رابطة امهات واطفال مصر بعمر السنتين ..لشهر ذو الحجة

أم ميزووو;13818350:
الف سلامه يا سمسمه يا حبيبتي
والله زعلتيني
قدر الله وماشاء فعل
كله خير ان شاء الله
بس انتي لازم تروحي للدكتور تطمني ان كله نزل مفيش اي بواقي للحمل او تعملك تنظيف
ابقي طمنينا

فراشه فى بيتها;13819055:
سمسمه حبيبتى الف سلاااااااااااااامه عليكى وربنا يخلف عليكى يارب

بس لازم تروحى للدكتور تطمنى

sosomedo;13819094:
الف سلامة عليكى يا ام عمر ربنا يعوضك خير

الله يسلمكم يا بنات
وفعلا قدر الله وماشاء فعل
وانا حروح غن شاء الله لدكتورة بالليل
لأن كمان خلاص مابقاش في دم بينزل
حروح اطمن واشوف الموضوع ويارب ميكونش في موضوع تنضيف ولا حاجة انا بخاف اصلا :'(

هو محدش فيكم دخل من الصبح نايمين ولا اايه
انا دخلت نمت ومكنتش قادرة اصحى الصراحة حاسة بدوخة
بس كان لازم اقوم علشان انزل اروح اجيب الاولاد

ازيك يا سمسه
متقلقيش ان شاء الله خير
ريحي انتي بقي لحد ما تروحي للدكتوره

انا لسة راجعة من بره
وإن شاء الله نازلة على العصر اروح اكشف
صحبتي بتقلي يمكن ميكنش حمل ويمكن اضرابات دورة بس
واهو ربنا يعمل الى فيه الخير
سواء كده ولا كده الحمدلله رب العالمين
انا حقوم اعمل الغدا واحط الغسيل ورجعالكم

اسماء طب هو الدم وقف ممكن يكون الحمل مانزلش ان شاء الله
كله خير بس ابقي كمنينا اول ما تيجي من عند الدكتور بالله عليكي وكل اللي يجيبه ربنا كويس



هوبا هو فعلا الطيبه مابقتش تنفع في الزمن ده والله
بس بلاش تبقي شريره برضو هههههههههههه
يعني خليكي وسط
انا مش عارفه ايه الموضوع بالظبط بس معلش الطيب احسن والله

وقريبتك بقى اللي بتدخل ف تربيتك لولادك دي حاولي في مره كده تحرجيها بس بالذوق
يعني مش تخليها تزعل وفي نفس الوقت تحسسيها انك مابتحبيش حد يتدخل
وربنا يهدي

ازيك يا مونة عاملة ايه
ازي معاذ والنونو الى لسة مالوش اسم
الحمدلله على كل حال والله وإن شاء الله اطمنكم لم ارجع بإذن الله
اخبار المحشي ايه يا عم
فطومة ماقلتش صحيح هى عملت ايه في المحشي ههههههههههههه

الحمدلله يا اسماء تمام والله

والمحشي يا ستي لسه هسوي ورق العنب انهرده امبارح كان كوسه ليا ولمعاذ
بس للاسف معاذ كانبيفضيها وياكل الرز اللي جوه بس هههههههههههههههه
يا خسارة التقويييييير
مش عارفه عمل كده ليه مع انه اصلا بيحب الكوسه الطبيخ عادي بس كان عمال يقول لي كوسه ياع هههههههههههههه

الى بيحب البتات ياخد منة
حيعرف إن الله حق ههههههههههههههه

انا زهقت اوىىىىىىىىىى
معاذ بقى له 3 ايام متواصله كل يوم اصحى ع الساعه 9 كده بالصدفه الاقيه عامل بي بي
بجد اتخنقت اوىىىىىىىىىى وكنت مش بزعق له بس انهرده بقى قلت له لو عملت بي بي تاني وانت نايم هضربك وكنت مخنوقه اوي بجد
مش عارفه بقى الجو برد وهنفضل كده كل يوم ولا اعمل ايه

بفكر ابقى اظبط منبه ع الساعه 8 كده واصحى ادخله الحمام
تعبت بجد من الموضوع ده كل يوم غيارات وملايه تتغسل وانا اصلا مش قادره اليومين دل

ربنا يهديه يارب ويرجع يتظبط تاني

ههههههههههههههههههههههههههههههههه
هي جات من الحضانه

انا عاوزاها يا سمسم بس تاخدي معااااااااااااااااذ

العيال عادي سصاعات بتتمرد بس ده عامل زي منة
منة اي محشي تفضيه تاكل الرز وتسيب الاساسي
بس عسل كوسة ياع
دي بقى انا بقلها هههههههههههههههه
بس انا بكلها محشي مكلهاش باي طريقة تانية

خديها حبيبتي مش حتلاقيها تفرق حاجة عن معاذ ويمكن
تقولي هاتي معاذ ارحم ههههههههههههههه
بس عيل لاى يرجع في كلامه
بصي يا مونة تقلي عليه الهدوم بالليل لبسيه بنطلون كمان
وشوفي كده ودخليه قبل ماينام وزي ماقلتي صحيه وخليه يعمل
يمكن البرد حبيبي بيعمل فيه كده

بحط الغسيل وجيالك يا مونة

والله يا اسماء بدخله قبل ما ينام على طول
وبيكون لابس تقيل يعني البيجامات بتاعته مبطنه وتقيله
بس هو بيرفع الغطا مش بيحب يتغطى
لو قلق لاقى نفسه متغطي يشيل الغطا يمكن ده اللي بيخليه يبرد ويعمل

ربنا يهديه انا زهقت والله من الموضوع ده

معلش يا مونة ربنا يعينك
هو موضوع متعب فعلا ومهلك
لكن لبسيه بطلون كمان تحت البيجامة وشوفي كده
جربي ومتخلهوش يشرب مايه كتير قبل ما ينام

مشكله الميه دي اللي مش عارفه اقللها له شويه
بيشرب ميه كتييييييييييييير جداااااااااااااا طول الليل



انا هقوم شويه وجايه

ماهو لو قلل شورب الماية يمكن تفرق معاه فعلا
طب حبيبتي براحتك

ميرووووووووو روحت فين كان اسمك تحت
هوبي عاملة ايه دلوقت يا بنت واخبا رمزاجك ايه

انا جيييييييييييت
بس بروق الشقه كمان

انا قمت مش لقيت حاجه اعملها هههههههههههههههههههههه

بس معاذ صاحي وعملت له ساندويتش وشغلت له براعم وجيت