»¤‡° تجهيزات عرائس لشهر ذو الحجة 1431 - 2010 م / الجزء = 17 °‡¤«

ماشاء الله يا مصراتية تبارك الرحمن علي شعرك !!! لون وكثافة ...

سؤال للمخالفة :-
طريقة لتفتيح اماكن الحبوب الداكنة في الرجلين ؟؟!!!

بصراحة انى عندى فى رجلى الكعبة لونها بنى كرهتها ومضايقتنى قالولى درى اليم حكى بية وما فيش فايدة الى تعرف كريم ادقولى

سؤال مخالف:

نبى نسال على زيت فاطمة هل كويس ام لا

سؤال مخالف:

زيك يا روحى حتى انى فى اللبيب شن اختارتى لون الديكور انى خاطرى فى شوكلاتة بناش والمنشطة وحدة اسمها سعاد وكيكية البريوش كيف هدة

وين النعتة فاطمة بصراحة قالو غالية هيا ماسعدتكش الاسعار هدة نفس الاسعار الى فى موقع بزبط هكى كاتبتهم فى شنو سعداتك


......

انى نستخدم زيت الصبار من فاتيكا

شلاكة;13712232:
نبى نسال على زيت فاطمة هل كويس ام لا

شلاكة;13712140:
بصراحة انى عندى فى رجلى الكعبة لونها بنى كرهتها ومضايقتنى قالولى درى اليم حكى بية وما فيش فايدة الى تعرف كريم ادقولى

ملكة في مملكته;13712128:
ماشاء الله يا مصراتية تبارك الرحمن علي شعرك !!! لون وكثافة ...

سؤال للمخالفة :-
طريقة لتفتيح اماكن الحبوب الداكنة في الرجلين ؟؟!!!

بنات عن تجربة فى العناية بجسمى ...
نستعمل فى كريم جليسوليد الاحمر الاصلى ...
- وديمة فى الدوش لو عندك اى نوع اسكراب ...ادعكى بيه الاماكن الغامقة ...وبعدها حطى اى كريم وزى ماقلت انى نستعمل فى جلوسوليد ...
وسببه المكان الغامق تراكم جلد ميت وانت لازم تحوليه بالتقشير اليومى العادى وحطى عليه كريم مرطب علشان ماينشف ويسود ...
- وممكن تستعملى كريم فازلين ...وخصوصا فازلين اللى بالسدر ...جربوه وادعولى ...يابنات ...
- وفيه طريقة انك تستعملى المنياكا مع مية ورد ...وتدعكى بيها حتى هي مثلا الركبة او اى مكان فيه جلد غامق تحته عظم ...
- وفيه السكر او الملح مع الليمون ...ادعكى بيه ...بس فى الاخر ماتنسو ترطبو المكان ...

....................
- وبخصوص زيت فاطمة ...ماسمعتش بيه ...
انى نستعمل فى زين النرجيل (جوز الهند ) الاصلى والحمد الله ماشى معايا ...وبعدين لما اتحطيه ماتخليه هلبة فى شعرك
وخصوصا الزيت العادى غير الخلطات خليه ساعة اكثر شئ علشان ماتقتلى بصيلات الشعر او تسديها بالزيت ...
ولو تبى الفايدة اكثر سخنى الزيت شوية فى الميكرويف او بعد ماتحطى الشعر على شعرك خودى فوطة مبلولة مية دافية وحطيها على شعرك علشان يمتص شعرك الزيت وحتى لو عندك (الكاسكو) اللى يديرو فيه الكوافيرات غطى شعرك بالقبعة وحطى شعرك تحت الكاسكو ...
ان شاء الله انكون ساعدتكم ..
وماتنسو الدعاء لماما بالشفاء ..
والدعاء بلم شملى انى وخطيبى حبيبي:o فى اقرب وقت F:...

صور لتجهيزاتي
نوروني بنات
http://forums.3roos.com/showthread.php?p=13713314#post13713314

سؤال مخالف:

جواب مخالف
شوفتي طريق عين زارة ... او بالاخر تخلي جامعه الفاتح علي يمين وتكملي طووول تجيك جزيرة ترفع يمين لعين زارة
وعلي يسار طريق لترفعك لجيهة البساطات وكباب العربيبي .... هو يجي علي يمين لما توصلي في كباب العريبي لو انا مش غالطة
هو محل كباب كبير ومعروف في جيهة هاديكا ... والدعري يبات محل كبير في دورين

لؤلؤة سرت;13704199:
سؤال المخالفة
يابنااات ضروري اللي تعرف اترد عليا في فرق بين كربونات الصوديوم وبيكربونات الصوديوم والا لا؟؟

اهلين حبيبتى ...
بخصوص الكربونات والبيكربونات مافيش فرق ...
هما نفس الصيغة الكيميائية ...NaHCO3
بس فى خواصهم ...
يعنى تسمى بيكربونات وهى صلبة يعنى شكلها الابيض البلورى ويذوب فى المية ....ولكن ....مايذوبش فى الكحول
ولكن لما ... تسخنيها سواء كانت بوسط جاف او سائل تتحول الى كربونات الصوديوم الحامضية بالتدريج وهذا علاش لازم نحفظوهم فى علبة جافة ومسكرة

...اضرارها :
...مافيهاش اى اضرار ....

هذا الكلام من ناحيتها العلمية ....(فلسفة علمية ) ههههههههه بس ماتخافوش بس للتوضيح


...ديمة فى لخبطة فى اى كلمة فيها صوديوم ...يعنى زى
- كلوريد الصوديوم = ملح الطعام
- وبيكربونات الصوديوم او كربونات الصوديوم الحامضية = المنياكا او روح البشكوط
وفيه باكنج بودر = (تحتوى على فوسفات ودقيق الذرة وبيكربونات الصوديوم ) وكلها بنسب ...

...وانت اللى تبى تعرفي عليها هى المنياكة عندنا ..
وهى عندها استعملات فى الاكل نستعملو فيها لتطرية البشكوط يعنى اتخليه هش ...
وفيه استعملات تانية فى تبيض المناطق الغامقة ...زى ماقلت لااختى ملوكة وشلاكة تقدر تبيض الركب مثلا بيها ... يعنى فى خلطات الجسم
وتستعمل فى تنظيف البيت زى ازالة الروائح اكرمكم الله من القمامة ..وازالة البقع فى الطناجر :hysterical::hysterical: يعنى رد بالكم ...اتكثرو هههههههههه
وهذه صورتهملك ... اللى متوفرات فى السوق الليبي وكوجينتنا ...
وفوستر كلاركس افضل طبعا ...



ان شاء الله قدرت انوضح ...فى امان الله للجميع ..

شلاكة;13712232:
نبى نسال على زيت فاطمة هل كويس ام لا

ايه حلو اني ونستعمل في كريمه من الفتره طويله
الكريمه احسن اخف ع الشعر بس زيت قوي وحتي ريحتيه قويه

بنسبه ليا اني نستعمل كريمه فاطمه بصبار حسيت بلمعه وكثافه الشعره



ماشاء الله يا مصراتية تبارك الرحمن علي شعرك
وشكرا عرد تفتيح اماكن داكنه للجسم

حياة حلوة;13713555:

ماشاء الله يا مصراتية تبارك الرحمن علي شعرك
وشكرا عرد تفتيح اماكن داكنه للجسم

الله يخليك حياة ...ويارب شعرك يكون زيي او احسن ...

بخصوص الصبار انى نستعمل فيه والله كويس ..بس تقدرى اديريه ابروحك انى انفضل هالخلطات انديرها ابروحى ...وماشية مع شعرى ومن الحاجات الثابتة لشعرى هالصبار والله يابنات شوفتو شعرى لمعة وطول ونعومة ...جربو وادعولى ..
والطريقة :
خودى الصبار اسنون المنشار وفيه اللى يسموه "لسان العجوز " ...
افتحوه من جوة وطلعوا الجل اللى فى وسطة انى اندير فيه فى الشهر مرة واستمرو ياابنات وحاتشوفو النعومة من اول مرة ...والفايدة والمعان ...وعلى فكرة يابنات نستعمل فى الصبغة الكحلة ومش مااثرة على شعرى وحتى تقصف فى الشعرة ماعنديش ...
وعلى فكرة الصبار مفيد حتى للجسم ...
....................
صح جتنى فترة قعد ايطيح شعرى ...وشعر طاح شوية علشان مرضت ماما نفسيتى تعبت ...وهذا علاش قعد ايطيح وانى قصيت منه شعرى حاليا .."بس توة الحمد الله بعد الكورس" ....
- يعنى ...نصيحة ماتحطوش شئ ماتعرفوشى فى شعركم لازم تتاكدو من مكونات اى شئ زى ماقلتلكم راهو زيه زيه الوجه ...انتبهووووو

بنات كل سنة وانتو طيبين
عرسى قرب فى 25_12حجزت فى صالة البيب روعة بصراحة وانحس احلى طلة للعروسة فيها على قد ماريت وبانسبة للعشاء عند ناجية الرويعى ماكلتها حلوة انى قالولى عليها مانعرفهاش ومش مشهورة ممكن انها فى تاجوراء امشيتلها و>وقتنى بصراحة ماكلتها بنة وصنة خديت منها اربعة حاجات ورز واثنين سلايط يعنى صونية امتع سبعة دينار وحجزت مصوراتى عند فاطمة بيباص 500مشيتلها بمعرفة فسعدتنى تصوير ثابت 170وفيديو250ودارتلى بروجكتر 200وبنسة لشكلاطة بندير كوالتى ستريت الكبيرة الموف راقية وحلوة والحلو حجزت عند الملكة كيكة البريوش والمنشطة بنجيب عايشة اتهبل

سؤال مخالف:

لمصراتية لشرقاوي

حبوبتي ممكن تحطي رد متاعك متاع الكورس شعر

ماشاء الله تبارك الرحمن ع شعر كم ليك ماقصتشي شعرك ؟

وهل الكورس كثفه وطوله ؟ وشعرك كان خفيف من قبل ولا كيف ماهو في الصورة؟

قدرك كبير بقلبي;13715893:
سؤال مخالف:

لمصراتية لشرقاوي

حبوبتي ممكن تحطي رد متاعك متاع الكورس شعر

ماشاء الله تبارك الرحمن ع شعر كم ليك ماقصتشي شعرك ؟

وهل الكورس كثفه وطوله ؟ وشعرك كان خفيف من قبل ولا كيف ماهو في الصورة؟

الله يخليك حبيبتى ... وهذومة عيونك الحلوات اللى شفتينى بيهم ...
تفضلى ...وهذا لينك مباشر على الصفحة نفسها :
http://forums.3roos.com/showthread.php?t=569946&page=26


انى مانقصش فى شعرى هلبة .. بس اطراف كل بعد فترة او فى عيد عاشورة ونقصه بروحى والا ماما ربى يطول فى عمرها "يدها كريمة "...
والمقص اللى نقص بيه دايرتة خاص للشعر يعنى على شعرى وبس ومانقصش بيه شئ تانى ..."هذا سر"
---------------------------
و لانى اصلا مانمشى للكوافيرة يعنى وحكيتلكم مرة قصتى وانى صغيرة عند اكوفيرة كيف قصتلى شعرى ومنها جتنى فوبيا (خوف )كانت اول واخر مرة ...نمشى كوافيرة والله يابنات وانى توة كبيرة ماعمرى مشيت لكوافيرة لان ماعنديش كثرة مناسبات ولو فى مناسبة حد من اقاربنا ...يااما نستشور بروحى "وهذا متعب " او حاطة حجاب يعنى مش مكثرة ضغط على شعرى ...لان هلبة بنات يخربو فى شعورهم مرات فى مناسبة وحدة مايخلو مايديرو ...وبعدها النتيجة يبقو يعانو طول السنة ...
المهم العناية تم العناية يابنات ....يعنى مش بشكل اوفر over بس ركزو على المفيد والحاجات الطبيعية ...,وقلتلكم مرة خديت حبوب زيت كبد الحوت ومشو معايا انى خديتهم علشان نسمن ونثبت جسمى على وزن معين وحتى هما استفاد منهم جسمى كله شعرى وجسمى وحتى اظافرى ...وبعدها وقفت عليهم
وتوة ناخد فى الحبوب vie attitude اللى كاتبتهم فى كورس الشعر ...اللى من تونس والحمد الله مازلت مستمرة ...ولان التساقط جانى فى مرض ماما بالقلب ...فا من الستريس قعد ايطيح ...وننصح البنات وخصوصا توة اللى بيتجوزو قللو من الاستريس ...راهو حتى هو من الاسباب ...من كثرة التخميم فى العرس ...ماتشيلو هم كل شئ [COLOR=teal]فى العرس يجى برزقة زى مايقولو لانه شئ حلال وربى يبارك فيه ...[/COLOR]
بالعكس استمتعوا وانتم تشرو وتوتو فى روحكم ...
وماتنسو الاكل الصحى ...وانى انكثر فى اكل ثمار البحر يابنات ...حتى هما كويسات ...واللى مايتوفر عندهم ممكن حتى التن والسردينة ...راهم مفيدات وخصوصا اللى بزيت الزيتون ...
لانى انى نباتية فالاكل مقتصر على الخضروات وحاجات البحر ...
هذومة نصايحى علشان شعر صحى ...وماتنسو تقيمونى وتدعولى انى وخطيبى بلم شملنا فى اقرب وقت ...والدعاء لماما بشفائها من بعد عملية قلب مفتوح ...

QuEEn of icE;13701809:
ربي مايحرمني منكم يارب عطول فالفزعه نلقاكم حطيت في بالي كم حاجه

سؤال مخالف:

بس ياريت توضحيلي التمر بالشكلاته كيف فكرته بالزبط؟؟؟ومية زمزم كيف نقدمها للضيوف؟؟؟ربي يجعلها في ميزان حسناتكم ووين الباقيين نراجي في افكاركم

حبيبتي التمر بالشكلاطة بيبع فيه باناش واتي وتقدري اتديريه بروحك تحشي التمر بشكلاطة ولوز وتغمسيه في الشكلاطة تاني لين يجف

شلاكة;13703882:
سؤال مخالف:

فى روج ايكبر الشوراب الى تعرفة تعطينى اسمة

جواب مخالفة

تقريبا نيفيا عندهم روج هكي

عروسة طرابلسية;13715082:
بنات كل سنة وانتو طيبين
عرسى قرب فى 25_12حجزت فى صالة البيب روعة بصراحة وانحس احلى طلة للعروسة فيها على قد ماريت وبانسبة للعشاء عند ناجية الرويعى ماكلتها حلوة انى قالولى عليها مانعرفهاش ومش مشهورة ممكن انها فى تاجوراء امشيتلها و>وقتنى بصراحة ماكلتها بنة وصنة خديت منها اربعة حاجات ورز واثنين سلايط يعنى صونية امتع سبعة دينار وحجزت مصوراتى عند فاطمة بيباص 500مشيتلها بمعرفة فسعدتنى تصوير ثابت 170وفيديو250ودارتلى بروجكتر 200وبنسة لشكلاطة بندير كوالتى ستريت الكبيرة الموف راقية وحلوة والحلو حجزت عند الملكة كيكة البريوش والمنشطة بنجيب عايشة اتهبل

الف مبروك حبيبة وربي يكمل عليك..سؤال لللمخالفة
كيكة البريوش كيف شكلها وبقداش

مصراتية لشرقاوي ..شعرك بسم الله ماشاء الله ربي يحفهولك ويحميك من العين ويجمعك بخطيبك في اقرب وقت ونشوفوك عروسة..

سؤال للمخالفة ..الجل اللي تطلعي فيه من الصبار تديري فيه طول من غير لازيت لاشي؟

هنو حاجاتك يهبلو تبيديهم بالهني ..حبيبتي الكندة اللي فيها موف من وين؟

مصراتية شعرك ايهبل بس ردى بالك نبى ننصحك على على الصور فى برنامج اتطلع فى الجزء المطموس من الصور وارجو منك انك اتشيليهم من المنتدى ارجوك خوفنا عليك ربى يهنيك بخطيبك