أنتم الصديقات اللي صفا لي ودادهم وانتم العزيزات اللي لهم القلب يرتاح>> ربات منزل

:)

http://forums.3roos.com/showthread.php?t=589584


موضوع رائع اتمنى تقرأوهـ

وبصراحة انا عن نفسي ماكنت متوقعة بيوم انو يكون كلامي

سبب لجرح ناس اخرين

********

صباح الخيرات عالوردات

يومياتي الاثنين

صحيت على 8 استعديت ليوم جديد>> ابد ما تقلد احد ههه

وعملت رياضه و بعدها عملت لي شغله خاصه جدا عارفه

انه الفضول بيعمل عمايله هع هع ,, المهم بعدها اخذت فطوري

و جيتكم قضيت شوية وقت و بعدها جلست اذاكر لما 10 و شوي

رجعت تصفحت شوي و قمت تجهزنا و رحنا طعمنا سوسو

و اخذنا غدا من البيك و رجعنا نغدينا و رفعت السفره

و جلست عالنت و قبل المغرب قمت عملت دولاب من

دولايب المطبخ فضيته و مسحته و رجعت رتبته

و عملت كوبين كابتشينو و طلعت بساكيت و جلسنا

نكيف بعد المطر و الريحه المنعشه الحمدلله يارب

و خرجوا بناتي و ابوهم و قمت المطبخ عملت دولاب ثاني

فضيته و مسحته و رجعت رتبته و كنست البيت كله

الا مجلس الرجال نظيف و مسحت السيراميك

و نشرت ملابس بيضاء و حطيت دفعة غوامق و جو

غيرت لدودي و جلس اتفرج على وراء الشمس

و نشرت الغامق و حطيت منشر و عشيت بناتي

و داليا نامت من بدري مو عادتها بس مره تعبانه

كلموني 2 من جاراتي يبغون يجوني اليوم و اعتذرت

لهم بناتي مريضات و شكلي انا بعد بامرض

و فتحت لاب توبي المخرف في رابط فيه ابغاه

و فتحت الماسن الا و يطلع اوف لاين كثييييييير

على جهاز زوجي هنا ما يطلع و جلست اقرأ سواليف

قديمه عن مشكله او مشاكل مريت فيها و قلت

الحمدلله يارب انها عدت على خير و ارسلت الرابط على بريدي

و رجعت و طبعا زوجي مستلم المكتبي قلت له يا تاخذ

لاب توبك يا باخذه انا جلس يضحك قلت منجد بتاخذه

و لا اسرقه قال خذيه بس لا ينكسر قلت مو شغلي

جلس يضحك (كل يوم يستلم المكتبي من يوم يصحى

العصر لما 12 و يقولي يالله تعالي !! خلاص صرت داااااايخه

و ابغى انام و ان مسكته هالفتره بتكون سوسو تزن و تون

يعني ايت روقان هذا و الصبح اجلس ادرس)

شوي و قام من المكتبي قلت باجلس قال اجلسي

قلت و لا تفكر تقومني ابدا جلس يضحك و لقيت

وحده منذ زمن ادبر و ولى ما سولفنا و اتصفح لما 12 و عليها و زوجي

يتفرج على فيلم تفتكروا مسلسلي وراء الشمس

شي يشبه له تقريبا او بالاحرى نفس محور القصه و كان فيلم لقصه حقيقيه

كملت الفيلم معاه و الجزء اللي انا شفته واحد تعبان

يشتغل بنادي و الموظفين و الطلبه ما يبغونه و يحاولون

يورطونه بتهم عشان ينطرد بس المدرب في صفه

دايما و مع الوقت الطلاب حبوه لمواقفه هو معاهم

اخر شي المدرب قدم استقالته و خلى هالولد يكمل دراسته

بالنادي و صار مدرب للفريق و الفريق و مشجعي الفريق

صاروا يحبونه مره و حزنت كثير كمان حزنت مره ..

و اخيرا نامت سوسو كنت اتفرج و انا اهزها رحت اخذت

دش و نممممممممت و بس..

شذو
تذكرت المسلسل اسمه وراء الشمس
يجي على ام بي سي الساعه 7

هذا مقطع من المسلسل و رجاااااااء اذا جات موسيقى اكتمي الصوت

ما بيكلفك شي ,, الا هل بلغت؟ اللهم فاشهد.. اللي بتسمع الموسيقى

انا متبريه من ذنبها سبق و نبهتها..