19 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو الحجه

رورو
ازيك ياحبيبتى عامله ايه
والاسم ده مش عاطفى كنتى خليها مفتحه احسن
و هو ايه اللى هيحصل فى شهر واحد فى البلد؟
انتى تقصدى ايه ياترى

سوسى
ميرسى على ردك ياقمر ربنا يكرمك يارب

ام معاذ
ازيك عامله ايه
واعملى مسقعه بشاميل قطعى نصها والباقى اشويه مش تشويه كله
و ممكن تقوليلى حطيتى اد ايه ارز واد ايه لبن واد ايه نشا فى الارز باللبن
واجيب ايس كريم فانيليا صح طب ماركه ايه

ام بودى
ازيك
فى انتظار الموضوع الرائع ان شاء الله
و عايزين برضو النشا مثلا بالجرام تبقى كام معلقه و الخميره الفوريه و الجامده
و السوائل

نانى
قولى ما شاء الله
و باذن الله تطلع حلوه
انا ناويه اعملها ان شاء الله
وممكن حد يقولى صوص الفراوله اللى بيبقى على تورته نانى بيتعمل ازاى

بيرق
الحمد لله ان الاحوال بقت احسن وانتى بقيتى كويسه شويه

متنسونيش بليز فى طريقه عمل صوص الفراوله اللى على تورته تانى
اوكيه

ايمي

ربنا يخليكي حبيبتي وحج مقبول وربنا يسمع منك امين

بس متخففيش الدقيق كتير يعني نقصي بس ربع كوبايه

ربنا يكرمك يا ايمان يارب ويفرحك باولادك
جزاكى الله خيرا على دعوتك الحلوه دى
ربنا يتقبل يارب يارب

نانى
الحمد لله انك هنا
حبيبتى انا هعمل التورته بتاعتك اللى بالفاكهه
ومش لقيت قشطه عشان الحشو عادى تمشى كريمه و جبن كيرى بس؟

وكمان مش عارفه اجيب اصابع الويفر اللى هحطها داير مايدور التورته
اعمل بديلها ايه و ينفع انى الفه بشريط برضو

وبليز يانانى معلش
مقادير وطريقه صوص الفراوله اللى فوق التورته عشان اعمله انا عندى فراوله

وبجد يانانى التورته تحفففه دى اقل حاجه تتقال عنها
انتى فنانه ربنا يحميكى يااارب

ميرا انا غالبا بشتغل من غير مقادير ههههههههههههههههه
يعني بعمل كباية رز
واللبن بقى عادي بحط بالتقريب على حسب ما بتحبيه لو مش عاوزه الرز كتير زودي اللبن
يعني اخد تقريبا معايا كيلو الا ربع لبن
والنشا برضو بعمل شويه واحطها ولو حسيت انه لسه محتاج بحط كمان شويه
ممكن يكون تقريبا نص الكيس وده على حسب نوع النشا برضو

واه الايس كريم فانيليا شان مش يدي لون غير الابيض
والماركه اللي عندي الطحان

ناني بسم الله ما شاء الله التورته فظيييييييعه بجد
تسلم ايديكي

قولي لي بقى احتاجتي لها اد ايه كريم شانتيه ؟

وكمان الالوان عملتيها ازاي ؟

والرقم 39 ده انتي اللي كاتباه كده عشوائي اصله ما شاء الله مظبوط اوي والكلام اللي في الجنب كمان مظبوط جدا
انا مش بعرف اكتب خالص ع التورته ولو كتبت بيطلع شكل الكلام اهبل اوي ههههههههههههه

بجد تسلم ايدك

عندى باقى تورته شيكولاته وعايزه استخدمها فى حاجه تانيه عشان تخلص
اعمل بيها اييييييييييييييييييييييييه

مشمش ام محمد;13813002:
الحواوشي هتجيبي رغيف بلدي وتفتحيه من الجنب وتروحي تجيبي بصله وفلفل اخضر وفص توم وطماطمايه وتضربي ده كله في الخلاط مثلا او الكبه وتحي عليهم شطه وتوابل ومش شرط شطه وبعدين تجيبي اللحمه المفرومه تقلبي علها الخلطه دي لحد ما تبئا عجينه كويس كل المكونات تتوه في بعض وبعد كده احشي بيها الارغفه الي عندك وساويها من جوا بانك تضغطي الرغيف من بره عشان تروح في كل اجازاء الرغيف اللحمه
وعندك حلين حل منهم انا جربته وهو اني بدهن وشها شويه زبده وادخلها الفرن تستوي على الجنبين
اوو انك تحطي نقطه زبده يف طاسه وتحطي الرغيف فيها يستوى من على جنب شويا وتقلبيه يستوى من الجنب التانى وبسسسسس

ناني فيبس;13813094:





احلى حواوشي لعيونك

لحم مفروم عليه بصله مفرومة وفلفل رومي وطماطم وملح وفلفل وبهارات وقطعه صغيرة من لية الخروف وقلبي كله واحشي بيه العيش وهاتي طاسه تيفال فيها زبدة على شويه زيت نونو وحطي الرغيف على نار وسط وغطي عليه لمدة 10 دقايق تقريبا على كل جهة

الطرقيتين احله من بعض وهجرب

شكرا جدا يا بنات يا عسل

وبجد يانانى التورته تحفففه دى اقل حاجه تتقال عنها
انتى فنانه ربنا يحميكى يااارب

جزاكى الله خيرا يا ام معاذ على ردك ياحبيبتى
طيب اعمل بالويم كده و نجرب يارب يضبط بقى عاااا

سمسمه
والله مش اعرف ياحبيبتى كنت جاوبت
انا هنا تلميذه على اد اووى
ان شاء الله البنات يفيدوكى

على طريق العرس;13834214:
عندى باقى تورته شيكولاته وعايزه استخدمها فى حاجه تانيه عشان تخلص
اعمل بيها اييييييييييييييييييييييييه

اعملي تشيز كيك موجوده في الموقع

أو تريفل برضع موجود في الموقع

ناني ما شاء الله لا قوة الا بالله عليكي بجد روعه تعالي هنا نعمل محل أنا و انت سيبيك من دبي ههههههههههههههههههههههههههههههه

ياربى اتصلت اجيب كمبوت علشان احشى التورته زى نانى مفيش

قولولى ينفع احشيها فاكهه طازجه
و لو ينفع تبقى ايه الفاكهه؟؟؟

ميرا
ان شاء الله يطلع مظبوط الر بلبن
انا جوزي طلبه مني وعملته امبارح تاني ههههههههههههههههههه

ممكن تحشيها فراوله ولو عندك تفاح اعمليه كمبوت ولو عندك موز برضو احشيها بيه

الله الله ياناني
تحفة فنية
تسلم ايدك بجد

أه يا ميرا ينفع احشيها فرواله أو كمبوت خوخ أو أناناس

miramiro;13834140:
نانى
الحمد لله انك هنا
حبيبتى انا هعمل التورته بتاعتك اللى بالفاكهه
ومش لقيت قشطه عشان الحشو عادى تمشى كريمه و جبن كيرى بس؟

وكمان مش عارفه اجيب اصابع الويفر اللى هحطها داير مايدور التورته
اعمل بديلها ايه و ينفع انى الفه بشريط برضو

وبليز يانانى معلش
مقادير وطريقه صوص الفراوله اللى فوق التورته عشان اعمله انا عندى فراوله

مش لازم قشطة

هاتي بس كريمه الخفق السايله وحطي عليها سكر واضربيها كويس بس يكون الكريمه ساقعه اوي وكمان الحاجة اللى هتضربي فيها حطيها في التلاجة عشان تبقى ساقعه واحشي بيها هي بس

بصي ممكن تعملي حواليها كريمة وفي الحاله دي مش هينفع الشريط وممكن بندق مجروش وفي الحاله دي ينفع تعملي الشريط

والصوص بتاع الفراوله والله دة كان صوص جاهز بس على فكرة هي من غيره احلى

miramiro;13834155:
وبجد يانانى التورته تحفففه دى اقل حاجه تتقال عنها
انتى فنانه ربنا يحميكى يااارب

ربنا يخليكي حبيبتي دة من ذوقك

*Om Mo3az*;13834198:
ناني بسم الله ما شاء الله التورته فظيييييييعه بجد
تسلم ايديكي

قولي لي بقى احتاجتي لها اد ايه كريم شانتيه ؟

وكمان الالوان عملتيها ازاي ؟

والرقم 39 ده انتي اللي كاتباه كده عشوائي اصله ما شاء الله مظبوط اوي والكلام اللي في الجنب كمان مظبوط جدا
انا مش بعرف اكتب خالص ع التورته ولو كتبت بيطلع شكل الكلام اهبل اوي ههههههههههههه

بجد تسلم ايدك

ربنا يخليكي حبيبتي
الله يسلمك

التورته دي المرة دي خدت مني كريمة كتير

الحشو خد علبه كريمة فريش 500 ملي (نص كيلو )

والتغطيه من برا خدت مني 4 اكياس كريم شانتي البودرة

الالوان هي الالوان السايله بتاعت فوستر كلاركس

مكدبش عليكي انا كمان خطي وحش في الكتابه وجوزي هو اللى كاتب الارقام والكلام :o

لما تحبي تكتبي حاجة وانتي زي حالاتي كدة بتنقشي فراخ هههههههههه اكتبي الاول على الكريمة باي حاجة طرف سكينه مثلا وبعدين امشي عليها بالكريمة

Boody we zady;13834296:
ناني ما شاء الله لا قوة الا بالله عليكي بجد روعه تعالي هنا نعمل محل أنا و انت سيبيك من دبي ههههههههههههههههههههههههههههههه

ربنا يخليكي حبيبتي دة بعض ما عندكم يا قمر

لا لا تعالي انتي هنا احسن واحنا نكسب دهب ماتتخيليش المشاريع دي هنا ناجحة ازاي انا حاولت في الموضوع دة بس للاسف عايز معارف كتير جدا وانا كسلانه اساسا ههههههههه

miramiro;13834302:
ياربى اتصلت اجيب كمبوت علشان احشى التورته زى نانى مفيش

قولولى ينفع احشيها فاكهه طازجه
و لو ينفع تبقى ايه الفاكهه؟؟؟

بصي لو عندك تفاح اسلقيه في ميه وسكر هيبقى كمبوت واحشي بيه هيبقى تحفه

*Om Mo3az*;13833656:

ازيك يا نور عامله ايه انهرده يا حبي
يارب تكوني بقيتي احسن

انا بشوي البطاطا في الفرن على طول يا نور مش بحطها ع البوتاجاز من فوق
انا اصلا مش بحبها بعملها لجوزي وميزو بس ههههههههههههه

في الفرن بياخد وقت كتير قوي والانبوبة بتخلص ههههههههههههههه :lol:
الحمد لله يا حبيبتي بقيت احسن

على طريق العرس;13833943:
عندى باقى تورته شيكولاته وعايزه استخدمها فى حاجه تانيه عشان تخلص
اعمل بيها اييييييييييييييييييييييييه

اعملي بيها تشيز كيك
او اطحني الكيك ورشرشي عليها حليب مركز بحث تعرفي تكوريها ورشي جوز هند وسوداني مجروش ورشة قرفة ومعلقة كاكاو وحطي كل ده على الكيك وتخليها متماسكة كده واغمسيها في جوز هند على الوش وسوداني مجروش
وحطيها في ورق البلسيه هيطلع شكلها جميييييييييل وطعمها تحفة

miramiro;13834039:

بيرق
الحمد لله ان الاحوال بقت احسن وانتى بقيتى كويسه شويه

متنسونيش بليز فى طريقه عمل صوص الفراوله اللى على تورته تانى
اوكيه

الحمد لله يا حبيبتي ربنا يخليكي متحرمش منك F:
وانهي صوص فين؟

يا ريت أجي و أنا حأكتبلك هههههههههههههههههه أنا خطي حلو الحمد لله عربي و انجليزي و خطي من ضمن الأسباب اللي خلتهم يوافقوا اني اشتغل مدرسه في الكويت هههههههههههههه

عملت بيتزا بكور الكفته طلعت واو بجد يا بنات حلوة جدا