كل ما يتعلق بمنتجات افون لشهر ذو الحجه

ساره افندي;13870594:
انوش اصحبتي بتقلي الروج 25 مش 20
قالت ليا
اصل الروج ده اقل سعر نزل بيه لما تحسبى كان 32ونص
فلما تحسبيها تبقى 25
وقالت ليا البرفان 40

أنوش;13870874:
سعر البرفيوم 45 كده يبقى اقل من نص تمنه بعد خصم العضوية
بمعنى ان الرير جولد ب 125 يعني نصهم 62.5 وبخصم العضوية 48 جنية
وهي هتاخدها ب 45 يعني اقل من النص ونفس الكلام الروج بخصم العضوية ب 24 وانتي هتاخدية ب 20 ولو تلاحظي ان الاتنين متشال من نص تمنهم حوالي 4 جنية يعني قسمة العدل
يعني عليكي وعليها لكن مش ينفع هي تحسب البرفيوم لنفسها باقل من نص التمن ب 8 جنية وانتي بنص التمن بالظبط لازم الفرق دا يتقسم عالمنتجين

ساره افندي;13871007:
طيب ايه رايك اخده ولا لا اصل صحبتي اللي بجيب منها في شرم ومش هترجع الا علي شهر يناير ومعتقدتش هتعمل الاوردر
وانا مزنوقه في لون بني اجيبه ومش مشكله ولا استنا صحبتي وياعالم؟؟؟؟اصل انا لو ضامنه ان الروح الالتر ناز الشهر الجاي مكنش همني واستنينت واطلب تاني الدرجه اللي مكنتش موجوده الشهر اللي فاتت

أنوش;13871181:
بصراحة يا سارة انا مش متحمسة للروج دا وهستنى الالترا كلر ينزل باذن الله

مي مسعد;13876397:
بنات أنا فتحت الموقع انهرده ولقيت تفاصيل فاتورتي موجودة وحتى الماسك والغسول بتوع شجرةالشاي موجودين ف الفاتورة رغم انهم كانت دايرتهم حمرا لما عملت الأوردر أول امبارح
وع ال800 باعتين بروشورات ب10ج مع اني مكتبتش ف خانة البروشورات أي عدد خالص
مش عارفة هأعمل ايه ب10 بروشورات؟؟
المهم ان كل الحاجات اللي طلبتها نزلت ف الفاتورة وموجودة
والهدايا برفان ايسنس الرجالي ومش عارفة ده حلو ولا ايه؟؟
وبرفان سيمبل اليمنت الحريمي
وهدية الموقع سيمبل اليمنت الرجالي وحلو برضه ولا ايه؟؟
وكمان كاتبين أجندة 2011 هدية
وأول مايوصلني الأوردر هأجيلكم بالتقرير المفصل

lasposadelnilo;13876433:
ياجماعه عاوزه اجيب ماسكره خضرا وماسكرا زرقا
الاقيهم في افون ولا اورفليم احلى
انا عاوزها زرقا زرقا مش كحلى ولا موف والدرجات العجيبه دي
اجيب انهى يا حلوين

ساره افندي;13876463:
انا ملاقتش الازق الازرق ده لا بره
وجربت من اوليفلام زرقا طلعت كحلي

lasposadelnilo;13876425:
طب ممتاز يا ميوشه مبروك مقدما ياقمر
بس ليا سوال
هوا ده اول اوردر تعمليه من النت
ولا انتى عملتي اوردر من النت الشهر اللي فات


اللي اقصده ان كل شهر اول اوردر من النت في هديه ولا اول مره وخلاص بس مش كل شهر
؟؟؟؟؟؟؟؟؟؟؟؟؟؟؟؟؟؟؟

وحلوه فكره الاجنده دي
انا اوردري عامل 400
بس لسه الفاتوره منزلتش
انا عملت الاوردر امبارح
انتى عملتي اوردرك امتى ياقمر

lasposadelnilo;13876433:
ياجماعه عاوزه اجيب ماسكره خضرا وماسكرا زرقا
الاقيهم في افون ولا اورفليم احلى
انا عاوزها زرقا زرقا مش كحلى ولا موف والدرجات العجيبه دي
اجيب انهى يا حلوين

مي مسعد;13876892:
الله يبارك فيكي ياقمرة وده أول أوردر ليا من النت والهدية بتكون ع أول أوردر بس
أنا لقيت مكتوب ف الفاتورة أجندة بس مش عارفة شكلها هيكون ايه
أنا عملت الأوردر أول امبارح

في ماسكارا خضرا ف أوريفليم

dr.muslimah;13877112:

السلام عليكم

يابنات انا زهقت من الموقع المقرف دة
امبارح 4 ساعات علشان ادخل على عضويتى يقولى الرقم السرى مش صحيح

والنهاردة بردو مش راضى

zahrooooo;13877213:

السلام عيكم F:

ازيكم يا بنات يار تكونوا كلكم بخير

انهارده حابه اوريكم اخر اوردر جالى من ايفون وصورته بتليفون بابا فى الخباثه ههههههه

عشان تطلع الصور مظبوطه لان تليفونى n73 الفلاش قوى فيه بيغير الالوان مع ان تصوريه كويس

يلا خلينا نشوف الاوردر

1 روج الترا كلر ريتش الدرجه : كونترى روز

اللون حلو ولمعته هاديه بس اللون طلع عكس ما كنت متوقعه انا فكرته على برتقالى

بس طالع قريب للاحمر الفاتح

2 ملمع جليزوير درجه : بينك وتر مليون

الدرجه دى يا بنات ررررررررررررررهيبه بجد جامده جدا لانها بينك هادى عكس الفاقع الى فى البروشور ولمعتها هاديه وجميله خالص

يعنى هى فى اللمعه اقل من توينكل بينك بس حسيت التوينكل بينك اتقل منها فلما قلت لانوش قالت يمكن عشان اختلاف الدرجات فمش عارفه الصراحه
بس عموما انا حبيتها خالص لانى بحب الحاجات الهاديه :L:

3 روج سموث مينرال درجه : كريستال كورال

الصراحه ده مش روج ده عباره عن لمعه دهبى بصراحه انا خاب املى خالص اول ما شفت الدرجه وجربتها

لانى كنت متحمسه اجيبها بعد ما جبت الروز جارنت لان الروز جارنت رهيبه والله لون واضح وجميل ومفيش لمعه اوفر ولا حاجه وطرى وبيرطب الشفاه

انما ده كانك حاطه جليتر دهبى على جلوس وردى فاتح زى المايه فانا محبتش الدرجه دى خااااااااااااااااالص لانها فتحه اوى ولمعتها جامده

بس هستخدمها لو روج مات وحابه اخليه يلمع بس هو ده الفايده الى ممكن تعود من وراه

ده الروز جارنت صورته تانى عشان الصوره تكون واضحه
والدرجه دى بجد جامده جدااااااا F:

ده اسموث مينرال الروز جارنت والكريستال كورال

ودى صورتهم على الايد الغامق ده الالترا كلر الكونترى روز والفاتح ده السموث مينرال الكريستال كورال

4 ده روج اكسترا لاستينج درجه : موف ايس

الروج رووووووووووووووووووووووووووعه احلى من الترا كلر وسموث مينرال من حيث تغطيته جااااااااااااامده جدا وحتى لو حطاه على الخفيف برده تغطيته حلوه اوى

والخامه ناعمه خالص لا بيجير ولا بيبين ان فى شقوق ولا حاجه

والاهم الثبات بجد مشاء الله ثباته رائع بتحسى كانه لازق كده وبيفضل واضح لمده طويله F:

بس عيبه ان درجاته هنا قليله واغلبها غامقه عاوزه بنات تكون لو بشرتها سمرا او قمحاوى

يعنى الموف ايس تعتبر افتح درجه والدرجه لونها زى ما انتو شايفين بين الفوشيا والموف

5 دى صوره الترا كلر درجه باوت : وهى دى الدرجه فعلا على الطبيعه وده الجلوس توينكل بينك

انا كنت بحاول اجيب الدرجه بالظبط واخيرررررا عرفت اجيبها زى الطبيعه

6 دى درجه فيفا بينك بالظبط
وجبت برضه بيرفكتلى ريفليش انوش اقنعتنى بيها وقالت حلوه فقلت اقايس واجيبها وطلعت فعلا جميله وهاديه زى ما ورتها لكم هى بس على بيج شويه

يارب تكون مشترياتى عجبتكم واى استفسار انا فى الخدمه

وسؤال كده ضغنون بخصوص اورفليم انا سالت هناك بس محدش عبرنى )=

عاوزه اسال على مجموعه العنب واللافندر بتوع البشرة الى جرب منهم حاجه يقولى بليز F:

وشكرا ليكم مقدما

فى امان الله
F: