وانا قعدت عند اهلي ومشيت الموضوووووع عاااادي مع اني محروقه لاني قلتله بزعل قال لاتكبرين السالفة ومدري ايش

السنه هذي والله ياجماعة اني من يوم مارجع من المرة الي فاتت وانا اقوله لاتروح السنه الجايه الله يخليك لاتخليني بروحي انا وولدك قال من دحين حتى بعدين يسير خير الله العالم ايش يصير وجا وقت التقديم وقدم ورشحوه وراح وانا والله زعلانه حتى مارضيت ارجع معة للبيت مع العلم بيتنا احترق في رمضان اهله اعطونا شقة في بيتهم قاعدين نعدل فيها يعني عمال وكركبه

قعدت عند اهلي فتره وارجع عنده فتره زي كذا كمان انا متضايقة من روحته للحج قلت اقعد اريح عند اهلي ومابغيت اجي قبل لا يسافر بس زعل وليش ومادري ايش فقلت لايسافر وهو زعلان علي بعدين يصير فيني اوفيه شي وما ادخل الجنه

رجعت بدون نفس قسم بالله يضمني وانا كااااارهة حضنه من كثر زعلي احبه ما اقول لا واموت فيه بس حاسة نفسي زعلانه لدرجة اني ما ابغى ابين له مشاعري الصادقة

الحين انا مشتاقة وولهانه عليه والله اني اقعد ابكي في الحمام اعزكم الله ما ابغى احد يشوفني ويقوله اني ولهانه عليه ولده تعب وسخن وقعدت ابكي وماصدقت ويقوم بالسلامه

اذا اتصل وطبعا اذا لانه مع شغله هناك مايلقى فرصه على قوله بس اخوه ماشاء الله على طول يكلم امه الي هي عمتي وهو ولا شي مع ان اخوه ماسك رئاسة قسم يعني كرف صدق وهو ممرض عادي

اذا اتصل ارد عليه عادي بس ببرود اتحجج بان حولي احد وما اتصل عليه كثير بس اوله عليه قولولي ايش اسوي ازعل ولا امشي ولا كيف واذا جا اشلون استقبله الله يرضى عليكم ساعدوني