شات منتظرات الحمل قريب بإذن الله (احلى بنات فى مصر )وامهات المستقبل القريب

هيييييييييييييييييييييييييييه اخيرا الخط اتعمل

انتو فييييييين يا بنات التجمع بقى صحرااااااااااااااااااء

ازيكم يا بناتيييييييييييييييييييت

kitty_kity;13622037:
وانتي كمان ياسمسمه وحشاني مووووت لسه كنت بسأل عنك هند
عامله ايه
ربنا يقومك بالسلامة يارب انتم السابقون
انا ف الشهر التاني لسه :)

مبروك يا عسل على الحمل وربنا يكمله على خير وتشوفى اللى احنا شوفناه ;)

السلام عليكم ورحمة الله وبركاته

كيفكم يابنات ومبروك التجمع الجديد

يارب يكون تجمع الخير علينا ونحمل كلنا يااااارب

السلام عليكم
ازيكم يا بنات وحشتووووووونى :adore::adore:
كل سنه وانتم طيبينF:F:
مبروك علينا الموضوع الجديد
ويارب يبقى وشه حلو علينا يارب
و يبقى فى حمل ان شاء الله لودعه فى الشهر ده
و يعوض على ماجده و يرزقها الحمل الثابت المعافى يااااارب
و يرزق محبه ان شاء الله
زى ما فرحنا بجوجو التجمع اللى فات الحمد لله ياااااااارب

و يمكن يكون فى ولاده لسمسم و بوسى ان شاء الله كمان

المهم انه يكون خير علينا جميعا و يرزقنا كلنا يااااارب و نفرح جميعا باذن الله
كفايه ان فيه العيد ان شاء الله
و العدي فرحه مااااااااااااااااء:074::074::074:
واجمل فرحه مااااااااااااء:052::052::052::052::052:

ومتلبخوش اوى فى الاكل فى العييييييييييد :D
متفقين ;)

و بعدين فين الرغى؟؟؟؟؟؟؟؟
الموضوع مفتوح بقاله يومين و 7 صفح بس؟؟؟؟؟؟؟
ده انا قلت هقعد اقرا و هتعب :rolleyes::rolleyes::rolleyes:
يلا عايزين رررررررررررررررررررررغى :thumbs_up::thumbs_up::thumbs_up::thumbs_up:

وربنا يتقبل منا صيامنا جميعا يااااااااارب


بوسى
الف سلامه عليكى يا جميل
بجد خصتينا عليكى اوى وسمسمه تقول لتكون بوسى ولدت فى التامن :hysterical::hysterical::hysterical:
صحيح يا بوسى لما تولدى ان شاء لله مين هيطمنا عليكى؟:o
و الفيرس ده جالك من ايه بعد الشر عنك :L::L: :L:
ربنا يتم شفاكى على خير يااااااارب

shoshet*himo;13619467:
انا وزنت النهارده وللاسف الشديد منزلتش الاسبوع ده وزعلانه اووووي بس انا اللي غلطانه الحقيقه عكيت كيتر الاسبوع ده بس ثابته مزدتش الحمدلله

اعمل ايه بقا ؟؟ والحمدلله انا صايمه برضه ؟

شوشو حبيبتى ازيك وحشتيننننى

لامش عايزين كسل عايزين الهمه و النشااااااااااط
و بعدين انتى معترفه انك لبختى كتير علشان كده مخستيش صح
شدى حيلك بى و التزمى و متيأسيش:thumbs_up::thumbs_up:

والصيام سبحان الله فرصه تخسى كمان ;);)

manyaa;13620114:
انا كمان وزنت الاسبوع ده و ما خستش .. لقيتني زي ما انا ..
الحمد لله على كل حال

ازيك يا منمتى الحلوه عامله ايه
متزعليش يا حبيبتى ان شاء الله تنزلى الشهر الجاى معلش
اهم حاجه انك تلتزمى فى الاكل وخلاص وربنا معاكم جميعا ان شاء الله :L::L:

لحظةحب;13620550:


باقى البنات الحلوين ميرا مانيا ماجده فلور ريرى دوعه شوشو اخباركم يا قمرات

ازيك يا ياسمين
عامله ايه يا حبيبتى اخبارك ايه
الحمد لله انا كويسه

لحظةحب;13620719:
شوشو اهلا يا قمر اخبارك..انا الحمد لله تمام والله ياشوشو لسه مرحش للدكتور لانه عايز يعملها بره فبعت يشوف تكاليفها وبعدين يقرر فلسه العمليه هتاخدلها وقت

ربنا يشفي يااارب هو و كل مريض اللهم امين يارب العالمين
ويارب يلاقى مكان كويس و يرتاح له ياااارب
و يعمل العمليه و يقوم بالف سلامه ان شاء الله

kitty_kity;13620801:
ازيكم يابنات عاملين ايه
ياترى حد هنا عارفني :)

كيتتتتتتتتتتتتتتتتتتتتتى
:05::05::05::05: طبعا عرفاكى يا حبيبتى
ازيك وحشاانى جدا والله
والف مبروك على الجواز مع انها جايه متاخره انا عارفه معلش
اخيرا اتجوزتى :lol::lol::lol: الحمد لله عشت و شفت اليوم ده
مبروك يا جميل ربنا يسعدك ان شاء الله

magda 1;13620846:
صباح الخير يا بنات كل سنة وانتو طيبين للاسف مش عرفت اصوم النهارده ادعولي اصوم بكره و ياررررررررب السنة الي جايه ان شاء الله يكون معانا ولادنا يارررب ....... بووووسي حبيبتي اللف سلامة عليكي احنا كنا قلقنين عليكي اوووي ربنا يقومك بالسلامه يارررب انتي وكل الحوامل يارررب .......... ميرااااا انتي فين وعامله ايه دلوقتي يارررب تكوني بخير يارررب طمنينا عليكي

ميجو حبيبتى
الحمد لله انا كويسه
ميرسى على سؤالك يا حبيبه قلبى :L::L:
معلش مش عارفه ادخل اوى علشان فى شغل فى بيت ماما وكده

اخبارك ايه يا حبيبتى وانا قرات فى اخر الجزء اللى فات ان الحمد لله جوزك نزلك تتفسحوا
احسن والله يا ميجو الواحد يبقى محتاج تغيرررررر
ربنا يسعدكم و يهنيككم ياااااارب

kitty_kity;13622037:
وانتي كمان ياسمسمه وحشاني مووووت لسه كنت بسأل عنك هند
عامله ايه
ربنا يقومك بالسلامة يارب انتم السابقون
انا ف الشهر التاني لسه :)

ما شاء الله
مبرووووووووووووووووووووووك يا كيتى
ربنا يتمللك بخير يارب ان شاء الله يا حبيبتى:L::L::L::L:

د.ودعه;13623642:

نحن هنا علطول انتي اللي فيييييين؟
ميرا
مختفية ليه ياتري؟؟؟ عودي يابلية:adore:

بليه جه اهوه يا معنمى :lol::lol:
ازيك يا ودعتى عامله ايه

بقولك انتى نزلتى صوره التورته فى موضوع الاكل؟ اصل لاسف الاسيف مظهرتش عندى هنا
وانا عايزه اشوفها عااااااااااااا:'(:'(

paradise rose;13624932:


حدش هنا ولا ايه
صور التورته ياجدعان اهى


دى تورته جيلى


دى تورته ميل فاى شكلها عجيب بس طعمها رهيب وسهله اوى

بسم الله ما شاء الله
ايه الجمال ده
مليش دعوه انا عايزه من ده :'(:'(
تسلم ايدك بجد لا شطوره يا امنيتى ;););)

shoshet*himo;13627955:
ايه الجمال ده

ده انتي طلعتي حلوانيه اااااد الدنيا يابنتي

لا لازم التفاصيل الممله بقا شكلهم جميل خالص والتنسيق يجنن ماشاء الله لازم اعرف بقا شغل الورد والقلوب والنجوم والحركات دي ايه نظامها يا جميل هههههههههههههه

:thumbs_up::thumbs_up::thumbs_up:
وانا كمان عايزه اعرف :o:o:o

paradise rose;13628549:
ماجده ودينا هتعيطوا ليه هى ناااااااقصه ياعيال فرفشوا كدا مش وقت عياط خالص داحنا فى ايام مفترجه
شوشو مرسى ياحبيبتى حلاونيه ايه بس دى تانى مره فى حياتى اعمل تورته
بصى انا هاقولك السر ورزقنا ورزقك على الله
احلى حاجه بقى انك ولا تضربى بيض وسكر مع بعض ولا احزنون
انتى روحى السوبر ماركت وهاتى تورته اسفنجيه الطحان واديهاااااااااااا
التورته دى يادوب بتحطى عليها ست بيضات ونص كوبايه مش فاكره لبن باين المهم الطريقه مكتوبه على العلبه وتضربيهم كويس جداااا هتلاقيها عليت جاااامد كانك ضاربه بيض مع سكر
وتدخليها الفرن تطلعلك عاليه وزى الفل واعمليها فى صينيه 24 مش 26 زى ما مكتوب عشان تكون عاليه
وتقسميها بسهوله جدااا
وتحشيها كريم شانتيه وتزينيها بالطريقه اللى تحبيها
بصى موضوع الورد دا جالى افتكاسه حبيت اعمله لماما
عملت ليها الورده الكبيره والفروع دى انا واخواتى احنا 4
ولونت الفروع جبت الوان طعام لون اخضر وحطيت حبه ع الكريم شانتيه بس
وشويه كمبوت خوخ فى الجناب لانى مش بعرف استخدم كيس الحلوانى اوى


بالنوسبه بقى لتورته الجيلى انتى بتعملى كيك عادى او تورته اسفنجيه عاديه او تجيبى كيك الجاهز دا المهم اتصرفى هههههههه
وبتجيبى صينيه بتاعت البيتزا او اى صينيه عندك وبتعملى باكو جيلى فرواله واعمليه زى مامكتوب ع العلبه وصبيه فى الصينيه دى ودخليها الفريزر يجمد
لما يجمد بقى ياجميل
هتجيبى قطاعات اى اشكال وتقطعى الجيلى بيها براحه كدا
وتحطى الجيلى دا فى الصينيه اللى هتقدمى فيها اللى هى على شكل قلب عندى او اى شكل تحبيه
وزى مانتى عايزه
جاتلى فكره لو عندك قطاعات حروف صغيره ممكن تكتبى كلمه وترصيها فى الصينيه بس انا مش عندى قطاعات الحروف
تمام لحد كدا
هتدخليها بقى الفريزر تانى تجمد خالص مالص
وفى هذه الاثناء تعملى باكو جيلى نوع تانى بس يكون فاتح اناناس او موز
ولما تطلعى الصينيه دى تروحى صابه الجيلى الفاتح عليها
وتدخليها الفريزر تانى تجمد
اشطه كدا
الكيك بقى اللى قلته فى الاول خالص دا انا بعمل ايه بفتته واسقيه بجيلى فراوله
ولما الجيلى يجمد اللى فى الفريزر باخد الكيك المفتت المسقى جيلى وارصه عليه
وادخله شويه التلاجه يمسك نفسه ووقت مااحب اقلبه باقلبه
وبس خلاص
هى رغيها كتير بس هى سهله اوى اوى اوى


تورته الميل فاى مفيش اسهل منها
بتجيبى تورته ميل فاى الطحان جاااااااااهزه اصل انا بحب الانجاز يعنى
وتعملى كاستر وتحطيله سكر زى مانتى عايزه وشويه كريم شانتيه
وتروحى حاطه طبقه ميل فاى وطبقه كاستر وهكذا وتحطى فى الجناب كاستر وتحطى مكسرات مفرومه تدى شكل يعنى
وفوق دا كان شويه سيكولاته بيضا كان نفسى اتخلص منهم من زمان رحت مسياحهم وحطاهم على الوش
ورحت عامله دواير بصوص شيكولاته وملخبطاها بالعود بقى تدى الشكل السيرياليزم دا
وبس خلاص
بالهنا الشفا

يم يم يم
طب امنيتى
فى كيكه الجيلى
انا قطعت الجيلى و عملت جيلى الاناناس عليه اوكيه

الكيكه اللى فتفتها بقى و سقيتها بجيلى دى احطها فى صنيه القلب على الجيلى الاشكال ده و ادخلها التلاجه و بعد كده ابقى اقلبها صح كده؟

طب الكيكه المفتفته دى لما اسقيها بالجبلى و ادخلها التلاجه هتتماسك و تجمد و تبقى زى ما اكون عامله كيكه عاادى ؟:!!::!!::!!:

لحظةحب;13630660:


مانيا
ايه جوزك مستنيكى تخسى علشان يخليكى تعملى تورت قوليله خلاص بلاش اعملها خلينى انزل اشترى واحده اكلها هههههههههههههه اخبارك يا يا جميل عامله ايه

:thumbs_up::thumbs_up: صح يا لواحظ
فكره جاامده :lol::lol::lol:

ميرا
اخييييييييييرا
ايه يابنتي؟كنا حنبعد منادي ينده ياولاااد الحلال:biggrin:
التورتة ننزلتها في آخر موضوع الاكل اللي اتقفل

ميراااااااااااااا مرمورتي حبيبتي عامله ايه وحشتيني اوي عملتي ايه مع جوزك يارررب يكون ربنا هداه وبقي كويس يارررب

ايه يابنات؟
معتش حد بيدخل ليه؟
:'(:'(:'(

د.ودعه;13635327:
ايه يابنات؟
معتش حد بيدخل ليه؟
:'(:'(:'(

ازيك يا ودعه عامله ايه يا قمر ....... مش عارفه ايه الي حصل البنات مبقوش يدخلو لييييييه ؟؟؟‎
‎

السلااااااااام عليكم

ازيكوووو
كل سنة وانتو طيبييييييييييين


ومبرووووووك الجزء الجدييييييييد :)

محبة_الرسول;13636311:
السلااااااااام عليكم

ازيكوووو
كل سنة وانتو طيبييييييييييين


ومبرووووووك الجزء الجدييييييييد :)

وعليكم السلام ورحمة الله و بركاته ..... محبه حبيبتي عامله ايه يا قمر وايه اخبارك ..... و كل سنه و انتي طيبه و يارررب يكون عيد سعيد علينا وعلي امة المسلمين كلها يارررررب وان شاء الله السنة الي جايه يكون معانا ولادنا يارررب و نروح الحج كمان ياررررررررررررررررررب اللهم امين ................‏‎
‎

manyaa;13629823:
لأ بجد حرام بقى :'(
كل شوية حد يعمل تورتة .. و أنا لأ :'(
بقالي شهرين بلح على جوزي عايزة أعمل تورتة و هو يقولي لأ خسي الأول8o|
اهيء اهيء..
طيب حد يعزمني طيب
ماشاءالله تورتة جميلة يا أمنية.. تسلم اييييييييييييييييييييدك :adore: اعزميني بقى..

ياحبيبتى انا اعملهالك وابعتهالك انتى بس قولى وانا انفض احم قصدى انفذ
بصى افضل حاجه عن تجربه الكيك الجاهز وريحى نفسك ياشيخه بلا وجع دماغ
انا مره كنت عامله حفله لاخويا وقعدت سهراااااااااااااااااااااانه وعملت 4 تورتات اول واحده عملتها هبطت وبااااااااااااااظت ورمتها والله لان البيكنج بودر تقريبا كان وحش
وكنت خلاص هاشترى جاهز لو عملت تانى وطلعوا وحشين بس ربنا ستر
وكمان مطلعوش زى مانا عايزه
لما جربت الكيك بتاع الطحان تحفه وتقسميها بسهوله وزى الفل
انتى لو مش فى مصر فى انواع كتير بتتباع عندك عادى
بيتى كروكر دى بيقولوا حلوه هى عندى بس لسه مجربتهاش بصراحه

لحظةحب;13630660:

منمونه
ايه التورت الجامده ديه يا قمر ما شاء الله اللهم بارك شكلها يجنن ..صحبتك بقا فاااااااااااااااااااااااشله فى الحلويات مره اتفزلكت وعملت كيكه بعد عنك ترميها فى الحيطه ترجعلك تانى مع انى واخده طريقه من النت وعملاها بكل خطواتها هههههههههههههههه

ياسمينا العسل عامله ايه الله يخليكى احبيبتى
بصى لما تعملى كيك ابقى اتاكدى انه فى حد مجربه انا اى سايت بخش على قسم الاطباق المجربه
لو هتعملى كيك عادى اعمليه فى الخلاط بتاع العصير دا
ولو تورته يبقى هاتى الجاهزه واعمليها وزوقيها على زوقك

shoshet*himo;13630986:
ازيك يا جميل

حلوه فكرة الدقيق الجاهز ده انا عارفه في في مصر في واحده جارتي استاذه بسببه بتعمل في كل المناسبات شويه تورت محدش يصدق انها في البيت خالص سالتها قالتلي علي الدقيق الجاهز ده بس اكيد هنا مافيش منه اصلا

المهم انا فهمت طشاش يعني هههههههههههه بس الورد نفسه اللي علي التورته ده ايه بيتاكل يعني ؟؟

بصى الدقيق الجاهز دا هى بتجيبه من بتوع مستلزمات الحلوانى
انا اللى بجيبه علبه ككدا اسمها تورته اسفنجيه الطحان
انتى عندك هتلاقى بس هتلاقيه معلب زى بيتى كروكر كدا اكيد عندك موجود بس ماركه تانيه

الورد اللى على التورته دا اة ممكن يتاكل عادى بس دا ورد معمول من السكر يعنى معرف ماما ودته فين الصراحه

لو فى حاجه مفهمتهاش قولى واانا اعيد

miramiro;13633472:



بسم الله ما شاء الله
ايه الجمال ده
مليش دعوه انا عايزه من ده :'(:'(
تسلم ايدك بجد لا شطوره يا امنيتى ;););)
:thumbs_up::thumbs_up::thumbs_up:
وانا كمان عايزه اعرف :o:o:o

يم يم يم
طب امنيتى
فى كيكه الجيلى
انا قطعت الجيلى و عملت جيلى الاناناس عليه اوكيه

الكيكه اللى فتفتها بقى و سقيتها بجيلى دى احطها فى صنيه القلب على الجيلى الاشكال ده و ادخلها التلاجه و بعد كده ابقى اقلبها صح كده؟

طب الكيكه المفتفته دى لما اسقيها بالجبلى و ادخلها التلاجه هتتماسك و تجمد و تبقى زى ما اكون عامله كيكه عاادى ؟:!!::!!::!!:

الله يخليكى يا حبيبتى ياميرا
وصح كلامك كدااا
بصى هى مش هتجمد بس هتتماسك يعنى وهتعرفى تقطعيها بسهوله جدااا
بصى هى الفكره من التفتيت وانك تسقيها ايه
ان الكيك كمان ياخد من طعم الجيلى
لكن فى ناس بتعمل الكيك فى نفس القالب وتشيله وبعد كدا تعمل الجيلى ولما يجمد ترجع الكيك تانى وتسقيه بقى
بس انا لما عملتها زيهم حسيت انى باكل حاجتين مختلفين او جايز انا مسقتش الكيك كويس
بصى انا هارويكى صوره كيك جيلى انا عملاها ومقطاعاها وشوفى شكلها عامل ازاى

paradise rose;13639047:
ياحبيبتى انا اعملهالك وابعتهالك انتى بس قولى وانا انفض احم قصدى انفذ
بصى افضل حاجه عن تجربه الكيك الجاهز وريحى نفسك ياشيخه بلا وجع دماغ
انا مره كنت عامله حفله لاخويا وقعدت سهراااااااااااااااااااااانه وعملت 4 تورتات اول واحده عملتها هبطت وبااااااااااااااظت ورمتها والله لان البيكنج بودر تقريبا كان وحش
وكنت خلاص هاشترى جاهز لو عملت تانى وطلعوا وحشين بس ربنا ستر
وكمان مطلعوش زى مانا عايزه
لما جربت الكيك بتاع الطحان تحفه وتقسميها بسهوله وزى الفل
انتى لو مش فى مصر فى انواع كتير بتتباع عندك عادى
بيتى كروكر دى بيقولوا حلوه هى عندى بس لسه مجربتهاش بصراحه


ياسمينا العسل عامله ايه الله يخليكى احبيبتى
بصى لما تعملى كيك ابقى اتاكدى انه فى حد مجربه انا اى سايت بخش على قسم الاطباق المجربه
لو هتعملى كيك عادى اعمليه فى الخلاط بتاع العصير دا
ولو تورته يبقى هاتى الجاهزه واعمليها وزوقيها على زوقك


بصى الدقيق الجاهز دا هى بتجيبه من بتوع مستلزمات الحلوانى
انا اللى بجيبه علبه ككدا اسمها تورته اسفنجيه الطحان
انتى عندك هتلاقى بس هتلاقيه معلب زى بيتى كروكر كدا اكيد عندك موجود بس ماركه تانيه

الورد اللى على التورته دا اة ممكن يتاكل عادى بس دا ورد معمول من السكر يعنى معرف ماما ودته فين الصراحه

لو فى حاجه مفهمتهاش قولى واانا اعيد


الله يخليكى يا حبيبتى ياميرا
وصح كلامك كدااا
بصى هى مش هتجمد بس هتتماسك يعنى وهتعرفى تقطعيها بسهوله جدااا
بصى هى الفكره من التفتيت وانك تسقيها ايه
ان الكيك كمان ياخد من طعم الجيلى
لكن فى ناس بتعمل الكيك فى نفس القالب وتشيله وبعد كدا تعمل الجيلى ولما يجمد ترجع الكيك تانى وتسقيه بقى
بس انا لما عملتها زيهم حسيت انى باكل حاجتين مختلفين او جايز انا مسقتش الكيك كويس
بصى انا هارويكى صوره كيك جيلى انا عملاها ومقطاعاها وشوفى شكلها عامل ازاى

الصينية القلب دي بتدي شكل تحفة للحاجة... انا للأسف الأسيف سبت بتاعتي في مصر :( عايزة أجيبلي واحدة هنا بقى :D
انا ولا حيخليني اشتري و لا اعمل لحد ما اخس للوزن المطلوب :o الحالة الوحيدة اللي ممكن أهمل فيها هي ان يكون جايلنا ضيوف :lol:

لحظةحب;13630660:
صباح الخير يا بنات


مانيا
ايه جوزك مستنيكى تخسى علشان يخليكى تعملى تورت قوليله خلاص بلاش اعملها خلينى انزل اشترى واحده اكلها هههههههههههههه اخبارك يا يا جميل عامله ايه

ههههههههههههههههههههههههههههه عسل يا لواحظ فكرة برده .. انا حكون مرة في بندا و افاجؤه بالتورتة و هو بيحاسب عشان ما يقدر يرجعها تاني :thumbs_up:

صبااااااااح الخير

ازيكم يابناااااااااات


ماشاء الله تسلم ايديكم ع التورتات الحلوة دى

وباين فعلا الريجيم ماشى مظبووووووووووووووووط

لحظةحب;13631146:
ربنا يكون فى عونك يل شوشو السيدوفاج متعب بس انتى بتاخدى الحبه كام 500 وله 850

باخد ال 850 ممتد المفعول

magda 1;13631152:
ازيك يا شوشو

ازيك ياحبيبتي اخبارك ايه

انا تعبانه اوي يابنات معرفش مالي متضايقه كده ومش كويسه ومش عايزة اكلم حد ولا اروح لحد ولا اقعد مع اي حد معرفش ايه السبب عايزة افضل لوحدي وساكته وبسس

تفتكروا دي اعراض اكتئاب ولا ايه؟ لو مدخلتش هنا متقلقوش عليا

شوشو
ومين سمعك انا كمان امبارح والنهاردة متنرفزة وعصبية ونفسي اتخانق مع حد وكل ما جوزي يكلمني ابقي عاوزة ازعق وبما انه مينفعش ببعد عنه خالص
وكده كده مفيش حد اتكلم معاه

شوشو و ودعه مالكم يا قمرااات استهدوا بالله كده وروقو ده احنا دخلين علي عيد وايام حلوه ان شاء الله

د.ودعه;13634069:
ميرا
اخييييييييييرا
ايه يابنتي؟كنا حنبعد منادي ينده ياولاااد الحلال:biggrin:
التورتة ننزلتها في آخر موضوع الاكل اللي اتقفل

:o:o:o:o
لا انا جيت اهوه قبل ما عمو المنادى يجى :o:o
و هبقى اشوف التورته باذن الله و اكيد هتبقى حلوه ان شاء الله :thumbs_up::thumbs_up::thumbs_up: مدام انتى اللى عملها يا قمر

magda 1;13634077:
ميراااااااااااااا مرمورتي حبيبتي عامله ايه وحشتيني اوي عملتي ايه مع جوزك يارررب يكون ربنا هداه وبقي كويس يارررب

مجاميجوووو
ازيك انتى يت حبيبتى
وانتى كمان وحشانى اوى الحمد لله انا كويسه
و لا جديد مع جوزى متكلمناش مع بعض من يومها خالص
مفيش غير لو بعته رساله عامل ايه و بس
لا اكتر و لا اقل
و ربنا يهدينى له و يهديه ليا يااااارب :(:(

magda 1;13637183:
وعليكم السلام ورحمة الله و بركاته ..... محبه حبيبتي عامله ايه يا قمر وايه اخبارك ..... و كل سنه و انتي طيبه و يارررب يكون عيد سعيد علينا وعلي امة المسلمين كلها يارررررب وان شاء الله السنة الي جايه يكون معانا ولادنا يارررب و نروح الحج كمان ياررررررررررررررررررب اللهم امين ................‏‎
‎

اللهم امين يارب العالمين
بس كده نبققى طماعين اووووى
نبقى حملنا و خلفنا و البيبى صغير و نروح نحج كمااااااااان;););)
يا سلالالالام يارب مين عارف ربنا قادر و غيره لا يقدر ياااارب

paradise rose;13639047:



الله يخليكى يا حبيبتى ياميرا
وصح كلامك كدااا
بصى هى مش هتجمد بس هتتماسك يعنى وهتعرفى تقطعيها بسهوله جدااا
بصى هى الفكره من التفتيت وانك تسقيها ايه
ان الكيك كمان ياخد من طعم الجيلى
لكن فى ناس بتعمل الكيك فى نفس القالب وتشيله وبعد كدا تعمل الجيلى ولما يجمد ترجع الكيك تانى وتسقيه بقى
بس انا لما عملتها زيهم حسيت انى باكل حاجتين مختلفين او جايز انا مسقتش الكيك كويس
بصى انا هارويكى صوره كيك جيلى انا عملاها ومقطاعاها وشوفى شكلها عامل ازاى

يم يم يم
انا جوعت عااااااااااااااا:(:(
تسلم ايدك يا حبيبه قلبى
ما شاء الله حلويين و شكلهم تحفه الله اكبر

ومعلش سؤال كمان
هى الكيكه بتاعت الطحان لما اعملها كامله و افتفتها
احط عليها باكو جيلى واحد بس؟:!!::!!:

manyaa;13640603:
الصينية القلب دي بتدي شكل تحفة للحاجة... انا للأسف الأسيف سبت بتاعتي في مصر :( عايزة أجيبلي واحدة هنا بقى :D
انا ولا حيخليني اشتري و لا اعمل لحد ما اخس للوزن المطلوب :o الحالة الوحيدة اللي ممكن أهمل فيها هي ان يكون جايلنا ضيوف :lol:

ههههههههههههههههههههههههههههه عسل يا لواحظ فكرة برده .. انا حكون مرة في بندا و افاجؤه بالتورتة و هو بيحاسب عشان ما يقدر يرجعها تاني :thumbs_up:

:lol::lol::lol::lol::lol:
خلاص احنا جايين يا منمن مدام هتعملى تورته لو جالك ضيوف

و هتعملى نظام حطيه قدام الامر الواقع هههههههههههههه ماشى الحقى هاتيها الايام دى وقوليلوه دى بمناسبه العيد :D:D:D

shoshet*himo;13642461:
انا تعبانه اوي يابنات معرفش مالي متضايقه كده ومش كويسه ومش عايزة اكلم حد ولا اروح لحد ولا اقعد مع اي حد معرفش ايه السبب عايزة افضل لوحدي وساكته وبسس

تفتكروا دي اعراض اكتئاب ولا ايه؟ لو مدخلتش هنا متقلقوش عليا

بعد الشر عليكى يا شوشو ليه بس كده
روقى يا حبيبتى و وحدى الله
انتى اكيد مضايقه علشان العيد جاى ان شاء الله و انتم فى غربه و محدش معاكم و كده
متستلميش للحاله دى و استغفرى الله
ولازم تدخلى و تكلمينا احنا مش هنوحشك و لا ايه :'(:'(:'(

د.ودعه;13642624:
شوشو
ومين سمعك انا كمان امبارح والنهاردة متنرفزة وعصبية ونفسي اتخانق مع حد وكل ما جوزي يكلمني ابقي عاوزة ازعق وبما انه مينفعش ببعد عنه خالص
وكده كده مفيش حد اتكلم معاه

لا اله الا الله
لا ابعدى عن الراجل و يادودو
هو مش ذنبه حاجه تتخانقى معه و لا تنفجرى فيه و يزعل وكده ملوش لازم:D:D:D

يا جماعه روقوا كده
ده احنا فى ايام جميله ما شاء الله
و الدعاء فيها مستجاب

و صوموا و تقربوا من الله
وادعوا ربنا و اذكروا الله

وفى سنه مهجورة كمان

كان الصحابه رضوان الله عليهم
اذا اقبل العشر الاوائل من ذى الحجه يخرجون الى لاسواق واى مكان
فيكبرون و يكبر الناس معهم فهى من السنن المهجورة
فهيا الى التكبير
الله اكبر الله اكبر لا اله الا الله
الله اكبر الله اكبر و لله الحمد

فهيا اجعل لسانك رطبا بذكر الله و لا تتكاسل