أنتم الصديقات اللي صفا لي ودادهم وانتم العزيزات اللي لهم القلب يرتاح>> ربات منزل

اهلين ميمو وزهره بالنسبه للحرق قبل سنتين تحرقت بقدر الظغط الحمدلله انو في جسمي يعني مو مكشوف من الصدر للركب والحمد خير بركه من الله باختصار

وانا حامل باخر السادس هانت كل كم شهر واولد

دعواتكم كل سنه وانتم بالف خير

استودعكم الله التى لاتضيع ودائعه

شذاوي يعني اللحين احط كاس جريش وثلاث ارباع كاس رز مصري واحط عليه 3 كاسات ماء وكاسين لبن !!! مو كثير الماء واللبن تاكدي منها ليكون غلط

وملح خشن ماعندي للاسف مايصلح الناعم

ومشكوره الله يحرم ايديكي عن النار

احبك إلهي هذي طريقتي ومتاكده:thumbs_up:الجريش النجدي
بس علي على النار لين تحسين الجريش تشرب
الماء وقصري عليه وعلى فكره احيانا احتاج وازيده ماء
لازم الجريش يكون لين مررره
رفعت صورة الجريش اللي مسويته من جهازي
بس رفعت ضغطي وعيت تطلع8o|
...............................

جداويا /
تقصدين صينيه اللي ندخلها الفرن ؟؟ ولا اللي نسميها طاوه ونحطها ع الغاز من فوق ؟؟
ومقاس اللي عندي حقت الفرن من جوا مستطيلة 23 × 17 سم

ما يمدحني لقب /
سلامتك وما تشوفين شر أنتي وعيالك
وترا أشتقنا لك وليومياتك
وطهور إن شاء الله


لمسة أمي /
يا قلبي الله يرفع عنك ويشفيك
وتولدين بالسلامة وتسوين العملية وأنتي بصحة وسلامة

خوخه ::هموسه::كوامن ::روز::مهاوي::لمسة امي
::جداويا::دوها::روحي تحبك::وتوره
أشكركم كلكم من قلبي رديتو علي وخخفتو عني..
........................
لمسة امي
من قلبي اقول لك شكرا ردك ياقلبي ماكان قاسي بالعكس
استوقفني وتأملت كلامك كثير
وكلامك عين العقل ودايم احسك حكيمه وأحب اخذ بنصايحك
والحمد لله ربي اللي ثبتني هذاك اليوم وثبت قلبي
والا كان رحت بيت اهلي ,,
ومستحيل أطلع مشاكلي لاحد برى البيت مجرد فضفضه بسيطه لاختي وسلفتي ,,ولكم فضفضه اكبر
اشكي لربي انه يصلح احوالي
وبوسي لي نوره القموره تبارك الرحمن الله يحفظها لك.
.......................
جداويا
تصدقين مااحب اجلس معه جلست مصارحه
لأنه بالاخير يحط نفسه دايم صح
وانا الغلطانه دايم ,,وراح ينتصر علي >>>خخخخخخ
......................
أنثى ذوق
الحمد لله على سلامة زوجك
و النائبه روز زين ماسويتي ونعم النائبه:072:
.........................
مهاوي
انا اعرف ياقلبي ان الأخوات يتخاصمون ويتصالحون
وأصلا زوجي بطبعه عصبي ودايم مشاكل وخلافات بس
هالمره تعدى حدوده وتمادى
باقول لك واحكمي:
خلافنا على شي بسيط كان يتكلم وش عنده التزامات ماديه
ولا يبيني اطلب منه مصروف!!!
لاني طالبه منه مصروف اذا طلع الراتب من مين اطلب؟؟؟؟
المهم ويبيني اسمعه ومليت من الكلام المتكرر سمعت له
بعدين رحت بدون مااعلق على كلامه لو علقت راح يكثر الحكي!!!
وطلعت بلوزتين من الدولاب وقلت له وش رايك البس هذي والا هذي
كان عندنا عزيمه ومحتاره باللبس
هو لحظتها عصب وقال ليش ماسمعتي وانصتتي لكلامي
قلت خلاص سمعتك كل يوم تعيد نفس الكلام
وحفظته وان شاء الله يصير خير عصصصصب
بغا يرمي الجوال علي تخيلي !!!وبعدت عنه وقام وجاء ومسك يدي بكل قوووووووته يعني خبطها بعدين مسكها من جهة الكتف العضد..
يعني بداية للضرب!!! أو ضرب!!! وقام يتكلم كلام ماله داعي
انتي عاصيه وان شاء الله اخذ اللي تسمعني واذا ماتبين تسمعيني
خذيت اللي تسمعني روحي اهلك انتي ناشز؟؟؟وعاصيه ؟؟؟وووو........
انتي علاجك الضرب >>>ياخوفي تكون الخطه الجديده عنده
استغفر الله ضرب على إيه ماعمر اهلي مدو يديهم علي
عشانهو يمد يديه على تفاهات وسخافات
وماخفي اعظم
كلام ماأقدر اقوله ولا ودي اتذكره حتى ..
إذا عصب نسى من هو ولده!!!
عاد انا جتني دوخه أنصدمت وتمددت على السرير
وعطيته الكلام اللي ريحني
بصوت موب عالي فقط دفاع عن نفسي..
وطلعت منه ورحت شغلت سورة البقره وطولت عليها مررررره
انقهرت عاصيه على أيش؟؟الحمد لله متربيه وصاينته وخايفه لربي قبل أخذه وبعد مااخذته واهلي مربيني احسن تربيه اللهم لك الحمد
والله انه مايشوف مني الا كل زين واهله والله موب مدح
لنفسي يحبوني ودايم يقول لي بلسانه
ان اهلي يقولون لي حط ام عبدالله بعيونك ماراح تلقى مثلها
وش يبي بعد؟
الظاهر يبي له ام لسانين اللي توقفه عند حده!!!
اعتذر لأنه تكلم علي وسبني وهو عارف انه سبب تافه ولو مااعتذر كان مامشيت الامور على خير
ومستحيل اكتب له رساله أحس ماعنده وقت يقراها
ومره كتبت له وخلاها بالسياره وقراها صديقه؟؟؟؟؟؟؟؟؟؟؟؟؟؟؟؟؟؟؟؟؟
وقال له يابختك زوجتك تكتب لك رسايل انا زوجتي ماعمرها كتبت لي!!
بالله وش غير هذا التطنيش يخليها بالسياره لو انا كان حطيتها بعيوني ؟؟؟
تصدقين بالماضي من كم سنه مايمر ايام الا اكتب له كلام الحب والغزل
وكل شي بس يوم شفت تطنيشه صديــــــــت عنه.!!
وفيه عصبيه الله يكفيه ويكفيني شرها
وانا عارفه يمكن تنتقدوني اني مااستمعت له او مارديت عليه صح
بس زوجي واعرف طبعه يبيني اقول له بالصح والغلط كل شي
انت الصح والدنيا غلط ببداية حياتي معه كنت كذا كنت صغيره
بس بعد ماكبرت وفهمت بالحياة
صارت لي شخصيتي ورأيي واللي مايعجبني اقوله
هو لا دايم يردد كنتي وكنتي وين شذى الاوله؟؟؟
اقول له شذى الحين كبرت وصارت تفهم بالدنيا
رأيي وشخصيتي وتفكيري غير تفكيرك وشخصيتك ورأيك
والله موب عارفه شلون اقنعه اني شخصيه مستقله؟؟
بنات والله ماكان ودي اقول التفاصيل واتكلم بخصوصياتي
بس عشان اوضح لكم إني
ماكبرت الامور هذا غيض من فيض وجزء من كل
وماانكر انه فيه صفات حلوه تخليني اقول
الحمد لله شي ارحم من شي
بس احيان بعض التصرفات تخليني أفقد اعصابي
دايم انا اللي اتغاضى وامشي الامور
والا ياما وياما حصل لي
اعذروني لكثرة هذرتي..
.........................
بناتي زهرة حياتي
الدعاء اللي دايم ادعي فيه:
اللهم إشرح صدري بالإيمان وبطاعتك يارحمن
اللهم ردني إليك ردا جميلا
ربي اغفر لوالدي وارحمهما كما ربياني صغيرا واعني على
برههما وطاعتهما
اللهم سخر لي زوجي
اللهم أصلح لي نيتي وذريتي
ربي لا تذرني فردا وانت خير الوارثين
اللهم إني اعوذ بك من سوء الخاتمه وان ارد إلى أرذل العمر
وحلوه الافكار اللي قلتيها ياليت نطبقها
اذا لقيتي رقم المفسر ارسليه لي.
.....................
كوامن
والله مثل ماقلتي لحد الان ماعرفت اتعامل مع زوجي صح
مع ان عشرتنا طووووووويله
واعرف الصح لمااكون لحالي واذا صرت معه خلاني غلط
عموما احس فيك صفات كثيره تشبهني ههههه.
............................
روز
زوجي فيه صفات كثيره شمالي واولها العصبيه الزايده بالمره
و يعتذر اذا غلط غلط كبير مره
انا اللي مستحيل اعتذر لاني اشوف نفسي مااغلط
وفعلا هو يحب المدح مثل الاطفال عكسي مااحب احد يمدحني !!!
امس مدحته يوم جاب الاغراض ولاحظته انبسط
وان شاء الله راح اعمل بنصيحتك واستمر الله يسعدك..
.........................
بوح
سلامتك لا بأس طهور إن شاء الله ماتشوفين شر
.....................
مايمدحني لقب
مشتااااااااااااااقه ليومياتك.
.....................
خوخه
يارب تصيرين ملكة الحفل الله يسهل امورك ويعدي يومك على خير.
...................
جداويا
الله يقويك
امطار جده تخوف الله يحميكم
ونفسيتي بفضل ربي أحسن اللهم لك الحمد
نمشي الامور ونسعد انفسنا بانفسنا كلها كم يوم ويسافر ويخلينا
نحسن اخلاقنا ماندري الايام وش تخبي لنا.
........................

الله يسلمك ياشذاوي رح اجرب طريقتك واعلمك بالنتيجه

انثى شوي شوي على نفسك هذا وانتي عندك نزيف لا يكلف الله نفسا الا وسعها والكوي خلي شغالة اهل زوجك تكويه والا ماله داعي الكوي زوجك يكوي ثيابه برا والباقي مايلزم ابدا

لما تعبت في حملي بسوسو زوجي يعتذر من اي احد يتصل علينا ويقول بجيكم الين بعد 3 شهور وصرت ازور الناس ويزوروني على خفيف انتي كمان اجلسي ببيتك والزيارات اجليها لبعدين والسوق كمان الدرج مو زين لك طالعه نازله منه

شذاوي الله يصلح مابينكم وزوجك امدحيه واذا تكلم اعطيه انتباهك وسوي نفسك منشده معه حتى لو كلامه كله تعرفينه لان الرجل يحس الحرمه اللي ماتعطيه وجه وهو يتكلم مستهتره ونفس الشي انا اانقهر والله اذا تكلمت وراح وطنشني وقدري ضروفه ولاتضغطي عليه يمكن فعلا عنده ضروف والا اكيد مابيقصر عليكي لاتخلين الشيطان يفرح بفرقتكم وزعلكم وماحلوه قدام اطفالك يحسو بمشكله بينكم افهمي زوجك زين وتعاملي معه مثل الطفل اللي تحاولي تجذبيه لك وتحببيه في نفسك اعرفي وش يحب وش يكره وسوي له خلي بيتك جنه لما يدخله واذا بغيتي شي منه باسلوبك الحلو ودعواتك الطيبه تقدري تغيره وتقنعيه بس حبه حبه وبالنسبه للكتابه مو شرط تكتبي له في رجال مايحبو يقرو اوراق ورسايل ويحبو الكلام المباشر يعني عادي لاتزعلي اذا ماقراها يمكن ماتستهويه هالامور جربي اي شي تبينه تقوليه له بطريقه حلوه وابتسامه احلى وادعي له الله يسخره ويهديه ويخليه لكم

اعذروني ماقدر ارد على الباقين خلعت ضرسين امس وحدي تعبااانه منهم الله ياجرنا بس

أحبك إلهي بحثت ابي اتاكد ولقيت هالطريقه من كتاب نخبة الاطباق
وكتاب نخبة الاطباق رووووعه وكل الطرق فيه مضمونه
شوفي مقاديرها بغيت انسخها بس النذاله ممنوع النسخ خخخخخ
ونسيت أقول لك اذا مضى على الجريش ساعه
حطي عليه نصف اور بع اصبع زبده وشوي كمون ربع م ص
وخلي الزبده تذوب براحتها

http://go.3roos.com/hzuc5s0viqg

وش رايكم بتوامي اللي بصورتي الرمزيه يارب ترزقني توأم يارب
ولد بونت والا بنتين والا ولدين عادي اهم شي توام
وهـ قسم بالله ودي اعضضهم.
..........................

مساء الحب ... والصداقة الحلوووه اللي بيننا ..>>>يارب تدوووووووم . ويجمعنا فالجنه...


يومياتي ... بعد اخر رد لي ... صليت الظهر ... ونمت وصحيت اذان العصر ... جلست شوي اتمدد ... >>ما شبعت ... هههههههههه

وقمت وغسلت وجهي وصحصحت والا اخوي جاء من الجامعه ... وحطيت لنا غداء ... وبديت ارتب فالبيت .. >>من يجي دوام السبت تبدأ الحوسه ...

وبعدين رتبت مجلس الرجال والمدخل وغسلت الحماااااااااام >>بكلوركـس وديتول وصابون وشوي كموفورت برائحة الزهووور >>>وودي احط فيري بعد هههههه
المهم فركت فركت وفركت لين تعبت ... وغسلت المغسلة ومسحت المرايا ...
وبعدها صليت المغرب واختي سوت بسبوسه التمر ... والقهووة ... واخوي طلب قهوة له .. سويتها ... وروقنا انا واختي .. على احلى كوب قهوة ...

ودخلت اشووف ردودكم واكتب يومياتي :)

>>>تقولون صرتوا ادمااااان بالنسبة لي ..>>بدري يا الحبيبه ههههههههه

وكاااااااااااااااااااااااااااااااااااااااااااااااات ... :)

لعيون أحبكـ الهي ...



نسخت لكـ الرابطـ ... >>>>فضاوة

المقادير :

مقدار واحد من الجريش ( المقدار : إما كأس أو مد ) ..
مقدار من الماء (( ضعف مقدار الجريش )) ان كان الجريش كاس كاسين من الماء ..
مقدار من اللبن (( ضعف مقدار الجريش )) ان كان الجريش كاس كاسين لبن ..
بصل ويفضل البصل الأبيض يقطع صغار ويكون كثير واقله 3 بصلات ..
زيت أو زبده ثلث كاس ..
ملح - كمون - أجي نو موتو (( نوع من البهار الآسيوي تجدينه في السوبرماركت )) فلفل أحمر حار ..
وان كنتي تفضلينه حامض ممكن اضافه عصير نص ليمونه ..

الطريقه :
نخلط اللبن والماء ونضعهما على النار معا ومعهما الملح الخشن وكذلك نضع الآجي نو موتو..

نحمس البصل في زبده الى ان يصفر لونه قليلا ثم نضع عليه الكمون ..

نضيف البصل المحموس الى اللبن قبل ان يغلي (( يجب ان لا يغلي مطلقا )) ..

نضيف الجريش الى اللبن والماء ..

يحرك على النار قليلا ويذاق ملحه ويوزن .. ثم يقصر عليه مع اضافة الفلفل الاحمر الكامل ويترك على نار هادئه مدة من 2 ونص الى 3 ساعات ..



حشوه ممكن ترافق الجريش ..

المقادير :
دجاجه تسلق في ( ماء - ملح - ملعقة صغيره كمون ) ثم تبرد وتفتت ..
3 بصلات متوسطه تقطع صغار ..
2 فلفل رومي يقطع صغار ..
2 فلفل حار (( حسب الرغبه )) ...
ملح - ملعقة صغيره بهارات ..
مكعب ماجي ..
2 ملعقة صلصلة الطماطم حسب الرغبه ..

الطريقه :
يحمس البصل حتى يصفر ثم يضاف له البهار والملح ثم الدجاج ويقلب سويا..
يضاف القليل من ماء الدجاج والماجي والصلصله ويترك حتى يرشف ماءه ..
نضيف الفلفل الرومي والفلفل الحار ويقلب 5 دقائق على نار هادئه ثم توضع على هيئة حشوه فوق الجريش ..

وبالعافيه ..

هذه الاطباق من كتاب (( نخبة الأطباق )) للكاتبه امل بنت يحيى الجهيمي ..

>>>وعوافي ... :)

انثى ... ربي يقويكـ ... ويخليلكـ الحلوين وابوهم ..

شذاوي ... ربي يسخره لكـ ... ويسعدكم...

لمسة امي ... ربي يهونها عليكـ ... ويقومكـ بالسلامة ...

ما يمدحني لقب >>>منووورة وربي يشفيكـ واولادكـ ... وترجعين لنا احسن من اول ...

البقية لكم حبي ...

رياح الآخرين لاتجعلها تطفيء شمعتك...

مساء الخيرات حبيباتي
وحشتوني
لي ثلاث ايام ندخل عشر دقايق ونحاول نكتب رد اما يطير
والا حد يقاطعني وما نكمله
وهكذا
واول امس وامس كان ضيوف البيت ما يفرغش وربي يعين عالتعب والحوسة
بس الحمد لله اهم شيء انسترت مع ضيوفي
وقريت كم رد من الايام اللي فاتوا ضيقوا صدري وتمنيت نرد لكن مالقيتش فرصة
توة نرد عللي نتذكره وعلى الاحداث المهمة
..
دانة ..غفر الله لميتكم واسكنه فسيح جناته والله يصبر زوجته واهله ويعوضهم خير يارب ..
..
انثى ..حمدلله على سلامتكم وسلامة وزوجك ..شفتي اهمية الاذكار ..ربي امرنا بها تحصين لنا والا هو غني عنا سبحانه وتعالى ..ربي يحفظكم من كل شر ..
..
شذو حبيبة قلبي ...البنات ما قصروش ربي يجزيهم الخير بس من جد تضايقت من مشكلتك وتضايقت توة اكثر لما قريت التفاصيل ..الصراحة اكثر شيء ينكد على المراة معاملة زوجها لها بقسوة ..
بس صدقيني يالغالية ..لن يغير الله ما بقوم حتى يغيروا ما بانفسهم ..
كل اللي حكيتيه مريت بيه في فترة ما ..
بس اعلنت بداية صفحة جديدة في حياتي ...وما احتجت اني اخبره واتفق معاه ..لانه زي زوجك ..ما يحب يسمع ..ولو تكلمت تجاهل ولو كتبت تناسى وتكاسل ..
ولو بكيت وشكيت استغل ضعفي واستهان بالوضع ...ولو سكتت زادت الامور سوء ..
...
بس انا اعلنت التغير بمعنى الكلمة ..وعملت خطة كاملة بحياتي ..اشغلت نفسي بنفسي وانشغلت بتطوير ذاتي ..مع التصالح التام معه يعني مش متجاهلته او شيء ..بس صرت اسهل في التعامل لاني مشغولة ومش فاضية ..
مشغولة بمظهري وشكلي وجسمي وبشرتي
بتطوير ششخصيتي
ركزت على الدلع والانوثة ..على لغة الجسد ..ولغة العيون
حطيت وفاء رقم 1 في حياتي
واهدافي رقم 1
وقسمتها ..من جميع النواحي
اهداف دينية ..شخصية ..اسرية ..علمية ..عملية وهكذا
وتعملت التفنن في حب ذاتي وحب حياتي
وتعلمت الابتسامة اكثر ..تعملت الشكر اكثر ..بعض الناس زي الاطفال يتحطموا لو ما شكرناهم
يتحطموا لو تكبرنا عليهم
ويصير تعبيرهم عن التحطم هو ..الهجوم ..التهكم ..التجاهل..الاستفزاز ..
لكن مع ذلك ما رجعت وقلت الحق كان عليا انا ..ومارجعت لجلد الذات ..
بس ركزت على التعامل بحب وحنان
وابتعدت عن العناد والاعتداد بالنفس واعترفت بضرورة الشريك في الحياة
وللحفاظ على الشريك ..محب ..وحنون ..ومتعلق بي
لازم اشعره اني مستحيل ما انحب ..مستحيل ما يقدر يحن علي..مستحيل ما يتعلق بي ..
ارسلت له رسائل ايحائية اني انا المحبوبة انا الدلوعة الطفلة المحتاجة الحنان ..الانثى الغامضة اللي لي اهدافي وطموحي وحياتي وهواياتي واهتماماتي ووجهة نظري ..
عبارة اخيرة تلخص اللي اقصده ..
ساعات الزوج مايبي الزوجة تقدم له مائدة م افخم مايكون ولابسة اجمل ماعندها وعلى وجهها ابتسامة رضا وترحيب ..
بينما تستهويه الانثى المغرية الغامضة اللي قاعدة في ركن في البيت مشغلة ضوء خافت وترتشف كوب الكابتشينو بطريقة مغرية وقاعدة تقرا كتاب او رواية او تكتب مذكرات ..وكل شوية تلاعب طفلها جنبها بطريقة طفولية وبريئة..ومحسسته انها مبسووووطة وهو ولااااهنا ...اتحدى لو وحدة ما عملتها وجاها زوجها ركض على الاقل يساءل هي ايش تعمل ..حتى لو ما قال لها وينك وليش تاركتيني لوحدي لان عزة نفسه بتمنعه ..بس الاهم انها تستقبله بابتسامة عرييييضة على جيته لها او مناداته او محاولة منه للفت انتباهها كجس نبض ياترى هي قاعدة بروحها زعلانة مني والا ايش ؟؟
كل رجل بداخله قلب طفل ..والرجل اللي ينتقد افضل من الساكت الناكت ..على الاقل اللي ينتقد يوضح بكل وضوح هو ايش يبي وايش يتمنى ..
اتمنى يكون كلامي مفهوم وواضح ومايكون ممل ..
..
لمسة امي حياتي انتي بوسي لي نورة القمر وااااو ايش هالستايل ..ويارب عقبال ما تنامي على السرير وانتي نفاس بصحة وعافية والبيبي على سريره ويقر عينك به ياااارب ويرزقك كل من يتمنى ...
..
احبك الهي ..اخباااااارك ...وسلامتك من خلعة الضرس كلها يومين وترتاحي من الالم ان شاء الله ..
..
خلود ..طمنينا اخبار الفستان والزوارة ؟؟
..
وتورة ..بحبك بحبك بحبك ..
..
جوجو ..لما اقرا كلمة مطر قلبي ينقز نفسي في مطر قويييييي يغسل معاه روحي وقلبي ..
..
بوح سلامتك يارب ماتشوفي شر ..
..
مايمدحني لقب نورتي لا عاد تغيبي اموت على يومياتك ..وسلامتك انتي والعائلة ..

هلابكم
حبايبي ممكن تعطوني نصائح عن الميكرويف
انا اعتبر جديده فيه اول مره اشتريه وهو عندي
عطوني كل شي ممنوع ومسموح من الاكل والسوائل
وصحون وغيره..
وهل الاشعه تاثر على الحامل

دانه بقلبه كانت هنا