تجمع حوامل وامهات قطر لشهر ذي الحجة لعام 1431 ه؛ الموافق لشهر نوفمبر لعام 2010 م

فقدت بنات وايد بالجدول الله يذكرهم بالخير

قطر
بنوته قطريه
نونو القطريه
مجنونة قطر
مدام العجمي
عروس فور ايفر
donia_al7oob
عصفورة قطر




الله يطمنا عليهم

لولوة الدوحـه

فديتج لاتزعلين وتصيحين
اذا انتي توج بديتي تحاولين مرات الرحم يبيله فتره يتهيـآ
ومن باب الاحتياط سوي شيك اب على البويضات وهرمون الحليب
وبخصوص دراستـج هووونيهـا فديتج وان شاء الله تخرجين
خلال هال 6 شهور باذن الله


ام حمـد

ههههههههههههه اي انتي برووووحج شهر 7
بس كاسرين خاطري الشهور اللي بينهم لازم نمليهم بالكروشات
مده طوووويله بدون اكشن مايصير

تف تف


يبي له الجدول
احس فيه مسكين يكسر الخاطر ;) لوووووووول
ان شاء الله كل وحده تبي ربي يرزقها تقول انها بلعت الذبانه ونترس جدولنا :lol:

الله اكبر الله اكبر الله اكبر لا اله الا الله
الله اكبر الله اكبر الله اكبر ولله الحمد


باااااااااااااطه جبدي الحنااااااااااية قالت 11 الظهر عقب تقوول قلت في الليل باجي وعقبها تقول نص ساعه وباجي الحين كلمتها تقوولي الساعه 4 باجي اكييييييد خااااااااطري اسطرهااااا


لولوة الدوحة

ماتأخرتي ولاشي توه ماجا وقته ربي يكتب لج قرررررريب وتاخذين الشهادة ان شاااء الله انتي شلتي اللولب ؟؟
ربي يرزقج بالذرية الصاالحة ولاتحاااااتين ,,


الله يهوووووووون عليكم يا حووامل يااااااارب


وييسر على الحجاااااااج حجهم يااارب

والفال لنااااااا

لولوة الدوحه

على فكره

اذا شلتي اللولب لا تتوقعين تحملين ثاني شهر
ترى البعض اللولب يسوي حمايه كم شهر من الحمل يعني شي طبيعي

اذكر قبل لا احمل بملاك شلت اللولب وتميت انطر الحمل 4 شهور

والحين شلته شهر 9 وحملت شهر 10 ما شاء الله
يعني مب واحد فلا تفكرين بالحمل وربي بيسهلها

لولوه
ربي يكتب لج انشالله الي تبينه
وروحي حق دكتوره نسائيه شيكي مافيها شي
وصح كلام ام حمد ساعات اللولب ياخر الحمل يبيلج تصوير على الرحم والمبايض

ربي يخليكم لي
لا خلا ولاعدم



ام حمد
انا شلته متاخر توني شهر 10
يمكن من الحنه اللي صارت فوق راسي متى ومتى ويالله وبنتج كبرت
صار حتى ابونا يحن يالله ويالله
وهالمره يقول لي كله منج حنيتي خلنا نأجل وخلنا نأجل وهذا اللي صار والحين تصيحين



غيووور
مسويه تلفزيون عالمبياض والرحم
وبعد عقب الدوره بسوي ان شالله غيره وبشوف الدكتوره بقول لها ابي تحليل هرمونات لي
فكرت اخذ منشطات بس اخاف اتسبب على عمري




فراشه
صرت احاتي من اللي شفته
اعرف كذا وحده اخروا حملهم الين ماكبروا عيالهم شوي وعقب صار الفرق بينهم مثلا 3 سنين و 9 شهور او اكثر
ولما سالت اشلون الكبيره مع اخوها الصغير وحده قالت لي مايلعبون مع بعض بسبة فرق العمر
خفت
ووحده قالت لي انها كل عياله فرق 4 سنين بينهم وعادي ماحست انهم مب مع بعض
انا مابي هالفرق بينهم بس شسوي اجلنا وصار جذي

لولوه

توج شايلته يعني اصبري ترى عادي وبتذكرين كلامي ان شاء الله
بس عن الحنه والتفكير لان النفسيه تلعب دور في الحمل
وعن فرق السنين خليني اقول لج من تجربتي الشخصيه
عيالي كلهم بينهم 3 سنوات وهذا هم شحليلهم مع بعض

والاكبر من جذيه بين محمد وملاك 8 سنوات ويموت فيهم ويقول لها انا ابوج هههههههههه ويلعبها وترقد وياه ساعات بفراشه
يعني لا تفكرين بهالشي نهائياً
الشوش توها سنيتين وعلى ما تحملين وتربين بيكون ان شاء الله بينهم 3 سنوات
وبيصيرون لج توم وجيري هههههههههههههههه

ام حمد
الشوش لها سنتين ونص
وكنت ابي احمل بينها وبين اخوها اواختها
عشان يصير الفرق مب وايد مثلي انا وقلبووو اختي الفرق مب وايد
بس سبحان الله
انا اريد وانت تريد والله يفعل ما يريد
يارب ان شالله الله يكتب لي اللي فيه الخير واحمل ان شالله بجنين وبصحه عافيه يارب
واخليهم يصيرون توم وجيري واعصب اكثر عليهم

يعني ام حمد انتي تحملين عقب مايكملون 3 سنين ؟؟

لولوه

عقب شقي ثيابج ومشعي شعرج لوووووول
انا كنت اركب اللولب عقب الحمل
ومن يوصل عندي الياهل سنتين اشيله ويسوي لي مناعه 3 شهور وعلى ما احمل واربي يصير بينهم 3 سنوات
مثلا بين الهنوف ونور سنتين و 11 شهر وبين نور وحمد 3 سنوات وشهر وبين حمد ومحمد سنتين و 10 شهور

اما محمد وملاك 8 سنوات لوووووووووووول :lol:
والحين بين ملاك والبيبي الجديد ان ربي كمل حمله سنتين و 7 شهور


كل اللي ربج يبيه بيصير
المهم الصحه والعافيه وربي يحفظهم ويجعلهم من الذريه الصالحه
بس صدقيني النفسيه تلعب دور لا تفكرين وخلي أمرج على الله
وان شاء الله الشهر الياي تبلعين الذبانه وتخاويني في الجدول انتي ودح دح وبسومه وكل من يبي يبلع الذبانه :adore:

مساء الطاعة والعبادة
اليوم بس انا صمت لا وريلي مب راضي يقول لي بتتعبين بس ياختي مااقدر يوم عرفة ومااصوم

لحووون
لا تتحرشين ترى عدوتي قوووية

ام حمد
الله يعينا وايام ويهون علينا وعليكم

لولو
انا الفرق بين بو عوف وامنة ٣ سنين ونص وبين امنة وجوجو ٤ سنين ونص وماشاء الله عليهم كلهم فار وقطو 
ومثل ما قلتي انا اريد وانت تريد والله يفعل مايريد
انتي اللي تربين عيالج يحبون ولا يكرهون بعض واصلا لي كبروا ولا بتحسين بهالفرق يعني انا اقرب وحدة من خواتي فرق بيني وبينها ٦ سنين يعني لا اللي اكبر مني بسنة وثلاثة شهور ولا اللي اصغر مني بسنة وست شهور
صج كلنا مع بعض بس الفروق كلش ما اثرت فينا الحمدلله 

ام الغاليين

انا نساتي كريهه وللحين ما بدا الصج عندي
اكره ريلي وبيتي وحالتي لله بس استحمل وما اتكلم
والاكل تلوع جبدي منه والعطور والبخور والحاله لله
واتم على هالحال الين ادخل الخامس يخف علي شوي
اذكر بحملتي بنور بنتي 9 شهور عفت الماي ما احبه ولا اشربه
طول وقتي عصاير وألبان غير الدجاج ما آكله الين أربي بس حملتي بملاك كلت الدجاج وهالحمله


يعععع كل شي يهون ولا النساه

ام حمد
انا في بو عوف كنت ارجع كل شي واي شي اكله وانتي بكرامة
في امنة بس كنت اتنسى في ريلي
وفي جوجو نفس الشي
هالمرة مااشتهي نفسي والله وكيلج الحمام وانتي بكرامة بالغصب ادخله بس الترجيع وانتي بكرامة شغال من اطلع من البيت وانا ما كلت حبة اللوعة اعرف اني ذاك اليوم بارجع خصوصا اذا درنا ف السيارة وااايد يعني امس رحنا سنتر بوينت وعقب طواري السد وعقب صوب الريان ومن مكان لي مكان رجعت بيت ابوي ما مداني اشرب اللبن الا انا ف الحمام وانتي بكرامة عاد المشكلة العيد جاي وانا من الترجيع ويهي ينقط عاد الحين ويهي لوووعة حتى ريلي يقول لي ضعفااانة مع اني كلش مااحس

ام الغاليين


انتي مثلي
ويهي ينقط نقوط حمره من الترجيع
وانا من حملت وانا ويهي شاااحب ولوني صاير اصفر
وحبوب اللوعه ما تجيب فايده معاي كلش


الله يهون علينا يارب
وكله أجر وعافيه ان شاء الله

ام حمد
انا في جوجو رقدوني والسبة ان الدكتورة تخرعت من النقط اللي ف ويهي
اللهم امييين وربي ياجرنا خير ويرزقنا اللي نتمنى

ام الغاليين

الله ياجرنا كل خير ان شاء
المهم يطلع البيبي واحنا بخير وعافيه

ام حمد وام الحلويين
الله يهون عليكم نساتكم ويرزقكم هون الطلق يارب
ويرزقني ومن تتمنى في القريب العاجل
الله يكتب اللي فيه الخير



ام الغاليين
اللي سمعته ان اليهال ما يلعبون مع بعض ولا تحسين انهم يخافون على بعض اذا كان الفرق بينهم وايد عكس اللي ورا بعض
والله اعلم
الله يعينا ان شالله ويصبرنا ويرزقنا يارب

لولوة الدوحه

الام هي اللي تغرس حب العيال لبعضهم
عوديهم من الصغر يحبون بعض ويخافون على بعض
من شب على شيء شاب عليه
هالشي تعلمناه من أمهاتنا

بدر البدور
زيين يعني يصير اشيل المهاد عنه في الثالث او الرابع ^ـ^

قموور
حلوو ستاييلج الورد الجوري الكبار والصغار كنت مسويه لي فستان هديتي جي كل ورد جوري
ويحييج بتعييدين وبتكشخيين مب انا محبووسه في ابيت اهئ اهئ


يغاااار الحلا
ياحلاة نكي وانا مربييه خخخخخخخ
راح اللون الاحمر الدور دوركم الحيين
الله يهوون عليكم انشاء الله

ام حمد
ههههههه اخس شي الوحده بروحهاا يالله انشااء الله حد يحمل ويصيير وياج

لولوه الدوحه
ربي يرزقج انشاء الله
ولاتفكرييين وااايد تري النفسيه تلعب دور انتي انسي السالفه وربي بيكتب لج وان حد قال لج شوي قووولي لهم الله كريم ولاتهتميين في كلامهم
وفرق العمر عاادي علي حسب اصلا طبيعة الياهل اصلا في اللعب وجي عندج انا بيني وبين اخوي اللي اكبر مني سنتيين ومعن صبي وكنت كل اللعب معاهم وانا بنت
انتي اهم شي صلي الشفع والوتر كل يوم وربي بيرزقج ولاتقعديين اتحاتيين ولا شي ^ـ^

لولو 
ام حمد معاها حق 
لو هم على راس بعض والام تفرق بين هاي وهاي ولا بيحبون بعض ولا عقب سنين
بس لالام تقول للولد هاذي اختك تحافظ عليها وتحبها تعالي شوفيهم اشلون مع بعض
وشوفي الفرق بين عيالي فديتهم دايما مع بعض بو عوف يخاف على  امونة وامونة تخاف على جوجو
الله يهديهم ويرزقنا برهم ياااارب