لمة الليبيات لشهر ذو الحجه1431 ه

روز حلو القفطان سيمبل وفي نفس الوقت راقي..وفكرة الموف معاه حلوة..ربي يكمل عليك..وتوكلي على الله واحجزيه مدام عجبك..
ملوكة كيف حالك؟
لولو وحياة حلوة شن اخباركم ؟

تانكس ياحيو
تانكس لولو

حياة حلوة فكرة دار النوم موف ..وتقدري تركبيلها اكسسورات يهبلو

تعرفو اني داري كانت مفاجاة راجلي ماقاليش عليها شي ..لين كملها وفرشها صورهالي وكانت تحفة الصراحة على القهوي الغامق والسكري ..ومعبيها شموع وحركات ..والحمدلله اني كنت رافعة معاي يرغانات تطلع عليها واكسسورات مشت معاها

هههه يافيكي كل مانقوله شنو تدير والا شن درت يقولي مش دخلك ههه
مره تعاركت معاه قلتله مالا انا مادم مش دخلي مش ح نخشلها قعد قداااش وهو ايرضي فيا
انحب نشرف ع كل شئ والله بس هو حالف عالاتات وغيره معاد قايل حاجه الا لما يحتار يقعد يسال بس

فيكي;13763037:
حياة حلوة فكرة دار النوم موف ..وتقدري تركبيلها اكسسورات يهبلو

اوكي حلو واني نحب للون موف اصلا

واني درا نوم كملتها
وهذا موضوع فيه صور اكسوراتي
http://forums.3roos.com/showthread.php?p=13483296#post13483296


وقتله ع للون زواق لي نبيه بس هو وقت عرف نحب للون هذا يبي يفرحني بيه

توه بنشوف شنو ناقص وبنكمله موف ودار نوم بنقوله ياخدها بني داكن لو خدي كلامي هههههههه مش زي زواق

حلا لو خطيبك عنده في الديكور ويفهم فيه خليه يختار صدقيني حيفرح هلبة لما يوريهولك ويعجبك..
حيو حاجاتك تهبل وحلوة هلبة وكلاسيك اختيارتك..
اني داري كانت مودرن اكتر مش كلاسيك

حلا اني وقت نحرق اعصابي نقول زعمه شنو حط وشنو بدير
ماما تقولي شنو دخلك نقولها كيف بنشري اكسورات تقولي بذوق تتغير كل شئ حلو لو مايطلع عليه

بتنسيق ها يطلع حلو

لا يومها كملها قالوا هما بديروا صالون في اخر للحظه خبروني قتله لا لا اني بنديره
خلني نحس اني درت شي في حوشي

اشكركم اخواتى الغاليات
على الترحيب الغالى
ان شاء الله اكون عند
حسن ظن الجميع

عيونك الحلوه فيكي

انا نبي صاله مودرن
ودار كلاسيك
بس واضح الحوش كله بيكون كلاسيك

تعرفو اني قبل عرسي قالي خطيبي شريت دار النوم قتله شن لونها قال خضرا ,,اني رعشت نتخيل فيها كيف ممكن تكون..المهم بعدين بعتلي صورة دار خضرا تقرف حاشاكم والله لين قريب بكيت قاللي شن رايك قتله انت خلاص ركبتها قال ايه قتله امالا قنينة واني دمعتي في عيني ..وفي راسي نفكر كيف بنتصرف فيها وكيف بنغطيها ولا بنزوقها..مشي هو انفلق بالضحك قالي سخفتيني قداش تجاملي طلعت مقلب الدار مصورها من دكان اتات

حيو حلو الكلاسيك..خلي المعيشة مودرن كان هدا وربي يكمل عليك
في عشي اسمك عاجبني هلبة

من انا امك روحت من الحج

هههههههههههههههههههههههههههههههههههههههههههههههههههههههههههه
فيكي يعطيك الهني والله ضحكتني

ايه هو هكي وقت يقولك شريت او حطيت معندك ماتقولي غير انك تجاملي وخلاص

حتي اني بدله العيد والله ماهي حلوه ههههههههههههه بس قعدنا نشكروا ونحطوا

هو يافيكي دوقه ايهبل بس ياوخيتي وين نعرف كيف يلودو عليه جماعته وكيف يديرهالي هههه
لانه هو متكفل ف هالامور
اخته قالتلي انتي ريحي راسك وماحلاها تجيك حاجه مفاجاءه وحلوه
قلتلها اه وانا ف خاطري نرعش هههههه ماهو مش من الاول الواحد بيغير حتى ولو ماعجبكش
اللي قالي عليه من كل شئ انه بياخد دار نوم عالاسود الله اعلم حق او يتسهوك هههه حتى الصالون والطاوله سمعتهم من ناس تانيه وماقلتلاش قالولي هههه اخبار بالخنبه ههه

السلام عليكم
مساء معطر بذكر الله ..مبعوث لأحلى خلق الله.. لينير الدرب و يبارك فيكم
...مساء خاص مو حق أي ناس .. ناس أغلى من الألماس .. رهيفين القلب و الإحساس

كيف حالكم ياحلوات
في عشي حج مبرور وذنب مغفور ان شاءالله

ايه حيو شن بنديروا لازم نسايروا ونجاملو..لان الناس اذواق ومرات تضطري حتي تلبسي حاجة مش عاجباتك غير لانها هدية

حلا صدقيني مدام ذوقه حلو ارتاحي وماتحرقيش دمك وصدقيي حتكون مفاجاة حلوة..
لؤلؤة سرت اهلين حبيبة وينك مغطسة؟
في عشي حج مبرور ان شاء الله ..شن دارت فيكم المطر غادي

في عشي
ماشاء الله عوداً حميداً
حج مبرور وذنب مغفور يارب