19 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو الحجه

عملت البيكانا

انا مش بحب اللحوم بس حبيتها:thumbs_up:

طلعت حلوة اوي تسلم ايديكوو يا بناويت ياحلوووين

بيرق أمل;13682511:
انتي بتخبزي الرقاق في البيت يعني؟؟
طيب معلش يا جميل ممكن تقوليلي الطريقة ازاي ;)

لا يا نور مش بخبزه ف البييييييييت
انا بجيبه عادي من عند الحلواني الرقاق اللي هو الناشف ده بس لما بعمله في الشوربه واحط اللحمه واخلصه خالص وبعد ما يستوي بقى بغطيه وهو بيبقى طري
انا اول مره اسمع انه فيه رقاق طري :-#

قولو لي اسمه ايه عشان ابقى اجيبه واجربه
ولا هو اسمه كده رقاق طري وخلاص

shimaaafifi;13682542:
على فكره يابنات فى لبس فى فكرة الرقاق الطرى

الرقاق الطرى نقصد بيه الرقاق قبل مايستوى اوى وينشف
الرقاق قبل مانعمله باللحمه اصلاااااااااااااااااااااا
القاق كرقاق بدون اى اضافات
فى رقاق طرى ورقاق ناشف
الرقاق الطرى يادوب بيتفرد ويشم النار ويشد نفسه كده ويوح الراجل مطلعه حاطه على بعضه ومغطيه
واحنا ناخده من الراجل نحطه كل شويه فى كيس ونطبقه جوا الكيس زى المنديل ونحطه فى الفريزر
ونخرجه يفك ونعمله رقاق بقى باى طريه سواء ملفوف او صينيه عادى
او ناكل بيه اللحمه
حد فاهم اى حاجه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ايوة يا ابله شيمو فاهمين

بس هو عامل زي الجلاش ؟
وطعمه نفس طعم الرقاق العادي ولا ايه نظامه

ام عمر افندى;13682610:
ميرا انت اللى سكر والله ربنا يكرمك يااااارب بس برضوا ولاد اختك غير ابنك صدقينى عشان انا كمان قرفت مع بنت اختى صدقينى الوضع مختلف تمامااااااااااا وربنا يكرمك يااارب بتلاته مره واحده عشان تعوضى الوقت الضايع دا
برايد منا شايفاها دى مركب يا عينى والراجل بقاله 4 سنين بيقدف اهو ههههههههههههههه ربنا يجمعكوا مع بعض فى بيت واحد قريب اوووى ان شاء الله
ام ميزو هههههههههههههههه كوسه بقا هتقولى اييييه حتى المنتدى فى كوسه ههههههه بصى انا معرفش اساسا اتعملوا ازاى شيكو هيه اللى الله يكرمها عملتلى التلاته وحطيتهملى قوليلنا بقا طريقه الرقاق الناشف ازاااى يا انسه وعلى فكره صحيح احنا كنا بنتكلم على التيكرات مكنتش شايفاهم انا هعمل بكرا ان شاء الله فراخ الطازج بتاعت الانسه سوسى وممكن معاها حبه مكرونه واقلب

ههههههههههههههههه
فعلا كل حاجه ماشيه كوسه هههههههههههههههههه

انا مش بعمل الرقاق ف البيت مش بخبزه يعني
انا بتكلم عنه بعد ما يستوي خاااااااااااااااالص قبل الاكل مباشرة يعني

رووفة;13682624:
عملت البيكانا

انا مش بحب اللحوم بس حبيتها:thumbs_up:

طلعت حلوة اوي تسلم ايديكوو يا بناويت ياحلوووين

تسلم ايدك يا قمر

رووفة;13682624:
عملت البيكانا

انا مش بحب اللحوم بس حبيتها:thumbs_up:

طلعت حلوة اوي تسلم ايديكوو يا بناويت ياحلوووين

ما شاء الله يا روفا يا قمر
شكلها حلو اوي تسلم ايدك

هو ده رز بسمتي ابيض مش كده
بتعمليه زي الرز المصري بتاعنا العادي ولا بتعمليه ازاي

انا دايما بجيب الاصفر ومش بعمله غير بالمكسرات او ريزو كده يعني

بصى ياام معاذ انت روحى للراجل بتاع الفطير او بتاع الرقاق وقوليله ادينى كيلو رقاق طرى وجربى
هو نفس شكل القاق الناشف بس طرى خالص وطعمه احلى من القاق الناش ده بالنسبه ليا
وخصاص لما بيتلف بيقى واااااااااو

روووووووووووووووووووووفه البكات شكله حلو تسلم ايديك
النهارده الفطار عجه
وبطاطس محمره
وبابا غنوووووووووووووووووووج

هى بسبس غايبه فييييييييييييين؟؟؟؟؟؟؟؟؟؟؟؟؟
بتنفض ولا ايه؟

ان شاء الله هجربه يا شيمو بس بعد العيد بقى
لاني احتمال اسافر ف العيد وبالتالي مش هطبخ هههههههههههههههه

طب هو بيتعمل بشوربه برضو زي الناشف ولا سمنه بس ؟

معلش يا شيمو عايزه طريقه الرقاق والفته تانى عشان تاهوووووووووو منىىى
صحيح بسبس فين مختفيه

انا ببله بشوربه دافيه مش سخنه لان هو اصلا طرى بس عشان يبقى فيه طعم الشوربه كده

ام معاذ
ده رز مصري عادي خالص
وعارفة اول مرة يطلع مطبووط انا كنت لسة بقول للبنات مش بعمل رز ابيض حلو:o
انا حطيت كوباية رز وكوباية مية ومعلقيتن كريمة كبار
كانو متبقيين من البيكاتا بس كده
وطلع مظبووط الحمد لله


وبالهنا والشفا ع قلبك يا شيموو

كويس انها عجبتكو
هعملها لخطيبي باذن الله المرة الجاية
وعجبت ماما بس خلاص زهقت منكو
وعاوزة تفجر الكمبيوتر عشان ازاكر:lol::lol:

بصى ياستى عندك طريقتين
بجيب الرقاق الطرى وابله شوربه دافيه وافرده قدامى وادهنه بالفرشه سمنه واحشييه عصاج والفه روول واقطعه وارصه فى صينيه وادهن وشه بالبيض بالفلفل الاسمر والملح
بيبقى تحففه
ادخله الفرن خمس دقايق واشغل الشوايه لغاية مايمر وبس
التانيه صينيه الرقاق بجيب رقاق ناشف واجيب صينيه كبيره وفيها شوربه سخنه اوى واغطس فيها الرقاقه واطلعها واحطها فى صينيه مدهونه سمنه واحط بين كل طبقه وطبقه رشة سمنه واحط فى النص العصاج واكمل تانى وادخلها الفرن 10 دقايق من تحت تشد كده اروح مطلعاها مقطعاها واضرب بيضه على كوباية كريمه مش لبن مع ملح وفلفل وبهارارت بس ملح خفيف واسقى بيهاا الصينيه وادخلها الفرن 10 دقايق واشغل الشوايه وكلى احلى صينية رقاق

ومعلوه كمان
احلى عصاج ممكن تاكليه بانك تفرمى مع اللحمه حتة ليه واااااااااااااااااااااااااااااااااااو

بصى ياستى
هاتجيبى لحمه موزه وتسلقيها مع بصله وطماطمايه وفلفل اسمر وبهارات وملح
واعملى رز ابيض بقى بالسمنه البلدى او بالزبده
العيش حمريه بسمنه عالنار
واعملى الصلصه هاتدقى راس توم كده
شوحى نصها فى سمنه وحطى عليها بعد ماتحمر ربع كوبية خل وحطى عصير الطماطم(طماطم وجزره مضروبين سوا فى الخلاط) وحطى ملح وفلفل وكمون وربع معلقه نونو سكر

واعملى باقى راس التوم فى سمنه برده واما تحمر انزلى عليها بخل وكملى الباقى شوربه على قد صوانى الفته واما تغلى اظبطى الملح واطفى وحطى عليها معلقه من الصلصه
وبس
حطى العيش وعليه الشوربه اللى بالتوم وعليهم الرز وعلى الوش الصلصه واللحمه حمريها مع معلقة صلصه فى سمنه هاتبقى واااااااااااااو

وبس ياستى
وبسبس بتقول انك لو حطيتى معلقة صلصه عاعيش وقبلتيها وغطيتيها كويس كده هايبقى احلى بس ماتسقيهاش شوربه حى حبة صلصه وقلبيهم وغطيه

اهم ياغدير

على فكره انا بعمل صينية الرقاق 8 رقاقات
4 واللحمه و4

shimaaafifi;13682725:
انا ببله بشوربه دافيه مش سخنه لان هو اصلا طرى بس عشان يبقى فيه طعم الشوربه كده

اها
هبقى اجربه ان شاء الله لانه عجبني من غير ما ادوقه هههههههههههههه
لاني بحب الرقاق يبقى طري اصلا وجوزو كمان واكيد هيبقى احلى من الناشف

جزاكي الله خيرا يا شيمو

رووفة;13682726:
ام معاذ
ده رز مصري عادي خالص
وعارفة اول مرة يطلع مطبووط انا كنت لسة بقول للبنات مش بعمل رز ابيض حلو:o
انا حطيت كوباية رز وكوباية مية ومعلقيتن كريمة كبار
كانو متبقيين من البيكاتا بس كده
وطلع مظبووط الحمد لله


وبالهنا والشفا ع قلبك يا شيموو

كويس انها عجبتكو
هعملها لخطيبي باذن الله المرة الجاية
وعجبت ماما بس خلاص زهقت منكو
وعاوزة تفجر الكمبيوتر عشان ازاكر:lol::lol:

ايه ده فعلا
حسيته رز بسمتي
شكله جميل ما شاء الله وحاسه الرزة كبيرة كده زي الرز البسمتي


وقومي ذاكري بقى احسن ما تندمي بعد كده ع الجهاز ههههههههههههههه
ربنا يوفقك يارب ياقمر

*Om Mo3az*;13682687:

هو ده رز بسمتي ابيض مش كده
بتعمليه زي الرز المصري بتاعنا العادي ولا بتعمليه ازاي

انا دايما بجيب الاصفر ومش بعمله غير بالمكسرات او ريزو كده يعني

بيتعمل عادى يا قمر بس بياخد ماية اكتر من الرز المصرى يعنى مثلا كوباية رز بسمتى عليها كوباية و نص ماية الى كوبايتين

رووفة;13682624:
عملت البيكانا

انا مش بحب اللحوم بس حبيتها:thumbs_up:

طلعت حلوة اوي تسلم ايديكوو يا بناويت ياحلوووين

تسلم ابدك يا روفة شكلها حلو اوي الف هنا وشفا

ام عمر افندى;13682610:
ميرا انت اللى سكر والله ربنا يكرمك يااااارب بس برضوا ولاد اختك غير ابنك صدقينى عشان انا كمان قرفت مع بنت اختى صدقينى الوضع مختلف تمامااااااااااا وربنا يكرمك يااارب بتلاته مره واحده عشان تعوضى الوقت الضايع دا
برايد منا شايفاها دى مركب يا عينى والراجل بقاله 4 سنين بيقدف اهو ههههههههههههههه ربنا يجمعكوا مع بعض فى بيت واحد قريب اوووى ان شاء الله
ام ميزو هههههههههههههههه كوسه بقا هتقولى اييييه حتى المنتدى فى كوسه ههههههه بصى انا معرفش اساسا اتعملوا ازاى شيكو هيه اللى الله يكرمها عملتلى التلاته وحطيتهملى قوليلنا بقا طريقه الرقاق الناشف ازاااى يا انسه وعلى فكره صحيح احنا كنا بنتكلم على التيكرات مكنتش شايفاهم انا هعمل بكرا ان شاء الله فراخ الطازج بتاعت الانسه سوسى وممكن معاها حبه مكرونه واقلب

ماشي يا انسة بوسي ان شاء الله تطلع حلوة بس تبليها بقي من دلوقتي :)

تسلم ايدك يارووفة

ناني فيبس;13674699:


اهلا يا سالي كل سنه وانتي طيبه

العيب اكيد في نوع المكرونه لان المنتجات هنا درجة اولى في مصر الله اعلم درجة كام :)

اهلا بيكى ياقمر ونتى طيبة وبخير دايما يارب
انا برضه قلت احتمال تكون لمكرونة نوعها مش حلو يب متعرفيش نوع حلو هنا فى مصر

Boody we zady;13675153:
ايمان أمانه عليكي تدعي لجوزي ربنا يهديه يا رب و يصلح من حالخه و يهدي ولادي و يجعلهم من حفظة القرأن و تروحي و ترجعي بألف سلامة و صدقيني الأجهاد كله و لا حاجة مجرد ما تروحي و توصلي و تبدأي في المناسك يااااااااااااااااه ربنا يكتبها لكل البنات يا رب و يكتبهالي تاني

ناني انتي مسافره امتي امال؟

ساليييييييييييي أنا عملتها هنا في أليكس و بعملها علي طول بودن ما أسلقها و بتطلع جميله جدا و طريه و مفيهاش مشاكل الحمد لله

طيب ممكن اعرف طريقتك لو سمحتى وايه المكرونة اللى بتجبيها يعنى اسمها ايه وبكام؟