تجمع المتزوجات و امهات مصر لشهر ذى الحجه..... نورونا يا حلوين

miobello;13781487:
يا حبيبتى استهدى بالله واقرى قرأن كتير وصلى انتى من كلامك انك حبته قبل الجواز واللى يحب مش بالساهل يكره ده جوزك بس انتوا اكيد متصفتوش علشان كده عندك احساس انك شايله منه لو لقدر الله جرله حاجه هتزعلى بجد عليه صدقنى ده ابو بنتك دلوقتى انسى اللى فات وخليكى انسانه متسامحه كده وقولى الحمدلله كتيرررررررر ممكن متكلمش ساعه اخته علشان بردو دول اهله ميقرش يخسرهم بجد لازم باذن الله تاخدى عهد على نفسك لو انا مش سعيده لازم اخللى نفسى سعيده لازم اخلق السعاده ليه ولجوزى ولبنتى لان الزوجه اساس البيت وهى روح البيت لو نكدت كله هينكد ولا انتى عايزه بنتك تتربى فى جو غير صحى انسى يا مروه انسى بجد واخلصى النيه فى انك تنسى وحبى جوزك افتكرله اى حاجه حلوه واتفقى معاه انك هتتغيرى وهو يتغير وتفتحوا صفحه جديده وربنا يهديكى يارب

:thumbs_up: الموضوع فعلا بأدينا اننا نعيش بسعاده ونختارها لنفسنا ونتناسا القسيه والمشاكل
انا لما ركزت مع نفسى لقيت ان انا اللى متمسكة بالمشكال ومش بنسى

قطه اخر اليلي كلامك وجعلي قلبي والله بس كلنا بنمر بالاحاسيس دي
انا حصل معايا قبل كده هو الموضوع عايز وقت عشان تنسي وكمان عايز مصارحه لجوزك وتقوليله ان ال الموضوع ده لسه معلم معاكي ومش قادره تنسي
وانك بتحاولي لكن مش قاده
والمفروض هو يحاول ان يصلح الوضع
وانتي كمان بالتدريج حاولي ترجعي حبه ليكي افتكريله حاجه حلوه افتكرو ايامكم مع بعض قلبي كده في البوم صوركم
ربنا يشرح صدرك وترجعو زي الاول واحسن ان شاء الله

صباح الخير يا بنات

مخنوقه اوي من المشرفه بتاعت الباص
وبفكر اشتكيها بس مش عارفه

صباح النور يا قطقوطه ازيك

hoba555;13781625:
مخنوقه اوي من المشرفه بتاعت الباص
وبفكر اشتكيها بس مش عارفه

أشتكيها انت بتدفعى فلوس عشان يعملو اللى انتى عايزاه
انا لسه مزعقه لميس الحضانه بتاعة يوسف بينسو يحطو علبة الأكل
بتاعته وقبل كده مضيعنلى علبه غاليه

جزاكم الله خيرا يا بنات علي ردودكم بجد مش عارفه ا قلكم ايه خير جزاكم الله كل خير عني كلامكم بيريحني بس مش عارفه اوصلكم احساسي انا من جوايه مش قادره اسامحه هو عشان هو مهم عندي وابو بنتي انا وصلت لمرحله انه اهلي نفسهم كان بيتحايلو عليه اتطلق لاني اتاذيت اوي اوي اوي مش قادره اقولكم قد ايه هو كان مقصر معايه نفسيا قبل ماديا وانا العكس تماما انا مفرحتش ولا بجوازي ولا بحملي ولا ولدتي انا كنت والده وفاتحه بطني واقوم احضرله حاجته حكم عليه اني مروحش عند ماما وتخيلو ماما فين ماما في الدور الثامن في نفس العماره الي انا فيها وحاجات كتير اوي اوي مش عارفه اقول ايه واخلي ايه مش عارفه الحمد الله علي كل حال بس حاليا انا بقيت مش حاسه بحاجه ول اي حاجه انا بقالي شهر مبرضعش جودي مفيش في صدري لبن من الزعل بس مش عارفه اعيط مش عارفه حتي اصرخ ازعق مرفش مالي انا طول عمري وانا بصلي كنت بعيط حتي الحكايه مبقتش تحصل بصلي واقوم بهدي اه طبعا جدا الحمد الله بس حاسه اني معنديش مشاعر معنديش احاسيس خلاص الحمد الله الحمد الله و علي فكره بدا يتغير عن الاول بس انا مش قادره انسي بجد مش قادره انا اتجرحت اوي اوي مهما قلتلكم مش هقدر اوصف تعبي من جوا بسبب اللي حصل لانه كبر الشرخ اللي هو عامله بينا واخته جت كملت عليه ربنا يهديه وتتجوز بقا يارب لاني تعبت بجد

صباح النور يا هوبا لازم تشتيكيها علي فكره انتي بتدفعي فلوس وحتي لو ببلاش هي مش بتاخد مرتب عشان تخلي بالها من الاطفال ولا ايه

قطة شوفى رسالتى على الخاص

حاضر يا دودي هشوفها حالا

جزاكي الله كل خير يا دودي انا هحاول باذن الله عشان بنتي نفسي تتربي بنفسيه مرتاحه ومتتعبش ابدا ومكنش انا السبب ابدا في زعلها

دودي انتي انسانه جدعه جدا وطيب ربنا يبارك فيكي ويرحم اختك ويجعل مثواها الجنه ان شاء الله

هتطبخو ايه النهارده
انا نفسي اعمل بيتزا بس خايفه

انا مطلعه فراخ وعايزة أشويها جوزى أحبطنى وقالى بتبقى زفره فبفكر أشويها فى الفرن
وعندى شوربة خضار لجوزى عشان عيان وشوربة ليوسف وعندى رز متحمر وباميه
بفكر أعمل ملوخيه ولا أخزنها أحسن ؟؟؟؟

انتى اللى سكرة يا قطة ربنا يصلحلك الحال

ربنا يصلحلنا احولنا جميعا يارب ويهدينا جميعا لطاعته اللهم امين

انا اسف ه مش عاوزة اقلب عليكي اي مواجع بس هي اختك الله يرحمها اتوفت بسبب مرض ولا ايه وهي طبعا في الاول والاخر اراده الله سبحانه

صباح الفل مين هنا؟

DodyCat;13781826:
انا مطلعه فراخ وعايزة أشويها جوزى أحبطنى وقالى بتبقى زفره فبفكر أشويها فى الفرن
وعندى شوربة خضار لجوزى عشان عيان وشوربة ليوسف وعندى رز متحمر وباميه
بفكر أعمل ملوخيه ولا أخزنها أحسن ؟؟؟؟

انتى بتبلى الفراخ بايه؟؟؟؟

انا بقى للاسف مش هعمل اكل لانى عند مامتى وجوزى سافر:'(:'(:'(:'(:'(:'(:'(:'(
بس مامه هتعمل محشى كرنب

قطة اخر الليل;13781865:
انا اسف ه مش عاوزة اقلب عليكي اي مواجع بس هي اختك الله يرحمها اتوفت بسبب مرض ولا ايه وهي طبعا في الاول والاخر اراده الله سبحانه

اه يا قمر فجأه تعبت وأكتشفنا ان عندها كنسر فى الدم وتطور جدا وكان ممكن تتعالج بالكيماوى بس أرادة ربنا قبل ما تبدأ العلاج بيوم توفت تعددت الأسباب والموت واحد
بس عارفه اختى قبل ما تتتعب وتموت بشهرين أتنقبت ومش قادرة أقولك علامات حسن الخاتمه كانت كتير أزاى
اخر حاجه من يومين صاحتها فى السعودية كلمتنى بتقولى انهم عملو لأختى حج

أم يـاسـيـن العسل;13781878:
انتى بتبلى الفراخ بايه؟؟؟؟

مش دى المشكله يا بسبس المشكله انى أخر مرة قلبته اى حاجه كان عندى فراخ مسلوقه حطيت عليها صلصه بتوابل وحطتها تحت الشوايه وقولتله فراخ مشوية :lol:
لكن لما بشويها من البدايه بتبقى روعه