لمة الليبيات لشهر ذو الحجه1431 ه

قصدك العريس هو يقولك سعر معين حتي تشري الفيلو ؟؟

هو انا عجبني كم واحد لو سعره اللي بيعطهولي اقل انزيد ونشري اللي نبيه

بس هو قالي اختارلي اللي تبيه ماقالي سعر

امونة والله مانعرف .. انا هدا الي خبروني بيه بنات اللمة .. ان العريس هو الي يدفع !!
وبالنسبة لخطيبي ... مقاليش قداش ميزانيته ولا عمره قالي مسكين .. ديما يقولي خودي
الي يعجبك ما يغلي عليك شي هههههههههه بس حتي انا عيني كبيرة الحق يا امونة
مرات انقوله سعر وانزيد من عندي .. لان موراشي غير الفيلو وراه ستين الف حاجة تانية
مزال بكري .. غير انا قاعده اندور هنا وهنا ههههه

ملكة في مملكته;13716045:
امونة والله مانعرف .. انا هدا الي خبروني بيه بنات اللمة .. ان العريس هو الي يدفع !!
وبالنسبة لخطيبي ... مقاليش قداش ميزانيته ولا عمره قالي مسكين .. ديما يقولي خودي
الي يعجبك ما يغلي عليك شي هههههههههه بس حتي انا عيني كبيرة الحق يا امونة
مرات انقوله سعر وانزيد من عندي .. لان موراشي غير الفيلو وراه ستين الف حاجة تانية
مزال بكري .. غير انا قاعده اندور هنا وهنا ههههه

ههه اني نذكر اول مرة نعرف انه هو يدفع

نتكلم ع فيلو عجبني وهكي ف هو قالي انه هو اللي يدفع ماصدقت قتله بالحق قالي اي اني ندفع خخخ افرحت ههه اهو حاجة وتفكيت من دفعها ههه

السلام عليكم
كيف حالكم ياعسولات وشني اموركم مع العيد

شعببببببب بنوريكم قفطان ههه اختي تضحك اعليه اتقولي زي امتع المفرخ ههه بس اني وامي اعجبنا
هو منفوخ هلباااااا من لوطة وفيه طبقات طبقات يعني و طوله تحت الركبة .. حسيته مختلف فصالته

ف بليز قولولي رايكم










وهادي شنطتي اشريتها .. هي عنابية و مية مية جلد





وهدا صندوق حجاتي امتع لاسنزا وصلني اليوم ههه





وبس

صباح الخيرات عالموجودات

اهلين نانسي ولؤلؤت سرت

بنااااات حبيت انبهكم على شيء مهم جدا جدا جدا
بخصوص زيت (السراتية للحنة) من فترة دورية الامن داروو على كل المحلات هنا في سرت حتى تم توقيف بيع هدا الزيت لانه سبب حالات وفاة واجدة وحالات اجهاض
وحبيت انقوللكم في مجموعة انواع حنة طلعت مثل رويال وغيرها حذروو منها
واحسن حنة وخالية من اي شيء (التاج)
وهدا رد القيته في منتدى ليبي
السلام عليكم
تو ورود الحالة فى نطاق عملى ورغم محاولاتنا انقاض المريضة الاان فارقت الحياة ,,,,,, الحالة كانت فى بنغازى ..

حيث تم اسعاف حالة وكانت قد فارقت الحياة بعد وصولها للمستشفى رغم محاولات جهاز الاسعاف انقاض حياتها الاان قد فارقت الحياه حيث وبحسب ما علمت من التقرير الطبى لطبيبية الاسعاف اتضح تعرض الحالة لمادة سامة وهى مادة ما يعرف (زيت السراتية )

نستاذن منكم بنمشي انصلي

الله يسعدك روز
لؤلؤة سرت
والله من زمان الناس تخوف منها
وافضل حنة هي التاج وتقدري اضيفيلها اسواك مغلي او قشور الباذنجان
المغليات يعني اميتهم تعجني بيها
وربي يلطف بعبادة

امونة جلو القفطان ... مبروكات مسعودات ....
لؤلؤة شنو هو هالزيت ؟ وبارك الله فيك عالتنبيه ويجازيك كل خير

روز تتهني بحاجاتك ان شاء الله
الفستان قنين تتهني بية

الزيت يا ملكة هو خاص للحنة
تعجني بية الحنة حتى تصبغلك
واعتقد انتي ما تحبيش الحنة

لؤلؤة بارك الله فيك عالتنبية ويتقبل الله منك صلاتك وقيامك

ههههه ايه منحبهاش
بس قاعده انلف واندور
قالولي علي حنة بلعانية
بتع يومين !!! وتولي سود زي الحنة العادية
بس بالمية وهكي تتنحي !!! وكان بنديرها الحنة البلعانية بس علي خاطر ماما
يعني يوم النجمة بش تتنحي للحفلة !!

ربك يستر وخلاص

أبدعوا في اختراع كل الوسائل التي تؤدي الى الحــب !..
//~البريد / الهاتف / الانترنت !..
//~وعجزوا عن اختراع .... الحب !!..
//~ونجحوا في صناعة كل سبل وطريق اللقاء!..
//~وفشلوا في صناعة النصــيب!..//~..
.فلا أحد ينجح مهما أوتي من علم في صناعة .... النصيب !
..//~لهذا لم يأخذكـ مني.. حين أخذك ..
ســوى النصـيــب !//~

اهلييييييييييين صبايا

بنات شنو رايكم فى موبايل nokia c6

:rolleyes::rolleyes:

امممممم