»¤‡° تجهيزات عرائس لشهر ذو الحجة 1431 - 2010 م / الجزء = 17 °‡¤«

صباح الفل
اخر مشترياتي
1 - شنطة ضغيرة ليوم الدخلة

2 - صناديق لحفط الاكسسوارات والذهب عدد 2 مع بعض واحد اكبر من الاخر



3- مجفف الشعر الإستشوار



4- مكواة الشعر

[/CENTER][/CENTER]

السلام عليكم ورحمه الله وبركاته

تسلمي ياغالية ع المكياج

سؤال مخالف :

بنات الي يجهزن ويحطن في دبشهن في الشناطي

كيف تخزنن في الدبش هل تحطن معاه حاجة ولا هك دبش في

شناطي ويسكر عليه ...؟

باقي التجهيزات

فراش المكياج من مكياجي

هنو عجبنى مكياجك يهبل وبنسالك الفرش من مكياجى متاع ليبيا وبقداش ؟؟؟

قدرك كبير بقلبي;13858583:
السلام عليكم ورحمه الله وبركاته

تسلمي ياغالية ع المكياج

سؤال مخالف :

بنات الي يجهزن ويحطن في دبشهن في الشناطي

كيف تخزنن في الدبش هل تحطن معاه حاجة ولا هك دبش في

شناطي ويسكر عليه ...؟

انى زمان لما نخزن فى حوايجى كنت نحط معاهم فى طرف صابون بودى شوب متاع الفراولة نقصه على اربعة .. ونحطه ..

Hayela;13858816:
هنو عجبنى مكياجك يهبل وبنسالك الفرش من مكياجى متاع ليبيا وبقداش ؟؟؟

dr_amani;13832938:
رد سؤال المخالفة :-


o0o0o Monsoon Accessorize o0o0o

أبونواس - طريق قرقارش 2 كم - بجانبBenton

o0o0o Bhs o0o0o
السياحية - طريق قرقارش 6كم - بجانب جامع بدر

o0o0o Mango o0o0o
السياحية - طريق قرقارش 8كم - بالقرب من سكن طلبة معهد النفط

o0o0o Marks & Spencer o0o0o
السياحية - طريق قرقارش 7 كم

o0o0o (United colors of Benton) o0o0o
السياحية - طريق قرقارش 2 كم – بجانب محلات الطيارى للألبسة الرجالية.

o0o0o Réserve Naturelle o0o0o
سوق الثلاثاء الجديد - الدور الثاني
وفى فرع تانى بحدا نكست

o0o0o jennyfer o0o0o
سوق الثلاثاء الجديد – الدور الرابع

o0o0o Aftershock o0o0o
3 فروع بــ حى الاندلس - قرقارش 1 كم - سوق باب الاندلس
حى الاندلس - قرقارش 1 كم - بجانب دار المنتصر لتصميم الازياء والاكسسوارات
حى الاندلس - قرقارش 1 كم - بجانب محلات تيفال

o0o0o Nike o0o0o
3 فروع بــ حى الاندلس - طريق قرقارش 1 كم - سوق باب الاندلس الدور الاول
حى الاندلس - طريق قرقارش 1 كم - بجانب فرانك مولر للأثاث والمكتبة العربية للقرطاسية
حى الاندلس - طريق قرقارش 1 كم - مبنى نايك بجانب المثابة الثورية بحى الاندلس

o0o0o Geox o0o0o
شارع امحمد المقريف - محلات GAZ - المقابلة لحديقة الفندق الكبير
سوق الثلاثاء الجديد - الدور الثالث .
زرقاء اليمامة - طريق قرقارش 2 كم - الدورالارضي بجانب الصيدلية
تقاطع الجرابة وبن عاشور

o0o0o Clarks o0o0o
شارع بيروت - المتفرع من شارع هايتي
سوق الثلاثاء الجديد - الدور الثالث


o0o0o Lumber jack o0o0o
شارع بيروت - المتفرع من شارع هايتي
زرقاء اليمامة - طريق قرقارش - 2كم - الدور الارضي

o0o0o Zara o0o0o
حى الاندلس - طريق قرقارش 1 كم- بجانب البراعم للأطفال
مش وكيل واسعاره نار

o0o0o Next o0o0o
السياحية - طريق قرقارش
بجانب محل ماركس اند سبنسر
ولاصق فيها الدو متاع الاحدية

HaNoOoOo;13858851:

اهلين هايلة

لالا من مكياجي بي وتقريبا مش اكيد في حدود 150 درهم معاش نتفكر

لو تبي نجيبلك انى ماشيه توا حبوبه

صحيتى حبوبة لاعندى فرش بالهبل ههههه متاع بودى شوب غر نسال بس

هيولتي

سؤال مخالف :

كم فترة الي خزنتي فيها دبشك؟

رد مخالف:

يعني عادي حتي لو فترة طووووووويلة ماتصريش لدبش حاجة ؟

السلام عليكم
كيف حالكم بالنسبه للدبش عادي ما فيش مشكله انك تخزنيهم و تكون زي ما قلتو معاهم ريحه زي الصابونه باش ريحتهم تقعد حلوه انا هكي درت وطلعتهم قبل العرس بفتره علقتهم في الدولاب وبعدين قبل ما يرفعوهم حدتتهم وحيتهم في الشنط وبخيت ريحه عليهم عادي مافيش اي مشكله

جواب مخالفه

مممكن حتي زيت عطري
اني خديت قطنه حطيت عليها زيت العطري لافندر ومسحت الشنطه كلها من داخل

ههه لو عليا اني

حطيتهم هكي بدون شيء ..

بس نشوف في يبيعو زي لافندر او شيء زي طروف صغار توزعيهم في الشنطة مايخليش حشارات وهكي يخشو ويخلو صنتهم حلوة

كيف حالكم عرايس حبيت نوريكم طريقتي في تبخير ورغاني بالك تستفيدوا منها F:

طبعا الي تستفيد تقيمني وتدعيلي دعوه حلوووووه



اول شي تجيبي من هالبخاااخ الرهيب هو معطر خاص بالمجالس والفراشات ولونه ابيض مايخربش الورغان



تلقوه مكدس في العطارين بتمانيه دينار وصوره من قرييب



وتجيبي بخارتك وتحطي فحيماتك عالنار ولما يطيوا تحطي بخورك فيها وياريت لو يكون اولا بخور مدشش
زي هدااا



تحطي منه جبل صغير وفوقه تحطي بخور مبروم او عودان حطي عود او اتنين زي هدا



وتجيبي كباسه او مش عارفه شن تقولولها هي بالحديد زي الشبكه الي يحطوا تحتها البخاره وفوقها الدبش متوفره عند الكل تقريبا مالقيتش صوره ليها ف جبتلكم شكل قريب منها زي هده غير حديد مكدسه في ليبيا



طبعا انا في ليبيا عندي وحده وبما اني هانا في غربه منين نجيب كبااااسه يا تري؟؟؟:D

درت فكره تانيه وهي



جبت سرير ولدي زي هدا بالزبط نحيت المتراس وحطيت البخاره علي السرير علي اللوحه يعني وتاكدت انها تابته

شن تديروا؟؟ ترشي من البخاخ وتحطي بخورك بسرعه وتحطي الورغان علي الكباسه او السرير وتخليله فتحه صغيره بيش النار ماتموتش

وهكي تكوني حصلتي علي ريحه تهبببببل تهوس تجنن تخبل وماتمني تنوضي من فراااااشك :075:

جربوها وادعولي والي عندها سوال انا حاضره

تحياتي قهوه الصباح

قدرك كبير بقلبي;13858933:
هيولتي

سؤال مخالف :

كم فترة الي خزنتي فيها دبشك؟

والله فى اللى اكتر من 3 سنين هههه بس مرة مرة نفتح فى الشنطة نتفرج ونبوس فيهم الحاجات ونرجعهم ههه فى حاجات الحق من ايام ماليزيا مكنتش مخطوبة نشرى وندس

وعليكم السلام شوق الاهل

تعالي لهدا الرابط في اقرب فرصه خل نتعرفوا عليك اكتر هدا تجمع شات لليبيات حلوو ينسيك الغربه

http://forums.3roos.com/showthread.php?t=577247&page=1119

لان القوانين هانا في التجهيزات ممنوع الهدرزه الجانبيه الا كان عندك سوال او جواب لاحدي البنات

الدعوه مفتوحه للكل

(ارجوا عدم حدف الرد لانه لتوضيح القوانين بس )