لمة الليبيات لشهر ذو الحجه1431 ه

ملكة في مملكته;13753202:
مش ملحقة علي شنو يعني .. يا ماما كان نتزوجوا هكي يصير فينا مش لازم ههههه
حنونة انستي ونورتي ماشاء الله اللمة منورة اليوم
يارب ديما هكي

هههههههههههههه

تصدقي ديمو ليها شهرين متزوجة ممكن طيبت مرتين و الا ثلاثة الباقي كله عزوزتها اتطيب و الا تجي عند امي

ههههههههههههههه قلت لها كان ضمان الحوش بس مش ملحقة عليه كيف بتلحقي لما اتطيبي و الا يجيك عيل

هههههههههههههههههههههههههههه عيونك الحلوات يا حنونة الله يخليك فرحتيني :)

ايه يا دكتورة ربك يستر هههههههههههههههههههههههه
ربي معاها ويهنيها يارب !!! ونسمعوا خبر البيبي قريب
ونفروحوا بكل مدام ولت ام !!!

شن رايكم فالشمع للمطبخ هههههههههههه

مصراتية .. بريدك معبي باللهي عليك فضيه ... كنت حابه اندكرك
هيووووووووووووووووووووووووووولة :) 48 ساعه تمو نستني في ردك
هي هي هي هي هي
امس نقول لماما عليك قتلي البنت بتكريها فيك زي ماكرهتيني
في بودري ههههههههههههههههههههههههههه

عروسة ليبيا;13753057:

من انا

صح بنغازي يرفعو بدقه من كلووو

بس انتي ظروفك غير لكن الحق الاصول ترفعي شوية حاجات مهمن كان يعني انتي عروسه وهادي مملكتك وبعدين ف وين ما انتي غادي بريطانيا جات تهبل ومميزه حتى يبانو راقيات ويبان ذوقك فيهم لمن يحطوهم ف حوشك


تربولي كل الي نعرفهم يرفعو راه بس ان يمشو هكي بكل هادي شبه انقرضت يعني زمان زمان كانت العروسه تمشي بشنطتها وبس

بس خلاصصص توا الكل يخذ معاه

حتى الي ماترفع بدت تتنقد

وهما حاجات بسيطه ويبينو ذوقك ومن يوم يمشو خواتك يفرشولك يديرو جو فالحوش

انتي تبي تكوني ف بريطانيا عشان هك ف تقدري تبعتي حاجات علا مراحل لحوش هل ماما اميمه يخلوهم ليكم غادي واول حد من خواتك يمشي يديرو يوم لمن يكون العرس قريب يمشو يرفعولك حاجات ويرتبو ترتيب خفيف متلا اختك و خالاتك ولا الناس الحبوبين من جيهه مامتك

او يرفعو ليك وهو مغلف وما يفتحو لو ما تبي فتح بس يكون ملفوف لفه نايس ويبانو حاجات قنينات ومجموعه مع بعض

مش حلووووة يجي كل مره شنطه او حاجه يبان كان العروس ما جبتش شي

احلا حاجه نحبه ف العرس يوم تفريش حوشها الي هو قبل الحفله بومين تلاته يرفعو حاجته ويطلعو خواتها والاقارب القراب يفرشولها

وحد من اهله هوا يرجااااهم ويستقبلهم وهوا مجرد تفريش مبدئي بش يبان حاجتها وذوقها وجهازها الي من هلها بعد هي تجي ترتب الباقي

يوم حلو
عشته مع كل صاحبتي بعد يروحو خوات العروسه يجري العريس يييشوف حوشه شن جابت وشن خلت
ويبدا يتفرج علا عطورها وصورها ولبسها وهوا ذاايب هههه

بنات الي نعرفهم ف تربولي يرفعو
بنت عمتي رفعت ومرت عمي جابت وبنت خالي رفعت وبنات عمتو تانيات هايله وخواتها رفعو واختي رفعت وجولي 2010 رفعت وغوله رفعت

كلهم رفعو كل حد حسب امكانيته رفع المستور

وهادو كلهم طرابلسيه و غيرهممم من الاصحاب والمعارف

يرفعو ف الاساسيات الي ووانتي حسب ظرفك يعني حاجات هادي الي تلاقي مميز عندك وخامته حلوة اشري انت عارفه ليبيا القنين والانجليزي ولا طلياني ولا حتى الخامات التركي هادو غاليييييات
و مكرارات

بحكم انك برا ممكن تشري حاجات مميزه وبسعر حلو

مش ترفعي هلبا هلبا قشيش بس شيلي الكلاسيكي والاساسي ويكون حلو وراقي ويبان ف مكانه
يرغانين واحد للدخله فخم



يرغان عملي او لون غير الابيض زي ما تحبي كروهات تايقر زي هادا الموهم هما يرفعو ف واحد لدخول وتاني بديل وبطانيه كبيره هوا هادا

بطانيه كبيره

5 نسولات = شراشف سرير

طقم دار نوم الي هو صندوق مجوهرات وكاتروات للصور وشمعدان شموع الخ الخ بتاع دار نوم الموهم

والمطبخ يرفعوله ف حاجات خفايف زي متلا متلا متلا

حاجات غريبه للحوش وكيوت زي ما تتفكري ديموند رينق كانت تنزل ف حاجات هكي بتاع فواكه مميزه متلا تنحط ع طاوله ساعه مبطخ غربيه مختلفه

مفرش حلو لطاوله لو حصلتي حاجات تحسيها غريبه ومميزه وسعرها قنين اشري لو لالا ركزي ع دار نوم والاتي



شوفي هالامثله وبعدين حسب ما تحبي

اكسسورات دار نوم

السرفيس الصيني او طقم العشاء


هادو عندكم يهبلو حتى همممممما



بما انك غادي مرات يقابلك طقم شاهي مميز


شنطة ادوات الاكل


الصفر مدان بتاع طقم 3 ف بعض فضيات نازكات


مفارش لانهم جيبانهم ساهل زي االلبس بس ف حاله وحده تجيبي لو لقيتي حاااااجاااات مميزه



واكيد في حاجات تجيك هدية ومرات خالتك وخوالك يقولو شن ناخذولك ف هكي يوفرو عليك شوي حاجات

من بتاع المطبخ




طواسي كرستال للعصير ع الاقل 6

وكاس كرستال طواسي شاهي كرستال او زجاج حاجه راقيه


زي ماقتلك روز انت اشري الي تحسي مميز وف حاجات بتجيك هدايا اهم شي رتبي افكارك بدري ودبشك الافضل ترسيله قبلك يعني لمن تسافري تروحي خفيفه

===============================

لا وين كاتروات ووشنطة ادوات الاكل .. وسفر هلباااااا .. يبيلي طايرة كاملة
بعدين شحن هلبا ..
عروسة ليبيا راهو صعب انكركر من اهني

اني احواجي ومانعرفش كيف .. وحايرة فيهم

اوكي ويرغان اكيد باخد
ويمكن طاقم اماعين او شيء
خايفته يتكسر بس ممكن

وبعدين اصلا مش حندير لا يوم تفريش لا حد يمشي يفرشلي حوشي

بندير عرسي اهني ومن اهني بنسافر شهر عسل اسبوعين او شيء وبنولي بريطانيا بعدين ليبيا وحوايجي بنرفعهم امعاي لما اني بنروح ليبيا .. مش قبل .. قولي يعني بنروح ليبيا بعد اسبوعين او شيء من العرس

يعني بعدييين لما بنروح ونوصل اني بنرتب حجاتي لان بنجيبهم امعاي مش حنرفعهم قبل ...

لا حد يمشي لا شيء

اصلا حتي اهلي مااضن بيروحو ليبيا لو العرس اهني الا اذا بديرو حفلة غادي او شيء
مانقدرش نبعت ع مراحل حجاتي زي ماقلتي مافي من ماشي من اهني لي غادي ولا حد جاي من غادي لي اهني هالفترة لي العرس ف كله بيكون معي لما انا وهو بنروحو ..

حنونة واروجا اهلين بيكم نورتو..
ملوكة التبييض قصدك بيه للاسنان ولا؟ صعبة الصراحة اني مش مدمنة قهوة لكن مانقدرش نحرم روحي منها لما خاطري فيها وحتي الشكلاطة طول عمري ندير في رجيميات ونقصت هلبة وزن وماحرمتش روحي من الشكلاطة بكل

من يعرف محل يبيع ف شموع حلوات واشكالهم غريبه؟؟؟؟؟
اكيد توا ع راس السنه منزلين هليه بس نبي محل طول ماخاطريش اندور

دلوعه جاتك الهبلة علي الشمع
ههههههههههههههه
تصدقي شمع ميجبدنيش مش عارفه
علاش ... مع ان ايمن يمووت في حاجة
اسمها شمع وبدات بتع ريحة
كل هدايا لازم معاها شمعه غريبة
ههههههههههههههههههههه

ايه فيكي تبيض اسنان !!!

حلا عليك وعلى بوزودة يجيب في شي يهبل تو نصورلك شن خديت منه

حنونة وينك ما رديتي عليه

روز انا مع عروسه جيبي اقل شئ الكرستال من غادي موجود بكثره وارخص من هنا عالاقل

حلوات شمعات يهبلوا

حلا 2011;13753278:
من يعرف محل يبيع ف شموع حلوات واشكالهم غريبه؟؟؟؟؟
اكيد توا ع راس السنه منزلين هليه بس نبي محل طول ماخاطريش اندور

الاهرام في بن عاشور .. ايمن حشيشته المحل هدا هههههههههههههه

dr_amani;13753225:
حنونة كيف حالك ؟؟

بالله عليك قوليلي قداش زاد وزنك ؟؟؟

قريب نهبل مش قادرة نشد نفسي عن الأكل شهيتي مفتووووووووووووووووووووحة ..

زاد وزني 5 كيلو نحس فيهم هلببببببببببببه

خليني ساكتة

شن بنزهلهملي هالكيلوات :hysterical:

والا زعما ينزلو مع البيبي;)

تعرفي اني وزني كان ايامات الرشاقة في ال 65 لانه طولي 165 فكنت نحافظ على الوزن هادا والكل يقولولي ضعيفة:)

لكن كل مانحمل نوصل 73 :thumbs_down:ونبدا سمينة وحالة مع التنفيخ في الشهور الاخيرة

لكن بعد الولادة ننقص طبعا مع الرضاعة :|

تانكس يادلوعتي

ملوكة صحيتى علي ردك حطيته سوال في تجهيزات
وين باقي البنات هيا جاوبنى