حبايبي الحلوين يارب تكونو بخير
اليومين دول مطحونة فالمعهد مش قادرة افضى واجيبلكم صور الروج والجلوسات سامحوني
بس انا كنت عملت اوردر بدل البايظ وللاسف في حجات خلصت عااااااا :'(
لكن قدر الله وما شاء فعل مفيش نصيب :)
المهم طلبت فالاوردر التاني حجات هوريهالكم بس دي حاجة من تحت الحساب ههههههههه
بما ان بمووووت فالمانيكير وقبل كده كنت اخده هدية من ايفون مانيكير وعاجبني قلت يابت اجرب منهم تاني خصوصا بعد ما طوروه وعملو فيرجن جديد وجبت درجة بحبها اوي وكان نفسي فيها شوفتها عالنت وهي برفكتلي فليش ودا وصف و تقييم للمانيكير :D
اول حاجة الفرشة بصراحة عشان اكون واضحة معاكم الفرشة بتاعة الفيرجن القديم للمانيكير احلى بمراحل من الجديد
القديمة كانت طويلة ورفيعة بتحكم فيها وبحط الجوانب من غير ما اتلخبط انما الجديد الفرشة بتاعته مفروشة وكبيرة لازم استخدمها بحذر اوي عشان مش تبهدلي الجوانب
وكمان القديمة بتفرد المانيكير بشكل متساوي اوي ولو الفرشة نشفت ومكنش فيها مانيكير كفاية مش بتبوظ شكله خالص عكس الجديدة مش بتفرد بشكل بروفشنال :hysterical:
تاني حاجة خامة المانيكير هي حلوة خصوصا لما بحط طبقتين بس مش بتنشف بسرعة الفيرجن القديم كان بينشف بسرعة في ثواني عكس حاليا بياخد وقت ولو حطيت طبقة فوق طبقة بياخد وقت اكتر واكتر تصورو اكتر من ربع ساعة عشان ينشف الطبقتين مع ان كنت مستنيه الاولانية تنشف تماما ومع ذلك بردو اخد وقت والغريب انه بعد ما نشف دا المفروض يعني بحط ايدي فالشنطة بجيب حاجة لقيت المانيكير باظ واكنه لسه مش نشف كويس :worn_out:
تالت حاجة اللمعة .. عاديه جدا وانا مش بتكلم عن الجليتر لا انا اقصد الضي بتاع المانيكير الطبيعي سوا كان مط او جليتر المفروض ان حاطة طبقتين يحترم نفسه ويدي ضي كويس ولمعة حلوة لكن لا قليل الاصل ههههههههه
رابع حاجة درجة اللون او التغطية .. حلوة جدا يعني طبقتين بيدو فول كافريدش :thumbs_up:
خامس حاجة ثبات المانيكير .. لسه مش عارفة ايه الكلام بس هيبان وللعلم القديم مكنش بيتقشر ابداااااااا .. كان بيختفي من عالضوافر يعني اللون بمرور الوقت يخف يخف اكن بيحصله انقراض لحد ما يختفي لكن تقشير نووو مستحيل :thumbs_up:
سادسا نشوف الدرجة بئه واعذروني اتكلمت كتييييييير على مانيكير بس انتو متتصوروش المانيكير بنسبالي مهم ازاي يمكن اوصفه اكتر ما اوصف الفاونديشن :D
زي ما واضح هو لونه ناتشورال بين البينك والبيج بس مايل للبينك اكتر وعلى فكرة فالواقع احسن كتير من الصورة لان الفلاش مفتحة شوية ومبينه وردي لكن هو بين البينك والبيج
اتمنى اكون افدتكم وان شاءالله هنزلكم باقي الحجات تباعا :L:F:
