السلام عليكم ..
أمس.. نمت عند أهلي وصحيت اليوم 12 ,,وقعدت أغير لعيالي وأفطرهم ,,
وكنت أنتظر أمي وخواتي يخلصون صلاة عشان نتقهوى ’’بس دق زوجي قال انا في الطريق ,,<<جاي من المخيم
أخذت لي فنجال قهوه وتمره وانا واقفه ,,جهزت شنطة عيالي ورحنا للبيت ,,
صلحت قهوه وتقهوينا ودخل زوجي يقيل وأنا بديت بالغداء كبسة لحم بيضاء ,,
بعد صلاة العصر تغدينا ,,وبعده أخذت لي شاور محترم ,,
دهنت بزيت زيتون كل جسمي وفركت بليمون وغسلته,,
وفركت بمقشر المشمش وشطفته وغسلت شعري ,,
وبعد المغرب لبست عيالي ولبست وطلعنا للسوق ,,
أرجع فستان كنت شاريته أمس وطلع ضيق :01:
خلصنا قبل العشاء ,,وكنا مارين الشارع اللي فيه مستشفى جدتي ,,قلت له مازرت جدتي <<تصير جدته بعد ,,من دخلت الأسبوع اللي راح ,,قال اجل نزورها ألحين ,,
دخلنا عليها وكانت أمي فيه ,,وجاء خالي وقعدنا نسولف وجدتي تناظرنا مبسوطه ,,وتعطي عيالي تمر وعصير ,,يارب ترحمها وتجعل مااصابها تكفير وتطهير ,,
طلعنا من عندها ورحنا لخالي ابو زوجي وقعدت أسولف مع عمات عيالي عن الزواره وتجهيزاتهم فيها ,,وقعدنا عندهم الين 11 وطلعنا أخذنا ساندويتشات فلافل ورجعنا للبيت ,,
,,,,,,,,,,,,,,,,,,,,,,,,,,,,,,,,,,,,,,,
بكره بإذن الله راح يكون اليوم العالمي للغسيل ,, ياربي الشتاء ملابسه ماتخلص ,,
,,,,,,,,,,,,,,,,,,,,,,,,,,,,,,,,,,,,,,,,,,
أنثى ,,
بسم الله عليك سلامتك ,,إن شاء الله خير ,,لاتنسين الرقيه ,,ذوبي نشاء في مويه وإشربيه تراه زين للنزيف ,,
رايقه ,,
أبشرك رجيلي طيب ومافيه إلا العافيه الحين ,,بس قاهرني يقول شكلي بكمل أسبوعين وأكسر الجبس مليت منه ,,:036:؟؟؟!!!!!
حبيبه زوجها ,,
الله يهون عليك وتبشرينا بسلامتك وسلامة جنينك ,,وصورة العشاء يدوخ ,,نقطة ضعفي البرياني ,,أمووووت عليه ,,
بناتي زهرة حياتي ,,
أنا جاني ضيقة صدر هالسنه صرت أشتري أكبر من مقاسي اللي قبل ,,وامس زات رقم بعد ,,فيه عندي مشروع كرشه مضيق خلقي ,,
روز ,,
إذا طريتي الثلج تجيني حاله ميب طبيعيه ,,أصير ودي آكل ثلج ,,
ننتظر الصور ,,
