أنتم الصديقات اللي صفا لي ودادهم وانتم العزيزات اللي لهم القلب يرتاح>> ربات منزل

مساااااء الورد
كيفكم حبايبي؟؟
دانة ألم: الله يقوم أمك بالسلامه والله يخليها لكم..
مها: سلامتك ماتشوفي شر..
خلود:

سلام
وحشتوني
يومياتي لا جديد يذكر ..قاعدة نرتب شوي شوي لان النقل قريب ان شاء الله
دعواتكم لي ربي يقويني ..
دانة حبيبتي سلامة الماما لا تنسي تطمنينا عليها ..
..
باقي البنات الجدد نورتو ..وقواكم الله ..
على ذكر قواكم الله فقدنا الحبوبة ام الاقمار ..لها وحشة هي واقمارها والله

مساء الخير..

بناتي زهرة حياتي.. كل حارة لها عيادة ويكون فيها طبيب عام..او طبيبة عامة..

وعيادة حارتنا ما فيها الا طبيب..

وفاء..الله يقويك.. وجعله منزل مبارك..

________________

يومياتي..

قمت الصبح و خذت البنات عالمدرسة..

ورجعت مع الصغيرة وخشيمها الاحمر..

افطرت وتفرجت عالـTV.. من زمااان ماتفرجت على مسلسلاتي!!!

وقعدت بين تسدح وتبطح..وكروشيه ونت..

بعدين تلفت حولي ولقيت كل شي يناديني..

قمت رقيت لغرفتي ورتبت السرير..

ودخلت غرفة بناتي رتبت السراير..و كنت امس كانستها.. بس رتبت وخذت الغسيل ونزلت..

لقيت الصغيرةحايسة الصالة زود على حوستها..

و طايح بنص الصالة رف الشواية اللي له شهر وهو ينتظر احد يلم شمله بالشوايةاللي بالقراج..

قمت خذته ولبست بالطوي الصوف وطلعت للقراج..

وكان الجو شبه مشمس.. والسماء طالعة<<بغيت انسى لونها!!!
الثلاثاء

8° | 4°

فقلت يا بنت نظفي الساحة الامامية..فرصة..

وكان فيه حفرة دايم اغرز فيها اذا طلعت بالعربية الصبح!!!!

فقمت اخذت من الكنكري اللي بالباركينق..وكبيته فيها ليين ظبط..

اخيراسويت هالمهمة اللي من جيت وانا بسويها!!!!

ولميت اوراق الشجر وكنست القراج.. وقعدت اناظر النشاف اللي فيه..

اللي ساكن قبلنا يقول انها خربانه..فما تعنينا ندخلها..

هداني الله وشبكتها بالكهرب.. و اشتاااااااغلت:biggrin::027:

بكرة ان شاء الله بنظفها وادخلها ان كانها خفيفة..

المهم..قامت عيوني تدمع من البرد..ودخلت..لقيت الصغيرة متنحه عند الـTV..

مدري وش بسوي من دونه!!!ظافها عني الله يصلحها..

كنت قبل اطلع حاطه دفعة غسيل بالغسالة.. طلعته ونشرته..

بعد ما نظفت العفن اللي تجمع على الجدار اللي انشر عنده..

فتحت الشبابيك عليه..و غسلت المواعييين..ورتبت المطبخ ومسحت الكاونتر..

ومسحت الارض..وحطيت الجزم تكرمون بكرتون يظفهم.. وشبيت الفواحة..

ولقيت بنتي نايمة..ريحت خمس دقايق..

ثم لبست عباتي ولبست بنتي كوتها وطلعنا للمدرسة..

وما غرزت هالمرة :thumbs_up:..وه يالله من فظلك..

جبت بناتي ورجعنا للبيت وانا ما اقوا من ظهري..

انبطحت وخليت بنتي توطيني..وارتحت شوي..

قمت سويت لهن فش فنقر وبطاطس مشوية..

وكنت مطلعة دجاجة تذوب..

قطعتها وتبلتها..<<الليلة ان شاء الله بسوي تشكن تكا مسلا..

الحين بقوم اغسل مواعين سناك بناتي..

واركب على قهوة..ثم ابدا بالعشى..

قطو..

روز أنتي مرة ذكرتي تلمعي مراية الحمام برغوة الحلاقة انا لمعتها وتلعوزت الدنيا عندي بعدين مسحتها بفوطة عادية ممكن لمعتها بالطريقة الخطاء!!!! ياريت توضحلي ....

صباح الخير..

بناتي زهرة حياتي..رغوة الحلاقة تحطين نقطة صغيييرة..

وتمسحين..وتمسحين ..وتمسحيييييين لين تنظف..

ماراح تكون تلمع مثل لما تنظفينها بملمع الزجاج..

لكن بعد ما تتروشين بماء دافي و الحمام مليان بخرا..تقدرين تشوفين نفسك بالمراية..

انا اسويها عشان زوجي اذا بغى يحلق بعد الشاور..

_____________________

يومياتي..

البارح..سويت العشى وقصرت عليه انتظر زوجي..

وقعدت عالمسن وسولفت مع وحدة عزيزة علي ومن زمااااااان ما سولفت معها..

جا زوجي وتعشينا..ظفيت السفرة وكنست ولمعت وغسلت المواعين..

ونامت لولو والكبيرة منسدحة ..والصغيرة عطيتها رضعة و حطيتها بسريرها..

ورحت لحمامي -تكرمون- وفتحت الموية الحارة بالبانيو..<<ظهري له يومين يوجعني!!شكلي منمشعة..

ونزلت ارتب الصالة..ابي اذا قمت القى كل شي مرتب..مو اشغال تنتظرني من الصبح!!!

وبنتي الصغيرة قامت تنادي وتصوت..مااااماااا...مااااماااا..باااابااا..

وانا سافهتها.. دخلت الحمام اعدل من درجة حرارة الموية وطلعت لبنتي اشوف وش سالفتها..

ولقيتها يااااابعد عمري وقفة..وعليها شي ...........<<طلعت مستفرغة وهي منسدحة

واشيلها وعالحمام ترويش سريع..وهي تننننننتفظ..يااابعد قلبي..

جامعه يدياتها عند رقبتها وترتجف..وما بكت <<ما فيها حيل..

وبسرعه لفيتها بالمنشفة وظميتها وفركتها ولبستها..وقعدت اغير مفرشها..

وهي راحت لأبوها تشتكي له الحال خخخخ يا حياتي..

بعدين جففت شعرها وحطيتها بسريرها وغطيتها ونامت نوم العوافي..

وانا رحت لحمامي ولقيت مويتي فترت!! تمددت فيها و شغلت الحار ..

وسويت لجسمي صنفرة..ثم تروشت وطلعت.. دهنت جسمي ولبست بجامتي ونمممت..

واليوم..قمت وقومت بناتي.ولولو راااافظه انها تقوم الله يصلحها!!!

وبالغصب قامت وافطرت ولبست..

وطلعنا للمدرسة متأخرين<<مالجديد؟!!!!

وقعدت تبكي ما تبي تدخل..مدري شجاها!!!! كانت تبكي اذا ما راحت..والحين ماعاد تبيها!!!

خذوها المدرسات وكلموها ولعبوها وسكتت..

وانا رجعت للبيت مع بطتي..

افطرت..وبطبوطتي عطيتها رضعة..

وقعدت عالنت..ولا ازال قاعدة..


وبنتي حسها تحووووس فوق..بقوم اشوف وش مهببه..وابدأ اظف..

قطو..

[BACKGROUND="70 http://img25.imageshack.us/img25/9430/spvintagefloralspapersgc.jpg"]

المهلة المخصصة لغرفكم خلصت..

يا ترا الكل انجز؟!!!!

لا تفوتين على نفسك وسام مكتوب عليه اسمك..


طيب..

الحين جا دور الغرفة اللي بعدها..

غرفة نوم الاطفال..

واللي ماعندها اخذها راحة واسترخاء..

راح اخصص لهذي المهمة ثلاثة ايام..

مستعدين؟ 3..2..1 :096:
[/BACKGROUND]

http://go.3roos.com/lsxhuvlebg7

حبيبة زوجها.. الكتمة والحر..هو اللي يخلي الملابس تصفر وتبقع..

انا دايم اخزن ملابس بناتي بشنط خاصة للتخزين من ايكيا..

واحطها تحت السرير..يعني ما يجيها حر..

ولما كثرت الخلاقين حطيتهن باكياس الظغط.. وكتمتهن..

لما جيت بستخدمهن لقيتهن قالبات ومبقعادت اصفر..

يعني اكياس الظغط ما تنفع..

السلام عليكم ورحمة الله وبركاته

صبحكم الله بالخير والرضا

صراحة الأيام اللي راحت النفسيه كانت نازله شوي الحمد لله على كل حال
يا دوب شغل سطحي ومع العيال ومن هنا وهناك ولولا الله ثم ماسة المجد كان انطقيت من الطفش والهم
عيالي تعبانين أسهال واستفراغ الله يكرمكم وما غير غسيل مفارش وملابس وترويش الله لايضيع لنا تعب


روز\
حبيبتي صراحة ما سويت شي يذكر في غرفة النوم لكن بما أن ما عندي غرفة أطفال راح أستغل الوقت في ترتيب غرفتي والله ييسر


أنوثه \
الله يعينكم ع البرد وووش الحلى اللي بتسوينه

فوفو\
الله ييسر لكم أمور النقل ويكون منزل مبارك يا رب
لك وحشه والله .. وترا ما نسيت طلبك بخصوص حاجز السرير أنا صورته خلاص بس بنزله في أقرب وقت لعيونك وعيون مهاوي

جداويا \
وحشتييييييييينا و10 دقايق ما تكفينا خخخخخ

دانة ألم \
طمنينا ع الوالده عساها بخير الله يخليها لكم ويمتعها بالصحة والعافية

شذو \
وينك يا شييخة عسى ما شر طولتي الغيبة مرررررره .. طمنينا عليك

وما يمدحني لقب \
اشتقنا لك ويا رب تكوني بخير وترجعي لنا في أقرب وقت