لمة الليبيات لشهر ذو الحجه1431 ه

ملوكة فيه لعبة حلوة اسمها mcf مش على الفيس هي تنزل من النت لاعبتيها قبل؟

لؤلؤة لالا والله شهرين بس .. ياخي مرة نعدل عليها ومرة نفوتها .. يعني مش ادمان
لكن هي فيها سر ... ومش من الاول تفهميه السر ههه !!!

لؤلؤة حتي انتي عندك حوازة؟ اني عندي اختي كانت مخرومة بالحوازة لدرجة ترقد وتدير في منبه على خاطر محصولها ماينحرقش

لاالا لعبت قبل بترافيان هلـــــــــــــــــــــــــــــــبة لين هبلت فترة هملت جتي نفسي وقراتي علي خاطرها
ولاب توب بتاعي ميتسكرش .. وبعدها خشلي فيروس منها رون الدنيا كلها !!! حلفت عليها بعد مادرت شووط
مش طبيعي فيها
:(
ضيائ وين مغطسة ؟

بس توا يا فيكي فيه لعبة حلوة اسمها
IT GIRL برضوا علي فيس هههه

اي فيكي عندي حوازة
ملوكة قوليلي ع السر

ملكة في مملكته;13805645:
ضياء وراك عرس وبتات وتجهيزات شنو اديري في مزرعة هههههههههه
من أنا حتي القصتين هادم في بلقيس ... ابعتيلي لنك بليز :) كان هدا
وشنو اخبار هيثوما في صين هههه

اني مش قاريتهم في بلقيس
اقريتهم في مكان تاني امعبي قصص

مش موضوع وردود وهكي

لا بس قصص

اممم تو نذكره ونقولك

تلقي اشكال والوان قصص ..

ههه هيتوما تمام حمدالله ههه

ملكة هدا الموقع

http://go.3roos.com/mz4tzlu4qdf


اختاري شن تبي منه كله قصص

السر في مساعده جيرانك ... وانكي تغرسي اغلي الزرع



شكرا اموونة ..

ياريت نقدر نخش الفيس الباشا حالفلي وانى وعدته
لاني اصلا ماكنتش نعرفه ومانحسباش جوه حلو هكي

شعب القيت صالة عجبتنيييييييييييييييييييييييييييييييييي

نستني غدوة يجي باش نتصل بيهم

يارب يكون سعرها اوكي

دلوعه حبيبا ... الفيس حلووو جدا بالناس الي فيه !!!
يعني لو انتي ضايفة ناسك واهلك واحبابك
شنو فيه من غلط
وبعدين توا فيه سيكورتي اكثر !! وأمان


مش فاهمة ليش فكرة الغلط هادي بتع
الفيس ؟!!

ههه فيس جوه حلو ؟ خخخ بايخ ههه

كنت عليه بس هيثم مايحبه

وانا امجسلة اولاد عمي وهكي فيه ف هو عصب قالي امسحيهم مايبي اسجل اولاد خخ ف نحيته كله ع بعضه لاني مانقدرش نمسحوهم وانخليه ههه مش حلوة

ف نحيته كله .. هو اصلا متعقد منه

ولان مرات نطلع مع صحباتي وهكي وهم يحطو في الصور ع الفيس ويديرولي في تاق لي صورتي ف انجلط الراجل .. القي صوري فيه ههه ف بلا مشاكل نحيته وخلاص

ههههههه
مشكله فيس وخدين فكره غلط وحتي منتشره ع ها ااساس انه تعارف وبس


توه نحط صور مزرعتي

ع فكره مزرعه ملكه للعبه تانيه لؤلؤه

صور ما صور هادي حرية شخصية .. وبالعكس انا الفيس بالنسبة ليا حلوووووو
لقيت فيه ناس مشفتهمش من كنت صغيرة .. وفيه صحابي
واقاربي كلهم برا .. نتواصل معاهم بيه !!!

الله اعلم الناس قناعات

حتي انا مقتنعة مااحسه شيء غلط عادي يعني

بس انا مايعجبني

ف نحيته

حتى انى زيك ياروز الراجل يكره مووووت
مع اني ماكنتش نعرفه الفيس اصلا فالما سألني قوتله مانعرفاش فرح
ولما قوتله صاحبتي قاتلي ديري اكاونت ناض زي الغول
فاصكرت الموضوع بش نريح روحي من المشاكل
وكل يوم يجيبلي قصة شكل عالفيس شي يسخط قولت الحمدلله ماخشيتلاش مع ان بنات العيلة كيف يحكو عليه يسهفو فيا ههههههههههه

فصص شنو؟

حتي اني الفيس نحبه وعندي جو بيه وضايفة فيه خواتي وحماوتي وسلفي الصغير وشوية من اقارب راجلي واقاربي وعندي اصدقاء اتعرفت عليهم في الفيس.الصراحة نحسها عادية وحتي راجلي عنده اكاونت لكن مش ضايفاته ..وملوكة لعبت بيها ات قيرل امس بس ..لكن اللعبة اللي نحكيلك عليها مش عادية بكل ادمنتها اني لدرجة درت كريدت كارد وشريتها هي لعبة بازلس والغاز ومش عادية بكل
روز ان شاء الله تحصليها الصالة

على قولة ملكة كل حد وكيف يستعمله