لمة الليبيات لشهر ذو الحجه1431 ه

اي شفتي مش عملة هادي انحرم ع نفسي و مانلحقش نستمتع بيومين يا كبدي

نوم الهنا قهيوة
بيشو سلمك حبيبة اني الحمد لله بخير
لا ضيو وزنك طبيعي مش زايد لما تبدا فيه زيادة في الوزن متاع عشرة كيلو او اكتر مرات تكون هي السبب في تلخبيط الدورة

راه انا نوعيتي منقتنعش بسرعه و نحب نستشير اهل التخصص
ف لازم فشهر 2 ندير التحليل و الالتراساوند تاني و نستشير دكتوووووورة متخصصة

هلا روح الوليد انستي

ايه ضيو تحسي لما الواحدة تقعد شوية احسن المهم ديري تحليلات قبلها وخلاص..لكن تعرفي الحمل يخلي الراجل يدلعك هلبة..اني بهدلت راجلي مسكين واني حامل اتحملني هلبة

فيكي;13824247:
شكلك ضيو اقتنعتي بالمانع خلاص
تعرفي لما كنت في سنة رابعة كانت فيه حالة في الجلاء رقدت تسعة شهور في المستشفي اتخيلي حملت شكلها من اول يوم واتوحمت هلبة وصارلها جفاف رقدوها طلعت حامل بتواما ومش عارفة شن كان عندها مشكلة اتخيلي قعدت تقريبا فترة حملها كلها في المستشفي ديمة تبكي كانت وتقول ان حتي حوشها قاعدة ماخدتش عليه

الله يبشرك بالمانع .... ومن غير المانع وبكل شي ليه علاقة بالموضوع هدا

اهلين روح نورتي اللمة

الله ايسلمك ملوكة
وبالنسبة للدورة كان المانع طبيعي لازم اتنظمي الدورة قبل واني الحق مش معاه
الطبيعي مش مضمون (والضامن هو ربي) اني درته مانع طبيعي بعد بنتي وحملت بيه
وبعد بنتي الثانية درت لولب والحمدلله ماشي معاي الحمدلله تو ليا 3 سنوات بيه
وبخصوص وحدة ادير مانع في بداية زواجها يفترق بين لما اتكون جايبة من قبل يعني في البداية
الوحدة بيكون جسمها كله تغيرات هرمونيه واتزيد هيا ادير مانع وبعدين المانع في البداية مش كويس اصلا الدكاترة ماينصحوش بيه
حتى بعد البيبي الاول
لا مانع طبيعي ولا غيره يعني الوحدة وين تندري على روحها اتجيب صغار ولا لا والله عندي صاحبتي
دارت مانع على اساس لين اتكمل قرايتها بتخليه سنة وبتحوله مسكينة تمت قراية من هنا وحولاته وقعدت اتراجي
في حمل قعدت سنتين وهيا تجري قالتلها الدكتورة سبب التاخر من مانعك لانك في بداية الجسم يتغير من هرمونات من كله
وانت لخبطيه بالمانع وبعد شنو جابت بنت وبعدين هادي ملاحظة مش كل جسم زي بعض يعني اني مشي معاي لولب
جارتي مامشاش معاها فالجسم ليه دور كبير خلوها على ربي احسن من التلخبيط (حكيتلكم قصة حياتي شكلي هههه)

تو اشبح كيف بنجيبهاله هو عاد مايحبش التبلبيز في الجو هدا

هههههههههههه ضحكتيني ملوكة شكلي نكدت عليك كل ماتخشي نقولك حاجة تكرهك في الزواج
تعرفي بجديات صارتلي عقدة لانهم كدبو عليا هلبة حاجات ماكنتش نعرفها انصدمت بيها لما اتزوجت ..فمقررة اني نقول الحق لاي واحدة على وش زواج

هما الصغار رزق من عند ربي راه و اللي ربي بيرزقه بيه بيرزقه
فهدا مجرد تنظيم بس و الباقي من عند ربي

باهي لو خليناها علي ربي ممكن نحمل من اول شهر
لان كلنا هكي !!! في عيلة يعني .. وكلنا نجيبوا توأم
لكن في حالتي انا توأمي مات في 4 شهور :(

معاش عرفت !!! والله معاش عرفت

ايه ضيو اغلبية الرجالة يموتو في الصغار ويكرهو الموانع
لؤلؤة حتي اني عندي صاحبتي نفس قصة صاحبتك بالزبط
اتخيلو ان عزوزتي حملت بالحبوب مرتين وحملت باللولب مرة وحملت بالمانع الطبيعي ..مسكينة لين متعقدة من الصغار

عروسة ضياء;13824302:
تو اشبح كيف بنجيبهاله هو عاد مايحبش التبلبيز في الجو هدا

ههههههههههههههه

حلوة كيف بنجيبهاله مايحيش التبلبيز

لما بتجيبيهاله قوليلي كيف ههه

يابنات شنهو اللولب لاني سمعت قصة اضحك عليه مانعرفش حق ولا لا لكن ممرضة صاحبتنا حكتهالي

لو ربي كاتبلك بيهم ملوكة بتشوفيهم انتي معاش تفكري وخليها على ربي وخلاص..بري اسالي دكتورة وكان كل شي تمام ديري مانع عادي..احني مشكلة مجتمعاتنا يحبو يجيبو الصغار بكري..تو برا عادي يفكروا في الصغار في نهاية شبابهم لكن احني يحبو من الاول..اهو اني نكتب توا وولدي وراي يخبشلي في ظهري مش هدا هم يخليك تنحي الرحم مرة واحدة مش تديري مانع وخلاص

ليش مديريش ضياء تحليلي في شهر 2
وانتي ديري تحليل !! مش قلتوا احسن هكي
من عند دكتورة؟.

فيكي;13824360:
لو ربي كاتبلك بيهم ملوكة بتشوفيهم انتي معاش تفكري وخليها على ربي وخلاص..بري اسالي دكتورة وكان كل شي تمام ديري مانع عادي..احني مشكلة مجتمعاتنا يحبو يجيبو الصغار بكري..تو برا عادي يفكروا في الصغار في نهاية شبابهم لكن احني يحبو من الاول..اهو اني نكتب توا وولدي وراي يخبشلي في ظهري مش هدا هم يخليك تنحي الرحم مرة واحدة مش تديري مانع وخلاص

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

فيكي;13824360:
..اهو اني نكتب توا وولدي وراي يخبشلي في ظهري مش هدا هم يخليك تنحي الرحم مرة واحدة مش تديري مانع وخلاص

ههههههههههههههه يعطيهالك وخلاص !! ونبي كيف درتي لما نضفتي المطبخ معاه؟

نبصر راهو لاني بجديات مش نادمة عليه ولدي
دلوعة اللولب طرف معدني يحطوه في بطانة الرحم يدير التهاب ويخليها بيئة مش مناسبة للحمل وعيبه لو صار حمل بيه في احتمال ينبت عليه البيبي