19 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو الحجه

اهمدى ياوليه انتى سبانخ ايه
ههههههههههههههههههههههههههههه؟
هى لسه فى حد بياكلها
انتى عاوزها مطبوخه ولا ايه على العموم انا معرفش
هههههههههههههههههه

ايه الجمال دا ماشاء الله الشهر بيعدى هواااااااااااااااااااااااا
نوووور تعالى سدى مكانى فى الولاده واول تلات شهور بسسسسسسسسسسسس هههههههههه وبعد كده هاخده منك تانى :D
ام بودى الف مليون سلامه عليكى وان شاء الله تبقى زى الفل ومعلش هوا تلاقيه بس كان متوتر انه مسافر متزعليش منه وخليكى انت الكبيره وكله عند ربنا مش بيضيع والله وربنا معاكى ويهونها عليكى ان شاء الله بس سوال لولبى ايه علاقه قرف عمر بالحمل :!!: وامييين يا رب العالمين
نانى الله يبارك فيكى يا قمر وعقبالك ان شاء الله وتطلعى جادعه وتجيبى توام مره واحده باذن الله :adore::adore:
بسبس عملت الفراخ طلعت وهممممممممممم بس انا حطيتها علطول فى الفرن علة ورق فويل وخرمته وحطيت تحت صنيه وماخدش وقت خاااالص فى الفرن تسلميلى يا قمر
رورو حبيبتى اللى عند ربنا عمره ما هيضيع وهيجى اليوم اللى ربنا يجيبلك حقك فيه وانت قاعده مكانك صدقينى والله متزعليش نفسك وبعدين بما انك فى الرياض زى حالاتى ما تيجى ناخد ارقام بعض ونبقا نتقابل ونفك عن نفسنا شويه لو ظروفك تسمح والمغات بتتباع فين هنا يا انسه
كتكوته الله يبارك فيكى وعقبالك تااانى
قطوقه الله يبارك فيكى وامين ياارب
دموعى ربنا يخلكى يا قمر وامين ياااارب اخويا بقاله 9 سنين وزعلانه عشانه اووى ربنا يدى كل محروووم ياااارب
ودعه ايه الجمااال ده تسلم ايدك يا قمر
سويتى الله يبارك فيكى ياقمر ربنا يخليكى
شيكو تسلم ايدك يا قمر الاكل تحفه

رووفة;13615573:
هههههههههههه مش هفتيكي يا ندى في السبانخ
وخطيبي لسة جاي امبارح يختي

طيب رشرووش ولا حتى اعمل الجناش دلوقتي
؟؟؟؟
يعني انا المفروض بكرة ارجع من الكلية والكوورس اعمل الكيكة و مش عارفة بطة باين ونجرسكو

ويبقو ع التقديم عشان العزومة بعد بكرة
حاسة مش هلحق خالص
اعمل ايه تاني اقترحوو عليا

رشرووش;13615575:
اهمدى ياوليه انتى سبانخ ايه
ههههههههههههههههههههههههههههه؟
هى لسه فى حد بياكلها
انتى عاوزها مطبوخه ولا ايه على العموم انا معرفش
هههههههههههههههههه

نددددددددددددددى
انتي بتعملي تقلية عادية الي هيا بصل وطماطم يعني
وبعدين السبانخ تبقي غسلاها كويس وشايلة العود ومقطعاها بس مش صغير اوي
وتحطيها وعليهم الشوربة باللحمة وماتكتريش شووربة لانها تنزل مية كتير
وعليهم معلقتين رز بس وتغطيهااا
لحد ما يستووو وفي الاخر بتحطي عليهم
تقلية توم بالكسبرة
بسسسسسسسس
كده دي طريقة ماما

مانا مش عارةف يا ندى اعمل حاجة تاني والا لاء
ماما بتقولي عيب وانا عمالة اقولها انا لوحدي يعني يحمد ربنا اني عملت اكل اصلا هههههههههههه
وهعمل باذن الله سلطة البنجر بالرمان دي
اعمل حاجة مالحة تاني؟؟

تعالى يانودى اقولك السبانخ
هاتنضفيها وتغسليها كويس وتخرطيها بس تخريط عريض
وتكونى مجهزه حزمة كسبره وبرده تخرطيها
هاتى بقى بصله فى معلقة سمنه وشوحيها مع فص توم مع اللحمه وانزلى بالعصير الطماطم بس كترى الطماطم
ولما تسبك زودى كوباية ميه لغاية ماالحمه تستوى حطى الملح وماتزوديش مايه عشان السبانخ هاتنزل ميه
وحطى السبانخ مع الكسبره وغطى الحله خمس دقايق هاتلاقيها هبطت وغليت اطفى النار
ماتغليهاش كتير عالنار يادوب تهبط وتغلى وبس اف هنا اى سؤال انا موجوده

نودى حبيبتى بصى يا ستى
اغسلى السبانخ وقطعيها حتت متوسطه لاهى كبيرة ولا صغيرة
هاتى الحله قطعى بصله وحمريها وبعدين انزلى بعصير الطماطام لحد ما تتسبك بعدين حطى السبانخ مع جزمه كسبرة خضراء متقطعه برده مع شويه رز قيمه كبشه كده ومتزوديش شربه خالص فى الاول لان السبانخ هتنزل ميتها لما تنزل الميا ابقى زودى بقى الشربه براحتك وبالهنا بالشفا وطبعا الملح والفلف الاسود كده لو بتاكلوا مسبك
لو بتطبخى نى فى نى يبقى كلو على بعضه مرة واحده من غير تحمير بصل او تسبيك الطماطم كله مرة واحده
وبتبقى حلوة اوى نودى لما قرب كا تستوى تسقطى فيها اللحمه المسلوقه تشرب منها والف هنا ليكوا حبيبتى

عملت عجينة بسبس اللي بالزبادي و البيكنج بودر و الله لذيذه و سهله موووووووووووووووووووووت ربنا يسعدك يا بسبس

أم عمر الطفل بيحس بحمل مامته من قبل ما هيات تعرف بيجيلوا حالاات يلزق فيها جامد و يقريف من لا شيئ ممكن في بعض الأطفال يجيلهم انتكاسه في الحمام زي بودي قعد اسبوع مش بيسيطر علي الكبيره و أنا في بدايتي حملي ب زيزو

lifedrop;13615548:

انتى لسة معملتيهاااااااااااااااااش
دة انا كنت لسة حقولك فين الصور
دة انا مفكرة العتريس جه ومشى
:cool::cool::cool::cool::cool:

بنااااااااااااااااااات سيبوكو من رووفة وركزو معايااااااااااااااااااااااا

السبانخ الله يكرمكو

والله حزعل:(:'(:(

ندى معلش والله مكنتش قاعده بس موتينى من الضحك وهوا بعد الخناق بيبقا فى ايه يا ناااصحه :cool:
عموما هقولك على السبانخ من طقطق لسلاموا عليكوا
بصى اول حاجه هتجيبى السباخن وتغسليها كويس اوى كذا مره عشان التراه اللى بيبقا فيها ولو جبتى سلق عامليه نفس معامله السبانخ بالظبط انا بجيب سلق على سبانخ الاتنين مع بعض وبعد ما اغسلهم كويس اقطعهم نونه واشوحهم فى حته زبده نونه واغطيهم 5 دقايق كده وكل شويه اقلب هتلاقى الكميه بقت الربع تقريبا بعد كده هتجيبى صلصله متسبكه بطريقتك وتحطى عليها شوربه نونه وتسقطى فيها السبانخ ومكعب مرقه وملح وفلفل وحبهان مطحون وقبل ما تطفى بدقيقه تكونى فرمتى حزمتين كزبره خضرا وتحطيهم وتقلبى ودقيقه وتطفى وبس وبالف هنا وشفا
حد بقا يقولى طريقه كبده اسكنرانى حلوة يا اسكندانيه يا اماميييير :D

رووفة;13615573:
هههههههههههه مش هفتيكي يا ندى في السبانخ
وخطيبي لسة جاي امبارح يختي

طيب رشرووش ولا حتى اعمل الجناش دلوقتي
؟؟؟؟
يعني انا المفروض بكرة ارجع من الكلية والكوورس اعمل الكيكة و مش عارفة بطة باين ونجرسكو

ويبقو ع التقديم عشان العزومة بعد بكرة
حاسة مش هلحق خالص
اعمل ايه تاني اقترحوو عليا

روفه اكيد يوم العزومه مش هتخرجى صح
بكرة بقى لما تيجى اعملى الكيكه وسيبي التزويق يوم العزومه الصبح وبكرة انضفى البطه واسلقيها يادوب تبقى جاهزة على التحمير
وممكن تعملى النجرسكو بليل وتبقى جاهزة على السوا يوم العزومه
يعنى يوم العزومه هتعملى الاتى تدخلى النجرسكو الفرن تحمرى بطتك تزوفى التورته مش هياخد منك وقت ان شاء الله وبعدين متدورى على صنف حلو سهل مزنقتش تورته ولا اصلا فى مناسبه علشان التورته

ام عمر افندى;13616058:
ندى معلش والله مكنتش قاعده بس موتينى من الضحك وهوا بعد الخناق بيبقا فى ايه يا ناااصحه :cool:
عموما هقولك على السبانخ من طقطق لسلاموا عليكوا
بصى اول حاجه هتجيبى السباخن وتغسليها كويس اوى كذا مره عشان التراه اللى بيبقا فيها ولو جبتى سلق عامليه نفس معامله السبانخ بالظبط انا بجيب سلق على سبانخ الاتنين مع بعض وبعد ما اغسلهم كويس اقطعهم نونه واشوحهم فى حته زبده نونه واغطيهم 5 دقايق كده وكل شويه اقلب هتلاقى الكميه بقت الربع تقريبا بعد كده هتجيبى صلصله متسبكه بطريقتك وتحطى عليها شوربه نونه وتسقطى فيها السبانخ ومكعب مرقه وملح وفلفل وحبهان مطحون وقبل ما تطفى بدقيقه تكونى فرمتى حزمتين كزبره خضرا وتحطيهم وتقلبى ودقيقه وتطفى وبس وبالف هنا وشفا
حد بقا يقولى طريقه كبده اسكنرانى حلوة يا اسكندانيه يا اماميييير :D

دي موجوده في الموقع استني لما أجيبهالك

المقادير :
نص كيلو كبده متقطعه اسكندراني ( حتت رفيعه و صغيره ) / عصيرة ليمونة و نص / 1 حبه فلفل رومي / زيت / 4 فصوص توم كبار مفرومين ناعم و عليهم ملح و كمون و كزبرة ناشفه و شطة
الطريقه:
1- حنسخن الطاسه و نضيف الزيت حوالي 3 ملاعق كبيره.
2- نقطع الفلفل الرومي حتت صغيره و نضيفها علي الزيت.
3- نضيف التوم و نقلب كويس .
4- نضيف الكبده و نعلي النار ( الكبده لو استوت علي نار هاديه بتنزل ميه و بكده مش حتكون حلوة ) و نقلب كويس و نضيف الملح لحد ما تستوي و ميكونشي فيها لون الدم نطفي عليها.
5- نعصر الليمون و نقلب و تتقدم و هيا سحنة.

اه يا مشمش في مناسبة
ههههههههه
وانا خارجة يوم العزومة برده وهرجع ع 4 كده
محبطة جدااااااااااااااااا
وبكرة نازلة وراجعة بالليل خالص هنزل اجيب حاجات ضرووري
يللا ربنا يسهلهااااا

Boody we zady;13616050:
عملت عجينة بسبس اللي بالزبادي و البيكنج بودر و الله لذيذه و سهله موووووووووووووووووووووت ربنا يسعدك يا بسبس

أم عمر الطفل بيحس بحمل مامته من قبل ما هيات تعرف بيجيلوا حالاات يلزق فيها جامد و يقريف من لا شيئ ممكن في بعض الأطفال يجيلهم انتكاسه في الحمام زي بودي قعد اسبوع مش بيسيطر علي الكبيره و أنا في بدايتي حملي ب زيزو

:-o:-o:-o:-o:-o :-o
معقوله طب ليه دا انا زى ما انا معاه مش اتغيرت خاالص بالعكس انا الحمل بتاعى بيجيلى ببرود يعنى حتى الحاجات اللى بتضايقنى فى العادى مش بتضايقنى وانا حامل طب اعمل ايه طيب بجد غريبه جدا وطريقه عصبيته وصريخه مش طبيعيه بخاف عليه بجد ربنا يهديه:badly::badly:

ام عمرررررررررر
مبرروك الحمل
يا قلبو

ما تيجو الشات طيب هههههههههههههههههه

تسلميلى يا ام بوودى ياااارب

الله يبارك فيكى يا روووفه عقبال ما نفرح فيكى ههههههههههه قصدى بيكى هههههههههههههههههههههه

ام عمر افندى;13616152:
:-o:-o:-o:-o:-o :-o
معقوله طب ليه دا انا زى ما انا معاه مش اتغيرت خاالص بالعكس انا الحمل بتاعى بيجيلى ببرود يعنى حتى الحاجات اللى بتضايقنى فى العادى مش بتضايقنى وانا حامل طب اعمل ايه طيب بجد غريبه جدا وطريقه عصبيته وصريخه مش طبيعيه بخاف عليه بجد ربنا يهديه:badly::badly:

في مرة واحده بتسأل في قسم الطفل و بتقول زيك كده قلتلها يا جميل لنتي حامل روحي حللي ههههههههههههه حللت و طلعت حامل خبره أنا صح ههههههههههههههه:lol:

بصى يابوسى
هاتجيبى الكبده تعصرى عليها لمونه
هاتجيبى راس توم تدقيها مع ماح وكمون وسنه فلفل اسمر وقرن فلفل اخضر
هاتقسميها نصين
نص هاتشوحيه مع حوالى تمن كيلو او ربع كيلو فلفل اخضر حامى او بارد زى ماتحبى
وبعد كده تنزلى الكبده واما لونها يتغير تحطى النص التانى من الدقه دى وقلبى بقى
وغطيها ولو ميتها نشفت على طول زودى شقشاق ميه
وبس لغاية ماتستوى
والف هنا

ياااااااااااااه
لسة بدرررررررررري
بس لو جبتي بنت
سميها
رهف:p:lol: