لمة الليبيات لشهر ذو الحجه1431 ه

عروسة ليبيا كيف حالك حبيبة وين مغطسة ليا هلبة ماشفتكش في اللمة..بالنسبة لبلقيس حتي اني مسجلة فيه ليا قداش سنة توا والحق ديمة تعجب فيا ردودك خصوصا في قصة ام الغلام وحتي اني علمني هلبة بلقيس مع ان فيه قصص تحسيهم مبالغ فيهم
ضيو مبروك عليك ماشريتي تبيديهم بالهني
دلوعة شن جوك اليوم

ام ميمي وهنو كيف حالكم

ههههههه شكلة الدنيا اللي بتضربني تيرو

الحمدلله فيكي تمام

بعيد الســـــــــــــــــــــــــــــــــــــــو ضيو انشالله الدتيا اتواتيك زي ماتبي

وعليكم السلام هنو .
خطرتى عليا هنو الدلوعة كانت دايما اول ما تدخل تسلم ..............ربي يهنيها ويسعدها يارب

لا ضيو خليك هكي حرق الدم مش حيفيدك والي كاتبه ربي بيصير

انا خديت مناعه و اهو هنو تعرفني و شافت قداش حرقت دمي في البيان و في النهاية و الله ماحسيت بيه من الستريس و التفنيص
و هو اصلا 3 ساعات فاتو زي السحر تمنيت ماحرقتش دمي و لا أي حاجة
فاللي صارلي خلاني معاش انحب نعطي للأمور حجم اكبر من حجمها باش نقدر نستوعب اللي يصير و نقدر نستمتع و هدا الأهم
و في الأخير طالما فلوسك موجودات ان شاء الله في شهر اتمي امورك
و اللي مكتبه ربي بيصيـــــــــــــــــــــــــــر

نبي نصبغ شعري ونقصه قبل ما نمشي لليبيا وقاعده محتاره في الصبغه
شن رايكم بنات اما احلي نصبغه بني محمر هادي والا عسليي او لون اهفت
لان لون عيوني بني علي عسلس وشعري بني دااكن والا نخلي الكواافيره تشوفي لون عالكتالوج

بنسالكم بنات على منتجات زين الاتات اني مش مقتنعة بيهم بكل نقول لو حق منتجاته فعالة راهو شرتهم منه شركة ادوية كبيرة اني مقتنعة بالاعشاب وان فيه منهم علاج لكن القصة تبي دراسة وابحاث وتجارب لسنين طويلة شركات الادوية الكبيرة بش تطلع الاديوة تبي وقت طويل وهما يجربو فيها بش يتبتو مفعوله واعراضها الجانبية ..وماتقولوليش الاعشاب ماليهاش اعراض جانبية كل مادة ربي خلقها تبي تركيز معين تكون فيه نافعة وبتركيز تاني تكون مضرة مش عارفة علاش ماعنديش تقة في اي منتجات اللي يقولو عليها متاع اعشاب

....................................................................

ام ميمي انا نحب يبدا اللون قريب ع لون العيون انحس فيها أحلى لون شعر هكي

ام ميمي انتي بيضا ولا قمحيه ولا سميرا

والله كلامك صح ضيو احنى عرس اختي في شهر وتينا كل شي

ضيو خليك ديمة هكي بالحق لما ماتحرقيش دمك تستمعي اكتر
ام ميمي الصبغة انتي وبشرتك شوفي في الكوافير شن الالوان اللي تمشي معاك ولون العيون يلعب دور لكن البشرة اكتر فيه الوان تخلي البشرة شاحبة وفيه الوان تعطي لون حلو ..اني نحب العسلي والكراميل يكون هاي لايتس في العشر مانحبش الصبغة اللي لون واحد..واني شعري اسود فاحم صبغته مرتين مرة بني محروق ومرة احمر فاقع والصراحة نحس الاسود احلي حاجة ماشي معاي

ههههههه بنات شكلي بنقلبها السفرة ل سوريا

فيكي والله انى شخصيا ماستعملتش منها الا مقوي الاظافر وكان مش منه راهو ايديا زي صف الاول ههههههههههه
واختي تستعمل في قاطع الشهية حتى هو ممتاز الصراحة

لولو2010;13835577:
ام ميمي انتي بيضا ولا قمحيه ولا سميرا

اني بيضاء لولويعني مش بيضاء هلبه زي الجبنه ههه

ضيو حتى انى مع راي ملكة بصراحة مافيش حد مشالها ومشكرهاش من ناحية الرخص
وان كل شي فيها

بنات بنسئلكم سؤال عبيط
منو في حوشهم يشد ريموت لما تكونوا تتفرجوا
هههههههههههههههههههههه