أنتم الصديقات اللي صفا لي ودادهم وانتم العزيزات اللي لهم القلب يرتاح>> ربات منزل

wafa_redrose;14043126:
برنسس مون نورتي وقريت ردك عن عشاءك مرارا وتكرارا خخخ تقوطرت زعابيلي على انه عشا سريع هههه وموفقة في امتحاناتك وايش تخصصك ؟؟
..

..R O S E..;14037286:
دانة..الحمد لله..الله يخليكم لبعض..ويبعد عنكم عين الحاسدين..

ويرزقكم من حيث لا تحتسبون..

!!!

جوهره القصر;14037510:
دانه
الحمد لله. الله يوفقكم ويستر عليكم ويبعد عنكم عيون الحساد

بناتي زهرة حياتي;14037718:
معاكي ياروز قلب وقالب فعلا الرجل مايعرف يعبر عن مشاعره كثر المراءة مرات أقول في بالي زوجي مو رومانسي كثير بس أتذكر مواقف ماعبر فيها بالكلام بس بالتصرف أول بلمسة أوحتي بنظرةوأقول يكيفني منه هالتصرف معايا
دانة ربي يسعدك مع زوجك وفعلا العين حق ومن زمان كتبت للبنات أني عانيت من العين ودخلت في متاهة لكن الحمد الله ألزمت قراءة الرقية الشرعية وقراءة سورة البقرة
شذى سلامتك ياأختي

ابتسامة بدلع;14037809:
دانه
الله يبشرك بالخير والله فرحت لك من قلب لأني جربت مواقف مشابهه
وأكيد البنات فاكرينها وكلامك عن العين معاك حق 100%:thumbs_up::thumbs_up:
والله يخليكم لبعض

المهم يابنات أنا فقدة دانة ألم وكوامـــن وحبيبة زوجها ووفاء

روحــــــ تحبك ـــــــي;14038381:

السلام عليكم،،

دانة: لا إله إلا الله ، الحمد لله على رجعتكم ، والله يخليكم لبعض ويحفظكم من كل شر يارب ومن كل عين ومن كل حسد ، وصح كلام البنات ، الواحد لما يكون متضايق ومعصب ما يوصل لنتيجة أبداً ، أنا مجربه هذا الشي ، وإذا على حكاية الحمل ترى أنا زيك كنت أبكي وأزعل من كلام الناس ، بس كان يقولي زوجي مالك دخل في أحد ، دام إحنا سليمين الحمد لله ، إسمعي من إذن وطلعي من الثانية.

u_me;14038576:



دانه ::

الحمدلله والله يبعد عنا وعنكم عيون الحساد

عطر كوكو;14040503:
مساء الخير

وجونة / الله يصلح اللي بينكم ويهديكم

مها / بالعافية شرب القهوة


رجعت البارح اخر الليل

.........................

يارب اشفيه وقومه بالسلامة

خلود ريح العود;14040552:

السلام عليكم ,,

مساء الخير ,,

دانة قلبه ,,

ياربي لك الحمد والشكر ,,والله فرحت لك من قلبي ,,

تصدقين لساني إنربط يوم قريت كلامك عن المشكله ,,

ماقدرت اقول شي ,,والبنات الله يجزاهم خير ماقصروا ,,

والله خنقتني العبره وفرحت يوم قلتي مشكلتكم خلصت ,,

وبعدين وش هالكلام ,,أنتحر ومدري وشو ,,وين إيمانك بربي ,,

توك ماشاء الله صغيره وربي مابعد كتب إنه يجيك عيال ,,

بتعترضين على قضاءه ,,؟؟؟

وكلام الناس ماراح تسلمين منه في كل الحالات ,,

اللي تحمل على طول يقولون مابعد أمداها ,,واللي تتأخر يقولون وش فيها ,,واللي تكثر عيال وتجيبهم ورى بعض

يتريقون عليها ,,أو يرحمونها ويشفقون عليها وهم كذابين !!!!!

إنتي أكبر وأعقل من هالكلام ,,

وبعدين الرجال يحب زوجته تشجعه على طموحاته ,,

وش فيها إذا فكر يسافر ويشوف رزقه ,,

الله سبحانه قال <<فامشوا في مناكبها >>

الله يسخركم لبعض ويولف بينكم ,,

ويرزقكم وكل من أراد بالذريه الصالحه السليمه عاجلا ياحي يا قيوم ,,

مها ,,

هههههههههههههههههههههههههههههههههه

عاشوا عاشوا ,,

بالعافيه القهوه ,,بس تعالي شلون تقولين طعم الكزبره ,,؟؟؟!!!!

لايكون معها كزبره ؟؟؟

قهوتنا مافيها كزبره ,,هيل وزعفران وحليب وبس ,,

وفيه ناس يحطون قرنفل ونانخه وزنجبيل ,,

شذى ,,

سلامتك ماتشوفين شر ,,لاتهملين نفسك ,,

روحي للمستشفى تطمني أكثر ’’

,,,,,,,,,,,,,,,,,,,,,,,,,,,,,,,,,,,,,,

يومياتي ,,

أمس ,,

كنت نايمه عند أهلي الإربعاء ,,

أصبحنا على الخميس وقوموني عيالي 10 ونص ,,

فطرتهم ,,ولقيت أختي السنعه مصلحه حنيني ,,

قاموا أهلي 11 ,,تقهوينا وأفطرنا الحنيني ,,

الساعه 2 ,,حممت بناتي ولبستهم وإستشورت شعورهم ,,

وأنا تحممت ولبست وجعدت شعري <<أستخدم بديل الزيت من بانتين ,,رهيب للتجعيد ,,

جهزوا أهلي بعد صلاة العصر ’,,

ورحنا لخوالي العصر <بيت خالي اللي عنده جدتي

,,أخذنا معنا معجنات مصلحينها ,,ومرينا محل حلويات أخذنا حلى ,,

تقهوينا عندهم وإنبسطنا ,,

وبعد صلاة العشاء مرني زوجي ورحنا لأهله ,,أخته معشيتنا عند أهلها ,,

وبعد العشاء ,,شغلوا خواته طق ,,وقعدنا نرقص ,,

وطلعت طاقات كانت مكبوته فيني ,,

رقصت رقصت اليييييييين تعبت وكفخت من الحر ,,

طلعنا من عندهم 2 الفجر ,,وصلنا البيت,,وحسيت سوسو تعبانه ,,

قست حرارتها صارت 39 ,,

وأعطيها تحميله وأكمدها ,,ونامت ,,

وبس

mss جالكسي;14042129:

هلا جوجو
انا باقي لي اسبوع وادخل السادس الله يتمم على خير
ـــــــــــــــــــــــــــ
بعد ردي اليوم اذن العصر وصليت وبديت بالغداء سويت شوربة المحار واخيرااا سويتها
بس طلع طعمها حلووووووووووو ماتوقعتها كذا وصينيه سمك ورز ابيض وسلطة كنتاكي
وغسلت مواعيني وشطبت مطبخي المغرب على العشاء وغسلت دفعة غسيل
وارتحت شوي وبعدين فرزت سلة الكوي بس فرز خخخخخخخ
وسويت كيكه شذا الورد تذكرينهااااااا اللي صورتيها لنا وحاطه فوقها صوص الشوكلاته اللي اخترعتيه حافظتها من زماااااااااااااااااااان ومن يومها اعتمدتها
وانتظر الكيكه تزين مع الشاهي وبس
اليوم غدانا اخر العصر على المغرب لذلك عشانا خفايف

عروس نجدية;14042131:

مساكم ورد ياحلوين

ماشاء الله عجزت ألحق ع الردود واليوميات
المهم
ابشركم بنتي خفت شوي بس للحين معها حساسية الصدر وتسنن شفتوا الحظ مرررررره متعبتني الله يصلحها
وابشركم شيء ثاني بيتنا لقينا واحد يبي ياخذه مع المكيفات والمطبخ بس بنأخذ الفرش لاننا اصلا محتاجينه بشقتي اللي فوق اهل زوجي

وفاء
مشكوره على سؤالك والحمدلله على كل حال زوج صديقتي على حاله واكتشفت ان عنده كسر بالعمرد الفقري تتوقعون يقدر بعدين يمشي والا وش راح يصيرله بعد مشيئة الله
عاد انا كلمت ممرضه تشتغل بنفس المستشفى وقالت انه حرك يده ورجله وتطمنت الحمدلله بس للحين غايب عن الوعي
الله يشفيه

ماعندي يوميات لاني قضيته بالسفر من اهلي لبيتي :)

دانه بقلبه
قريت مشكلتك وضاقت فيني الدنيا بس لما قريت انكم الحمدلله تصافيتوا فرحت لك من قلب
الله يرزقك الذريه الصالحه يارب ويكفيك شر الحسد
عاد اسأليني انا عن العين
وش خلاني اترك دراستي الا العين حسبي الله على من كان السبب :(

البارح بغرفتي اللي عند اهلي جلست افتش بأوراق الجامعه وضاق صدري مرررره الله المستعان

الباقين وحشتوني كلكم

بروح اكمل روايتي البنات زعلانين لاني غبت عنهم ومانزلت بارتات جديده :(

انثى ذوق;14042312:
تعبانه ورجع النزيف والطلوق وانا من امس ماتحركت من سريري
اكتب من الجوال عجزانه اجيب الاب
وجونه الحمد لله انحلت مشكلتك ضاااق صدري عليك

همس28;14042368:
مسااااكم سكر ياسكاكر صايره زي وفاء مافضى ادخل اقرا احيانا واطلع سريع
بس يومياتي سريع اهمها قبل انوثه الله يرزقك الطفل السليم المعافي وييسر حملك والف الف مبروك :L:
ابشركم قلعت الشغاله وارتحت راحه مابعدها يارب لك الحمد البيت احس فيه بركه قلعتها ومسيطره ع الوضع الحمدلله كل شي اول باول عسى دووووم:thumbs_up:
سارونه ان شاء الله احسن من اول يارب بس يابنات صغنونه مرررررره ماكنها شهرين لقمه اش سوي وتدغبج شوي 0 يعني تسمن؟:L:
دانه قلبه عورني قلبي عليك لكن الحمد لله انها استقرت الامور وجعلها اخر المشاكل يارب وترى حلوه احيانا تقربكم من بعض وملح الحياهF:
ام سارونه كانت هنا

احبك الهي;14045509:
مالي نفس اكتب يومياتي تعبااانه حيل من ضرسي وملتهب ومااقدر اخلعه لين يخف الالتهاب الله يعين على وجع الاسنان

بنتي تعبانه عندها ترجيع وانتو بكرامه مو وقتها بالمررره

دعواتكم لي

جداويآ يا ابويآ;14046076:

عروس نجديه
اعتقد اني قلت لك من فتره ليش ما تروحين تسكنين معاه!!
تتذكرين؟ و اللحين انا اقولك طالما طلبك يبقى هو محتاجلك جنبه
و لاااااااااااااازم و يجب عليك انك تروحين معاه الفراغ للرجال مو حلو
و البعد بين الزوجين سيء سيء جدا سيء لابعد حد و على قولة
المثل البعيد عن العين بعيد عن القلب و انا اشد عليكي و اقول روحي
لاني اول سنه من زواجي كنت عند اهلي بحكم دراستي يجي ياخذني
الاربعاء و يرجعني الجمعه و بصراحه كانت اسوأ سنه من زواجنا لانه
مافيها استقرار ابداااااااااااااااااااا غير اني كنت حامل فتخيلي الوضع!!
و اكرر جهزي نفسك و لازم تروحين معاه..