لمة الليبيات لشهر ذو الحجه1431 ه

.


حياه شلونج عيني

قاعدة نلعب في اللعبة اللي حكيتيلي عليها حلوة بس ما زلت ما فهمتهاش كلها لكن في حاجات تبي شراء من النت معدلتش عليها

قاعة نمشط في البطة وخلاص هريتها نظافة خخخخ

بس نزيكة مرة لعبت من فترة على وحدة ثانية مش على النت تحميل حلووووة بالمرة

حتى هيا تزرعي وتبيعي وتربي حوالى وبعدين يا تبيعي الصوف يا تديري بيه شالات وتبيعيها

وتحلبي وتبيعي الحليب أو تديري بيه جبنة وياغورت وحياه حلوووووة بالمرة زي اسمك خخخ

يعني تحسي روحك زي عبد الغفور البرعي بادية حياتك من الزيروووو

خيركم ساكتين افتحو موضوع

.


انا انا انا انا انا نفتح موضوع صار معايا اليوم

هيا ياشيما تفضلى

.

طبعا انا نشتغل في شركة هندسية ومعايا 3 شباب يشتغلوا معانا

المهم كنت ندير في قهوة والشباب يحكوا على الفيس بوك والتعارف والصداقة و .. و ...

وهما ما شاء الله حائطهم مليااااااااااااااااان من جميع الاصناف شباب وبنات

فسألوني شن رأيك فيه الفيس بوك ؟؟؟

قتلهم باهي كويس بس منستخدمش فيه واجد وتقريبا مدرتش قبول صداقة الا لناس معينين وهكي

فقالوا انهم مصادقين مجموعة كبييييرة جدا من البنات ؟؟؟ انا بصراحة استغربت

قالولي ليش مستغربة ؟؟؟ قتلهم عادي تدزوا لبنت وتضيفكم عادي بدون معرفة ؟؟؟؟

قالوا نعم ؟؟؟ قتلهم انا نحسها مش اوكي يعني مفيش سبب وليكن اي سبب مفييييييييش بكل غير الصداقة ؟

قالوا اوكي انا مقتنعتش وبيني وبين نفسي حسيتها مش تمام فقالولي الكلمة اللي ضايقتني للغاااااية

انت بس علشان مخطوبة !!!! لو مش مخطوبة كنت اضفتيهم :mad::mad::mad:

معرفتش شن يقصد ؟؟؟؟

المهم اضايقت جدا ان تفكير الشباب يكون هكي وشئ مزعج وهما يحكوا ان البنت الفلانية مثلا حائطها كله شباب ؟؟!!!

واكيد تفكيرهم مش حيكون برئ طبعا في الكلمة هذي للأسف.

انت بس علشان مخطوبة !!!! لو مش مخطوبة كنت اضفتيهم
طبعا نفس الفكره اللى واخدينها كلهم عن كل البنات ..

ومرات حتى يقوللولك شن تديرى فى النت مره وحده ما يعرفوش النت فيها حاجات تانيه غير التعارف والصداقه .

دكتوره امانى .خاصة.. والبنات عامة .. نبى وصفه لشعرى او كريم معين اوزيت معين او اسم دكتور كويس يوصفلى حاجه لشعرى ..شعرى يوصل لطول معين وبعدين يتقصف .. بليـــــــــــــــــــــــــــــــــــــــــــــزF:

.


اه هذا الشئ اللي يضايق فعلا حسيتها كلمة مش تمام اهو في بنااات واجدااااااااااات ما يضيفوش في شباب شنو المشكلة ؟؟؟

أو لو البنت تضيف واحد بسبب يعني مش مشكلة في مشايخ ما شاء الله ماليين الفيس بوك تبي تضيفيهم علشان تشوفي جديدهم واشياء من هذا القبيل

انا بصراحة سألته انت تحسها عادي قاللي عادي ... قتله لو انا لقيتني ضايفه حد عادي متفكرش فيه غلط ؟؟ قالي لا عادي ... قتله السؤال المهم لو خطيبتك حائطها مليان ؟؟؟؟؟ عادي ؟؟؟؟؟؟

قالي نهارها

شفتي الشئ المؤسف والتناقض

شئ عجيب

رموسة زيدي حطي سؤالك في االتجهيزات علشان مرات تفوت الصفحات هنا وميفطنوش للسؤال

تسلمو يابنات بارك الله فيكم

حنونه3

كلفوها الوحده بي 1 دينار ونص :)

مورينا;13654856:

ملكة في مملكته خشي طمنينا عليك

تسلميلي يارب علي سؤالك ...

تـاج النساء;13655051:
ملوكة

لاباس عليكي وإن شاء الله نسمعوا عليكي الأخبار الطيبة

صحيتي يا تاج ... فيك الخير واللله صحيتي انك ادكرتينيز

حياة حلوة;13655354:
:-#
حبيبه ايمن طمني عليك اليوم كيف حالك ان شاء الله احسن
:clock:

شكرا حيو .. بارك الله فيك سئلتي عليا

نانسي علي;13656146:
حبيبة ايمن
طمنينا عليك اليوووووووووووم

ربي يخليك يا نانسي ... مع ان منعرفوش بعض هلبة بس في
بالك والله وفرحتيني

نانسي علي;13656593:
احلى خشوم صباح النور

ههههههه جت مش قالت للابد ....





شكرا والله اخجلوتني يا بنات .. وفرحت انك سئلتوا عليا !!! انا حالي للسوء قاعده
وبكرة ان شاء الله طالعه لتونس ومنعرفش قداش نقعد. ومع هذا ندعي وانقول ميصيرش

ليكم وحشه علي العموم ..

ام وسيفة والله كان في بالي بكرة بنجيك وبنشوف يوسف بس اهو مسخرش الحال وبنقولوك كروت هدورة يجنوو ماشاء الله عليك

عروسة ليك وحشة يا غاليتي ... كيف حالك وحال احوالك كان خاطري نهدرز معاك .. وانقولوك شن صار في موضوعها (( اليوم بعتلها مسج وقالت حتحاول ادير نت ))

hanooo حبيبتي والله تعبانة ومريضة وربك يستر حتي شغل ممشيتش اليوم .. بس بابا رفعني من ودني هههه لسان جيمس وقالولي عندك مية بدت تتجمع في رية بتاعك ... خفت وطلعت وسيبتهم كانوا يبوا يشدوني !!!

كوين اوف ايس .. شنو صار نحيتوا الشجرة الي حاصلين فيها ههههه

شيما قوليلي شنو هي اللعبة يا غالية الي تلعبي فيها ؟؟!!! وبالنسبة لموضوع الشغل والشباب ... الله غالب معظم شبابنا هكي !! تفكيرهم والحق مش منهم من العار الي بنات اديروا فيه حاشا البعض
انا اليوم وانا ماشية للمستشفي .. لابسة سروال توتة وتوب جاب .زي هدا


ومشيت .. لما مشيت انصدمت بالكعب والالوان والمكياج وطريقة المستكة بالصوت ووو الخ !!
عارفه البنات يعاكسوا في ولاد الي علي ريسبشن عيني عينك ههههه وهدا اسمي علي فيس بوك ((شوفي شموخي )) عارفين من الضحك ليين قريب درتها تحتي ههههههههههههههه بابا قالي علي اساس مريضة اهوا متابعه الاحداث المكسيكية هههههههه


بنات علي سيرة الرسيبشن ... منو مداير ليزك هنا ؟؟؟

رموسة الحلوه;13657831:
دكتوره امانى .خاصة.. والبنات عامة .. نبى وصفه لشعرى او كريم معين اوزيت معين او اسم دكتور كويس يوصفلى حاجه لشعرى ..شعرى يوصل لطول معين وبعدين يتقصف .. بليـــــــــــــــــــــــــــــــــــــــــــــزF:

حبيبتي انا زيك بس من يوم بديت اندير في زبدة وزيت جدايل الحمد لله بدي للاحسن !!!
وحاليا قاولي بشي اديري كثافة قصيه لما الهلال يولي قمر

يابنات زورو موضوعي اول مرة انزل موضوع انشالله يعجبكم
http://forums.3roos.com/showthread.php?p=13658078#post13658078