.. تجمع البحرينيات تسوق + سوالف ( رخيص وقوي ، برد رقم 2 ) / لذو الحجه part 1)1431) :

وردة وش نقدر نقول,,ربش كريم
اني الصراحة اسولف هني.. واسولف في منتدى ثاني ويا ربعي اللي تعرفت عليهم في عروس
تقريبا مثل السوالف,, بس هني تزيد في بعض الامور,, وهناك في امور أخرى
لكن احنا متمسكين بهالمنتدى عشان العضوات اللي نحب نسولف وياهم والمواضيع اللي ينزلونها
لكن تبقى محبتي للي تعرفت عليهم في المنتدى وتطورت المعرفة للطلعات والزيارات

باك
ومع السلامة بقوم اروح البيت

سلااااااااااااااااااااااام على الكل شحوااااااااااااااالكم عفر؟

دمعة
انا اخر مرة رحت اش اند ام
كانوا عندهم كاب الرسام لونه اسود و باقي الوان .. احتمال نزلوا احين جديد ما ادري ؟!

بس اذكر العام الماضي بيت التنزيلات " سناء " هالوقت كانوا منزلين كابات اشكال و الوان اقصد موديلات واجد .. فاحتمال تحصلين عندهم اللي تبين .. مع ان من جم يوم وحدة من البنات اهني صورت صورة للكابات الرسامين من عندهم .. فما ادري نزلوا جديد لو شلون ؟!

+ يعتمد ع الفرع نفسه .. مثل فرع جيان ما احس عندهم عكس العدلية >> باقي الفروع ما رحتها .. يعني اذا لج فرع قريب و عادي تفرفرين روحي جيكي .. بس ارجع و اقول لج اني صار لي مدة ما رحت >> مو تقولين زهرووو قصت علي خخخ !

زهرة السعادة الصراحة ابدااااع,,,حاولت اقيمش بس رافض الميزان
لكن سؤال يسدح نفسه
اذا استخدمت فواكه طبيعية ماتعفن؟؟
وفي صورة من الصور كأن العفن طلع على الفراولة خسارة

وردة
ولكم بااااك


قلبو
هلا و مرحبا خيو



وردة حزيران
مثل البنات اقول
اول ما تعرفت على المنتدى كنت ما ادري بالممنوع و غيره
و بعدين تعلقت في المنتدى و المواضيع و هذا اللي يخلي اشارك وياهم كل يوم
ترى يعني الممنوع بس بالكتابة .. بس في القلب مستحيل .. و اللي نسويه يعتبر تقية !

وردة المستحيلة ويلكم ومع السلامة وخلينا نشوفش

صح ام برهوم تقية هههههه
قلبي شخبارش

دمعة
بلى يعفن !!
اول شي حسبت ان يرشونه بمادة تمنع تعفنه !!
بس طلع في الصور التحتية اشياء معفنة فاكيد ما يرشونه يمكن بس ياخرون التعفين !
من جدي اقول لج يا الفراولة رخيص يا عندها مزرعة !!

سلام
شحوال؟

بلاعيمي :sick:

جنه ساكنها حبيبي;13628590:
هذيان عجبوني مشترياتش عليش بالعافيه

الله يعافيش F:

نور الموالي;13628694:
عروسات بسألكم اهتمامكم بعيد الاضحى نفس اهتمامكم بعيد الفطر ؟
من ناحية التجهيزات اقصد


انا احس حراااااااااام اتكلف وثلاثة ارباع الاهل مو هنا والجمعة ماتكون كبيرة بغض النظر عن ظروف بتي الصحية عيدنا الاضحى مانتكلف فيه انتو كيف ؟

عيد الفطر جهزت له قبل بمدة .. واخذت 3 بدلات ;)
وهذا العيد حتى بدلة للحين ماكملتها :confused:
مع ان الاجواء مثل بعض .. اول العيد نتغدى في بيت البابا مع زيارات عائلية
وثاني العيد يا في بيت خطيبي او بيت جدي .. والليل نطلع نتعشى
لكن عيد الفطر له احساس مختلف :adore:

دمـعـة;13629836:
بسألكم عن شغلة وكل وحدة تبدي رايها
واللي تحت من ضمن المتواجدين ابدوا رايكم
ويمكن اني اقصد وحدة فيكم>>> ههههههه متسببة

وش رايكم في البنات اللي يشاركون في المنتدى ويشوفون اسم عضوة ويقعدون يبحثون في مشاركاتها بهدف ان يتأكدون هذي هي اللي يعرفونها او لا
وعقب مايتأكدون مايقولون لها
يظلون يتتبعون مواضيعها ومشاركاتها,, ولما يتلاقون وياها في منتدى ثاني او في المسنجر يجيبون لها اخبارها يازعم هم المحقق كونان
انتي سويتي هالشي صح؟ انتي اشتريتي جذيه صح؟ زواجش او موعد ولادتش في هالتاريخ صح؟
او انتي تحطين صور ثيابش في المنتدى,, تبين تفوشرين؟

ولما تسألها وش دراش؟ تقول اشوف مواضيعش ومشاركاتش كااامل>>>فاضية حدها
واني اقصد كذا وحدة صادني وياها,, وسمعت ان سوت لغيري
ويمكن تكون متواجدةالحين,, شنووو تقول مسوية متخفي عشان اقرا على راحتي ولا تدرين

مامبي اعلق .. اخاف شسمة :cool: وعقب اتقشع من المنتدى :lol:

الفم الأنجولي المرعبي: أكبر فم في العالم يدخل موسوعة جينيس للأرقام القياسية!!



لنبتعد هذه المرة عن أجواء الرجال الآليين والابتكارات والاختراعات لنشاهد إنجازاً بشرياً غير مألوف:



فمن تشاهدونه في الصورة هو فرانسيسكو دومينجو الذي يبلغ من العمر 20 عاماً، والذي يمكنه شد فمه كالمطاط ليبلغ عرضه 17 سنتيمتر!!
يعيش فرانسيسكو في مقاطعة سامبيزينجا بأنجولا واستطاع بفمه ذاك الفوز بالرقم القياسي العالمي في موسوعة جينيس للأرقام القياسية بعد أن دخل منافسات جينيس في روما.



يشتهر فرانسيسكو بين أصدقائه باسم كيكوينيو ويعرف باسم الفم الأنجولي المرعب (..)، ويقول بعد فوزه بالرقم القياسي العالمي أنه كان حلماً تحول إلى حقيقة (لا أعلم عن نفسي ما هو الذي تحقق بالضبط بأن يكون فمه أكبر فم في العالم ).



المثير في موضوع كيكوينيو هو الطريقة التي وصل بها إلى موسوعة جينيس، لأن كل ما حدث هو أن أحد الأشخاص قام بتصوير فيديو له أثناء وضعه أشياء كبيرة في فمه ثم رفع الفيديو على اليوتيوب، لينتشر الفيديو كالحمى ويصبح كيكوينيو أحد نجوم اليوتيوب. حينها انطلق فريق جينيس إلى أنجولا باحثاً عنه ليأتي به إلى إيطاليا ويدخل موسوعة جينيس للأرقام القياسية!


و اللي ما تصدق تجوف هالفيديو !!


[YOUTUBE]N905o55cpIo[/YOUTUBE]

هـذيـان;13630601:
مامبي اعلق .. اخاف شسمة :cool: وعقب اتقشع من المنتدى :lol:

علقي ولا تهتمين,, انتين مابتغلطين على احد ولا على المنتدى
اني الحين لو تجي ليي وحدة وتسوي مثل الحركة وتتبع اخباري وتجي تقول لي
جان اشكرة والعين ترى هههههههههه جان اشكرة احط اسمها في المنتدى واكتب لها حدش فاضية
او اخلي عسكريمة تعبر ويايي ههههه :lol:

وردة حزيران;13630474:
الموضوع يمكن يعجبكم ويمكن لا
بس بالاول والاخير النقاش لا يفسد للود قضية
وهو بخصوص هالمنتدى

قيمتش ;):adore:

هذيان
ما عليج شر خيو
اذا انتي مثلي اكلي اسكريم و بتصيرين زينة
اذا ما يناسبج الاسكريم .. اكلي ملعقة عسل عليها شوية فلفل اسود مطحون " حدج " الصبح و الليل و بتصيرين زينة

دمـعـة;13630621:
علقي ولا تهتمين,, انتين مابتغلطين على احد ولا على المنتدى
اني الحين لو تجي ليي وحدة وتسوي مثل الحركة وتتبع اخباري وتجي تقول لي
جان اشكرة والعين ترى هههههههههه جان اشكرى احط اسمها في المنتدى واكتب لها حدش فاضية
او اخلي عسكريمة تعبر ويايي ههههه :lol:

مايهموني \ قالو افوشر؟ بقول لهم يحق لي :cool:
طالعو ثيابي وعطوراتي و و و .. عليهم بالعافية وملبوس العافية حقي :D
قروا مواضيعي وتتبعو ردودي .. بقول لهم ارتاحو وقومو سوو لكم شغلة تنفعكم

زهرة السعادة;13630636:
هذيان
ما عليج شر خيو
اذا انتي مثلي اكلي اسكريم و بتصيرين زينة
اذا ما يناسبج الاسكريم .. اكلي ملعقة عسل عليها شوية فلفل اسود مطحون " حدج " الصبح و الليل و بتصيرين زينة

الشر مايجيش \ امس شربت ماي بارد ونمت في الايسي
قعدت الفجر الا بلاعيمي تعورني وراسي بعد :sick:


.
.


يتصفح الموضوع حالياً: 14 (14 من الأعضاء و 0 من الزوار) ‏هـذيـان*, ‏وردة حزيران, ‏عسكريمة, ‏um 3looy, ‏أم داحي, ‏قلبي عن غيره تسكر, ‏سيدة الاحاسيس

+ المختفيات .. شحوووووووووووال؟

وردة حزيران
صحي ميزانج رافض ترى مو لاني ما ابي اقيمج !

اهلين هذووون
ماعليش شر انشالله

جوفي وردة حزيران اني عجبني الموضوع وبرد عليش

اني وحده قبل لا اشارك في المنتدى او قبل لا اسجل كنت ادخل بدون تسجيل واقعد اقرا بعض المواضيع الي ابغيها مع الوقت اتعلقت وحبيت ادخل اقسام ثانيه لكن لازم اسجل وسجلت واني كان هذا اول منتدى اسجل فيه مو اسجل فيه بالاحرا اسجل واسولف واشارك في منتدى ثاني مسجله فيه لكن ادخله حق شغلات معينه واطلع مااكتب ولا اشارك ولا اسولف

المهم دخلت هني ماعرف احد تميت اقرا شوي شوي تعلقت بالمنتدى تميت اشارك اكتب اشياء وحصل ليها حل لين دخلت محل تجهيزات العرايس وكنت بتزوج وتميت اشارك معاهم وتعودت عليهم بعدين اتعرفت على هني ويامى صادتني مواقف مع مشرفات وحذفو مشاركاتي ومواضيعي واني ماكنت اعرف انه ممنوع لانه اساسا ماقليت القوانين ولهذا يومش ماقريتهم :lol:

بس من الاخطاء والتنبيهات عرفت القوانين وبعدها تعرفت على هالتجمع وحدي استانست ومستانسه مع البنات وكل دخلات صارت واكثرها عشان هني وتجمع البنات وسوالفهم والوناسه وياهم

بس تبين الصدق اتجنبي هالامور وتمي سولفي عادي وفي شغلات عاديه محد بقوليش شي في شي يسالون عنه البنات تعرفين اتجاوبينه جاوبي عليه وخلي سوالف التهنئه والتعزيه فيهالامور يا على الخاص او خليها بالقلب خيو ولا تسوين ليش سوالف ;)



كانه واجد هدرت موو :| اليوم كأني بالعه القيلقى << تعرفون شنو القيلقى هههههههههههههههههههه :lol::-#

زهرة السعادة;13630619:
الفم الأنجولي المرعبي: أكبر فم في العالم يدخل موسوعة جينيس للأرقام القياسية!!



لنبتعد هذه المرة عن أجواء الرجال الآليين والابتكارات والاختراعات لنشاهد إنجازاً بشرياً غير مألوف:

فمن تشاهدونه في الصورة هو فرانسيسكو دومينجو الذي يبلغ من العمر 20 عاماً، والذي يمكنه شد فمه كالمطاط ليبلغ عرضه 17 سنتيمتر!!
يعيش فرانسيسكو في مقاطعة سامبيزينجا بأنجولا واستطاع بفمه ذاك الفوز بالرقم القياسي العالمي في موسوعة جينيس للأرقام القياسية بعد أن دخل منافسات جينيس في روما.

يشتهر فرانسيسكو بين أصدقائه باسم كيكوينيو ويعرف باسم الفم الأنجولي المرعب (..)، ويقول بعد فوزه بالرقم القياسي العالمي أنه كان حلماً تحول إلى حقيقة (لا أعلم عن نفسي ما هو الذي تحقق بالضبط بأن يكون فمه أكبر فم في العالم ).

المثير في موضوع كيكوينيو هو الطريقة التي وصل بها إلى موسوعة جينيس، لأن كل ما حدث هو أن أحد الأشخاص قام بتصوير فيديو له أثناء وضعه أشياء كبيرة في فمه ثم رفع الفيديو على اليوتيوب، لينتشر الفيديو كالحمى ويصبح كيكوينيو أحد نجوم اليوتيوب. حينها انطلق فريق جينيس إلى أنجولا باحثاً عنه ليأتي به إلى إيطاليا ويدخل موسوعة جينيس للأرقام القياسية!


و اللي ما تصدق تجوف هالفيديو !!


[YOUTUBE]N905o55cpIo[/YOUTUBE]

يمة يخووف شكلة جدي ,,, هذا بوزة شنطة متنقلة اللة يساعدة علي هلبوزز

um 3looy;13630519:
ام برهووم : ابدااااااااااع من قلب يسلموو خيتوو

وردة : كلامش صح اختي بس شنسوي اذا اصل قوانين المنتدى جذي
وبصراحة اني كنت من زماااااان بس اقرأ وما اشارك لمى وصلت للحد اللي قلت خلني اشارك احس روحي متمللة
وقلت خلني اتعرف على البنات وأفضفض عن اللي أبغي اقوله واذا عندي اسأله او استفسار اخذ ارائهم

وهذا اللي صار ولما تعرفت على هالتجمع بصراحة زاد حبي للمنتدى لانه حسيتهم مثل الاخوات لووحده عندها مشكلة
يساعدونها او وحده متمللة ومتضايقة يواسوونها
وواجد اشياء .. واذا على الممنوع يختي احنا قاعدين نشوف منتديات يحظرونها بكبرها مو بس الاعضاء
ومانقدر انقول ليهم أي شي
ولانقدر نخلي المنتدى وخصوصا لما تعرفنا على بعض اكثر .. وتقربنا من بعض
حتى في بعض العضوات قام يتزاورون ويتصلون لبعض من كثر ما صاروو قراب

وبث

صح كلامش
هو لين تتعودين على بنات تحبين المكان اللي هم فيه
حتى لو كان مو مرتاحة من قوانينه
المهم هم البنات ترتاحين لهم

بسس يا كثر المنتديات النسائية
وبعضها مافيها مثل ماهو هني وممنوع