تجمع حوامل وامهات قطر لشهر ذي الحجة لعام 1431 ه؛ الموافق لشهر نوفمبر لعام 2010 م

هلا كروشات شخباركم...على موضوع الخدامات انا مدرسه ووقت الدوام عيالي عند الخدامه حماتي اخت زوجي تشتغل ومحد بالبيت لين ارجع من الدوام اجابلهم ولاتمسكهم من بعدها وهلي في الدوحه يعني مافي مجال كلش..

بالنسبه لسميره الباكستانيه هي زينه بس صارت وايد تبالغ باسعارها اوفر الصراحه وصج بعض كريماتها ريحتها اشياء مالوفه ومره للامانه كانت تستعمل لي زيت والله ان فروة راسي كانت تعورني وبس عيزت من الكتابه...

يغار شخبارها طمنونا عنها..

مرحبا ماميز
مبروك عليكم أمطار الخير ، ادعوا لي بنات أن الله يسر حملي وولادتي وما أتنسى.

الليازي ودوحانية

وحشتوني

بنات بسألكم عن الحي الثقافي وين مكانه؟ أبي أروح مع ريلي إذا رضى ، اليوم عيد زواجنا ، ومب راضي نحجز في فندق يقول بعدين مب هالأسبوع ولا الأسبوع الياي مادري متى ، قلت له أنت تنطرني أتنسى عشان كلش تكنسل السالفه <<<<< وحده تحندى وايد.

والبنات الي يتكلمون عن الخدم ، هم شر لا بد منه ، بس صج الي تشتغل ما تقدر تستغني عنهم ، أنا في بيت بروحي بس في حوش واحد مع أهل ريلي بس أم ريلي مب فاضيه كل يوم حق بنتي ، لها مراجعات في المستشفى وغير إذا بتطلع تسير ، بس أنا أخلي الخدامة تودي بنتي كل يوم هناك لين قعدت وترجعها قبل لا أرجع من الدوام بشوي ، ويكون ريلي في البيت ، بس أنا ما أخلي الخدامه تسبح بنتي ، لأن بنتي تخاف من السبوح ، لازم أنا الي أسبحها ، و إذا محتاجه تغسل جسمها بس ، والله يحفظ عيالنا من كل شر.

بعد وشو ، حساسية خشمي ضاربة علي ، وصايدني صداع وكحه ما خلتني أرقد طول الليل ، وغايبة اليوم عن الشغل ، بروح بعدين المستشفى باخذ إجازه.

بنات سمعتوا عن التطعيمات الجديده الي زايدينها على جدول التطعيمات في قطر؟؟

أنا سألت وقالت لي الممرضه جيبي بنتج طعميها ، بس ما وديتها لين الحين.

مساء الخيرات

انقطعت عنكم فترة رديت بيتي وجدولي ملخبط وماعندي نت الله المستعاان

يغار

ربي يمسح على قلبج ويعووووووضج خيير وحسبي الله على الي مايخااف من ربه من ماكان ,, والله انج على بااااااالي


قطرية اتش
الحمدلله ع السلامة ونورتي الدوحة


بسألكم خرعتوووووني اختي قالوا لها تعالي باجر الصبح وهي في التاسع والبيبي راسه فووووق ,, بيحاولون يفروونه واذا ما فتر بييسون لها قيصري ,, يعني مانخليهم احسن ؟؟

وحد سمع عن دكتورة فاتن في المسائية ؟؟

يزوي :
خلاص سلامتج


نور الحب :
عطيها اليوم
وبكرة شوفيها اذا ما صادتها حرارة وقفيه


الاماكن :
الله يعيينج
أكيد اللي تشتغل تبي من يساعدها ..



ليلة حب :
مادري باركت لج بالحمال ولا لهينا مع يغار الله يقومها بالسلامة و نسيت
مبرووووك و الله ينقلج بالعافية :)
و بخصوص التطعيمات اي سمعنا عنها
و الحي الثقافي قريب قاعة المعارض




فجر :
ههههههه لا ما اعتفست الدنيا بس كنا نسولف :rolleyes:



فراشة :
نصيحتي لا تروح لهم ولا يلعبون فيها

فراشة قطر
هي نفسها الاستشارية الصباحية فاتن ( مصرية)
ممتازة

السلام عليكم

مساء الخير ماميز

كيفكم

والله افتر راسي وانا اقرا دردشتكم للحين ماعرفتكم عدل

واشكر كل من رحب فيني

وعلى طاري الحي الثقافي تراه مرة حلو وخاصة في هالاجواء

وهو مكانه قريب فندق الريتز (( السموحة ماعرف اوصف زين ))

اخر مره رحت له في الليل

كان زحمة وانتظرنا شوي في مطعم زعفران الهندي لكن ماطولنا

قعدونا في جلسة خارجية يجنن الجو ويشرح الصدر ..

وفي الاخير يعطون كلينكس امبلل ريحته عجيبة ريحة ورد جوري طبيعي ماتملين منها

السلام عليكم


يغار

الصراحة انصدمت من الخبر وايد..
بس ما عندي شي اقوله غير الله يمسح على قلبج ويعوضج خير..
والله يردج لريلج وبنتج واهلج ويقومج بالسلامة..


لولو قط

الف مبروك .. تتربى البنوتة في عزكم..


نونو

اي البيت اللي حذاكم بيت يدتي..
الله يهون عليج..


مبروك للبنات اللي حملوا..


شخباركم؟
تعبانة .. جسمي متكسر و زكام و كحة.. < وهاي حالة كل اللي كانوا معاي..
يالله كله بأجره..

موزان :
الحمدلله على السلامة
و حج ومبرور و ذنب مغفور ان شاء الله .. والله يتقبل منكم :)
ماتشوفين شر هااي عادي كل اللي رجعوا من الحج مرضى الله يعطيكم العافية
شلون كانت الأجواء و شلون الحج ؟

لافندر...
الشر ماييج ياعمري وان شالله اطمنكم بكرة


موزان..
الحمدلله ع السلامة وحج مبرور وذنب مغفور ولازم الكحه والزكام من بعد الحج والله ياجرج

مساء الجو الحلو :)



قطريه

واااااو يهبل ،، دخل بخاطري




الورد

احنا من الحين متراهنين هو يقول بيقول بابا
وانا اقول بيقول ماما



لافندر

طبعا البلاستك احسن واامن لهم فديتهم ..




فجوره

يختي هم يتضايقون بس احنا بشر في النهايه ونحتاج من يساعدنا
انا اول شي كنت اضغط على نفسي لدرجه كنت اصيح من التعب وعوار الظهر
عقب قمت اخلي الخدامه تساعدني ،،
اذا على السبوح بس حاولي ان انتي كل اللي تسبحينها ام الرضاعه والتبديل لازم تساعدج
بتتسبحين بتنامين شوي هاي اقل شي




ماميز

ضروري ابي بخور وعود وعطور عربيه حلوووه شغل نسواااان اذا تعرفون
ادري بتقولون توني جاييه من الامارااات بس كلش ماجا في بالي وانا ابيه هديه حق وحده حاجه
اقتراحتكم حبايبي

موزااان

حج مقبول وذنب مغفور ان شاء الله ..



ماميز

رشود هالايام كللللله يصيح ولا يتقبل الحليب ياله ياله يشربه الينسون والماي والسكر وغيره ممكن
بس الحليب يلعوزني وكللله يصيييح لا اقدر اطلع معاه ولاشي محبوسه في البيت والنفسيه داااااون من قلب ،، كااااااااسر خاطري من قلب :(

مزمز
الحمدلله ع السلامة
حج مبرور وذنب مغفور
الليازي
انا من انصارج ماحب الخدامة تتدخل باليهال
ليلة حب
مبروووك الحمال والله يثبته لج انشالله
بدر البدور
اسم الله عليه ليش شمنه مايبيه
انا اذكر ولدي ياته فترة مايبي يشرب حليب
جنه كان بوسبع شهور ناسية والله
عقب عادي قام يشرب

مساء الخير

شخباركم ... مشتاقه لكم
نفسي ارجع اسولف معاكم
احس ماعندي وقت كلش .... الصبح مشغوله مع الدوام ما افضى كلش
والبيت مع غلوي وزوجي
بنتي صايره دلع نفسها ..اقولها انتي من ؟؟ ترد انا غلويه فديتها والله


قطرية اتش

تسلمي عيونج

لولوة قطرية
الحمدلله على السلامه ومبروك ماجاج

ليلة حب
مبروك على الحمل

فـراشـة قـطـر;13762945:
مساء الخيرات



بسألكم خرعتوووووني اختي قالوا لها تعالي باجر الصبح وهي في التاسع والبيبي راسه فووووق ,, بيحاولون يفروونه واذا ما فتر بييسون لها قيصري ,, يعني مانخليهم احسن ؟؟

وحد سمع عن دكتورة فاتن في المسائية ؟؟

خلها اتروح بس لاتخليهم ايفرونه لها وخل اتحدد موعد العمليه ... احسن لها او تنطر لين مايجيها الطلق يمكن يفتر من نفسه ..

MoZ(a)N;13764133:
السلام عليكم



شخباركم؟
تعبانة .. جسمي متكسر و زكام و كحة.. < وهاي حالة كل اللي كانوا معاي..
يالله كله بأجره..

ماتجوفين شر اختي .. حج مبرور وذمب مغفر ان شاء الله..

الحمدلله ع السلامة موزان وحشتنيا ياحجية وماتشوفين
شر


اليوم رحت وديت سويرة المركز الصحي عشان تطعيمها

عطوها 3 ابر 2 في الريل ووحدة في اليد سويت لهم تحقيق قالوا ووحدة مالت الحصبة وومالت العنقز نسيت شنو قالت اسمها بس مكتوب في البطاقة شنو بدال القطرة كنسلوا القطرة حق سنة ونص وبدالها الابرة بسم الله عليها تخشبت وصارت زرقة علينا يغيت اموت بس الحمدلله ربي لطف حمير مرة وحدة عطوها اابرة الريل بعدين مالت اليد بس قالوا هي الحين يعطونهم من السنة ونص لين الاربع سنوات بس شنو زحمة رحت الساعة 4 العصر 8 بالضبط طلعت

ان شااء الله يمر عليهم هاليومين فجورة تسلمين حبيتي