رابطة امهات واطفال مصر بعمر السنتين ..لشهر ذو الحجة

على فكرة ياهدىهو اكيد زعلان زيك بس هو مش بيقولوا الرجالة برضك طبعاة كدة فانتى متدلوش فرصة انو بشوفك زعلانة عااادى و

ام يايا انا لولى وعندى سما داخلةة غلى 2 وانتى

ما شاء الله ربنا يباركلك فيها
انا عندي هيا عندها 3 سنين

ربنا يباركللك فيها وعقبال ماتخويها

ان شاء الله
مش عارفة حاسة ان انا شكلي بقى غريب وسط الناس النهاردة هيا كانت بتتمرجح فلقيت واحدة بتقولي انتي مش معاكي غيرها باستغرب قوي لما اشوف واحدة معاها بيبي كبير ومش معاها غيره
فربنا يسهل

انا قرفت و هو شايف اني عنيدة و بمشي اللي في دماغي و بجد انا خلااااص فاض بيا.. و عندي البريود و نازفة و مش قادرة اقف على رجلي فمطبختش.. مامته اتصلت من شوية فالظاهر بتسأله اتغديت فقالها شوية و هتصل اجيب اكل.. و قالتله حاجة فرد و قالها لا طبعا هدى طابخة بس انا ماليش نفس للاكل.. ياسلام ؟؟ فيها ايه لو قالها تاعبانة و هنجيب اكل من برة؟؟ هو انا مش من حقي اتعب بعد كل القرف اللي انا فيه ده؟؟ و لا انا الفلبينية اللي اشتروهاله.. بجد حسبي الله و نعم الوكيل

هدى صلى علىالنبى وكلمية ومينفعش تفضلوا كدة والله انا بيحصل معايا اكتر من كدة بس انتى عيطى واتكلموا وقوليلة فى اية واتكلموا هترتاحوا انتوا الاتنين اوى وخلااااص هتصفوا لكن يابنتى متتغضيش على اعصابك حرام عليكى بنت ونفسك

أجمل ايام العمر;13845788:
انا قرفت و هو شايف اني عنيدة و بمشي اللي في دماغي و بجد انا خلااااص فاض بيا.. و عندي البريود و نازفة و مش قادرة اقف على رجلي فمطبختش.. مامته اتصلت من شوية فالظاهر بتسأله اتغديت فقالها شوية و هتصل اجيب اكل.. و قالتله حاجة فرد و قالها لا طبعا هدى طابخة بس انا ماليش نفس للاكل.. ياسلام ؟؟ فيها ايه لو قالها تاعبانة و هنجيب اكل من برة؟؟ هو انا مش من حقي اتعب بعد كل القرف اللي انا فيه ده؟؟ و لا انا الفلبينية اللي اشتروهاله.. بجد حسبي الله و نعم الوكيل

بصي الرجالة عايزين تكبير دماغ هم اصلا بيفكروا بطريقة غيرنا يعني هو ممكن مش عايز يحسس مامتك بحاجة انتي حاولي تفهمي هو عايز ايه ومدام ده مش هايققل منك ريحيه وخديه على قد عقله

دي مامته هو اللي كانت بتتكلم مش مامتي

بصي الراجل اصلا مش بيحب اللي يعانده يعني انتي ممكن تخليه يعمل اللي انتي عايزاه من غير ما يحس

تعبت يا رنا .. ده من كتر ما بينتقدني كرهت نفسي

أجمل ايام العمر;13845878:
دي مامته هو اللي كانت بتتكلم مش مامتي

هو مش بيحب يبين لاهله انه بيدلعك ولا ايه
ما تحطيش في دماغك والله
انتي عارفة انا لما اتخانق مع جوزي ممكن نقعد كام يوم ما نكلمش بعض بس والله باروح استهبل لغاية ما يكلمني ويصالحني

أجمل ايام العمر;13845899:
تعبت يا رنا .. ده من كتر ما بينتقدني كرهت نفسي

طيب هو بينتقد فيكي ايه
انتي اهم حاجة تبقي واثقة في نفسك

احنا قصة حب 5 سنين و سنة و نص خطوبة و 3 جواز يعني داخلين على 10 سنين مع بعض و كل مرة انا اللي اصالح بس خلااااص قرفت

,والله ياهدى هو بعمل كدة عشان انتى معنداة ومش راضية تقومى تتكلمى معاة هو برضة اعصابة بايظة زيك قومى صلى على النبى كدة وقفلى الكومبيوتر وخدى بيلا وقومى اتكلمى معاة براحة كدة وانتى اكيد هتعرفى هتدخليلة منيناكيد انتى موش معاندة وعاة ولا حاجة بس هواكيد بيقول كدة بالله عليكى قومى وطالما بيكلم ماماتة كوبس مش باين على زعل يبقى والله صدقينى هو مستنيكى قومى يابنتى صلى على النبى

أجمل ايام العمر;13845922:
احنا قصة حب 5 سنين و سنة و نص خطوبة و 3 جواز يعني داخلين على 10 سنين مع بعض و كل مرة انا اللي اصالح بس خلااااص قرفت

معلش طيب هو طيب معاكي في العادي

مين فينا جوزها مبنتقدهاش انا جوزى دايما يقولى عبيطة وساعات طيبة انا عارفة انوا قصدة ساذجةبس بس برضك وقت الجد ميقدروش يستغنوا عناا

يلا يا جميلة اغزي الشيطان وقومي كلمي جوزك
انتي عارفة الشيطان بيبقى فرحان جدا لما زوجين يتخانقوا دي اكتر حاجة بتبسطه

بينتقد كل حاجة فيا جسمي و شعري و طريقة تعاملي مع بنتي بيتعمد يقلل مني انا من اوائل دفعتي و معايا تمهيدي ماجيستير في ادارة الاعمال الدولية.. و برغم كدة يفضل يقلل مني و يقوللي مين يرضى يشغلك ده انتي تدفعي فلوس عشان تشتغلي .. و بيتدخل في ادق امور البيت في الغسالة و بروجرام العصر و درجة تتليج التلاجة.. كل حاجة حاشر نفسه فيها لما حاسة اني هيجيلي مرض من كتر الضغط اللي عليا .. و كل اللي يشوفني يقولي مالك؟؟ شكلك عجزتي ؟؟ شكلك مهموم

السلام عليكم
هدى اهدى يا قلبى مش كدة
المشاكل دى بتحصل فى كل البيوت صدقينى
وتحسى فعلا انك خلاص مش باقية على حاجة ما بينكو
بس والله بحرقة دمك دى انتى اللى الخسرانة الوحيدة فى الليلة الغامقة دى

انا حقولك حاجة
انا اصلا مش متابعة مشكلتك ولا اعرف في ايه
بس قومى استهدى بالله اغسلى وشك وخدى نفس عميق
وفكك منه ومن الافلام دى واعملى اى حاجة غير انك تفضلى تعيطى
مش حيعبرك صدقنى
بس طنشى كدة واقرى حاجة ادخلى اعمليلك كيكة واحرقيها وخليه ينام مخنوق من الشياط
ههههههههههههههههههه
بس روق يا جميل
اما دور الخناق دة كان عندى قريب
زى دور الانفلورا بالظبط