شات منتظرات الحمل قريب بإذن الله (احلى بنات فى مصر )وامهات المستقبل القريب

امنية
الف حمد وشكر لله
ربنا يتمملك بخير يارب ويجعل حملك صحي وسليم ويرزقك منه انفع ذرية ان شاء الله
ياسمين
الحمدلله النفسية كويسة

امنية
ربنا يكرمك يارب ويتم حملك على خير
انا كل يوم بدخل اقرا الصفح عشان الاقي خبر عنك بجد...ان شاء الله خير خلي بالك من نفسك اوي
ربنا يرزقكم جميعا بالذرية الصالحة يارب

بسم الله ما شاء الله

ربنا يبارك لك في حملك يا امنيه و يتمملك علي خير يا حبيبتي


ربنا يطمن قلبك دايما

ياسمين و كيتي صباح الفل يا بنات

امنيه الحمد لله و الله انا فرحت اوووي الحمد لله يارررب وخلي بالك علي نفسك اوي و ربنا يتمملك حملك علي خير يارررب و يرزقك الذريه الصالحه يارررب اللهم امين

صباح الفل يا قمرااااات

ماجده و مانيا صباح الفل

اخباركوا ايه

السلام عليكم و رحمة الله و بركاته
الحمد لله رب العالمين اول خبر قريته على الصبح حمل امنية و انها شافت النبض باسم الله ما شاء الله ربنا يثبتلك الحمل و يتمه على خير و يرزقك الذريه الصالحة بإذن الله
عاملين غيه يا بنات كلكو معلش انا فى الويك إند ببقى مقضياها زيارات عائلية من الصبح لبالليل فمش بعرف ادخل
نيمو و ريري أخبار الدايت إيه
د. ودعة ربنا يكرمك يا رب و يفرح قلبك

عاوزه ابدأ بقي يا موني

بس انا بحب اتابع مع دكتور بحس بالتزام اكتر بكتير

المشكله بقي اني مش عاوزه اروح للدكتوره القريبه مني ديه مستغله جدا يا بنتي



في حاجه اسمها معهد التغذيه بفكر اروحله اصل انا انتي عارفه برضع حلا هي صكيح معتمده علي الصناعي بس اهي بتمصمص كده وقت فراغها في البريست و حرام اعمل دايت غبي ينشف اللبن و اعكنن مزاج البنت:D

اطبخ ايه انهارده يا بنات

الحوار بتاع هناكل ايه انهارده ده ممل اخر حاجه

ايه يا نيمو الي مصحيكي بدري كده روحي ناميلك شويه و بعدين ابقي اقلبي اليوم بأي اكل و خلاص ......... انا نفسي اناااام اوي و الجو برد نفسي اتدفاء و انام اهيئ اهيئ اهيئ

انا خم نوم اصلا بس نقول ايه حكم القووي يا اختي هههههههههههههههههههه

البنت حالولا بتصحي الساعه 8 زي سنافور المحطه بالضبط عاااااااااااااااااااااااااااااا

shoshet*himo;13859652:
انا بقا اخر اخباري يا بنات

الناس بقت بتدخل في حياتنا اووي وناس غريبه يارتهم قرايب مثلا

كنت امبارح هنا في الامارات عيد الاتحاد والدنيا هيصه اوووي خارجين انا وجوزي ومبسوطين ومشغلين الكاسيت وبنشاركهم وجدانيا ههههههههههه المهم واحد في سيارته بيسال جوزي وبيبص علي الكنبه اللي وراه ويقوله فين عيالك قاله لا لسه ربنا يبعت قاله باذن الله

وكنت في فرح انا امبارح كمان جوزي بيقولي اصحابه عاملين يسالوه وبيقولوله علي دكاتره وشيوخ كمان نروح لهم وانا كمان الحريم بتسالني

هو في ايه بالظبط بقول لجوزي كده قالي عادي المفروض نتعود علي كده بقا واكتر الفتره اللي جايه لاننا طولنا فعلا :'(:'(:'(:'(


الخبر الحلو الحمدلله اقنعت جوزي نشتري المشايه اللي بالكهربا دي وفعلا الحمدلله روحنا اول امبارح ودفعنا فلوسها وهنستلمها يوم الاحد عشان نعرف نمشي ونجري بقا ونخس باذن الله

معلش يا شوشو انا حاسة بيكى جدا احتسبى ده عند ربنا و ان شاء الله هيكرمك من وسع اوووووى

ريـري;13863001:
يابنات انا عايزة اعمل حقن مجهري قبل ماجوزي يعمل عمليه الدوالي ويعملها هو براحته بقي
وجوزي قالي حسام زكي غالي اوي
وعايز نعملها في مركز فارس عشان تكلفتها اقل شويه عايزة اعرف المركز ده كويس ولا ايه
انتوا ايه رائيكوا صح كده ولاايه
وعايزة اعرف ايه تجميد الاجنة او البويضات او الحيونات المنويه عايزة اعرف عنهم

ريرى انا رايى ركزى فى سكة واحدة لان انت كده هتشتتى نفسك جامد يا العملية يا الحقن المجهرى لان كمان كل ده عاوز مصاريف مهووووولة فانت خدى قرار انت و جوزك و بعدين انت اصلا مكملتيش سنة جوااااز يعنى مش مستهلة تدربكى الدنيا جامد كده

د.ودعه;13863273:
ياسمين
الحمد لله انا اتفشيت بالكلمتين ولو اني زعلانة اني زعلانة حاسة اني وحشة وجوايا مش كويس
ربنا يسامحني بقي
الواحد المفروض ميحاسبش الناس علي نواياها وكل واحد حر بس لو كل الناس تخليها في حالها حالنا حيتصلح

لو كل واحد يخليه فى حاله فعلا الدنيا حالها هيتصلح بس هنعمل ايه انا بصراحة بحس ان الشخص اللى بيزودها ده هو اللى جايبة لنفسه و يستاهل اللى يجراله و بعدين انا بصراحة ليه راى الحجات دى متابعات الدكاترة الخطوات دى مش المفروض نحكيها لحد عشان نوفر على روحنا التدخل يعنى

لحظةحب;13866343:
يا بنتى احنا خلاص خدنا مناعه من الحاجات ديه اصلا المسلاسلات والافلام السنه ديه شغاله ان الستات عندهم مشاكل فى الحمل يعنى كل شويه يفكرونا..من كام يوم انا وجوزى بنتفرج على التليفزيون وجيه الاعلان بتاع اكفل طفل فى بيتك بتاع الاورمان فبيقولوا فى الاعلان خايفه جوزك يسيبك فرحت رديت والله لو هيسبنى لو علشان مبخلفش يبقى ميستهلنيش وانا اللى هسيبه جوزى قعد يضحك قلتله جوزى يسبنى علشان سبب مقنع مش علشان حاجه بتاعة ربنا ..قلتله وانا لما هكفل مش هكفل طفل علشان مش عندى انا هكفل طفل علشان اخد ثوابه وادخل بيه الجنه..عارفه بنت عمتى ما شاء الله عندها 3 اطفال من بعد ما جابت اول طفل كفلت طفل عندها ورضعته فبقا ابنها واتحرم على بناتها وما شاء الله عايش معاها بقاله اكتر من 5 سنين..

ربنا يكرمها و يجازيها خير

miramiro;13866652:
اخر اخبارى بقى
انى فى انتظار زوجى العزيز ان شاء الله علشان هياخد الاجازه اخيرا الحمد لله

و ان شاء الله لما يجى هقوله نروح لدكتورة
ربنا يهديه و يوافق يارب دعواتكم
مش عايزه اقولكم انا حاطه امل كبير اد ايه على الاجازه دى ربنا يكرمنا يارب

لانى مش عارفه هنقعد مع بعض تانى امتى ان شاء الله
توكلى واعتمادى عليك ياااارب

ربنا يسهل يا ميرا و تبقى اجازة سعيدة ان شاء الله

paradise rose;13873489:
السلام عليكم ازيكم يابنات يارب تكونو بخير مش لاحقه اقرا اللى فات خالص
ياريت حد يقول الملخص كدا
انا رجعت عند ماما الحمد لله بعد اسبوع شاق جدااا
والحمد لله يارب
















































شفت النبض ماشاء الله لاقوه الا بالله والله بفضل الله وكرمه
بعد ما كتبلتكوا المسج انا كنت داخله من الموبايل اصلااا ومش عارفه اعمل ايه قلت يمكن حد فيكوا داخل يدعيلى ولا حاجه
المهم مصحتش جوزى ولا حاجه وفضلت فى قىء متواصل هو صحى لوحده وكنت سقعاااااااااانه وحرااااااااانه وتعبانه اوى اوى قالى طب نكلم ماما قلتله لا متكلم حد انا هحاول انام
المهم نعست طبعا من التعب وصحيت كلمت الدكتور اللى عملى العمليه وقالى تجينى الضهر
رحتله وعمل سونار وشاف بيبى وكيس وقالى مش ظاهر عندى نبض لازم تعملى دوبلر النهارده وتاخدى حقنه تثبيت وحقنه تانيه توقف القىء دا
ووقالى ترتاحى قلتله دا فرح اخو جوزى النهارده اعمل ايه قالى روحى بس لازم تاخدى الحقن قبل ماتروحى لازم وتقولى على نتيجه الاشعه اول ماتعمليها
اخدت الحقن الحمد لله ورحت لبست طبعا ولا فستان ولا بتاع كان عندى طقم حضرت بيه فرح اخويا كان وسعه كويس لبسته
واخدت العبايه معايا الفرح وفى نصه كدا سبت الفرح ومراة اخويا ودتنى نعمل الاشعه
عملت الاشعه والدكتوره قالتلى ان الحمل كويس الحمد لله يارب والنبض موجود اهو بس صغنن اوى لسه بادىء يعنى الحمد لله يارب
مكنتش مصدقه اللى هى بتقوله اصلاا
وسالتنى بقى انتى حملتى عنقودى قبل كدا قلتلها اة فقالتلى المره دى بفضل الله الحمد لله يارب مفيش عنقودى والحمل سليم
ورجعت للدكتور تانى فقالى نسبه الهرمون العاليه مش هيهتم بيها دلوقتى وربنا يستر ها يارب
ومرحتش بقى معادى مع الدكتور بتاع مصر عشان السفر والحركه وكدا
وباخد دلوقتى الحقن بقى بتاعت التثبيت والحقن بتاعت القىء ربنا يكمله على خير يارب

انا متاكده ان دا مش شطاره دكاتره دا فضل ربنا وكرمه ودعاكوا ليا انا بدعيلكوا كلكوا والله العظيم فى كل وقت لانى متاكده ان ربنا تقبل دعاكوا ليا
انا طبعا طماااااااااعه وعيزاكو بقى تكثفوا الدعاء اكتر واكتر واكتر ربنا يكمل حملى على خير ربنا يجزاكو خير يارب ويفرح قلبكوا يارب زى ما فرحتوا قلبى انتو اخوات بجد انا والله العظيم اهلى مايعرفوا اى حاجه وانتو اول ناس بتبقى تعرف كل حاجه عنى

ربنا يفرح قلبكوا ويرزقكوا يارب الحمل السليم الثابت المعافى والذريه الصالحه المعافاه
انا اول ماعرفت ادخل دخلت اهو وكلمتكوا علطول
ادعولى ادعولى ادعولى

بحبكوا فى الله

انا عمالة اقرا اللى فات كله بدور على اى مشاركة اطمن فيها عليكى
الف مبرووووووووك ما شاء الله و لا حول و لا قوة الا بالله خدى بالك من نفسك بقى و ان شاء الله ربنا هيكرمك و تجيبى احلى نونو

اما بقى عن اخر اخبارى فهى النت لا يزال بايظ و بتعامل باليو اس بى حاجة قرف جدا
مودى مش حلو خااااالص خاااااااااالص
انهرده اخر يوم فى البيريود و مفروض اخد قرار اعمل الاشعة و لا لاء
حاسة ان نفسى مسدودة عن كل حاجة مش عارفة ليه
معلش واضح انى انا سديت نفسكو بس هعمل ايه؟:lol:

شوشو مبروك المشايه

ليه بس يا قمر نفسك مسوده فرفشي كده

nemonamanemo;13875226:
انا خم نوم اصلا بس نقول ايه حكم القووي يا اختي هههههههههههههههههههه

البنت حالولا بتصحي الساعه 8 زي سنافور المحطه بالضبط عاااااااااااااااااااااااااااااا

ههههههههههههههههههههههههههه يا حبيبتي يا نيمو ده انتي معبيه ياختي ههههه و حلولي شكلها مروقاكي علي الاخر ربنا يخليهالك ياررب ..‏‎
‎

magda 1;13875272:
ههههههههههههههههههههههههههه يا حبيبتي يا نيمو ده انتي معبيه ياختي ههههه و حلولي شكلها مروقاكي علي الاخر ربنا يخليهالك ياررب ..‏‎
‎

اه والله يا ماجده ههههههههههههههههه

ربنا يبارك فيكي

مقولتليش اطبخ ايه انا مغعنديش غير لحمه قطع

نيمو لا حرام تعملى دايت و انتى بترضعى انتى كلى كل حاجة بس حاولى تقلى الدهون اد ما تقدري يعنى حاولى اللحمة و الفراخ و السمك يكون مشوى او مسلوق بدل محمر و كلى فاكهة و خضار كتييييييييييييييييير و ربنا يكرم انا اختى على فكرة بعد ما ولدت عملت كدو و ما شاء الله خست جامد اثناء الرضاعة من غير ضعف لأنها كانت بتتغذى كويس اوى بس زى ما بقلك مشوى و مسلوق و خضار و فاكهة طول اليوم

اعملى كباب حلة يانيمو

ممكن تعملي اللحمه و اي خضار و رز وشوربه او اقلبي اي حاجه يا نيمو ده اصلا انتي تستحقي الشفقه ههههههههه ...... انا الحمد لله ولاد اخواتي عقدوني في العيال و بهدلوني في فرح اخويا يلهوي علي زنهم ولما واحده تسكت التانيه تزن و ياعيني بقي لما هما الاتنين يزنو مع بعض بيعملوا احلي شغل ههههه .... ياه بقي لو الواحد جاب توأم يخلوه يقطع في شعره هههههه

نداء عااااااااااااااااااااااجل لدينا ارجوكي مش تتأخري علينا و تفتحيلنا الموضوع الجديد علي طول و كل سنة و انتو طيبين يا قمرات و يارب السنة ديه تكون احلي سنة ياررررب و كلنا نحمل مع بعض مفيش حاجه بعيده عن ربنا بس احنا كولنا نقول يارررررررررررررررررررب ( ربي لا تذرني فردا و انت خير الوارثين ) ....