nanono;13647077:
سلا تنزليم عليكم يا بنات ازيكوووا وحشتوووني
لقاء يا حبيبتي انا تحت امرك لما ترجعي مصر ان شاء الله هبعتلك رقمي واكون ان شاء الله جربت حاجات في الغسالة اكتر انا مجربتش كله لسه بس عرفت شوية حاجات من صاحبتي وشوية من الراجل بتاع ال جي وهو بيركبها وكده كده انا بغسل كلللل الهدوم الفترة دي عشان موضوع الفار فغالبا هستخدم اغلب البرامج وموضوع الالحفة اصلنا بنتغطى باللحاف من اول متجوزنا فقولت هغسله
اوجاموجا معلش مش عارفه اقرأ اسمك بصي الغسالة والله انا معرفش الموديل بظبط اصلي من ساعة متخطبت وانا بتفرج ع الغسالات الفوق اوتوماتيك ومكنش في دماغي اشوف الفول خالص وجيت في الاخر الراجل بي تك قاللي الفوق مش بتعصر مع اني مصدقتوش بس مكنش عندي وقت اسأل فقولت خلاص هجيب الال جي السودا اللي بالبخار بالتقسيط ولما منفعش على مردوا علينا كنت خلاص اتجوزت راحت ماما شاريالي السيلفر وخلاص لأنها ملقتش في المحل اللي راحته السودا وكان لازم تجيبها فعرفت مميزاتها لما جت وماشاء الله جميلة كل اللي اعرفه انها سيلفر و7 كيلو
عسولة الغسالة كانت بتلات الاف وشوية مش عارفه كام بظبط والله هبقى اسألك ماما وزي مقولتلك لو تقدري تجيبي السودا اللي بالبخار يبقى زي الفل لو مينفعش دي برضه جامدة والتلاجة برضه لو عندك مكان حاولي تجيبي الاكبر من بتاعتي بصي انا الحمدلله ال 14 بتاعتي زي الفل وبدخل فيها حلل كمان مع انها مش مستاهلة كان ممكن احط باقي الاكل في علبة تلاجة بس كسلت وكانو كتير فخدت حلة كبيرة كاملة فماشاء الله تجنن ولو كانت الاكبر كمان هتبقى رووووعة وفيها مميزات اكتر انما انا المكان والفلوس حكمتني
ساسو يا حبيبتي ده انتي المفروض تفرحي انها فيها برامج واوبشنز كتير دي حاجة تريح مش تتعب ياقمر ومع الوقت هتلاقي نفسك بتسخدمي كذا برنامج بذات والباقي كل فترة وانك تظبطي كل حاجة دي ميزة مش عيب ابدا ياقمر وعموما انا تحت امرك لو في اي سؤال وانا عمالة اهو اشغلها شبه يوميا عشان بغسل كلل الهدوم بعد جلاء الفار عن البيت
ادعولي يابنات اخلص من الشقة مش لاقية واحدة تيجي تنضف الشقة كله مشغول لغاية العيد
ربنا معاكى ياقلبىىى والف مبروك للجواز انا قلتلك من الصبح بس انتى مخدتيش بالك ربنا يديكى الخير كله
السؤال بقا حد استخدم صبغه شعر باليت الاسود بدرجاته
