كل ما تريدين معرفتة عن منتجات اوريفليم الجزء الرابع عشر لشهر ذو الحجة 1431هـ

[QUOTE=أنوش;13828715]اه في عروض حلوة زي ميس اوه
و ديلايت و برشيوس
و الشاور جل سيلك اند كاشمير
كل حاجة خصمها 50% وطالع تبقى فرصة كويسة لان اوريفليم مش بتعمل الخصومات دي غير نادر جدا فالب


ممكن ياانوش لو ينفع تجيبلنا درجات الباور شاين علي الشفايف كلها ورايك الشاور سيلك ده كويس يعني مرطب بس والا ريحه كمان وبرفانات اوريفلام بيقولوا مبيثيتش ولو كويسه انا بحب الحاجه المسكره اي فيهم احسن:confused::confused::confused:

روج الكلر فول ممكن حد يحط الوانه على الشفايف

يا بنات حد جرب مجموعة الحواجب
انا ناوية اشتريها ان شاء الله
بس كنت تعبانة شوية و مقدرتش اروح لحد دلوقتي
فيا ترى حلاقيها موجودة هي و فرش الآيشادو

Nouna2002;13831648:

مزيونة ممكن اعرف درجات الجلوس بتاع فرى مى بالاكواد او الاسامى ياقمر

الماسكارات كويسين ولأ؟
ارواج باورشاين الوانهم والكود بتاعهم ياعسل
وياريت كمان اكواد واسماء الروج اللى بينفخ الشفايف ؟ ؟

السلام عليكم

اخباركم ايه يا بنات يارب تكونوا بخير

لو سمحتم كنت حابه اسال عن مجموعه العنب للبشره الى نازله بخصم 50 بالميه للمجموعه كامله

حلوه ولا لا وياريت الى جربها او يعرف عنها حاجه يقولى من فضلكم

انا بشرتى حساسه ومختلطه خفيف

لانى جربت مجموعه اوبتيمالز الخضرا اول اسبوع كانت حلوه وبعدها وشى نشف اوى وقشر

ياريت الى تعرف تفيدنى

فى امان الله

بلبل حيران;13832631:

ممكن ياانوش لو ينفع تجيبلنا درجات الباور شاين علي الشفايف كلها ورايك الشاور سيلك ده كويس يعني مرطب بس والا ريحه كمان وبرفانات اوريفلام بيقولوا مبيثيتش ولو كويسه انا بحب الحاجه المسكره اي فيهم احسن:confused::confused::confused:

الباور شاين بوصي حبيبتي الدرجات فالبروشور تكاد تكون هي هي الحقيقة عكس ايفون خالص .. ثم ان ممكن تجربيهم فالشركة قبل ما تشتري ودي ميزة جامدة جدا
مشكلة اوريفليم ملهاش رواج جامد بين الاجانب فا مش هلاقي الوان الباور شاين لايف عالشفايف بس زي ما قلتلك انا مجربة منها كذا درجة وهما شبه البروشور كتير اوي

مجموعة سيلك اند كاشمير كلها للبشرة العادية ريحتها على ورد ولايت اوي حتى كريم الايد وبتالي الشاور هيكون حلو بس مش هيديكي الترطيب الوااااو لانها للبشرة العادية

البرفيومز بتثبت لما تعتقيها انا مجربة جيورداني وايت وزي الفل

الماسكرا احسن واحده في اوريفليم هي جيورداني جولد اللي غطاها دهبي غير كده مش بقتنع F:

كوكونانا;13832724:
روج الكلر فول ممكن حد يحط الوانه على الشفايف

دا شكله من بروشور سابق وزي الحقيقة بنسبة كبيرة وهتتاكدي من دا لما تقارني بين الدرجتين اللي منزلاهم مزينه وبين شكلهم فالصورة طبق الاصل نفس الدرجتين ودي ميزة اوريفليم الدرجات متطابقة بالواقع

** مودة **;13833716:

السلام عليكم ورحمة الله وبركاته

جزاك الله خيرا يا أنوش يا حبي لردكF:
أصلي مش بحب بهدلة الغرف :D:D
وهي الفرشاه دي مخصوصة لكده ولا أى فرشه تنفع ؟؟؟؟
ومجموعة سبا كويس إنك شايفاها غاليه زيي
أنا قلت أسألكم يمكن أنا اللي مستغلياها :rolleyes:
وإزاى فيه بنات بيبيعو المنتجات بسعر العضويه وبأقل من سعر العضويه ؟؟
فين وإزاى أصلا ؟؟

وهما هيبقو كسبو إيه طيب ؟؟

وعليكم السلام ورحمة الله وبركاتة
لا عادي ياقمر اي فرشة تنفع مفيش مشكلة
وانتي تقدري تشتري بسعر العضوية عادي يا حبيبتي لو مش عندك عضوية ممكن اديكي عضويتي تشتري بيها .. اللي باقل من سعر العضوية دول بيكونو دايركتور ومستويات عالية جدا

بلبل حيران;13836650:

انوووووووووش

عايزه اعرف اجيب ليفه الكسال من فين في اليكس؟؟

وعايزه ياريت بالصور طريقه الباديكير وادواته بالصور لاني مش عارفه اعمله ومش عارفه ادواته ايه؟؟

وكمان ياريت فرشاه الروج شكلها ايه لان صاحب المحل بيقولي الفرش عندك ودوري وانا مش عارفه ياريت صوره ليها ياقمر ومتنسيش درجات باور شاين وكلر فول ع الشفايف

zahrooooo;13845094:
السلام عليكم

اخباركم ايه يا بنات يارب تكونوا بخير

لو سمحتم كنت حابه اسال عن مجموعه العنب للبشره الى نازله بخصم 50 بالميه للمجموعه كامله

حلوه ولا لا وياريت الى جربها او يعرف عنها حاجه يقولى من فضلكم

انا بشرتى حساسه ومختلطه خفيف

لانى جربت مجموعه اوبتيمالز الخضرا اول اسبوع كانت حلوه وبعدها وشى نشف اوى وقشر

ياريت الى تعرف تفيدنى

فى امان الله

زي ما قلتلك ياقمر وشك نشف من اوبتمالز لان الشتا دخل وبشرتك مكانتش دهنية
فا دي مش عيب فيها دا مشكلة انك ملاحظتيش ان بشرتك بئت عادية واستخدمتيها

عموما ان شاءالله اللي جرب مجموعة العنب يفيدك ^^

ميرسى يا انوش وانا طلبت الريد من الروج الكلر فول ولو عاجبنى حاطلب واحد كمان بس البراون ديلايت يبقى حلو على القمحاويين ولا البينك باشون احسن ويبقى درجته مضمونه اكتر

كوكونانا;13859705:
ميرسى يا انوش وانا طلبت الريد من الروج الكلر فول ولو عاجبنى حاطلب واحد كمان بس البراون ديلايت يبقى حلو على القمحاويين ولا البينك باشون احسن ويبقى درجته مضمونه اكتر

.العفو ياقمر وباذن الله بيطلع حلو وبيعجبك
البراون ديلايت حساه غامق اوي يمكن الجولد فيوشن هيكون افتح واهدى منه
البينك باشون جميل خالص و كلوفر هيز وسويت بينك وشارمينج بيري دول حلوين للقمحي لانهم بيليقو عليا بالاضافة للفابلس ريد طبعا


مزينة مبروكين مشترياتك ياقمر تتهني بيهم ان شاءالله

أنوش;13861108:


مزينة مبروكين مشترياتك ياقمر تتهني بيهم ان شاءالله

هو البروشور الجديد فين ؟

السلام عليكم يا بنات
انا كان ليا سؤال صغير لو سمحتوا ايه احسن البرفيوم الرجالى من اوريفليم

كمشمش;13866098:
السلام عليكم يا بنات
انا كان ليا سؤال صغير لو سمحتوا ايه احسن البرفيوم الرجالى من اوريفليم

مساء الخير يا عساسيل

انوشه ياقمر ميرسي يا عسوله
انا رحت جبت كريم الاساس والمبارد وملقتش فرشاه الايشادو كانت خلصت
ملحوقه وتتعوض بقى مره تانيه ان شاء الله
معلش ممكن تفهميني اتعامل ازاي مع المبارد دي واستخدمهم كيف



وجبت البرشور الجديد وفيها حاجات كتيره نفسي اسئلكم فيها وتفيهوني وتقولولي رايكم وخبرتكم

ليا كام سوال من البرشور الجديد
اللي هيبتدى يوم 9
اولا
مجموعه تفتيح البشره
الكريم للبشره العاديه واللوشن للبشره الدهنيه والصابونه اللي نازلين صفحه 55
ايه رايكم فيها

ثانيا
الماسكرا اللي في صفحه 63 بيوتي رفيليوشن

ثالثا

الروج اللي بالنكهات اللي نازل في صفحه 78 و 79
شكله جامد
وسعره كمان حلو
ايه رايك فيه يا انوش
ثابت وبيفضل ولا اي كلام


وفي كريم اساس كده نازل في صفحه 80 ب 29 جنيه بخلاصه التوت والزبادي
اختى بتفكر تجيبه وهي بشرتها دهنيه


وفي كمان ماسك مقوي للشهر نازل في صفحه 94 بزيت الزيتون ايش رايكم فيه وهوا بيناسب انهى نوع للشعر

وفي كمان معطر للناطق الحساسه بخلاصه زهره البرتقال في صفحه 109 ده حلو ولا ايه وبيستخدم ازاي

والهناد كريم والصابونه اللي بالربتقال اللي في ظهر الكتللوج من ورا

معش اسئلتي كتير
بس بيليز حاولو تسعادوني باللي تقدروا عليه
وخصوصا الروج اللي بالنكهات لاني كنت بفكر فيه من زمان وفرحت لما لقيته في اورفليم وبالسعر ده كمان فعاوزه اجيب منه كذا لون وانا بشرتي بيضه اجيب انهى

يابنات في علبه اي شادو نازله في اخر الكتالوج الجديد
مكتوب ان فيها
14 لون ايشادو
4 ملمع شفاه
2 احمر خدود

ايه رايكم فيها
حد جربها قبل كده
هي نازله ب 149 جنيه
حلو ولا ايه
اجيبها واشيها لجهازي
ولا اشتري علبه اللي فيها الوان كتير من اي محل مكيب



وكمان سوال
عاوزه اجيب ماسكره زرقا وخضرا
بس عاوزه الزرقا تكون زرقا مش كحلي

انا بحبهم وعنيا بتليق عليها الماسكرات والكحل الملون
انا جبت الكحل الازرق والاخضر بتوع اورفليم اللي هما نازلين في صفحه
59
جبتهم قبل كده وشايلاهم والوانهم جميله فعاوزه اجيب ماسكرات ازرق واخضر نفس درجات الكحل دي
عشان دي الدرجات اللي بحبها

يالا ردوا بقى متكسفونيش

السلام عليكم يابنات ياقمرات
بصوا بقى عندى سؤالين حد يعرف حاجه عن كريم الاساس الجديد من فرى مى ؟؟
انا عايزا اعرف ينفع للبشره الجافه والا لأ لإن البودر اللى جمبو فى الصوره مكتوب انها للبشره الدهنيه مش عارفه هو كمان والا ايه
والجلوس الجديد من فرى مى بردو ايه رأيكم فيه انا مش عارفه هو نزل قبل كدا والا لأ
وايه رأيكم فى ماسكات الشعر بتاعة اوريفليم حلوه والا ؟؟؟