رابطة امهات واطفال مصر بعمر السنتين ..لشهر ذو الحجة

كل سنه وانتم طيبين
وربنا يتقبل منا ومنكم ان شاء الله
نسيت خالص اصوم

مين بقي اللي جاب لبس العيد
انا جبت خلاص عبايتين ليا
وحمزه جبتله بيجامت بكم للشتا
هلبسه واحده في العيد علشان يبقي جديد وخلاص مع ان الجو لسه مبردش ههههههههه
بس مش عايزه اجيب صيفي لان خلاص الشتا داخل
ومش هجيب لبس خروج لحمزه لان هو عنده طقمين لسه متلبسوش كانو كبار ودلوقتي علي مقاسه المهم انو جديد وخلاص

ازيك ا اميرة؟
وازى حمزة؟

الف مبروك عليكم لبس العيد
انا جبت لعمر ومنة لبس للعيد الحمد لله
وجبت لمريم فستان وكولون وعمر جبتله طقم
مش عارفه الاسعار السنة دى غريبه جدا واوفر اوى بجد
يعنى البلوفر الاولادى اما يوصل ل 160ج فما فوق الناس بجد تعمل ايه
ده غير ان الخامة بتبقى اى كلام والذوق وحش اوى

بالنسبه لى مجبتش لبس عيد كفايه لبس الاولاد والا هطرد من البيت
ههههههه

كل سنه وانتم طيبين

مبروك عليهم يا شهيده
بس منه مين بقي ياختي نسيتي اسم البنت ههههههههههههه
فعلا في مصر الاسعار بتغلي كل شويه ومفيش مقابل

ازيك يا هند جهزتي للسفر

حمزه مطلع عيني الايام دي
كل ما يلعب في حاجه غلط واخدها منه يزعل ويتنرفز ويصرخ ويضربني
ولو اديته حاجه تانيه علشان يسكوت لو معجبتوش يرميها في وشي وساعات يرمي نفسه في الارض

انا مش عارفه الصح ايه في التعامل مع السن ده
انا بقي عايزاكم تقولولي خبرتكم وكمان لو حد سمع عن رأي دكتور علي كده

لان ابقي بقيت بتعصب وبصرخ في وشه واضربه
بس حاسه ان كده غلط
وكمان مش عارفه المفروض اسيبه يعيط ولو اصلحه ولا ايه هههههههههههههه
جنني الواد ده ماشي بدماغه وخلاص

صباح الخير عليكم و كل سنه و انتم طيبين ان شاء الله و عيد مبارك
انا بقى السنه اللى فاتت فى الاوكازيون جبت لجوجو ترننج شتوى بس مش تقيل قوى هتلبسة ان شاء الله فى الوقفة ولبس العيد لسة والله

السلام عليكم يا امهات يا حلوين كل جزء وأنتم طيبين
شهيدة وسوسو وأم حمزة ألف مبروك لبس العيد يا حلوين وكل سنة وأنتم وأولادكم طيبين
أنا تقريبا خلصت حاجة البيبي ولبس البيت لنور لسة بقي لبس الخروج لنور مش لاقية حاجة تقيلة تناسب مناسبة لنور علشان الشتا في مصر
بفكر استنى اجيبلها لما اجي أنزل مصر إن شاء الله أنا جاية 1 ديسمبر إن شاء الله

نفسى القى حد منكم انتوا بتبقوا موجدين امتى

ام نور
ازيك يا جميل

بقولك روحي بيبي شوب اللي في العين مول هتلاقيه عامل تخفيضات حلوه وعنده جواكت ولبس تقيل

مهو انا برده يا هند مش بلاقي حد علشان كده بطلع علي طول
ارد واجري ههههههههه

ايمى الله يبارك فيكى يا قمر و تيجى مصر بالف سلامة

السلام عليكم ورحمة الله وبركاته
كل عام وانتم بخير
ومبروك هدوم العيد



هند انت يابنت ماقلتيش رسالتي وصلتك الى فيها الرقم
و لا رنيت عليه ولا انا عارفة رقمك زي ماهوه ولا
قليلي جاية بالليل ولا الصبح وحتوصلي الساعة كام
جوزك حيروح يجيبك ولا اجيبك انا ههههههههههههههههه
علشان اخد انا الحضن الاولي ده هههههههههههه

هههههههههههههههههههه والله فكرة ايوة الرقم وصلنى وانا ول مااوصل هكلمك من رقم الجديد ايوة يابنى رقمى زى ماهو متغيرش بس مش هيكون معايا هناك وانا ان شاء الله هوصل الساعة 9 مساءاً وشكل كدة جوزى نصيبة الحضن الاول هههههههههههههههههههههههه

أم ميزووو;13619922:
ام نور
ازيك يا جميل

بقولك روحي بيبي شوب اللي في العين مول هتلاقيه عامل تخفيضات حلوه وعنده جواكت ولبس تقيل

ربنا يكرمك يا ام ميزو أنا لسة جوزي جاي من شويه وقال لي انه بيبي شوب عامل تخفيضات و هانزل بعد المغرب أروح ابص بصه كده بس قوليلي إنتي في دبى ولا العين

sosomedo;13620092:
ايمى الله يبارك فيكى يا قمر و تيجى مصر بالف سلامة

الله يكرمك ياارب يا سوسو وتقومي بالف سلامة

السلام عليكم
كل سنه وانتو طيبين يا بنااااااااااااااات

اخباركو ايه وازي الكتاكيت
مبروك عليكو لبس العيد وعلى الولاد
انا جبت لمعاذ طقم خروج ولسه بكرة ان شاء الله هنزل اجيب لبس البيت بقى والداخلي لان كل حاجة السنه اللي فاتت صغرت عليه خاااااااااااالص حتى الهاي كولات التحتانيه مش داخله في راسه ههههههههههههههههه


انا رحت للدكتورة امبارح وقالت لي ان نسبة الحديد كده تمام اوي اوي الحمدلله وقالت لي احمدي ربنا فيه ناس بتاخد الحقن دي والنسبه مش بتعلى وممكن تعلى اقل من درجه انا كده الحمدلله



واهم حاجه بقى اني شفت البيبي ما شاء الله كبر وشفت ايده ورجله وكل حاجه الحمدلله
والاهم بقى انه الجنين























ولد
ههههههههههههههههههههههههههه

الحمدلله رب العالمين المهم انه يبقى كويس وبصحه كويسه ان شاء الله
بس انا عندي هيستريا ضحك من ساعة ما عرفت انه ولد وقلبي مقبوض وخايفه اوي
ربنا يقدرني بقى عليهم يارب ويعيني

الف مبروك يا ام ميزو يتربو فى عزك ان شاء الله
الف مبروك على مشتريات ميزو

انا بقى خلاص مش طايقة نفسى و الله قرفانة اخر قرف

انا متهيالى انى لو ما بروحش الشغل كنت اتجننت من الاحاسيس الغريبة دى انا مش طاية و لا اكل و لا اشرب من الصبح و شربت سفن قولت يثبت معدتى قرفنى اكتر
ربنا يعنى على الفترة دى