لمة الليبيات لشهر ذو الحجه1431 ه

من انـــا؟;13793765:
ناقصين عقل مش حنان

اصلا اذا هم ناقصين حنان مالة من عنده حنان

الامهات الليبيات يموتو ع الاولاد اكثر من البنات وامقعمزين خير يدلعو فيهم

ماهو في منهم يتامي وفي ماشالله الي عندها 7 ولا 8 ولاد قداش بتوزع حنان

ههههههههههههه بالك هو ياابله هونيده *_*

لولو ممكن في طرابلس فيه وكيل تحصلي اصلي

اني يومها مستحقه ومستعجله قالي مافيش اصلي عندي صيني مقلد قتله هات

بس اضمن ليك تشري من كندا


بنات اني سلامات توه

ناقصين عقل مش حنان

والله صدقتي الاجنبيات مايعرفن الحنان
لانهن ماعاشنش الشئ هذا........

هدا يا ناري واحد جيران خالتي في الصين هو افريقي لاجئ متزوج صينيه قالت تلاقيت معاهم في محل قالت هو طول في عرض وهي زي الفلوسه قدامه المهم قالت هو شاد شكاير وهي تلبس وتقيس في الحوايج يعدين قاللها راجلها خلاص هيا بنروحو واني معاش عندي فلوس قالت خالتي ضرباته كف قدام الناس في المحل قالتله انت تشري وتسكوت احسن ما نرجعك لبلادك
صدمتني

ماابرده تحميل عروس واااك

في امان الله حيو مازال بدري

حبيبة قلبي عروسة ليبيا سلمك نشادة بارك الله فيك حبوبة . تسلمي وربي يعطيك على قد نيتك .
والله مشاغل من قبل العيد قوليلي من قبل رمضان لتوا واحنا من حاجة لحاجة . يعني ما هفتنا بكلللللللل. حتى صاحباتى اللى معاى فنفس البلاد استحشتهمممممممممممم .
عاالعموم انا معاكم ومتابعتكم وندير في طلات لكن زى اليوم العصر دخلت مالقيت حد ودوب ندخل نحاول نشوف اللى فاتنى ما انلحق نردنلقى روحى فوتتتتتتتتتتتتت وقت وما نلحقش نرد نطلع .
بس والله اللى في القلب في القلب راه .

ابلة هونيدة حج مبرور وذنب مغفور . .

اه تدكرت .
قوليلي يا ابلة هونيدة وكل بنات بنغازى ز
قبل هكى كنتى اتدورى في ايجار للعطلة في بنغازى شن صار فيه حصلتي حاجة منيحة . لانى حاليا اندور في ايجار للعطلة بالك حد يقدر يفيدنى.
انا ندور في حوش او شقة في منطقة تكون قريبة منبيش في منطقة نائية شاليه او شي هكى لا نبيه في وسط البلاد . وفي الفترة من 20 .1 هكى حاجة عشرة ايام ..........

مش غير افريقي
نحن كانوا معنا في كندا مجموعة ليبيين متزوجين كنديات وكلهم مستويات واولاد عايلات
والله اتفنص فية قدم المجموعة وتنت علية كانه ولد صغير وما يحل فمه,, فيها ولايرفع عينة
وكان ليبية راه تذكرتها وطول على ليبيا,,,,

مشكورة روح الوليد لكي وحشة
اية الايجار متوفر بس لمدة عشرة ايام صعب انك اتلقي حد يرضى ايجر لكي
بس انتي خشي على سوق ليبيا المفتوح وان شاء الله تلقي,,,,,,,,,,,,

اوكى يا غزالة انت .
كيف حال الدكتور والاسرة ان شاء الله كلهم بخير .

في عشي;13793847:
مش غير افريقي
نحن كانوا معنا في كندا مجموعة ليبيين متزوجين كنديات وكلهم مستويات واولاد عايلات
والله اتفنص فية قدم المجموعة وتنت علية كانه ولد صغير وما يحل فمه,, فيها ولايرفع عينة
وكان ليبية راه تذكرتها وطول على ليبيا,,,,

هههههههههههههه والله صدقتي

بخير والحمد وانتي شنو اخبارك مازال الفرحة واللحمة

ههههههههههه
مازال والله اللحمة مازال . عمك وليد قاعد ينقرش في الحيطان

قولولي يا حلوات بنغازى
وين جاية ارض لملوم.ووين جاية ارض الحراسة ؟

ارض لملوم وارض الحراسة مش في وسط لبلاد ابعاد شوية

اها .
صحيتيفي عشي وصلنى المسج

باك واحتاج لمساعده اليوم عندي اسبوع بيبي وحايره اما قفطان نلبس فالاخير استقريت علي تنين من قفاطيني لكن حرت اما واحد فيهم نلبسه ساعدوني