عروسة ليبيا;13720752:
من انا
مشاء الله ذوقك حلو
و
مبروك ماشريتي اني برضو نحس تمام القفاطين هادو سادينك
خلالالالالالالاص والله راح تتفكري كلامنا لان ماراح تقدري تلبسي كله ومزال بدالي تيورات ومزال لبس حوش وكاجول ولبس عملي الخ الخ الخ
والقفطان قنين بس مش بتاع مدام او عروسه
نشوفه مش بتاع تمشي حتى لمه هو مثلا تلبسيه ف عيد ميلادك متلا تبدي دايره بارتي ف حوشك ولا حاجه زي هكي ممكن
حبيبتي خل توا اللبس اشري حاجات ليك لانجريهاااااااااات حوايج قطنيه توت شتويه شخشير لحميه وشخشير شتاء و وتوكات واكسسوارات شعر مميزه
بالطوات طوال وجاكيتات حلوة لشتي خليهم لي بعد عرسك
هادو حاجات يعتبرو مافيهمش موضه ويعيشولك فتره وف بريطانيا حلوين وف حاجات تجي عليها عروض وتبدا بسعر حلو
خلي حوايجك اخر شي حرام هك والله مرات ما يجي العرس الا وهما ولو نازلين ومن فتره
انتي توا علا عرس ووراك هلبا ترتيبات ومصاريف هلبا راح تطلع وتتفاجئ بيها
حاولي
حتي مصروفك الي متعوده عليا قبل فحياتك لازم تختصريه
وعشانك متعوده تشري ف متلا بدال ما تحوشي مبلغ وانتي ماتقدريش تصبري
خلي المصاريف والشرا توا ف حوايج النوم حاجات للعرس وطبعا تبيلك ذهب وعطور
اشري عطوووور حلوة عطر سيت كاملات واشري متلا حوايج بيتي وشباشب حوش و واشري اكسسورات دار نومك زي متلا جو طقم دار نوم الي قبل نزلته حياه حلوة بتاعه
يعني خوذي بذوقك بس ابدي بالاساسيات
واللبس كل شهر ينزل شي وكل موسم يجي ف حاجات احلا واحلا ف تلحقي عليه بعدين
انتي جيتي ليبيا وشفتي كل الحاجات تنزل سوا كبي او اصلي
الناس من بعيد تشوفه موديل مكرر ما يفرق نوع القماش واسم المصمم
ف ليبيا المهم التصميم والفكره تكون حلوة ومش مستهلكه هلبا
يعني حاجه فيها تميز شوي
وبس
يلا ان شاء الله ربي يسعدك وانتي تعرفي لانك تعزي عليا نهدرزلك ونتمنى تتقبلي كلامي وتحطي ف بالك وانتي تجهزي
اووو شكرااا عروسة ليبيا :)
لا هو خلاص القفاطين .. بس هدا عجبني موديلاه
راهو حسيته ايجي امتع مدام .. يعني زي ماقالت حياة لو وحدة كبيرة في العمر ممكن بس مدام صغيرة اوكي ههه حتي في برنامج هي وهو لابسته اسيل حفلة وحسيته طالع اوكي وامخليها تبان مدام .. اني حسيته يمكن يجي
هو صح مش امتع عرس او مناسبة كبيرة ..
ولبس النوم ههه ابديت نشري .. اشريت 2 بتجامات ستان من لاسنزا و 2 قفطان نوم بروبه و واحد قفطان نوم بروحه واشريت من انا سمرزا هلبا قفاطين وتوتات ههه بس قاعد ماوصلونيش
بس القفاطين اللي شريتهم من لاسنزا حسيتهم قصار هلبااااااااااااااااااااا ههه -- نبي شيء اطول شوي يعني فوق الركبة بس يعني اوكي بس هدوما قصااااررر هلبا ههه خلعوني
وخديت حتي بتجامات كيوت يعني كوتن مش ستان ..
و المكياج والعطور كملتهم يعني عندي عدد اوكي وبنزيد كم ست
باقيلي بنشري من بودي شوب امتع بودي لوشن وهكي
ولقيت محل توا كله هاند ميد اشياء طبيعية .. عندهم صابون تغسلي بيه وحجات تهبل و واحد فيه زي قلتر لما تغسلي بيه جسمك كله يبدا يبقص حلوووو ف حتي هوا بناخد منهم بس ناخدهم قبل عرسي و الخربش زي شخاشير وهكي هدوما ديما متوفرات يعني مش حاجة تبي اندور اعليها هلبا باش نلقها
وبنسبة لي شارع هو بنلبسة جلبيات اصلا ف هدوما نشريهم لما بنروح ليبيا ههه بس لبس مثلا ماشية لي خوالي او اهله او اعمامي يعني قونات طوال وتوبات شريييييييييييت مزال شناطي وهكي حتي تكمل اللبسة
واشريت 2 كبابيط شتوية يكفو انحسهم صح ؟ واحد اسود و واحد ارصاصي .. اختي قتلي مش لازم منهم غادي مافيش صقع بكل ههه
اي حتي امتع دار النوم ويرغان بنشري توا بعد الكرسمس
بس انا صح شفت اشياء مقلدينها بس انحس واللهي في فرق واااااضح بين المقلد والاصلي حتي من بعيد ... يبان شيء امبهدل او امرتب يعني جد انحسه يبان الفرق حتي لما تلبسيه المقلد مايجيش بالزبط ع الجسم كل شيء في مكانه يبدا امخلبط وهكي ف اني انحس في فرق لما تشري شيء اصلي ولما امقلد
اي اكيييييييييييد .. اصلا نفرح لما تردي اعليا رد طويل ههه ولي انا ههه انحس اني مهمة ههه
