»¤‡° تجهيزات عرائس لشهر ذو الحجه 1431 - 2010 م / الجزء =154°‡¤«

يا بنات انا عايزة اعرف اسمائكو عالفيس ايه بقي؟؟؟؟؟؟
اجيب كام روب شتوي؟

بوسي:ربنا يكتبلك اللي فيه الخير.بصي رأيي انه لومامته متحكمة فيه كده يبقي انسان سلبي وهتتعبي معاه جدا .سؤال :اجيب كام مفرش للسفرة

توته كلمتها مسموعه;13677741:
يا بنات انا عايزة اعرف اسمائكو عالفيس ايه بقي؟؟؟؟؟؟
اجيب كام روب شتوي؟

أنا هجب أتنين أن شاء الله وجبت واحد خلاص من جنينة مول وكان حلو أوى ما شاء الله

انا انهاردة رحت معرض ساراتوجا للبطاطين في العاشر من رمضان رحت اتفرج على منفذ البيع بتاعهم بجد بجد حاجة زباااااااااالة مفيش غير بطانية واحدة بس اللي عجبتني وزنها 9 كيلو وسعرها 350 جنيه ورسمتها مودرن الوانها جراي في ابيض في اسود جبتها

محل كيان دة عامل زي استقبال كدة بس على اصغر يعني فيه عفش ومواسير ستاير وكدة وفي منه فرع في اركاديا مول وسيتي ستارز

سؤالي بقا ::-- اجيب منين بيجامات بيت حلوة شتوي لخطيبي بس شييييييك اوي ي ي ي

R قلبى وعمرى;13677546:




ههههههههههههههههههههههههههههه احسن برضه انك بقيتى بعيده عن الجروب اصل الواحد اتخنق من موضوع كده بلاش اسيحلك قدام البشر هع هع هع

R قلبى وعمرى;13674352:
بنات عايزة عنوان لهوم تتش بس عنوانه بالتفصيل وايه المنتجات بالظبط اللى بيبيعها ؟؟

بصي يا رورو عنوان هوم تتش 44 ش مصدق قصاد كوستا كافيه وتيوليب
وبيبيع يا ستي كل ما يخص دلع المطبخ وديكوراته
وعنده برضه شوية مستلزمات المطبخ معالق ..سكاكين ..هراسة توم.. ساعات مطبخ ..
اطباق للتورتة والكنافة..قوالب سليكون ..اطقم برطمانات ازاز.. شوايات عالبوتجاز..
شنط مكياج ..شنطة الاندرات..فرش تنضيف ..جوانتي تنضيف زي اللي اشري كانت حاطة صورته ..اطقم صبانات وفرش تواليت..بويلر..
واظن كده شفت عنده فرن شبه اللي دارين كانت جايباه... ده اللي فاكراه دلوقتي
عملتلك دعاية للمحل اهو:lol:

لولو احمد;13674620:
بت يادندونه يعنى انتى يابت سيبه الجزئيه المهمه فى السؤال عن الاب توب وبتجوبى على الاستشوار والمكوه مين قالك اساسا ان عندى شعر دااحمد من يوم ماتخبطله وانا بشد فى شعرى:031::031:لما خلاص شكلى لاهحتاج مكوه ولا غيره ولا حتى مشط بس انا نويه اجيب استشوار بيتهيالى احسن لان المكوه هتخلص بيتهيالى على باقى الشعريتين الموجودين وبعدين الدكتور كان بيقولى ان الاستشوار مش بيضر بالشعر المكوه والفرد هما اللى بيضروا

هههههههههه:lol:
بلاش انا في موضوع اللاب توب بالذات لاني مبفهمش فيهم.... مش عايزة اقولك انا كان عندي واحد بتاع اخويا اداهولي لما قدم استخدمته شوية
وبعدين لقيت الزراير بتطلع دخان:020:وريحة شياط
ده غير اني كنت ساعات بتكهرب منه:081:وانا بوصل السلوك اللي ورا لانها كانت دايما بتتفك وكنا لازقينها بشريط لحام:-#:confused:
اتصلنا بالشركة قالولنا الاوفر انكم تجيبوا واحد جديد وخلاص:mad:
شكل اخويا كده ضحك عليا 8o|...بس هو مسلمهولي سليم الي حد ما بس كانت مشكلته مروحته بتعمل صوت فظيع:|
يلا الحمد لله كتر خير اللاب برضه اهو كان قديم واستحمل معانا سنين:worn_out:

بهانة;13674885:
يا بناااااااااااااااااااااااااااااااااااااااااااااااااااااااااااااااااااااااااااااات
محدش رد عليا في موضوع الملايات الستان:cool::cool:
متعرفوش انزل علي طول اجبها من فين و معدل سعرها كام؟ (((من غير ملف و اضيع وقت كتير, مش بيكون عندي وقت و لا أعصاب لأسف للأسف.:'()))

بالنسبه للناس اللي بتسأل علي حمام التلات و الشوارع اللي بين ميدان الأوبرا و مسجد الحسين, أنا منصحش بيها اي حد للأسباب دي:
1- البياعين نصابين نصابين نصابين 8o|و مهما كنتي بالك طويل و هتعرفي تفاصلي و ذكيه فهم برضوا هيكسبوكي لأن ببساطه دي شغلتهم :|:|و هم متدربين علي كده, يعني بيزودوا عن السعر الأصلي لحد 40%.
2- الجوده و الذوق في بضاعتهم مش عاليين:badly:, و هما مش بيهتموا بجوده علشان بيعتمدوا علي المشتري الطياري(المحلات سايحه علي بعض) و أسعارهم معتمده علي كده.:thumbs_down::thumbs_down:

انا برشح لأي حد المحلات علشان:
1- حتي لو أسعارها أعلي بنسبه 10% او 20% :01: من الثمن اللي المفروض يتباع به فالمحل بيكون عايز يعمل اسم و زباين و مش هيزود السعر أكتر من كده.
2- الجوده و الزوق في أدواتهم بيكون عالي و ده طبعا بيكون مرتبط بالمنطقة اللي فيها المحل.

تجربتي الشخصية لما جيت أنزل اجيب الصيني حبيت الف شوية و صاحبتي ساعدتني بانها ودتني حمام التلات و قعدنا ندخل من محل نلاقي نفسنا خارجين في شارع و زحمه مووووت و دربكه و وش صعب:091::091: و بعدين لما حبيت اسال علي سعر حاجه يروحوا يقولولي التمن و من غير ما اعترض علي التمن ده (انا اصلا بسال علشان اخد فكره) و اجي اخرج من المحل يروح ينادي علينا و ينزل التمن 200 جنيه. انا استفزني جدا ده, قولت في نفسي انا لو بدات معاه الفصال قبل مينزل من نفسه 200 جنيه, عمري مكنت هعرف انزل ال 200 جنيه دول و بعدين هو اصلا رافع السعر بنسبة كام كده!!!!!!!
رجعت بعد كده في هايبر وان كان عامل سيل علي شوية اطقم صيني و لقيت واحد بولندي عليه 30% سيل فروحت جبته علي طول.:027::027::027:

وبعدين احنا بنجيب من كل حاجه عدد محدود جدا, مش زي زمان يعني فالحكاية تستاهل اننا نجيب حاجه تفضل معانا علي طول و تكون جودتها عاليه.
عايزه اقولكم ان خطيبي لما بييجي عندنا بناكل في طقم الصيني اللي ماما اتجوزت بيه.
يا رب أكون عرفت افيد و طبعا راجعوني في اي حاجه:02::02::02:

كلامك مظبوط مية مية واحييكي عليه:thumbs_up:

only712;13675175:
ازيكم يا بناتيت
عايزه اسال سؤالين فى السريع اجيب بجامات اللى هى ماركة فانيلا منين وحد عارف ماركة كده زيها
وسؤال تانى بالنسبة لحارة اليهود لو نزلت هناك الاقى فازات اباجورات وتحف شيك واللا نص نص

انا شفت ماركة فانيلا في كوتون هوم اللي في محي الدين

rody&s;13677267:
السلام عليكم ورحمة الله وبركاته ازيكم يا بنانيت وحشتونى كلكم واحده واحده ومش هقول اسامى علشان منساش حدF: بس انا زعلانه منكم اوى كده اغيب كل ده وارجع ملقيش حد سأل عليا يالا مش مشكله انا مسمحاكم انا قلبى زى البفته البيضا :lol:

انا كمان عندى عمليه فى المعده معادها باذن الله يوم السبت 20-9 صباحية العيد العمليه صعبه ادعولى اقوم منها بالسلامه وارجع لاهلى ولخطيبى عاوزه اتجوز بقى زهقت:lol:

ان شاء الله يا حبيبتي تعملي العملية وتقومي بالسلامة وترجعي تنورينا F:
وبالنسبة لوسيلة لمنع الحمل فالاحسن تابعي مع دكتورة هي تقولك ايه انسب وسيلة ليكي

SmSm27;13673369:

السلام عليكم

مبروووووووووووووووووك
لكل واحدة اتخطبت ولا اتجوزت
والف مليون مبروك لكيتي وقطقوطة علشان الحمل
وعقبال ناني واشري ودارين ومكرونة وكل المتجوزين يارب
وادعولي ربنا يفرح قلبي ويبعتلي ابن الحلال يارب
ياااااااااااااااااااااااااااااااااااااارب
انا وكل البنات
كدا بردة محدش يسال عليا:'(:'(
لابجد زعلانة منكم جدا
بس يلا بقي المسامح كريم:)
انتم عارفين بقي انا قلبي طيب ازاي:o
المهم اي فاضيلكم بقي اسبوع العيد دا وان شاء الله هاعرف اتابع معاكم بتركيز شوية هنا وفي الجروب كمان
وبمناسبة بقي العيد السعيد عندي ليكم خبر حلو
انا خفضت عدد المشاركات الي150بدل 300 علشان تقدرو تنضمو معايا للجروب
خصم 50%
اية رايكم بقي؟
عايزة التقيمات تنزل مطرة عليا
ههههههههههه
اللي عايز يشترك يالا يبعتلي بسرعة وانا ان شاء الله هقبلو علي طول
عايزة مكان جيب منة لبس شتوي شيك وتكون اسعارة حلوة زيكم كدا
اجيب منين تابلوهات جوبلان ؟ وبكام ؟
تفتكرو هينفع هدية حلوة؟

:-oقصدك جروب الفيس بوك ربنا يخليكى ضفينى ويريت تقوليلنا نعمل ايه لاننا جدد وهقيمك لحد بعد بكره يعنى ابعت ولا اعمل ايه قولى بسرعة :-o

dr.muslimah;13672978:

السلام عليكم ورحمة الله وبركاته

ازيكم ياقطاقيط وحشتونى وحشتونى
بقالى 24 ساعة مجيتش هنا دة الدنيا صعبة اوى من غير عروس
بصو بقى انتم عارفين ان بابا بعد لما عمل العملية ورجع من الصين جه قعد فى القاهرة بتاع شهر تقريبل للمتابعة مع الدكتور وكدة
وهو دولوقتى رجع البيت الحمد لله وخطيبى بقى عاوز يعمل كتب كتاب فى العيد والفرح ان شاء الله فى اجازة نص السنة
عاوزة اخد رأيكم فى كام حاجة كدة
اولا انا كنت قلتلكم ان احنا بنفكر منعملش فرح ونسلفر برة مصر بعد يوم الدخلة يعنى تركيا او ماليزيا على حسب الجو يعنى فى الوقت بتاع اجازة نص السنة
تمام
دلوقتى بقى مش هنعمل فرح اذا لازم كتب الكتاب يبقى فى المسجد عشان الاشهار يعنى ولا اييييييييه؟؟؟
ولا نعمله فى البيت قولولى رأيكم بقى ضرورى علشان اقولهم علشان يتفقوا مع المأذون

انا مش متخيلة اصلا ان انا هيتكتب كتابى :o:o ربنا يستر
ثانيا بقى انا اجيب ايه البسه فى اليوم دة أأجر فستان سيمبل كدة
ولا اشترى طقم شيك كدة البسه فى اليوم دة ؟؟؟؟؟؟؟؟؟؟؟؟؟

لاااااااااااااااااااازم كلكم تشاركونى لأن بحترم ارائكم كلكم وبحب استشيركم دايما اتفقنا؟ ماشى

انا ماشية دلوقتى ارجع الاقيكم رادين عليا كلكم ضرووووووووووووووووورى بالله عليكم ياحبايب كلكم

اجيب كام شماعة ؟؟؟؟؟؟

الف سلامة على باباكى والف مبروك على كتب الكتاب وانا رايى انك تعمليه فى الجامع وتلبسى فستان سواريه سيمبل واعملى حنة قبل الفرح بيوم وسافرى احسن من الفرح 100 مرة انا صحبتى عمات كده وسفرت تركيا
هاتى شمعات كتير صحبتى جابت 40 مكفوش وجابو عليهم مرتين

baata;13674328:
[/CENTER]

وبعدين انا لقيت بجامه العريس في التوحيد والنور تحفه 3 قطع ب 166

بنات انا لقيت في التوحيد والنور الروب والشبشب والبجامه وفي الوان كتير ب 166 بس

bosy_1010;13676666:
بنات بالله عليكم تدعولي لأنى مش عارفة جوازتى دي مالها انا قولتلكم يوم الخميس ادعولي عشان موضوع القايمة و كده تخيلوا ان خطيبي مجاش و بعت خاله لان والده مش موجود عشان يتفاهم علة القايمة و طبعا بابا اتجنن و قاله هو انت اللي هتتجوز يا حج و لا هو مستكبر يجيلنا البيت و لا هيتجوز البنت بالتليفون بس عشان يشوف القايمة و امه ماخلتوش يجي متخيلين شكلي قدام أهلي كان عامل ازاي و البيه مجاش قال أمه خايفة عليه لحسن بابا و اخواتى يتكاتلوا عليه متخيلين انا وشي في الأرض و الله من تصرفه ده بعد ماكنت حطة مناخيري في السما و عمالة أقول قايمة ايه ده هيمضي من غير كلام اصلا يادوبك ده فاضل 12 يوم على الفرح و لسه مافيش قايمة و لا كتب كتاب و أهلى رأسهم و ألف سيف ان الموضوع خلاص لانه مقدرنيش و لا قدر و لا احترم حد و جه و انا دلوقتى قافلة موبايلي خالص و مش عايزة أكلمه و لا هكلمه مش عارفة اصلا اقوله ايه و مش عارفة أعمل ايه بالله عليكم تقولولي منها لله حماتى حسبي الله نعم الوكيل

bosy_1010;13676666:

س الكاسات الطويلة اشيك و لا القصيرة ؟

rody&s;13677267:

الف مبروك لكل البنات اللى اتجوزوا واللى اتخطبوا ربنا يتمملهم على خير واللى جابوا اطفال ربنا يباركلهم فيهم واللى مجبوش ربنا يرزقهم بالزريه الصالحه باذن الله

سها الف سلامه عليكى انتى والبنوته اللى هتعمل نفس العمليه (من كتركم ماشاء الله :| نسيت الاسم )تقوموا بالسلامه باذن الله

انا كمان عندى عمليه فى المعده معادها باذن الله يوم السبت 20-9 صباحية العيد العمليه صعبه ادعولى اقوم منها بالسلامه وارجع لاهلى ولخطيبى عاوزه اتجوز بقى زهقت:lol:

الف سلامة عليكى وابقى طمنينا

سؤال كمان هو سؤال شخصى اوى للمتحوزين:o هى ايه افضل وأمن وسيلة لمنع الحمل فى اول الجواز لان خطر عليا الحمل قبل 2012 علشان يكون عدى سنه على عمليتى ؟

اسبكم تجوبونى بقى تشاووووووووو

R قلبى وعمرى;13677546:

انتى زى شوفتى بقى انا بموت فى القهوة مش بشربها فناجين لا ياماما بشربها فى ماجات وبعشقها مش قادرة اقولك ولازم يبقى بن ايه انا جربت كذا نوع بس قوليلى احسن نوع دوقتيه انا بموت فى التركى ومحدش عندى بيقدر يشربها ولا خطيبى تصدقى هقوم اعمل فنجان

:C:

بصى يا قمر الاحسن انك تعملى من دلوقتى عشان النتيجة تبان وكمان تتعودى تعملى لنفسك ياقمر ادخلى فى قسم الجسم والبشرة وهتلاقى وصفات كويسة مع ان فى حاجات اسهل واحسن لو عايزانى اقولهولك ابعتيلى عالخاص ياقمر

انا عاوزة اعرف ابعتيلى ماتنسنيش

:lol:

R قلبى وعمرى;13677546:



بصى يا قمر الاحسن انك تعملى من دلوقتى عشان النتيجة تبان وكمان تتعودى تعملى لنفسك ياقمر ادخلى فى قسم الجسم والبشرة وهتلاقى وصفات كويسة مع ان فى حاجات اسهل واحسن لو عايزانى اقولهولك ابعتيلى عالخاص ياقمر

انا حاولت ابعت ليكي ع الخاص لكن عدد مشاركاتي اقل من 15:sick:
لو تقدري تبعتلي برسالة او الطريقة الي تناسبك

وشكرا لكل البنات الي ردوا عليا

وسؤالي
انا جبت سجاد لبيتي كلة لونة اسود
واحدة سودا وفيها خط احمر
وواحدة سودا وفيها مربعات ملونة
وواحدة سودا ومتحددة بالفضي
وحماتي تقريبا عايزة تقتلني:o بتقلي دة مش سجاد عرايس
مع اني مش شايفة مشكلة8o| هو انا هفضل عروسة طول عمري:!!:

المهم هي بتقلي ان السجاد دة هيبان فية كل الاوساخ بسرعة و مش هقدر ع نظافتة
هل دي معلومة صحيحة ولا فيها شك;)

SmSm27;13673369:

وادعولي ربنا يفرح قلبي ويبعتلي ابن الحلال يارب
ياااااااااااااااااااااااااااااااااااااارب
انا وكل البنات
كدا بردة محدش يسال عليا:'(:'(
لابجد زعلانة منكم جدا
بس يلا بقي المسامح كريم:)
انتم عارفين بقي انا قلبي طيب ازاي:o
المهم اي فاضيلكم بقي اسبوع العيد دا وان شاء الله هاعرف اتابع معاكم بتركيز شوية هنا وفي الجروب كمان
وبمناسبة بقي العيد السعيد عندي ليكم خبر حلو
انا خفضت عدد المشاركات الي150بدل 300 علشان تقدرو تنضمو معايا للجروب
خصم 50%
اية رايكم بقي؟
عايزة التقيمات تنزل مطرة عليا
ههههههههههه
اللي عايز يشترك يالا يبعتلي بسرعة وانا ان شاء الله هقبلو علي طول
عايزة مكان جيب منة لبس شتوي شيك وتكون اسعارة حلوة زيكم كدا
اجيب منين تابلوهات جوبلان ؟ وبكام ؟
تفتكرو هينفع هدية حلوة؟

هو ده الكلام
ياااااااااااااااااااااااااااارب ربنا يفرح قلبي ويبعتلك ابن الحلال يارب ياااااااااااااااااااااااااااااااااااااارب
منكم نستفيد ايه تابلوهات جوبلان دى؟ واشمعنى النوعيه دى من التابلوهات؟
فى رأى شوفى اللى هتهاديه مهتم باقتناء تابلوهات ولا لا

ام فارس بسم الله ما شاء الله شقتك وعفشك تحفه تتهنى بيه يااااااااااااااااارب
لو ممكن تقولى عنوان محلات دمياط اللى اشتريتى منها بالتفصيل

ياااااربي اخيراااا وصلت لاخر صفحة ماشاء الله عليكوا بجد يابنات ربنا يجعله في ميزان حسناتكوا بجد مجهود راااائع وبجد مااشاء الله الناس الجداد في منتهى النشاط ربنا يتمملكوا جميعا على خير يارب

وحشتووني اوي

ميراميا الف سلامة ياقمر ومعلش انا كمان مكنتش بدخل اوي ويدوبك اقرا واخرج ربنا يتمم شفاكي على خير يااارب


توتااا حمدالله ع السلامة وماشاء الله تقارير غير عادية ومنفعش اقيمك اعذريني

متزعليش اني مسألتش عليكي بس بصراحة شوفت ردود البنات عليكي وفوا وكفوا بصراحة وانا ردي مكنش هيبقى مناسب ابدا لحالتك :D فقولت اسكت واسيبك لما تهدي لوحدك وترجعي ياقمر
بصراحة كنت هقولك مستعجلة على ايه يختي ههههههههههههههههههه ياعيال بجد متستعجلووووش مهما كان جوزك بيحبك وكل حاجة تمام والامور ماشية تمام هتبقي واحشك اهلك اوي ونفسك ترجعيلهم زيي :'(:'( انا يوم الجمعة اللي فاتت انهرت في التليفون وانا بكلم ماما واعدت اعيط عياط ولا اللي ميتلها ميت وبابا ياخد منها التليفون يهديني وهي تاخد منه التليفون وكان يوم زي الفل :D خلتهم يجولي من مصر الجديدة للشروق في نص ساعة فبجد متستعجلوش يابنااات وبلاش بجد يبقى كل تفكيرنا في المستقبل هو الجواز يعني ركزوا في حياتكوا عادي وفي احلامكوا وطموحاتكوا عادي والجواز يجي وقت ميجي بجد فكروا ان لو لا قدر الله حد فينا مات في اي وقت ولسه متجوزش ربنا هيسألك عملتي ايه في حياتك كنتي ماشية فين ورايحة على فين قدمتي ايه لدينك لامتك معقول هنقولله كنا مستنيين نتجوز يارب؟ فبجد بجد نصيحة منيييي ركزوا في حياتكوا والجواز وقت ميجي يجي هو مش غاية في حد ذاته هو وسيلة ربنا اراد وجت كان بها مجتش خلاص عندنا حاجات كبيرة ومهمة نعيش عشانها وبجد بصوا انا هقولكوا اللي قررت اعمله

اهم حاجة بجد نستمتع بكل فترة في حياتنا لكن احنا مش بنعمل كده احنا لما بنكون في بيت اهلنا بنعيش عادي جدا ونعد مستنيين الخطوبة والجواز مش بنستمتع بحياتنا بنخلص تعليم ونشوف شغل مثلا ونعيش عادي في انتظار الخطوبة والجواز ولما يجوا برضه مش بنستمتع بحياتنا وبنبقى نفسنا نرجع تاني لاهلنا

انا الحمدلله وانا في بيت اهلي ادركت الحقيقة دي فبقيت بجد على اد مقدر بستمتع بحياتي معاهم واللي بحاول اعمله حاليا اني استمتع بحياتي وانا متجوزة خصوصا ان الحمدلله ربنا كارمني بانسان مش هلاقي ظفره لكن حبي لأهلي وزعلي اني بعيد عنهم مش بعرف اروحلهم كل شوية مزعلني فعشان كده بذكر نفسي وبذكركم اننا نستمتع بكل وقت في حياتنا ونحاول نخليه حلو ومفيد على اد منقدر


طبعا انا مازالت في رحلة تنظيف وغسيل كل حاجة في الشقة ادعووولي بجد ماما جات ساعدتني كتييير اول امبارح الحمدلله انجزنا الى حد ما بس طبعا لسه كتييير دعواتكوا معايا

بت يابطة بقى كده ده انا قولت انتي اكتر واحدة حاسة بيا لأن كنت معاكي اونلاين ساعة محبست الفار في المطبخ يعني انتي اكتر واحدة حاسة بالمأسااااة :'(:'( فاكرة ان الموضوع مجرد توضيب البيت وخلاص لا يا امي :'( ده تطهير وتعقيم وغسل كلللللللللل حاجة في المطبخ وفي البيت كله كل حاجة منقوعة في ديتول وبتتغسل والحاجات الثابتة بتترش بديتول بتاع الأسطح غير طبعا غسيل كللل الهدوم اللي في البيت وطبعا دول لازم كل مغسل مرة استنى لما تنشف عشان اغسل تاني يعني قدامي اسبوعين ولا حاجة على مخلص كل الهدوووم

ربنا يسامحك :'(:'(:'( بقى فاكراني بتدلع وعايزة واحدة تيجي تنضف معايا وخلاص :'(:'( شوفي هتصالحيني بأيه يابطوط

رشا قلبي وعمري حمدالله على سلامتك وربنا يجعل كل ده في ميزان حسناتك ياقمر وغفران لذنوبك وان شاء الله تقومي بالسلامة وتبقي زي الفل

rody&s ربنا يتمم شفاكي على خير يا حبيبتي وعلى فكرة في بنوتة سألت عليكي من كام صفحة انا مش فاكرة هي مين وهي اللي عرفتنا انك هتعملي عملية لأني معرفكيش اصلا يا حبيبتي والف سلامة وان شاء الله تقومي زي الفل وتتجوزي ياستي ونخلص منك

مشمشة تامر انا بدعيلك بجد يا حبيبتي وان شاء الله تعملي العملية وتبقى زي الفل ومتهمليش في حاجة تاني بقى وخفي على مامتك شوية بجد

وفعلا انا موافقاكي في الرأي ان القايمة متتكتبش لو في مهر انما احنا يا ميس موني اغلبنا هنا معندناش مهر فعشان كده بنكتب قايمة انما لو في ناس بيعملوا مهر يبقى خلاص مفيش داعي للقايمة طبعا

وبوسي ربنا ييسرلك الامور يارب و والله متعرفي الخير فين سيبيها على الله وادعي كتير واتكلمي مع خطيبك وخدي منه موقف بجد وان شاء الله اللي خير ليكي هيحصل ومهما كان هيبقى خير ان شاء الله وادعي كتير وصلي استخارة كتير وفوضي امرك لله

بنات اسمعوا كلامي والله موضوع العضوية في اوريفليم او افون ملوش لازمة لو هتشتري حاجات قليلة او حاجات لنفسك بس

انا اهو عاملة عضويتين مش واحدة ومبشتريش خاالص من العضوية مقدامي اللي يجيبلي خصم اكبر ويرحمني من الوقفة والانتظار هناك وكمان اني اروح والاقي اغلب الحاجة خلصت فعلى ايه التعب بجد اسمعوا الكلام هاتوا من حد من اللي بيدي خصم اكبر من العضوية وريحوا نفسكوا ولاسبوزا على فكرة انتي مش لازم تعملي عضوية عشان تشتري الكتالوج او تشمي البارفانات

هي كلاسيك فين وميس كات مش بيدخلوا غير الديكور ولا ايه

وسمسم والله كنتي في بالي انتي ومودة وكلاسيك وميس كات عاملين ايه يابنات كلكوا

عسولة عمرو ازيك يا حبيبتي بصي انا اعدت فترة طويلة في حوار الغسالة الفوق اوتوماتيك ده وكل شوية حد يقول حاجة ولما خلاص روحت اشتريها الواد بتاع بي تك قاللي مبتعصرش قولتله ياسلام التلات انواع كان عندهم ساعتها توشيبا وايديال ويونيفرسال بصراحة مع اني مصدقتوش وعارفه ان كلامه غلط ريحت دماغي لأن مكنش عندي وقت اسأل اصلا ده كان قبل الفرح بيومين

فانتي اسألي كويس ممكن تروحي مثلا ماركاتو خلي حد عنده معلومات كويسة وصح يشرحلك عشان انا كان كل حد بيقول حاجة

ام فارس ماشاء الله ربنا يباركلك في حاجتك

وجميلة محمود مبروك على حاجتك انتي كمان ياقمر وتتهني بيهم يارب

نونا بيتهيئلي البنات قالولك كل حاجة وبجد موضوع الشبكة ده عادي جدا طالما بجد خطيبك انسان كويس وبيتقي ربنا يبقى مش مهم الحاجات دي مانا كمان اضطريت ابيع شبكتي لظروف وان شاء الله قريب فلوسها هتجيلي تاني بس فكرت وقولت مش هجيب بيها شبكة اطلع بيهم انا وجوزي عمرة وخلاص الناس شافوها وريحت دماغي وفي بنات كتير كمان قرروا ميجيبوش شبكة اصلا فعادي ياقمر

وبصي انا هقولك الاجهزة اللي عندي التلاجة ال جي 14 قدم ب 2200 وبوتاجاز ايديال 4 شعلة ب 900 تقريبا او 900 وحاجة وغسالة ال جي بس دي غالية شوية بس البنات بيقولوا في موديل تاني من ال جي اقل وفي حاجات في حدود 2500 والفوق اوتوماتيك ارخص بس اتأكدي من مميزاتها زي مقولت لعسولة عمرو عشان كل محل بيقول حاجة

وبصي السجاد هتلاقي اماكن كتير بتبيع حاجات اسعارها معقولة اوي بتبقي تصفيات او بواقي

والعفش لو لسه مشترتيش انصحك طبعا يبقى مودرن عشان يبقى ارخص واشيك لأن بجد عشان تشتري كلاسيك كويس بيبقى غالي ومعدي اويييي ولو كلاسيك عادي بتحسي انه بلدي مش كلاسيك ولا مودرن ولا حاجة خالص


مرمر ازيك يابنتي بصي احسن حاجة في الال سي دي طبعا سوني وبعدها سامسونج وبعدها ال جي مع اني بعشق ال جي وكل الناس بتقوللي يابنتي انتي ليكي حد هناك ولا ايه متحمسة جدا لال جي انا من قبل حتى مجرب حاجتهم ولا اجرب خدمة العملا والصيانة اللي محصلوش دول لكن الحق يقال سامسونج اعلى منه في التليفزيون وانا جبت سامسونج 40 بوصة

صحيح يابناااااااااات ال جي منزلة عرض الجمعة والسبت بس ال اي دي LED 42 بوصة ب 5ونص بدل 7 ونص بجد عرض وهمييي ياريت تلحقوه ومكتوب انه في كل منافذ البيع بس خدوا بالكوا من المساحة اللي هتحطوا فيها التليفزيون يابنات انا المساحة 4 متر ويدوبك ال 40 كويس اوي اكبر من كده مكنش هينفع وصاحبتي امبارح بجد مجابت بتاعي بظبط رجعوه وجابوا ال اي دي 32 بوصه عشان فعلا لقوا ال 40 كبير اوي ع المساحة دي

مهندسة مون ازيك يا حبيبتي بصي انا من رأيي بجد بلاش تنزلي دمياط مخصوص بذات لو مودرن

بصي انا صاحبتي نزلت وباتت يومين كمان وفي الاخر مجابتش غير أودة النوم كانت ب 18 هي مودرن وكل حاجة بس انا شوفت حاجات كتير زيها هنا وارخص كتير كمان وخشب طبيعي وجت في الاخر جابت من هنا الركنة والانتريه والسفرة وكله مودرن يعني المشوار مش مستاهل فانزلي هنا احسن بس اتأكدي ان الخشب طبيعي غير كده هتلاقي كل الازواق والاشكال المودرن بأسعارها كلها واهم حاجة انزلي عباس العقاد ومصطفى النحاس والشوارع دي هتلاقي محلات بالهبل وجامدة اوي

بنات انا صورتلكوا الشقة كلها وكل حاجة بس بجد مش عارفه انقلهم ع اللاب كارت الميموري مش معايا واللاب معرفش مش بيستقبل بلوتوث ليه هبقى اشوف الموضوع ده واحطهالكوا ان شاء الله

حسبي ربي وتيامو ازيكوا يابنات واحشني

وعنبة بحبك في الله ياقمر والحمدلله البنات ردوا عليكي بما فيه الكفاية واقرأي كلامي اللي كتبته في اول المشاركة

د.مسملة الحمدلله انك طمنتينا على باباكي ياقمر وربنا يتمم شفاه على خير ويتمملك على خير يارب وانتي كمان واحشاني

حفيدة فاطمة ازيك يا حبيبتي ربنا يعينك يارب وييسرلك امورك ياقمر وبجد جدعة كورسات ومحاضرات زدني كلها جامدة اوي ربنا يجعله في ميزان حسناتهم يارب وقوليلي مانت محاضرة ايه اللي حضرتيها ومين المحاضر ده؟؟ ولو في اي سؤال انا تحت امرك البنات فعلا زي مقرآنية قالتلك سألوني على كل حاجة وجاوبت والله هههههههههههههههههه

nanono;13678332:


فبجد متستعجلوش يابنااات وبلاش بجد يبقى كل تفكيرنا في المستقبل هو الجواز يعني ركزوا في حياتكوا عادي وفي احلامكوا وطموحاتكوا عادي والجواز يجي وقت ميجي بجد فكروا ان لو لا قدر الله حد فينا مات في اي وقت ولسه متجوزش ربنا هيسألك عملتي ايه في حياتك كنتي ماشية فين ورايحة على فين قدمتي ايه لدينك لامتك معقول هنقولله كنا مستنيين نتجوز يارب؟ فبجد بجد نصيحة منيييي ركزوا في حياتكوا والجواز وقت ميجي يجي هو مش غاية في حد ذاته هو وسيلة ربنا اراد وجت كان بها مجتش خلاص عندنا حاجات كبيرة ومهمة نعيش عشانها وبجد بصوا انا هقولكوا اللي قررت اعمله

اهم حاجة بجد نستمتع بكل فترة في حياتنا لكن احنا مش بنعمل كده احنا لما بنكون في بيت اهلنا بنعيش عادي جدا ونعد مستنيين الخطوبة والجواز مش بنستمتع بحياتنا بنخلص تعليم ونشوف شغل مثلا ونعيش عادي في انتظار الخطوبة والجواز ولما يجوا برضه مش بنستمتع بحياتنا وبنبقى نفسنا نرجع تاني لاهلنا

انا الحمدلله وانا في بيت اهلي ادركت الحقيقة دي فبقيت بجد على اد مقدر بستمتع بحياتي معاهم واللي بحاول اعمله حاليا اني استمتع بحياتي وانا متجوزة خصوصا ان الحمدلله ربنا كارمني بانسان مش هلاقي ظفره لكن حبي لأهلي وزعلي اني بعيد عنهم مش بعرف اروحلهم كل شوية مزعلني فعشان كده بذكر نفسي وبذكركم اننا نستمتع بكل وقت في حياتنا ونحاول نخليه حلو ومفيد على اد منقدر

الله يبارك لك على الكلام ده فعلا اااااااا هى دى الحياه اللى المفروض نعيشها


مهندسة مون ازيك يا حبيبتي بصي انا من رأيي بجد بلاش تنزلي دمياط مخصوص بذات لو مودرن

بصي انا صاحبتي نزلت وباتت يومين كمان وفي الاخر مجابتش غير أودة النوم كانت ب 18 هي مودرن وكل حاجة بس انا شوفت حاجات كتير زيها هنا وارخص كتير كمان وخشب طبيعي وجت في الاخر جابت من هنا الركنة والانتريه والسفرة وكله مودرن يعني المشوار مش مستاهل فانزلي هنا احسن بس اتأكدي ان الخشب طبيعي غير كده هتلاقي كل الازواق والاشكال المودرن بأسعارها كلها واهم حاجة انزلي عباس العقاد ومصطفى النحاس والشوارع دي هتلاقي محلات بالهبل وجامدة اوي

ممكن تنصحينا باماكن يا ناناو وتقوليلنا اشتريتى منين يعنى تقرير مفصل من الاخر

حسبي ربي وتيامو ازيكوا يابنات واحشني


القمررررر سأل عنى يااااااااا ناااااااااااس
هههههههههههههههههه
على فكرة انا اسمى راندا ووحشتينا والله

بوسى اسأل الله العظيم رب العظيم ان يفرج عليكى ويزيل عنكى همك
انتى موقفك صعب اوى ربنا معاكى
بس فعلا محدش عارف الخير فين
استغفرى ربك كتيييييييييييير وطمنينا

مش عارفه مين البنوته اللى قالت على المشايات للمطبخ فى النساجون ياريت تقولليلنا انهو فرع ربنا يجزيكى كل الخيرررر

dr.muslimah;13672978:

السلام عليكم ورحمة الله وبركاته
ازيكم ياقطاقيط وحشتونى وحشتونى
بقالى 24 ساعة مجيتش هنا دة الدنيا صعبة اوى من غير عروس
بصو بقى انتم عارفين ان بابا بعد لما عمل العملية ورجع من الصين جه قعد فى القاهرة بتاع شهر تقريبل للمتابعة مع الدكتور وكدة
وهو دولوقتى رجع البيت الحمد لله وخطيبى بقى عاوز يعمل كتب كتاب فى العيد والفرح ان شاء الله فى اجازة نص السنة
عاوزة اخد رأيكم فى كام حاجة كدة
اولا انا كنت قلتلكم ان احنا بنفكر منعملش فرح ونسلفر برة مصر بعد يوم الدخلة يعنى تركيا او ماليزيا على حسب الجو يعنى فى الوقت بتاع اجازة نص السنة
تمام
دلوقتى بقى مش هنعمل فرح اذا لازم كتب الكتاب يبقى فى المسجد عشان الاشهار يعنى ولا اييييييييه؟؟؟
ولا نعمله فى البيت قولولى رأيكم بقى ضرورى علشان اقولهم علشان يتفقوا مع المأذون

انا مش متخيلة اصلا ان انا هيتكتب كتابى :o:o ربنا يستر
ثانيا بقى انا اجيب ايه البسه فى اليوم دة أأجر فستان سيمبل كدة
ولا اشترى طقم شيك كدة البسه فى اليوم دة ؟؟؟؟؟؟؟؟؟؟؟؟؟

لاااااااااااااااااااازم كلكم تشاركونى لأن بحترم ارائكم كلكم وبحب استشيركم دايما اتفقنا؟ ماشى

انا ماشية دلوقتى ارجع الاقيكم رادين عليا كلكم ضرووووووووووووووووورى بالله عليكم ياحبايب كلكم

اجيب كام شماعة ؟؟؟؟؟؟

الف مبروك يا قمر ويارب كتر افراحنا F: والف سلامة على باباكى وحمدلله على سلامته وربنا يكمل شفائه على خير ياربF:F:

بصى انتى اعمليه فى البيت واكيد الناس هتسمع الدوشة والحاجات اللى هتحصل انتى البسى

فستان سمبيل كدا ورقيق زيك كدا:o واخرجى بعد كتب الكتاب هتكون احسن بكتير وهتقضوا السهرة

مع بعض احسن من ساعة فى المسجد وفى ناس هتتاخر وبيبقى سرعة وحاجات كدا وربنا يتمم لكى عل خير

SmSm27;13673369:

السلام عليكم
مبروووووووووووووووووك
لكل واحدة اتخطبت ولا اتجوزت
والف مليون مبروك لكيتي وقطقوطة علشان الحمل
وعقبال ناني واشري ودارين ومكرونة وكل المتجوزين يارب
وادعولي ربنا يفرح قلبي ويبعتلي ابن الحلال يارب
ياااااااااااااااااااااااااااااااااااااارب
انا وكل البنات
كدا بردة محدش يسال عليا:'(:'(
لابجد زعلانة منكم جدا
بس يلا بقي المسامح كريم:)
انتم عارفين بقي انا قلبي طيب ازاي:o
المهم اي فاضيلكم بقي اسبوع العيد دا وان شاء الله هاعرف اتابع معاكم بتركيز شوية هنا وفي الجروب كمان
وبمناسبة بقي العيد السعيد عندي ليكم خبر حلو
انا خفضت عدد المشاركات الي150بدل 300 علشان تقدرو تنضمو معايا للجروب
خصم 50%
اية رايكم بقي؟
عايزة التقيمات تنزل مطرة عليا
ههههههههههه
اللي عايز يشترك يالا يبعتلي بسرعة وانا ان شاء الله هقبلو علي طول
عايزة مكان جيب منة لبس شتوي شيك وتكون اسعارة حلوة زيكم كدا
اجيب منين تابلوهات جوبلان ؟ وبكام ؟
تفتكرو هينفع هدية حلوة؟
كولكشن 2011
محجبات استايل

حمدلله على سلامتك يا سمسمة وبجد ميرسى لانك قللتى المشاركة انا كنت حاسة انى هموت:thumbs_down: اقبل ما ادخل الجروب ده

س/ هى فين مرامية ؟؟

اجيب كام جيبة للخروج مع العلم ان مش بلبس جيب كتير ؟؟

nanono;13678332:
ياااااربي اخيراااا وصلت لاخر صفحة ماشاء الله عليكوا بجد يابنات ربنا يجعله في ميزان حسناتكوا بجد مجهود راااائع وبجد مااشاء الله الناس الجداد في منتهى النشاط ربنا يتمملكوا جميعا على خير يارب

وحشتووني اوي

ميراميا الف سلامة ياقمر ومعلش انا كمان مكنتش بدخل اوي ويدوبك اقرا واخرج ربنا يتمم شفاكي على خير يااارب


توتااا حمدالله ع السلامة وماشاء الله تقارير غير عادية ومنفعش اقيمك اعذريني

متزعليش اني مسألتش عليكي بس بصراحة شوفت ردود البنات عليكي وفوا وكفوا بصراحة وانا ردي مكنش هيبقى مناسب ابدا لحالتك :D فقولت اسكت واسيبك لما تهدي لوحدك وترجعي ياقمر
بصراحة كنت هقولك مستعجلة على ايه يختي ههههههههههههههههههه ياعيال بجد متستعجلووووش مهما كان جوزك بيحبك وكل حاجة تمام والامور ماشية تمام هتبقي واحشك اهلك اوي ونفسك ترجعيلهم زيي :'(:'( انا يوم الجمعة اللي فاتت انهرت في التليفون وانا بكلم ماما واعدت اعيط عياط ولا اللي ميتلها ميت وبابا ياخد منها التليفون يهديني وهي تاخد منه التليفون وكان يوم زي الفل :D خلتهم يجولي من مصر الجديدة للشروق في نص ساعة فبجد متستعجلوش يابنااات وبلاش بجد يبقى كل تفكيرنا في المستقبل هو الجواز يعني ركزوا في حياتكوا عادي وفي احلامكوا وطموحاتكوا عادي والجواز يجي وقت ميجي بجد فكروا ان لو لا قدر الله حد فينا مات في اي وقت ولسه متجوزش ربنا هيسألك عملتي ايه في حياتك كنتي ماشية فين ورايحة على فين قدمتي ايه لدينك لامتك معقول هنقولله كنا مستنيين نتجوز يارب؟ فبجد بجد نصيحة منيييي ركزوا في حياتكوا والجواز وقت ميجي يجي هو مش غاية في حد ذاته هو وسيلة ربنا اراد وجت كان بها مجتش خلاص عندنا حاجات كبيرة ومهمة نعيش عشانها وبجد بصوا انا هقولكوا اللي قررت اعمله

اهم حاجة بجد نستمتع بكل فترة في حياتنا لكن احنا مش بنعمل كده احنا لما بنكون في بيت اهلنا بنعيش عادي جدا ونعد مستنيين الخطوبة والجواز مش بنستمتع بحياتنا بنخلص تعليم ونشوف شغل مثلا ونعيش عادي في انتظار الخطوبة والجواز ولما يجوا برضه مش بنستمتع بحياتنا وبنبقى نفسنا نرجع تاني لاهلنا

انا الحمدلله وانا في بيت اهلي ادركت الحقيقة دي فبقيت بجد على اد مقدر بستمتع بحياتي معاهم واللي بحاول اعمله حاليا اني استمتع بحياتي وانا متجوزة خصوصا ان الحمدلله ربنا كارمني بانسان مش هلاقي ظفره لكن حبي لأهلي وزعلي اني بعيد عنهم مش بعرف اروحلهم كل شوية مزعلني فعشان كده بذكر نفسي وبذكركم اننا نستمتع بكل وقت في حياتنا ونحاول نخليه حلو ومفيد على اد منقدر


طبعا انا مازالت في رحلة تنظيف وغسيل كل حاجة في الشقة ادعووولي بجد ماما جات ساعدتني كتييير اول امبارح الحمدلله انجزنا الى حد ما بس طبعا لسه كتييير دعواتكوا معايا

بت يابطة بقى كده ده انا قولت انتي اكتر واحدة حاسة بيا لأن كنت معاكي اونلاين ساعة محبست الفار في المطبخ يعني انتي اكتر واحدة حاسة بالمأسااااة :'(:'( فاكرة ان الموضوع مجرد توضيب البيت وخلاص لا يا امي :'( ده تطهير وتعقيم وغسل كلللللللللل حاجة في المطبخ وفي البيت كله كل حاجة منقوعة في ديتول وبتتغسل والحاجات الثابتة بتترش بديتول بتاع الأسطح غير طبعا غسيل كللل الهدوم اللي في البيت وطبعا دول لازم كل مغسل مرة استنى لما تنشف عشان اغسل تاني يعني قدامي اسبوعين ولا حاجة على مخلص كل الهدوووم

ربنا يسامحك :'(:'(:'( بقى فاكراني بتدلع وعايزة واحدة تيجي تنضف معايا وخلاص :'(:'( شوفي هتصالحيني بأيه يابطوط

رشا قلبي وعمري حمدالله على سلامتك وربنا يجعل كل ده في ميزان حسناتك ياقمر وغفران لذنوبك وان شاء الله تقومي بالسلامة وتبقي زي الفل

rody&s ربنا يتمم شفاكي على خير يا حبيبتي وعلى فكرة في بنوتة سألت عليكي من كام صفحة انا مش فاكرة هي مين وهي اللي عرفتنا انك هتعملي عملية لأني معرفكيش اصلا يا حبيبتي والف سلامة وان شاء الله تقومي زي الفل وتتجوزي ياستي ونخلص منك

مشمشة تامر انا بدعيلك بجد يا حبيبتي وان شاء الله تعملي العملية وتبقى زي الفل ومتهمليش في حاجة تاني بقى وخفي على مامتك شوية بجد

وفعلا انا موافقاكي في الرأي ان القايمة متتكتبش لو في مهر انما احنا يا ميس موني اغلبنا هنا معندناش مهر فعشان كده بنكتب قايمة انما لو في ناس بيعملوا مهر يبقى خلاص مفيش داعي للقايمة طبعا

وبوسي ربنا ييسرلك الامور يارب و والله متعرفي الخير فين سيبيها على الله وادعي كتير واتكلمي مع خطيبك وخدي منه موقف بجد وان شاء الله اللي خير ليكي هيحصل ومهما كان هيبقى خير ان شاء الله وادعي كتير وصلي استخارة كتير وفوضي امرك لله

بنات اسمعوا كلامي والله موضوع العضوية في اوريفليم او افون ملوش لازمة لو هتشتري حاجات قليلة او حاجات لنفسك بس

انا اهو عاملة عضويتين مش واحدة ومبشتريش خاالص من العضوية مقدامي اللي يجيبلي خصم اكبر ويرحمني من الوقفة والانتظار هناك وكمان اني اروح والاقي اغلب الحاجة خلصت فعلى ايه التعب بجد اسمعوا الكلام هاتوا من حد من اللي بيدي خصم اكبر من العضوية وريحوا نفسكوا ولاسبوزا على فكرة انتي مش لازم تعملي عضوية عشان تشتري الكتالوج او تشمي البارفانات

هي كلاسيك فين وميس كات مش بيدخلوا غير الديكور ولا ايه

وسمسم والله كنتي في بالي انتي ومودة وكلاسيك وميس كات عاملين ايه يابنات كلكوا

عسولة عمرو ازيك يا حبيبتي بصي انا اعدت فترة طويلة في حوار الغسالة الفوق اوتوماتيك ده وكل شوية حد يقول حاجة ولما خلاص روحت اشتريها الواد بتاع بي تك قاللي مبتعصرش قولتله ياسلام التلات انواع كان عندهم ساعتها توشيبا وايديال ويونيفرسال بصراحة مع اني مصدقتوش وعارفه ان كلامه غلط ريحت دماغي لأن مكنش عندي وقت اسأل اصلا ده كان قبل الفرح بيومين

فانتي اسألي كويس ممكن تروحي مثلا ماركاتو خلي حد عنده معلومات كويسة وصح يشرحلك عشان انا كان كل حد بيقول حاجة

ام فارس ماشاء الله ربنا يباركلك في حاجتك

وجميلة محمود مبروك على حاجتك انتي كمان ياقمر وتتهني بيهم يارب

نونا بيتهيئلي البنات قالولك كل حاجة وبجد موضوع الشبكة ده عادي جدا طالما بجد خطيبك انسان كويس وبيتقي ربنا يبقى مش مهم الحاجات دي مانا كمان اضطريت ابيع شبكتي لظروف وان شاء الله قريب فلوسها هتجيلي تاني بس فكرت وقولت مش هجيب بيها شبكة اطلع بيهم انا وجوزي عمرة وخلاص الناس شافوها وريحت دماغي وفي بنات كتير كمان قرروا ميجيبوش شبكة اصلا فعادي ياقمر

وبصي انا هقولك الاجهزة اللي عندي التلاجة ال جي 14 قدم ب 2200 وبوتاجاز ايديال 4 شعلة ب 900 تقريبا او 900 وحاجة وغسالة ال جي بس دي غالية شوية بس البنات بيقولوا في موديل تاني من ال جي اقل وفي حاجات في حدود 2500 والفوق اوتوماتيك ارخص بس اتأكدي من مميزاتها زي مقولت لعسولة عمرو عشان كل محل بيقول حاجة

وبصي السجاد هتلاقي اماكن كتير بتبيع حاجات اسعارها معقولة اوي بتبقي تصفيات او بواقي

والعفش لو لسه مشترتيش انصحك طبعا يبقى مودرن عشان يبقى ارخص واشيك لأن بجد عشان تشتري كلاسيك كويس بيبقى غالي ومعدي اويييي ولو كلاسيك عادي بتحسي انه بلدي مش كلاسيك ولا مودرن ولا حاجة خالص


مرمر ازيك يابنتي بصي احسن حاجة في الال سي دي طبعا سوني وبعدها سامسونج وبعدها ال جي مع اني بعشق ال جي وكل الناس بتقوللي يابنتي انتي ليكي حد هناك ولا ايه متحمسة جدا لال جي انا من قبل حتى مجرب حاجتهم ولا اجرب خدمة العملا والصيانة اللي محصلوش دول لكن الحق يقال سامسونج اعلى منه في التليفزيون وانا جبت سامسونج 40 بوصة

صحيح يابناااااااااات ال جي منزلة عرض الجمعة والسبت بس ال اي دي LED 42 بوصة ب 5ونص بدل 7 ونص بجد عرض وهمييي ياريت تلحقوه ومكتوب انه في كل منافذ البيع بس خدوا بالكوا من المساحة اللي هتحطوا فيها التليفزيون يابنات انا المساحة 4 متر ويدوبك ال 40 كويس اوي اكبر من كده مكنش هينفع وصاحبتي امبارح بجد مجابت بتاعي بظبط رجعوه وجابوا ال اي دي 32 بوصه عشان فعلا لقوا ال 40 كبير اوي ع المساحة دي

مهندسة مون ازيك يا حبيبتي بصي انا من رأيي بجد بلاش تنزلي دمياط مخصوص بذات لو مودرن

بصي انا صاحبتي نزلت وباتت يومين كمان وفي الاخر مجابتش غير أودة النوم كانت ب 18 هي مودرن وكل حاجة بس انا شوفت حاجات كتير زيها هنا وارخص كتير كمان وخشب طبيعي وجت في الاخر جابت من هنا الركنة والانتريه والسفرة وكله مودرن يعني المشوار مش مستاهل فانزلي هنا احسن بس اتأكدي ان الخشب طبيعي غير كده هتلاقي كل الازواق والاشكال المودرن بأسعارها كلها واهم حاجة انزلي عباس العقاد ومصطفى النحاس والشوارع دي هتلاقي محلات بالهبل وجامدة اوي

بنات انا صورتلكوا الشقة كلها وكل حاجة بس بجد مش عارفه انقلهم ع اللاب كارت الميموري مش معايا واللاب معرفش مش بيستقبل بلوتوث ليه هبقى اشوف الموضوع ده واحطهالكوا ان شاء الله

حسبي ربي وتيامو ازيكوا يابنات واحشني

وعنبة بحبك في الله ياقمر والحمدلله البنات ردوا عليكي بما فيه الكفاية واقرأي كلامي اللي كتبته في اول المشاركة

د.مسملة الحمدلله انك طمنتينا على باباكي ياقمر وربنا يتمم شفاه على خير ويتمملك على خير يارب وانتي كمان واحشاني

حفيدة فاطمة ازيك يا حبيبتي ربنا يعينك يارب وييسرلك امورك ياقمر وبجد جدعة كورسات ومحاضرات زدني كلها جامدة اوي ربنا يجعله في ميزان حسناتهم يارب وقوليلي مانت محاضرة ايه اللي حضرتيها ومين المحاضر ده؟؟ ولو في اي سؤال انا تحت امرك البنات فعلا زي مقرآنية قالتلك سألوني على كل حاجة وجاوبت والله هههههههههههههههههه

ازيك يانانو عاملة ايه وانتى كمان وحشنا الله يكون فى عونك وتخلصى الشقة وترتاحى اول ماتنزلى صور الشقة قوليلنا لحد مايفرجو عنى وادخل الجروب واشوف صور فرحك ياجميل
هى المشايات بتاعت المطبخ فى النساجون فى حدود كام؟

ام فارس2010;13671290:
انا جبت العفش من دميات
النجف جبته من هنا من اسكندريه من محته الرمل كلهم فى رينج 200جنيه ماعدا بتاعت الانتريه اللى فيها خشب 270




انا جبتهم من دميات النوم دولاب اتنين كومود وتسريحه والعسكرى وسرير وعلاقه هدوم خشب زان ب11 الف

والسفره نيش وبوفيه وترابيزه 8 كراسى برضه زان 12 الف

الدهان اللى ورا دا فلفيت ودا النقاش بيعماله وبيبقى شبه ورق الحائت جداااااااااااااااااا وارخص منه وليا موضوع عنه ممكن تشفيه

وانا قلت النجف منين وبكام منسيتش الاسئله انا اموره صح:D

ميرسى ياجميل :thumbs_up:بس ناقص سوال دولاب اافضية مساخته كام فى كام ؟

سلمى 16;13671835:
صباح الفل يا احلى عرايس

dr.doby كلامك اثر فيل جدا و عيط ربنا يرحم مامتك يا رب و ربنا يسعد ايامك يا حبيبتى

بنات مش rody&s كانت حتعمل عملية محدش يعرف عنها حاجة؟؟؟

مشمشة تامر الف سلامة عليكى

عنبة ربنا يا حبيبتى يرزقك بالزوج الصالح

ام فارس السكرة الف مبروك على العفش تتهنى بيه يا رب و كويس انك لفتى نظرى لمحلات النجف فى محطة الرمل مشكوورة


بصوا بقى يا حلوين النساجون منزل اشكال مشايات للمطبخ وهم شكل فرولة و برتقال و فراشة حجات بجد تحفة

عايزة اسأل سؤال كالعادة هدوم الدلع الشتوى عبارة عن ايه؟؟ و كمان ايه الاكسسوارات الى بتتحط قى مكتبة التلفزيون؟؟

متعرفيش هى المشايات دى برده بالمقاس ولا ايه واسعارها كام وفرع ايه اعترفى ؟;)

حبايبى الحلوين احلى صياح على احلى عرايس

يصوا يا حبايبى المشايات اللى قولت عليها بتاعت المطبخ من النساجون اللى عندنا فى اسكندرية قبل كارفور فى اخر دور بس مسألتش على اسعار :-o

د.مسلمة طبعا السفر احلى بكتير انتى كدة تبقى دفعتى فلوس عشان سعادتك انتى و هو بس لكن الفرح عشان الناس و فى الاخر كمان مش بيتبستوا بس البسى فستان ابيض و اتصورى و ربنا يسعدك يا حبيبتى يا رب

نانو عندك حق فى اللى قولتيه بجد والله الدنيا بتعدى و لحظات كتيرو بتمر و احنا مستنين بنستنى نتخطب و ايم الخطوبة تضيع فى التجهيز و نتسنى نتجوز و نستنى نحمل و نتستنى نولد و نتستنى يروحوا المدرسة و فجأة تلاقى الايام ضاعت

rody&s انا سألت عليكى ربنا يقومك بالسلامة يا رب


بوسى ربنا يقدملك الى فيه الخير يا رب بس هو من اول مشكلة هرب طيب بعد كده ايه؟؟؟

اسماء شوفى انتى دلوقتى بتستخدمى هدوم قد ايه و هاتى قدهم و طقمين للمناسابات

يصوا يا بنات تفتقروا لو رحت حجزت فى شهر واحد حلاقى اماكن فى شهر 7 ؟؟ بنات اجيب كام برا ؟؟

سمسمة ياقمر وحشتيييييييييييييينى كتيييييييييييييييييير مش تزعلى منى انتى عرفه ظروفى ياقمر وانا والبنات مش ننقدر ننساكى يا جميلة



دكتورة مسلمة وحشتينى والف حمدالله على سلامة باباكى ربنا يخليهولك ياااااااارب ويفرح بيكى ياقمر
بنات عايزة عنوان لهوم تتش بس عنوانه بالتفصيل وايه المنتجات بالظبط اللى بيبيعها ؟؟

3enba;13674497:
هاااااااااااااا دخلونى الجروب بقي مش قادرة استنى انا حنان خضر
سمسم نورتى يا جمييل
رشا بجد افتكرتيني يااااه متتصوريش فرحت اد اييه
سؤال لرشروش بالذات : اجيب كاااام ملاية .؟؟؟؟:lol:

لولو احمد;13674620:
بت يادندونه يعنى انتى يابت سيبه الجزئيه المهمه فى السؤال عن الاب توب وبتجوبى على الاستشوار والمكوه مين قالك اساسا ان عندى شعر دااحمد من يوم ماتخبطله وانا بشد فى شعرى:031::031:لما خلاص شكلى لاهحتاج مكوه ولا غيره ولا حتى مشط بس انا نويه اجيب استشوار بيتهيالى احسن لان المكوه هتخلص بيتهيالى على باقى الشعريتين الموجودين وبعدين الدكتور كان بيقولى ان الاستشوار مش بيضر بالشعر المكوه والفرد هما اللى بيضروا
البنوته العسوله اللى بتشتغل فى شركه it بصى ياجميل انا معرفش حاجه عن اجهزه الاب توب نهائى بس ممكن اشيل من فلوس جهازى 2500 جنيه احاول اوفرهم علشان اجيبه فمش عرفه ممكن يجبلى امكانيات ايه فى الجهاز فممكن تساعدنى ولو عايزه منى اى استفسار عن الامكانيات اللى معايا ممكن تبعتيلى على الخاص وتبقى عملتى فيه معروف مش هنسهولك طول العمر
سؤال المخالفه اجيب كام طقم شتوى واد ايه لبس داخلى لانى مش عرفه اجيب اد ايه وتايهه وانا مش بشتغل ادعولى انى اشتغل يمكن دعوتكم تستجاب

baata;13674747:

بناااااااااااااات اللي عايز يشترك في الجروب يبعت لسمسم او كلاسيك علشان انا مش ماسكه الجروب دلوقتي

اجيب كام شبشب بيت؟

[

bosy_1010;13676666:
بنات بالله عليكم تدعولي لأنى مش عارفة جوازتى دي مالها انا قولتلكم يوم الخميس ادعولي عشان موضوع القايمة و كده تخيلوا ان خطيبي مجاش و بعت خاله لان والده مش موجود عشان يتفاهم علة القايمة و طبعا بابا اتجنن و قاله هو انت اللي هتتجوز يا حج و لا هو مستكبر يجيلنا البيت و لا هيتجوز البنت بالتليفون بس عشان يشوف القايمة و امه ماخلتوش يجي متخيلين شكلي قدام أهلي كان عامل ازاي و البيه مجاش قال أمه خايفة عليه لحسن بابا و اخواتى يتكاتلوا عليه متخيلين انا وشي في الأرض و الله من تصرفه ده بعد ماكنت حطة مناخيري في السما و عمالة أقول قايمة ايه ده هيمضي من غير كلام اصلا يادوبك ده فاضل 12 يوم على الفرح و لسه مافيش قايمة و لا كتب كتاب و أهلى رأسهم و ألف سيف ان الموضوع خلاص لانه مقدرنيش و لا قدر و لا احترم حد و جه و انا دلوقتى قافلة موبايلي خالص و مش عايزة أكلمه و لا هكلمه مش عارفة اصلا اقوله ايه و مش عارفة أعمل ايه بالله عليكم تقولولي منها لله حماتى حسبي الله نعم الوكيل
س الكاسات الطويلة اشيك و لا القصيرة ؟

rody&s;13677267:
السلام عليكم ورحمة الله وبركاته ازيكم يا بنانيت وحشتونى كلكم واحده واحده ومش هقول اسامى علشان منساش حدF: بس انا زعلانه منكم اوى كده اغيب كل ده وارجع ملقيش حد سأل عليا يالا مش مشكله انا مسمحاكم انا قلبى زى البفته البيضا :lol:
الف مبروك لكل البنات اللى اتجوزوا واللى اتخطبوا ربنا يتمملهم على خير واللى جابوا اطفال ربنا يباركلهم فيهم واللى مجبوش ربنا يرزقهم بالزريه الصالحه باذن الله
سها الف سلامه عليكى انتى والبنوته اللى هتعمل نفس العمليه (من كتركم ماشاء الله :| نسيت الاسم )تقوموا بالسلامه باذن الله
انا كمان عندى عمليه فى المعده معادها باذن الله يوم السبت 20-9 صباحية العيد العمليه صعبه ادعولى اقوم منها بالسلامه وارجع لاهلى ولخطيبى عاوزه اتجوز بقى زهقت:lol:
البنات اللى كانوا بيتكلموا عن الكراتين انا بسمع من ناس انه كويس وناس تقول وحش بس انا جربته بنفسى وعند كوافير مضمون ومش هحكلكم على شعرى كان ازاى وبقى ازاى :mad:
سقوط وكسرات غريبه كده مكنتش عندى اساسا قبل ما اعمله انا كان شعرى حلو اعمله طاقيه يبقى سايح ونايح بس عمره مكان مفرود كده لا دايما بيبقى كيرلى بس ناعم لكن دلوقتى راح شعرى الله يسامحهم بقى
والبنات اللى كانت بتسأل على برفانات ايفون انا جربت منها كام برفان زى فاراوى ورير بيرلز ونساء العالم وان بلوم كلهم حلوين بس ان بلوم دى تحفه كفايه اساسا شكل الازازه لوحده شيك اوى برفان راقى ولسه هجيب كمان فاراوى دريمز واوت سبوكن وبرسيف حريمى ورجالى انكاندسينس لما اجيبهم الشهر الجاى هقولكم اخبارهم
سؤالى بقى انا باذن الله بعد الجواز هحتاج اخبز عيش وغيره تفتكروا فرن البوتجاز هيفى بغرض التسويه ولا هيفشل ؟
سؤال كمان هو سؤال شخصى اوى للمتحوزين:o هى ايه افضل وأمن وسيلة لمنع الحمل فى اول الجواز لان خطر عليا الحمل قبل 2012 علشان يكون عدى سنه على عمليتى ؟
اسبكم تجوبونى بقى تشاووووووووو

السلام عليكم

ازيكم ياقمرات وحشتونى كتير

موش عارفه ياترى حد فاكرنى ولا لاء على العموم

انا اتجوزت وجيت ليكم بصور شقتى ان شاء الله

http://forums.3roos.com/showthread.php?t=578812

علشان المخالفه اجيب منين كفر للحاف من المنصوره