••● تجمع أمهات وحوامل سلطنة عمان لشهر ذو الحجة 1431 ه ( 40 عاما,دمتي يآ عُمآن)●••

نجوم تتلألأ;13737552:
ما شاء الله فدييييييتهم الحلوين


حلوووة يقين بالعماني اسم الله عليها لو انها ما تهنت تلبسه فديته بس الذهبي طالع روعة،،
ويوسف بالعماني والعصا يباله بوووسة
ما شاء الله ربي يحفظهم لك ويخليهم

فديتك انا عيونك الحلوه يا عمري

و يوسف ما لحقت اصوره بالمصر شرد عني اوين حصريا ماما لاتصوريني ما اريد :!!:

°•♥ Teacher ♥•°;13737555:
امس اكلت فراخ ههههه تو دور البطاطس
وانا من يجي ع بالي شي اقول يلا جيبووووه لي ولا ترا تطلع وحمه في ولدي :D
يااااااااااااااااااااااااااا رب اولد بالسلامه وعلى طوووول بحط لكم الصور ^_^ ان شاء الله

ان شاء الله الله بيسهل عليكي و على كل الحوامل يا رب

و يرزق المحرومين قادر يا كريم

بنات

استودعكم الله بروح البيت خلاص

منتهى الأناقة;13737182:
المشكلة بالرضاعة الطبيعية ما تقدري تشوفي الكمية..:(
بس أنا شفت على علبة الحليب من ورا مكتوب هالكلام..
بس لا تنسين الرضاعة الطبيعية تتعب الأطفال أكثر لأنهم يمصوا أكثر و بالتالي يشبعوا بسرعة..:thumbs_up:
و بعدين يمكن يجيها من الصدر كمية أكبر لأن الصدر في فتحات أكثر من المرضعة..بتلاحظي هالشي لما تشفطي..:o

البرنسيسة اثنينم بالعريمي.. واحد عند شيتال و الثاني داخل مقابل pure gold..

اي صح مكتوب هالكلام عالعلبة بس دُرر تشرب عالوجبة 4 أونص بس ما تريد تزيد!!
ما أعرف صراحة!!! :I:
عموماً تو شريت لها مرضعة كبيرة وبشوف
صح رحت ماكس وسنتربوينت.. خذت قمصان أبيض وأسود خخخخ حل محرم :hysterical:بصراحة أول مرة أتسوق بماكس وعجبتني كولكشنات القمصان والبرنت عليها وأسعارهم مناسبة كثير حل موسم مرة بالسنة :worn_out:

نجوم تتلألأ;13737216:
كم الأونص يعني 60 مل؟؟

الأونص 30 مل
أونصين 60 مل

منتهى الأناقة;13737281:
ميسوم
لو شفت هالأبلة ..و شفتني فرق شاسع..
هي ميسونة و لسانها متبري منها و أنا مسالمة وديعة

حرام أبلة الألعاب حبوبة وأنا أحبها وهي كانت تعزني وتميزني كثير خخخخ :D

فتافـت;13737412:
باااااااااااااااااااااااااااااركوووووووووووووووووولي اخييييييييييييييرا رخصوووووووني


بس قالولي يوميا اجي اسوي تخطيط وطلبت منهم يعطوني ورقة عشان اسويه في صحار لان بروح طيرااااااااااااااان صحاااااااااااااااااار


بإذن الله بحضر عرس اختي وكلكم طبعا معزومين

الحمد لله مبرووووووك حبيبتي وربي طمن قلبك
ومبروك عرس أختك يا رب

Al Hanoof;13737447:
بنات شوفوا يقونة اول يوم عيد بس 10 دقايق و غيرت لها من الصياح و المرض



و يوسف ما الحق اصور ابدا حتى شوفوا



و هنا يقين بعد

ما شفت الصور :(
وصح هنوف تو شفت في بيبي شوب قمصان أكمام طويلة سترش ملونة للأولاد

إبتسامة;13729000:

.. قصة ولادتي ..

.. تاريخ الولادة المتوقع حسب الدورة كان 27 /10 .. و حسب السونار 27 /10 .. بس السونار قدمني في الفترة الاخيرة .. يعني من الشهر السابع صار يعطي ع تاريخ 18 و مره 23 و الخ .. بس انا كنت ماشيه ع حسبة الدورة لان دورتي منتظمة ..

..

المهم للي ما يعرف تراه 27 / 10 تاريخ ميلادي <<< حلفي :lol: ..

..

طبعا انا كنت متأملة اولد قبل .. خصوصا ان كل اللي حولي و اللي اعرفهم يولدوا قبل موعدهم بفترة .. و كل ما مرت الايام حسيت بيأس اكثر و اكثر .. و اللي حولي كلهم ينتظروا .. بس راشد الحلو عيا يطلع الا بتاريخ يحبه قلبي :lol: ..

.. بتاريخ 26/10 كان موعدي مع دكتورتي .. رولا بمستشفى مسقط ..

و في هاليوم .. لما صحيت .. مع موعد صحوة زوجي للدوام .. الساعة 6 .. و من وقتها بديت احس بألم .. يجي و يروح و بديت احسب .. لقيت ان الفرق بينهم ربع ساعه .. بس ما قلت لزوجي .. و بعد ما راح الدوام و مرت ساعتين .. رسلت له رسالة قلت له فيني الم غير عن كل مره و يمكن قربت الولادة .. زوجي فرح و قال برجع من الدوام .. قتله لا للحين كل شي تمام .. و دام موعدي الظهر استأذن بدري عشان تتغداء و نروح الموعد .. بدل لا نروح و انت جوعان .. قال تمام .. بستأذن ع 12 ..

بعدها حاولت انام ماشي فايدة .. من الفرحة :lol: .. ترا قايله بزغرد اذا جاني الطلق :lol:

.. بعدين ع الساعة 10 رحت الحمام تكرموا و لقيت ع ملابسي الداخلية بقع باللون الوردي .. عاد ساعتها الفرحة ما ساعيتني هههههههه .. قرب موعد شوفة ولدي .. :D ..

.. بعدين قمت ارتب اغراضي و شنطتي و ابخر ملابسي .. <<< تو الناس ..

.. لا وبعد ملابسي مال المستشفى جبتهم قبل يوم بس يعني بتاريخ 25/10 ..

.. المهم عفست الشقة فوق تحت من الاغراض اجهز .. ووصل زوجي و شاف العفسه ههههه قال خلاص بتروحي عني .. مسكين جته عبره .. قتله لا بس ارتب الاشياء ..

عاد رتبت كل شي و قتله شو الاشياء اللي ياخذها المستشفى و شو الاشياء اللي ياخذها بيت اهلي ..

.. بعدين هو دخل ينام .. و انا كملت شغلي .. و ع الساعة 2 جا اخوي جايب لي الغداء امي مطرشته لي ..

و طبعا لا اهلي ولا امي ولا اي حد غير زوجي يعرف اني احس بألم ..

بعدين صحيت زوجي تغدينا .. و ع الساعة 3 طلعنا لمستشفى مسقط ..

دخلوني للتخطيط .. و انا و زوجي سوالف .. كنا نسولف عن مسلسل فريندز .. :lol:

بعدين دخلت ع الدكتورة رولا .. و خبرتني ان الليلة ان شاء الله بتولدي و اذا مو الليلة باكر .. بس قالت لي انها ما بتولدني لان عندها خفاره بمستشفى خولة .. :( .. عاد انا قلت لها بصبر لباكر مو مشكلة لانه موعدي المحدد و عيد ميلادي بعد .. :lol: ..

.. المهم قالت شو رايك افحصك او لا ؟؟ قلت لها اوك فحصيني .. كنت متخوفة من هالشي من كثر سوالف البنات .. بس لما فحصتني ايدها خفيفة .. و ما حسيت .. قالت لي 1 سم .. طبعا لو حد غيري يمكن يجيه احباط ع الالم اللي احس فيه .. بس انا مستانسه حدي .. :lol: .. 1 سم احسن من انه مسكر ..

.. ما علينا .. طلعنا من المستشفى .. و رحنا ندور انا و ابو الشباب و سوالف و ضحك و كنه العيد .. بعدين هو وصلني الشقة و طلع يخلص كم شغلة .. انا عاد رتبت الشقة .. و خلصت كل اموري .. بعدين طلعنا بالليل و مشينا في شارع الوزارات .. و على امل ان يزيد الالم بس ماشي فايدة :lol: .. قتله احسن عشان ما اريد غير دكتورة رولا تولدني ..

.. بعدين لما رجعنا الشقة .. دخلنا ننام .. بس انا ما جاني نوم .. الالم يزيد و يزيد .. و بدأ ينزل مني دم ..

كل شوي اقول بصحي زوجي بس اصبر نفسي .. لين وصلت 6 و انا خلاص منهد حيلي .. صحى و جا عندي على طول .. قالي شو صاير .. قتله خلاص مو متحملة و يلا المستشفى و اليوم ماشي دوام :lol: <<< على كيفي ..

.. المهم اتصلنا بالميد وايف .. و قالها ان الالم كل 5 دقايق .. و قالت تعالوا .. ووصلنا المستشفى الساعة 7 .. و انا فرحانه .. زوجي قالي تو بيرجعونا سوي نفسك تعبانة :lol: .. و مثلت اني تعبانة و ما قادرة امشي .. ههههههه .. و فيني ضحكة و هو بعد بس ماسكين نفسنا .. المهم شافتني الميدوايف قالت شكلك بتولدي تو هههههههههههههه .. بعدين زوجي قالي زين تنفعي ممثلة ..

.. دخلوني غرفتي .. و كان رقم مميز 111 :cool: ..

و حطوا جهاز التخطيط .. و كانت الانقاباضات قوية و كل 5 دقايق .. فقالت الميدوايف احسن افحصك .. قلت لها اوك .. ايدها شوي دفشه .. بس عادي بعدني كنت مستانسه اني بولد .. قالت لي 1 و نص هههههههههه .. عاد زوجي قال تو بيرجعونا البيت .. بس انا قتله لا ما بيرجعونا .. الميدوايف قالت الانقباضات قوية احسن تجلسي .. و عاد جابوا لي الفطور و فطرت و سوالف انا و زوجي و .. بعدين ع الساعة 2 جابوا الغداء و زوجي راح بيت اهله يتغداء .. و بعدين راح الشقة عشان يجيب شنط المستشفى .. بس هو من التعب نام .. و صحى 5 .. و انا خلاص ملانه وحدي ولا حد يدري عن هواء داري لا اهلي ولا غيرهم .. بعدين جت الميدوايف ع الساعة 5 و نص حطت الجهاز .. و الالم صار كل 3 دقايق .. و فحصتني و كان الخبر الحلو 5 سم :lol: .. ورسلت لزوجي ابشرك 5 سم .. و تو جيب لي زنجبيل عشان بسرعه اولد قبل عن يخلص اليوم و يجي تاريخ 28 ..

المهم راح هو جاب لي شاي بالزنجبيل .. بس للاسف قبل لا يجي بشوي الميدوايف قالت لي تبي شي يهدي الالم قلت لها اريد شي يخليني انام تعبانة من امس ما نايمة .. و عطتني مخفف الالم .. و هو اصلا كنه منوم .. و جا زوجي بوقت السكره هههههههههه .. خلاص كنت دايخة .. و ما شربت الزنجبيل .. بس قمت اهلوس و اقول اشياء لزوجي و هو مايت من الضحك علي .. طبعا بعدين حكى لي شو قلت ..

لحد تقريبا الساعة 10 .. بديت اوعى و كان الالم خلاص قوي ... و جت الميدوايف .. و كانت وحده ثانية لان هذك خلص شفتها .. وزين انه خلص .. هي حبوبه بس ايدها دفشه .. المهم الثانية فتحت كيس الماي و ما كان يعور مثل ما توقعته و شعور حلو لما يدفق الماي مني و بعد نص ساعة فحصتني و كنت 7 سم .. و قالت اول ما تحسي انك تبي تسوي بوش خبريني .. عاد انا هذك الساعة ما عرف بوش ما بوش ابا اولد لاني تعبت .. صار لي كم ساعة اطلق .. دقايق و لبسوني لبس الولادة و نقلوني غرفة الولادة و انا خلاص منتهيه ابا انام من التعب لاني ما نمت فترة و هذك المخدر ما نومني بالعكس خلاني اهلوس و اسولف اكثر بس بدون وعي .. وصلنا غرفة الولادة و قلت لزوجي اجلس برا لا تجي ههههههه و كان خلف الستارة .. و انا بديت احس اني بسوي بوش .. و سويت ما انتظرت حد .. :lol: .. بعدها الدكتورة ما واصله .. شوي ووصلت الدكتورة .. و بسرعه قالت ولادة .. حتى ما بدلت ملابسها .. بس جابت لها الممرضة روب ابيض ... و بديت اسوي بوش .. بس وش اللي صار هههههه .. كنت انام بين البوش و الثاني :lol:.. و يوم اصحى اقولهم طلعوووووووووه و ارد انام .. حتى النوم ما خلاني ادعي لا حالي ولا حال غيري :lol: ..

ع العموم الدكتورة عصبت علي قالت ترا بسويلك عملية اذا ما صحيتي من النوم .. لان البيبي بدأ يتعب .. من اسمع هالعبارة اسوي بوش اقوى شي و يطلع رشودي و هاي احلى لحظة ربي لا يحرم حد منها .. و اول ما شفته و حطوه ع بطني قمت اقول ياروحي يا عمري حياتي حبيبي ههههههههه و الدكتورة تضحك علي .. قالت هذا سموه عناد .. عنيد ما يبي يطلع :lol: ..

و خذوه لزوجي و بعدين الدكتورة خاطتني و الحمد لله مو وايد شوي .. و ما حسيت بالم كثير يعني محتمل .. و بعدها دخل زوجي .. و جابوا لي رشودي ارضعه ..

و كانت ولادتي في اخر دقايق من تاريخ 27 / 10 ..

و اللي يضحك ان للحين محد يعرف اني ولدت لا اهلي ولا اهله ..

و بعدها رجعنا للغرفة و نمنا حن الثلاثة .. و صحينى ع الساعة 7 و جابوا لي الفطور و زوجي راج يجيب التوزيعات و الحلويات ..و ع الساعة 10 بشرنا الناس .. و طبعا امي عصبت علي .. :lol:

..

يمكن البعض يلومني ليش اني رحت بدري المستشفى .. بس بأمانة احلى شي سويته اني رحت بدري .. خف التوتر مني و جلستي بالمستشفى ريحت نفسيتي كثير و زوجي معي طول الوقت عطاني شعور حلو .. و المستشفى مهتمين عدل ..

بس اكيد لو مستشفى ثاني و ما عندي غرفة لوحدي كنت بتضايق و بمل ..

تو هذا بالمختصر لو قلت التفاصيل ويش بيطلع كم صفحة ..

:|

وبث خلصت الحتوته الحلوه ..

الحمل حلو و الولادة حلوه .. و التربية و الترضيع شوي حلو ما واجد .. بس راشد احلى هدية لي من ربي .. و الله يرزق كل من تتمنى ..

.. صح نسيت اقولكم ان اللي خلى راشد شوي يطلع بصعوبة انه وزنه كان ما شاء الله :confused: .. رغم انه ما زاد وزني واجد و ما تغيرت في الحمل .. بس التغذية السليمة هي السبب .. <<< امدح عمري ..

.. و اللي ساعدني بالولادة التمر كنت اكل وايد .. تمر و رطب طول الوقت .. و ما مشيت كثير كثير .. بس حتى المشي ساعدني .. و كان يريحني نفسينا .. ووقفة زوجي معي بكل مشوار الحمل ساعدني كثير ..

.. و قريبا بحط صورة راشد .. ادعوا له بالهداية و يخف صياح شويه :lol:

:L:



:thumbs_up:

Al Hanoof;13737675:
بنات

استودعكم الله بروح البيت خلاص

الله معك حبوبة

رجعتي أم درري؟؟

اي رجعت نجومي :)

باقي كم دقيقة ويخلص الدوام

واجد تعبت ونعست وشوي وأنام لأن اليوم أول يوم دوام لي بعد اجازة العيد

ديموند جيرل،،، شخبارك؟؟

مساء الأنوار عروس

عروس جنان;13738064:

كيف درر الحين..

تصدقي كثير احاتي فترة ما بعد الولادة تعب وسهررر :hysterical::worn_out:

هي بخير .. نامت وقامت ارتاحت بس ما أدري وش فيها كله تصيح حتى في نومها تصيح!!!
إذا استمرت على هالوضع لبكرة باخذها الدكتور.. أخاف :I:

من حقك تحاتي! وااااجد تعب

هالتعب والسهر اللي يخليني أفكر ترليون مرة قبلما أقول بيبي ثاني!!!

بس لما يكبروا ما في أحلى منهم :thumbs_up: :adore:

عروس جنان;13738051:

انا احتمال بسوي توزيعات عند جودانا في السبلـة
للمستشفى وبطلب حلويات بشوف فواله
او مكان ثاني
ملابس البيبي جاهزات بس اريد اغسلهن
ملابسي بكرة اوديهن الخياط وفي منهن خلاص جاهزات
واريد اخيط عبايتين لبعد الاربعين
المشد انا اشتريت من الصيدلية في ولادتي الاولى بس ما مريح ابدااا

هيه شفته واجد خشن وحسيته بيكون ما مريح ابدا !!!
قبل العيد رحت فواله خذيت حلويات للبيت ... طعمها يمييييييي روووووعه وعاد شكلها فنان :)
ناويه اسوي توزيعات عند وحده من السبله بس بعدني ما اخترت

سيدة القوم;13738096:
من حقك تحاتي! وااااجد تعب

هالتعب والسهر اللي يخليني أفكر ترليون مرة قبلما أقول بيبي ثاني!!!

:rolleyes: :rolleyes: :rolleyes: <<<بعدها ما تتخيل كيف الوضع الله يستر !!

باااااااااك

رحت الستي وتغديت من تشليز ..

تو الراس داير وباغيه انام .. ياربيه وراي درب لين البيت