تجمع المتزوجات و امهات مصر لشهر ذى الحجه..... نورونا يا حلوين

طب قوليلي بس باختصار ايه سبب الخناقه دي

مايونيز;13819079:
انا بديله بسكوت في ايده يا ام بودي وعيش وبطاطس كمان والله بس المشكله انه بيقطم منها وياكل وبعدين يرجع كله

انا بخاف أدى ليوسف حاجه فى ايده
وللأسف حتى الببرونه مبقاش يمسكها هو ولا أنا اللى أمسكهالو
انا بخاف لأن فى واحده أبنها أتخنق كانت مدياله صباع كفته فى ايده ياكل منه

أجمل ايام العمر;13819096:
الدخول في مدينة الرحاب يا ام بودي.. و بالنسبة لان اخر الفتور مصالحة بدون عتاب فده احسن حاجة لانك مهما عاتبتي عمره ما هيقتنع انه غلطان.. فيبقى قلته احسن

فعلا قلة العتاب مع الرجاله أحسن

صباع كفته !!!!!!!!!!! ده عنده قد ايه ده ههههههههههههههههههههه

Boody we zady;13819138:
صباع كفته !!!!!!!!!!! ده عنده قد ايه ده ههههههههههههههههههههه

كان عنده سنة ونص تقريبا

غلط يتساب كده بدون ما تلاحظه ايه الناس الذكيه دي

أنا حأقوم أجهز نفسي عشان بروح الدار أحفظ يللا سلام

Boody we zady;13819171:
غلط يتساب كده بدون ما تلاحظه ايه الناس الذكيه دي

أنا حأقوم أجهز نفسي عشان بروح الدار أحفظ يللا سلام

ربنا معاكى

خناقة زي بتاعة كل يوم يا ام بودي اني بجادل و مش بقول حاضر و مش بقتنع اني غلطانة و اني دماغي بايظة.. كدة يعني .. بس كل مرة كنت اروح انا اللي اصالح لما قرفت بقى و قلت انا لامتى هفضل اجي على نفسي.. و هو كل ما تكلميه يقولك بشتغل و شقيان عشانكم.. لا معلش بيا و لا من غيري كنت هتشتغل لكن مش تفضل من سيادتك.. لو في حد بيتفضل على حد فهو انا و خدمتي في بيتك اللي انا اصلا غير مطالبة بيها شرعا.. دول رجالة صحيح ميعرفوش دينهم

أجمل ايام العمر;13819198:
خناقة زي بتاعة كل يوم يا ام بودي اني بجادل و مش بقول حاضر و مش بقتنع اني غلطانة و اني دماغي بايظة.. كدة يعني .. بس كل مرة كنت اروح انا اللي اصالح لما قرفت بقى و قلت انا لامتى هفضل اجي على نفسي.. و هو كل ما تكلميه يقولك بشتغل و شقيان عشانكم.. لا معلش بيا و لا من غيري كنت هتشتغل لكن مش تفضل من سيادتك.. لو في حد بيتفضل على حد فهو انا و خدمتي في بيتك اللي انا اصلا غير مطالبة بيها شرعا.. دول رجالة صحيح ميعرفوش دينهم

نفس الكلام بقولك الرجاله كلها زى بعض ربنا يهديهم
عارفه انا تعبى ده بسبب ايه
انا بقيت باجى على نفسى جدا كل يوم أرجع من الشغل توضيب وكنس ومسح
وجوزى بيرجع بعدى بساعتين يلاقى البيت فله والاكل جاهز
وعارفه يوم ما يوسف يبقى معايا بقى بعمل وانا شايلاه والله بكنس وأمسح وانا شايلاه ومره جالى نزيف بسبب انى كنت شايلاه وبوضب

بفكر أجيب مايكرويف
عايزة أبقى أعمل معجنات وأشيلها فى الفريزر عشان جوزى مبقتش اقدر أعمله سندوتشات الصبح

انا كمان عندي ورم ليفي و على طول بنزف و لو فتحت بقي و قلت مش قادرة اشيل بيللا و بكون فعلا تعبانة يقوللي بلاش تمثيل

المايكرويف مهم و ضروري خصوصا للي بيشتغلوا

أجمل ايام العمر;13819371:
انا كمان عندي ورم ليفي و على طول بنزف و لو فتحت بقي و قلت مش قادرة اشيل بيللا و بكون فعلا تعبانة يقوللي بلاش تمثيل

لا حول ولا قوة ألا بالله
ربنا يهديهم يارب طب خليه يروح معاكى للدكتور وأسألى الدكتور عن الشيل التقيل
وخليه يسمع بنفسه
ماينفعش تشيلى الورم ده؟؟

أجمل ايام العمر;13819379:
المايكرويف مهم و ضروري خصوصا للي بيشتغلوا

ماما كانت هتجبلى واحد من شهر بس ملقتش ماركات كويسه
أيه أحسن ماركة ؟؟

جبت لبيللا موبايل هدية العيد الكبير.. عاجبها قوووي طول النهار تقوللي اوووووو

أجمل ايام العمر;13819396:
جبت لبيللا موبايل هدية العيد الكبير.. عاجبها قوووي طول النهار تقوللي اوووووو

يا عسل ماشاء الله
انا يوسف بيتخانق معايا على التليفون سواء الارضى أو الموبايل بفكر أجبلو واحد لعبه

سمع بودنه يا دودي و بيقوللي اصلك كنتي بتتمسكني قوي.. حسبي الله و نعم الوكيل..
بالنسبة للماركات معرفش انا عندي باناسونيك و حلو قوي ما شاء الله

أجمل ايام العمر;13819408:
سمع بودنه يا دودي و بيقوللي اصلك كنتي بتتمسكني قوي.. حسبي الله و نعم الوكيل..
بالنسبة للماركات معرفش انا عندي باناسونيك و حلو قوي ما شاء الله

لا حول ولا قوة ألا بالله

بس نصيحة هاتي اي لعبة غالية انا بجيب لبيللا 3 لعبات غاليين كل سنة في عيد ميلادها و في العيد الصغير و الكبير.. اللعب الغالية أأمن و امتن بتهبدها و بتعمل فيها عمايل جامدة و فعلا ما شاء الله الغالي تمنه فيه