»¤‡° تجهيزات عرائس لشهر ذو الحجه 1431 - 2010 م / الجزء =154°‡¤«

حبايبي وحشتووووني
معلش بقي ماعرفتش أدخل إمبارح بعد ماعملت كل الردود النت ربنا يسامحه قطع

والنهارده كنت بره مع إمام وراجعه تعباااانه
مش قادره
هرد عليكم بكره إن شاء الله بقي

بحبكم كووووووولكم
إموااااه

أجيب كام لكلوك شتوي


[I]مواضيعي

كونسول ولا جزامه ؟!!!

ايه الحكايه ورا اسمك الرمزي (nickname)

أخيرا هتعرفي تلبسي الساري الهندي صح

تعالوا احلموا معايا بأحلي حاجه في الدنيا[/I]

مشمشة تامر;13867913:
حبيبة قلبي ممكن لينك الجروب دة عشان اتفرج يا قمرة



ازيك يا قمرة عاملة ايه يا حبيبتي وحشتيني موت موت موتز هع هع هع هههههههههههه

و بعدين هو في حد غيري اسمه سها ؟؟؟؟؟ عااااااااااااااااااااااااااااااااااا انا بحسب انا لوحدى الى سها في وسطيكم ههههههههههههه انا كدة هعيط :lol:

و بعدين سلاح الجرش دة عبارة عن سلاح ؟؟؟ يعني مسدس و طلقات و كدة ولا ايه بالظبط يا اوختي ;)

[/SIZE]
ايه ده هو انتى اسمك سها ياراجل :-o


و بالنسبة لهوم سنتر انا الى كنت بكلم عنه بس دة في اليكس بس لانى سالتهم هناك ليهم فروع في كايرو قالوا لى لا دة عندنا في هايبر كارفور والسيل بتاعه بينزل على شهر 2 تقريبا عموما انا نازلة قريب هبص و اقولك باذن الله بس الحاجات مش بتنزل النص انا كنت شوفت كاسات هناك بـ 64 ج و اما نزل الديسكوند كانت بـ 44 ج

وهوم سنتر انا كنت متلغبطة بينه و بين هوم تاتش الى عندكم في القاهرة

طب ياختى ماتقوليلى فروعه فين والسيل امتى والارقام يعنى تقرير محترم كده

معلش يا حبيبتى متزعليش نفسك هو موقفه يغيظ بس كبري عقلك و خليكي انتى الكبيرة و اقعدة اكلمى معاه و فهميه ان لالموقف دة مزعلك ولو كان فعلا اشترى النجف فولى له وحش ومش حلو و صممي على رايك عشان يتعود ياخدك معاه في كل حاجة و كل مشوار و كل موضوع لازم ياخد رايك لانك شريكة حياته ولو مكنش في ايمكانية لتغيير النجف يوم سبوعك اى حد يجي بس حد يكون مقرب ليكي بعد ما تفرجيهم البيت قولى لهم بس النجق قصرنا فيه شكله وحش ومش عاجبني بس قولى كدة قدام اهلك و كبرى دماغك قدام اهله

بطلى يابت يامشمشة مش كل الرجالة ينفع معها الكلام ده يعنى لو خطيبى قولتلو كده ادام اهلى اقل حاجة يقولهالى على اد امكانياتى انتى مش شايفة محدش بيتجوز وفى واحد ممكن يحرجها


نكد بس ؟؟

ههههههههههههههههههههههه دة هم و نكد وخيبة و زعل و قرف و عباطة و هبالة و حاجات عجيبة يلا الحمد لله

وانا كمان كنت شادة مع خطيبي و كنا هنطلق بس يلا الحمد لله على كل حال ;)

طلاق ايه ياماما معندنش حد يطلق هو بالساهل كده ولا ايه ;)

N O R Y;13868278:

السلام عليكم ورحمة الله وبركاته

أخواتي وحشتوني اوي واشكر كل ال سألو عليا وبعتلي عالخاص ربنا يكرمكو يااااااااااااااااارب ويسعدكو ويفرحكو ويحققلكو ال في بالكو ان شاء الله يارب
ويارب تكونو بخير جميعا ان شاء الله

عيزه اقلكو حاجه في موضوع الزعل بينكو وبين خطابكوا متزعلوش من بعض مهما حصل قدروا بعض واعرفوا قيمة بعض وقولوا الكلام ده ليهم برضه وربنا يصلح حالنا كلنا يارب ويتمملنا كلنا بخير

وادعولي خطيبي ربنا يشفيه ويرجعلي بالف سلامه يااااااااااااااااااااااااارب

سلام عليكم
F:F:F:

اجيب كام كوبايه؟

ربنا يشفيه يارب ويرجعلك بالف سلامة

** مودة **;13868394:

السلام عليكم ورحمة الله وبركاته

أم عمار ولمار

بجد بحييكِ كمان على إنك فكرتي فيها وماأصريتي على رأيك زى ماناس كتير بتعمل من غير هدى

ربنا يبارك فيكِ ،

وأهي تيامو قالت لك إن الإسم ليس فيه شيء .

ربنا يجزيها خير .

te amo

ربنا يكرمك ويجزيك خير يارب

جميل منك الإهتمام ونشر الفتوى ربنا يبارك فيكِ ياقمر . في ميزان حسناتك إن شاء الله .

أجب عن السؤال التالي :

عاوزة السايت بتاع كالرز وسافلون إن وُجدا !!

وشماعة الطرح بتتجاب منين وبكام ؟؟

ربنا يكرمك يامودة انتى عسولة خالص وياستى شماعة الطرح لو قصدك اللى فيها دواير انا جبتها ب7.50 من المعرض وشوفتها فى الوكالة ب5 جنيه ولو قصدك التانية اللى بتبقى كذا واحدة وراء بعض وتنفع طرح وبنطلونات لقيتها فى الوكالة ب12.50 من غير فصال

غلباوية صغننة;13868948:
بنات انهرده نزلت روكسي و أخيراً شوفت محل جويا
بس كنت ماشية لوحدي
و متجرأتش خالص إني ادخله

و لاقيت لكلوك اجبني أوي كبير كده و شكله أرنوبي و ناعم يغطي الرجل كلها مش زي الشباشب - فاهمني مش كده ^o)^o)
كان بـ 30 كده معقول و للا غالي ؟؟
- أصلي عايزة أجيبلي واحد دلوقتي و أنا بصراحة مش سهل أقتنع بالسعر من أول مرة
و أنا مش لاقية لكاليك أساساً
:rolleyes::rolleyes:

عشان خطرى كبرى الخط وعرضيه ابوس ايدك وبالنسبة للكلوك انا شايفه غالى انا شوفت فى وسط البلد الاشكال دى وحاجات احلى ب15 وب20

مشمشة.;13869044:
انا قررت اسيب خطيبى خلاص

سؤال مخالفة؛اجييب كام شراب

بلاش جنان انا عارفة انك مضايقة منه بس انتى متكبريش الدنيا وانتى مكنش عاجبك اوضة النوم الدهان وانا قولتلك اقتنعى ان اللى ربنا كتبهولك احسن حاجة انتى ليسه مشفتيش النجف يمكن يعجبك ثم انا هقولك على حاجة وماتزعليش هو الرسول مش قال
وقال رسول الله صلى الله عليه وسلم: إِذَا أَتَاكُمْ مَنْ تَرْضَوْنَ خُلُقَهُ وَدِينَهُ فَزَوِّجُوهُ إِلَّا تَفْعَلُوا تَكُنْ فِتْنَةٌ فِي الْأَرْضِ وَفَسَادٌ عَرِيضٌ. رواه الترمذي وابن ماجة
يبقى انتى هتسيبى خطيبك عشان النجف والشقة الالوان فيها ايه تفتكرى هتقولى لربنا انا سبت خطيبى عشان الحاجات دى انتى ربنا مديكى نعمة والحمد لله جوازك قرب يبقى تضيعى فرحتك عشان لو الناس دخلت لقيت النجف وحش ا
انا بعتبرك زى اختى وعشان كده بقولك الكلام ده انا اوضة النوم بتاعتى الراجل عمل التسريحة غير التقسيمة والمقاسات اللى كنت عاوزها وروحت لقيته اشتغل فيها واتصدمت وانا هناك وروحت مخنوقة ولو كنتى شوفت اللى كتبته فى الديكور ولما هديت وخطيبى كلمنى قولتله وزعلت وكان هيخليه يعملها من الاول وانا استحرمت عشان الفلوس اللى ادفعت وقلت خلاص اللى ربنا اخترهولى احسن وخطيبى جاب باب الاوض والشقة من غير ماشفهم ولما شفتهم معجبنيش عشان وش ساده ووش فى شغل بس خلاص اعمل ايه ماهو برده لازم يبقى ليه راى
وكمان انا شخصيا لو مكانك مش هيفرق معايا كل ده حلو ان الواحد تبقى شقته احسن حاجة بس لما تبقى الشقة ادام الشخص اللى عاوزة اعيش معاه وكويس وشاريكى يبقى المهم اكون مع خطيبى وربنا يكرمنى وكل حاجة بتتغير ويريت ماتزعليش من كلامى بس مش بالسهولة دى طالما كويس وشاريكى

asma_moaa22;13870275:
[BACKGROUND="70 #999999"]
ياااااااااااااااااااااااااااااااااااه اخيرااااااااااااااااااااااااااااا وصلت انا عونينا خلالالالاص

المهم عامليييين ايه وحشتونننننى كتير الاول هى فين ميرامية؟؟؟؟؟؟؟ مش باينة من امبارح:!!::!!:
كل البنات اللى موجودين عاملين ايه؟؟؟؟؟




انا جبت 17 اندر منهم 7 كارينا و3 الل هما اشكال دى 7 قطن وعندى تانى حولى عشرة بس فى الشنط اجيب براهات عليهم ازاى بقى وانا فى البراهات بلبس مبطن مش بلبس العادى فاجيب بقى ازاى ضروررررررررررررررررررررررررى ردوا؟؟؟؟
[/BACKGROUND]

ابوس ايدك اللون والخط كبريه اتحولت خلاص :-o
مش لازم كل البرهات تبقى طقم عادى انك تجيبى كل حاجة لوحدها ولو عندك برا اسود حطى معاه اندر اسود وكده وهاتيلك طقمين او تلاتة
وهاتى براهات قطن لان المبطن طول النهار تلبسيه صعب اوى وبيقولو غلط

رشروش84;13870619:

حبى الوحيد قلبى الشريد الطريد
يعنى لو مسألتش عنك هسأل عن مين بببببببببببس
بصى يا ستى ده موديل المالتى كويك بالور والبراهين القاطعة وعيش بقة يا معلم

حبيبى يا سوشى ممكن توقليلى فين محل كوكى ده ن بروح شهب لحد محس بركات كده فين بقة كوكى ده وفيه مقسات ان قلبوزة بتاع 3 او 4 اكس فيه وكل قمصان ولا لبس دلع وكده واسعاره كااااااااااااام

كوكى فى شارع شهاب بعد التوحيد والنور وهو مش رخيص ابدا وهو فيه لانجيرى واطقم براهات

soshe;13870816:

asmaa ألى شوفته زى ده بالضبط بس على أصغر والعلب دى بلاستيك ومشفتش بصراحة اشكال تانية أما اسواق المرشدى لو عارفة نادى أكتوبر أفضلى ماشية على طول بعد هتلاقى دايموند مول بعديه على طول فى ميدان كده هتلاقيه بئا على أيد اليمين ومن عند الحصر الميدان التانىألى بعد الحصرى يعنى هتفضلى تمشى بعد الحصرى لحد ماتوصلى لميدان كده أدخلى أول يمين بعد الميدا وأمشى على طول هتلاقيه على شمالك

رشروش كوكى البراهات الى عليها العرض مقاس 36و38 وبس لاكن هو أصلا مش رخيص بس حاجاته متميزة بصى انتى لو عارفة التوحيد والنور امشى شويه كده لأخر شهاب هتلاقيه جنب الأصيل بتاع الجزم ده وقدام رويال هوم على طول

tota_10;13870975:

وحشتونى يا بنات

بقالى كام يوم مش عارفه اتابع عشان مشغوله شويه على مخنوقه شويه على تعبانه وقرفانه بسبب عينى شويه :'(

بس انا ما استغناش عنكوا ابدا

سريعا كده انا شوفت كام خير حلوين كنت عاوزة اسلم وابارك بس

وسامحونى لو فيه ناس فى وسط الكلام ما سلمتش عليهم او سألونى على حاجه وماجاوبتش

[COLOR=red]بنـــــــــــــــــــــــــــــــــــــات [/COLOR]

انا محتاجه منكم رد ضرورى دلوقتى لازم قبل بكرة الصبح

دلوقتى كنا سألنا فى الدار اللى هنعمل فيها الشبكه على مأذون يجيلنا القاعه عشان كتب الكتاب
الطلبات اللى طلبها
1- صور ليا انا وخطيبى
2- صورة البطاقه بتاعتنا احنا الاتنين
3- الشهاده الصحيه بتاعتنا احنا الاتنين
[COLOR=red]4- صورة شهاده ميلاد كل واحد فينا [/COLOR]

هى دى بقا المشكله

انا شاكه فى اهميه صورة شهاده الميلاد دى

وكل الورق جاهز ماعدا دى
وخطيبى مصمم انى انزل بكرة الصبح اطلع مستخرج شهاده ميلادى
عشان بالليل هنروح نودى الاوراق دى للمأذون
وانا مش عاوزة انزل الصبح اعملها لأنها شغلانه وبهدله وزحمه وكده وكمان اشك انهم هيدوهانى فى ساعتها
وهروح لوحدى لأن انا فى منطقه وهو فى منطقه تانيه خالص يعنى مش هييجى معايا

[COLOR=red]السؤال بقا

كل البنوتات اللى كتبوا كتابهم الفترة اللى فاتت يعنى نقول خلال ال 6 شهور اللى فاتوا مثلا

حد فيكوا احتاج صورة شهاده الميلاد دى ؟؟؟؟؟؟؟؟؟؟؟؟؟؟؟

ردوا عليا ضرورى قبل بكرة الصبح

على فكرة خطيبى بياخد كلامكوا ثقه

كل حاجه اقوله اصبر هسأل صحباتى فى عروس
ماتكسفونيش ادامه بقاااااااااااا :o

[/COLOR]

ريناد@;13871610:

ازيكوا يابناويت

ميرسى لكل البنات اللى ردوا عليا بخصوص رجلى

بس احب اضيف ان انا الحمدلله حللت ومش طلع عندى انيميا ولاحاجه والدكتور قالى ان انا الدوره الدمويه عندى ضعيفه ومش بتوصل للاطراف بس كده

بنات هو ف مطابخ بتتباع جاهزه ولو فيه بتبقى ف حدود كام كده؟

ya_leil;13871760:

جري ايه يابنات ماتستهدوا الله شويه وتصلوا علي النبي

هو كل شويه واحده تدخل تقول هاسيب خطيبي هو الموضوع سهل للدرجه دي صحيح انا مش مخطوبه وصحيح بردو عارفه ان الفتره دي بتبقا مليانه مشاكل بس بردو مش بالسهوله دي نسيبهم احنا مابنصدق نلاقي انسان كويس ومحترم نطمن علي نفسنا معاه يبقا ازاي مش قادرين نستحملهم شويه

وبعدين يا بنات انا فكرت في حاجه مهمه أوي وناويه اعملها إن شاء الله لما اتخطب دلوقتي الرجاله مش زينا ومش بيحبوا يلفوا كتير علي الحاجه اللي بيشتروها وبيزهقوا بسرعه فالحل ايه دلوقتي احنا بنبقا عارفين ان مثلا الأسبوع اللي جاي هننزل نشتري النجف نحاول نعرف همه مثلا عاملين حسابهم علي كام في الموضوع ده وننزل قبليها بفتره نتفرج ونلف براحتنا ونختار الحاجه المناسبه للسعر ده وتكون عجبانا نشوف كذا شكل ويوم ماننزل نشتري معاهم ناخدهم علي الأماكن اللي احنا روحناها قبل كده ونوريهم الحاجه اللي عجبانا علي طول وطبعا هيلاقوها في نفس الرينج اللي هما عاملين حسابهم عليه وبكده مش هيبقا في خلافات ومشاكل كتير إن شاء الله

بنات انا عندي سؤال ممكن يكون اتسأل كتير وزهقتوا منه بس استحملوني شويه ومش عايزه حد يضربني :lol:

دلوقتي انتوا كلكوا بتتكلموا علي المالتي كويك بس ممكن حد يقولي هي بتعمل ايه بالظبط يعني ايه اللي ممكن اعمله بيها مش تقولولي فيها جراشه ومبشره والكلام ده لا قولولي مثلا ممكن اضرب بيها بيض او كريمه وممكن اعجن فيها عجينه البيتزا او اعمل الكيك او الكريب وكده يعني ممكن؟؟:o

زهرة نورما;13871867:

عايزة طلب لو اى حد شاف فيكم كافر غسالة اتوماتيك عادية يعنى لونها كحلى سادة يبلغنى ضرورى يرضيكو اتجوز من غير كافر غسالة يعنى ويقولو البت اللى اتجوزت من غير كافر غساله :'(

شكرا جدا يا احلى اصحاب
ميرسى يا زهره نورما وشكرا ياكلاسيك
ومبروك ياقمر و ربنا يتملك بخير بس انا اتحنقت معاه
ومش بنكلم بعض
وانا قولتله انا مش هستنى لشهر 1 واحنا خلاصنا الشقه خلاص اية المانع نتجوز فى12 قالى ان احنا فى12 خلاص يعنى لما نحدد يكون اخره تفرق اية بقى لو استننا لى1
وانا اتخنفت معاه عشان حسيت انة مش عامل حساب ليا
والمفجأه بقى اتصل بى ماما النهاردا وقاله انو نازلين يجبو السجاد وعاوزنا ننزل معاه
ماما قالتله دا ذوقك ودى شقتك انت يعنى برحتك
وهى مش تعرف اصلا ان احنا متخنقين
اجيب كام طقم كاسات؟

مساء الخييييييييييييير
بقى كده اغيب يومين وماحدش يسأل عنى يا وحشين :'(
اعمل ايه بقى غصب عنى بس انتوا بتوحشونى خالص والله :adore:
المهم ندخل فى المفيد بقى :study:

ANDLOS;13859841:
بنات مش عارفة اعمل ايه في اودة النوم انا عملتها عمولة دلوقتي الدولاب طلع كبير اوي مش حينفع يتحط في الاودة انا بعيط هل ينفع احط اودة النوم كلها ما عدا الدولاب في اودة و الدولاب يتحط في اودة تانية الي هي اودة الاطفال

امال انتوا عملتوها على اساس ايه
خلاص خلى النجار يظبطها على مقاس الاوضة يعنى هو ممكن يقص منها عادى او تغيرى مكانها
لطن تحطيها لوحدها مع اوضة الاطفال مش منظر خاالص ممكن اوضة الاطفال تبقى من غير دولاب لكن الاوضة الرئيسية مش ينفع ابدا

مشمشة.;13861030:
ازيكم ياقمرات النهاردة وحشتونى مدخلتش من اول النهار ولا حد عبرنى عااااااااااااادى مانا واخدة على كدة هى جت عليكم يعنى






انا عايزة ياقمر ادخل البستاج مع الاسود فى المطبخ عشان مش يبقا غامق اوووووووى[/CENTER]

انا اقصد يا جميل ان لو فرشك مودرن ممكن تروحى برنت شوب وتشوفى ان كان فى قماش هيليق على الانتريه او الركنة اللى انتى جايباهم ولا لأ
بمعنى اكتر ان الستاير مش هيبقي فيها شغل اصلا بس فى ماتشنج فى الالوان

meramia;13861090:
إيه ده:-o
من ورايا ياوحشين
وبالإجماع كمان
طيييييب أنا هوريكم8o|
مش عارفه ياتيامو
مش بحبها حاساها مش عمليه
أصلي جربتها ومش عجبتني خاالص

وبالمناسبه الشوايه الكهربا مش بتطلع دخان خاالص
سؤالك بقي بصراحه مش عارفاه
بس إيسألي النجار وهو هيفهمك

فيفتي فيفتي يادنودنا
أختك مزنوقه ودول هيفرقوا جاااامد
بس ياخساره إنتي بتقولي إنك فرزتي الحاجه خلاص
بقولك إيه ماتدوري كويس
يمكن فيه حاجه هما ولا هنا
هتكسبي فيا ثواااب;)
الخروجه إبعتيلي علي الخاص عشان أجمعكم أصل في وسط العام كده بنسي مين جاي ومين لأ
ولما نتجمع نبقي نتفق هنروح فين[/COLOR][/SIZE]

وأنا كمان كنت هخرج معاهم برضه
بس للأسف مانفعش:'(
والله كان نفسي أشوفهم قويي
بس الحمد لله طلعت من الموضوع ده بفايده
إتصاحبت عليهم
وبالذات يارا حبيبتي
كلهم بنات زي العسل

ومن عنيا هولع في الخط والموبايل
وبالمناسبه الحلوه دي بقي
ماتعرفيش المحلات الكويسه إللي بتبيع موبايلات في القاهره
عايزه أجيب واحد ومش عارفه أجيبه منين
خايفه من عبد العزيز عشان نصابين للأسف
ورايه وموبايل شوب
الموبايل فيهم أغلي من بره بحوالي 400 جنيه

وأي حد يابنات لو تعرف تقولي بليييز


[I]ا[/I]

ماتجيبيش موبايلات من موبايل شوب ده حرامى اصلا وبياخد ضريبة على الموبايل
عارفة ش 26 يوليو هتلاقى العبد واخد ناصية كده امشى فى الشارع اللى جنبه فيه كام محل كده انا اشتريت منهم قبل كده
وماتنسوميش فى الخرووووووجة بس يكون يوم اجازة يا حلوين :)

.. Hopes;13862081:
انا خطيبي زيك كده صيف شتا بيبقي ساقع
يوم خطوبتنا كان المكان مقفول والعدد كبييير والجو مخنوق بقا وكنا حرانين اخر حاجه وجيت امسك ايده عشان البسه الدبله لقيتها متلجه ع الاخر :lol:
انا عكسكم الحمدلله حتي في الشتا ببقي اطرافي دافيه

بس دي يابنتي انيميا سهل اوي تتحل يعني ..
كل كويس من الحاجات المفيده والمليانه حديد
وانصحك قبل كل ده تعملي تحليل دم عشان تعرفي نسبة الانيميا أد ايه يعني تتعالج بانك تظبطي اكلك شوية ولا محتاجه تاخدي كبسولات حديد


سؤال المخالفه :-#
فيه محلات معينه في وسط البلد ابص فيها ع الفساتين السواريه؟
ولا اخبط انا مع نفسي؟

انزلى شارع قصر النيل كل المحلات الدور التانى فيها سواريه

مرمر 10;13864758:
السلام عليكم
سؤال ضرووووووووووووري يا بنات
في ممر اسمه دنيا النغم . مش اسمه كده بردو ؟
لو حد راح قريب يقولي في لانجيريهات كويسه ؟ يعني ممكن حد يطلع من هناك بعدد كويس ولا ايه ؟
وسؤال كمان واحده صاحبتي بتقولي ان سوق غزه اتنقل وراح مكان تاني بعيد خالص هو الكلام ده صح
وبالمره حد يقولي هو سوق غزه في لانجيريهات ولا بيجامات وتريننج بس ؟ ولو في لانجيريهات بتكون حلوه او معقوله يعني ولا اي كلام؟

ياريت حد يرد بسرعه الله يخليكو احسن خلاااااااااااااص بنت خالتي هتنقل حاجتها بعد ايام وهي عندها 20 من جويا وعاوزه تجيب 15 كمان كده حاجات عاديه بس بردو تكون حلوه

سوق غزة ما اتنقلش ولا حاجة
ممر دنيا النغم معظمه عبايات وفيه برضه قمصان نوم وحاجات دلع كده بس قليلة

مشمشة.;13866183:
ازيكم يابنات

كاعادة اتخنقت مع خطيبى تانى بسبب النجف

طبعا انتوا عارفينة انة مكنش عايز ياخدنى وهو بيجيبة وبعد كدة قالى خلاص تعالى معايا ولما نزلنا معجبنيش حاجة

ورجعنا تخيلوا بقا بتصل بية امبارح بالصدفة القية عمال يقصر فبسالة انت فين يعنى عشان مشغول كدة قالى بشترى النجف

قفلت معاة وانهرت من العياط

مش عارفة اعمل اية هو عايز اية حد يفهمنى

عايز يلغينى ولا اية

انا تعبت منة جداااا اعمل اية بفكر اسيبة

سؤال المخالفة
حد يعرف محل H&M اللى فى سيتى ستارز نزل التخفيضات ولا لسة

طب ماتستنى لما تشوفيهم الاولب مش يمكن يعجبوكى
انا عارفة انك متضايقة علشان ما اخدش رأيك بس اولا الرجالة مابتحبش اللف الكتير وكمان ممكن تكون الميزانية مش سامحة انه ياخدك وتنقى براحتك ومحرج انه يقولك كده
وماتسيبهوش علشان حاجة زى كده اتكلمى معاه واتفاهمى معاه وقوليلي مهما كان احنا الاتنين واحد واذا كان فى حاجة مقصرة معاه مش لازم تجيبوها دلوقتى وتجيبوها بعدين بس اهم حاجة انه يشاركك فى كل حاجة وتشاركيه
ماتتسرعيش فى قرارك وخصوصا لو هو بيحبك وانتى بتحبيه وكمان انسان كويس
لان الرجالة قليلة اووووووووى انا مش عايزة احكيلك على حاجات بجد مستفزة جددددددددا

* كلاسيك *;13867037:
ازيكو يا بنات وحشتوني اوي :)


امبارح كنت ف القاهره وشوفت محل بس مش عارفه

في شارع ايه بس هو في الشارع اللى فيه مكتبة شريف تقريباً

او في الجوار يعني اسمه مصطفى حمزة عنده اطقم عشا ملونة

حلوة جداً وعنده حاجات كتير من اللى بتيجي ف التلفزيون

وبجد الوانهم مشرقة وحلوة جداااااااا


وفي محل بتاع ستاير في ممر كده ف اخر شارع طلعت حرب

اللى على ناصيته ادايدس برضه في حاجات حلوة


انا قولت اقولكوا ودول اللى لفتوا انتباهي امبارح


باركولي يا بنات انا من فترة رحت لعماد اللى عمل فستان نانو

اللى في الوكالة واتفقت معاه والحمد لله استلمت الفستان امبارح

صحيح احنا كنا مستعجلين بس الفستان كان بسيط

وانا غلبته شوية بس بيقولي انتوا قرفتكوا حلوة :lol:

انا زوجي كان رافض تماماً ستايل الفساتين اللى طالعه موضة

اللى بتكون ضيقه من الوسط ونازلة على واسع وصمم ان

الفستان يكون منفوش من الوسط انا كنت خايفة لأن الستايل

ده مبقاش موضة اوي بس الحمد لله طلع عسول اوي

اكيد مش احسن حاجة في الدنيا بس كفاية انه بمزاجي

وصحيح برضه انه اضافله حاجات مش على مزاجي اوي بس الاهم

انه في مجمله حلو جداً وعاجبني الحمد لله وخلته يعملي

بوليرو بس عادي مش استريتش وطرزه وطرحه دورين برضه

مطرزة بس من الاطراف وبندانه مطرزة برضه علشان لفة الطرحة

كل ده كلفني 1300 جنية بس وكله شغل يدوي علشان مجبتش

الجيبرا اللى بتتقص وتتخيط في القماش دي شكلها بالنسبالي فبيح

والحمد لله لحد دلوقتي كله تمام وان شاء الله بعد الفرح هوريكوا

صورة الفستان بس ادعولي بجد كتير



سؤال بقى يا بنات هو اليفيا لانس غير جويا ؟؟؟

اصل انا جبت قميص من جويا مكتوب على العلبة اوليفيا لانس

فمكنتش فاهمه يعني ايه وسبحان الله لاقتكوا بتتكلموا دلوقتي ؟


سؤال كمان دلوقتي انا عايزة جست بوك استستهل واشتريه

واجيبه العادي الدفتر ده

ولا اعمله مع العلم انى عارفه الطريقه الحمد لله

ولا اجيبه بس تبقى حاجة مطرقعه مش مجرد دفتر وقلم ؟؟؟

مبروووووووووووك يا يويو عالفستان بجد فرحانالك خالص :)
انا عايزة اجى الزفة بقى ومش مراكبية انا ما بصدق اصلا :D
بس المهم هتوزعوا بيبسي وجاتوه على اللى فى المركب بس ولا اللى حضر الزفة كمان علشان لو لأ هنط فى المركب اه :lol::lol:
ربنا يتمم لك على خير يارب يا حبى :adore:

MARMORA_A;13867543:
لالالالالالا دى دعوة ليكى
مهو كل المخطوبات هنا الفترة دى متنكدين
متعرفيش ليه تقوليش شوطه زى بتاعت الفراخ :lol::lol::lol::lol:(اصلا انا دكتورة بيطرية ):lol:F:F:F:

اية الكلام دى يامشمشه8o|8o|8o| ان شاء الله
ياحبيبتى استهدى بالله واهدى واعذرى خطيبك
دى حاجة ميستهلش انك تسيبيه
اقعدى معاه وصفوا الخلافات
انا ناوية اقعد معاه القاعدة دى8o|8o|8o|



والله انا بقول كفاية عليكى 2 وهاتيلى واحد وزهرة واحد:lol::lol::lol:
تتهنى بيهم ياقمر


محدش رد فى الاطقم ياجماعه
صينى وبيركس وشاى
واركوبيركس ولا اركوبال؟؟؟؟

يابنتى رشى التجمع بمبيد كده ليكون فيرس فى المياه ولا الاكل :033:
انتى هتجيبى صينى وطقم شاى للنيش والبيركس للمطبخ يبقى هاتى اركوبيركس لان الاركوبال لو هتحطيه فى النيش يبقى فرنسى وده بيبقى غالى اوى والاركوبال الموجود مش حساه ينفع للنيش لان فى ناس كتير بتجيبه فى المطبخ بدل البيركس وانا منهم

* كلاسيك *;13872026:
يا حبيبتي ربنا يخليكي والله فرحتيني انتى الوحيدة باين

اللى باركتلي لحد دلوقتي على حسب ما انا شايفه :woo:

عقبالك يارب وهو مواعيده كويسة فعلاً يمكن علشان

المدة كانت قصيرة فمحستش بس انا قبل ما اروح سألته

اقل مده ايه للتفصيل قالي اسبوع فرحتله على الاساس ده

وطبعاً كله على حسب شغل الفستان هو بس مشواره رخم شوية

بس هو كويس وتعامله حلو جداً ومحترم


انا كمان زيك والله ما بيعجبني العجب ورحت قولت لزوجي النهارده

هاتلى لكلوك قالي كنت هجيبلك بس قولت انتى جايبه

قولتله لأ كسلت اجيب :D

اما البيجامات فايوة طبعاً بتوصل للأرقام دي خاصة القطيفه

الحاجات الشيك اوي بقى بس انا عن نفسي جبت حاجات عادية

وفي نوع تانى اللى زي القطن كده التي شيرت بيكون لون

والبنطلون لون تاني وفي نجوم او دواير وله حزام ستان دول كانوا

نازلين السنة اللى فاتت جامد وعسولين اوي ابقى شوفيهم

انا عن نفسي جبت حاجات معقولة مع كام عباية ناعمين

وجمبهم بلوفرات وبناطيل احسن علشان يكون في تنويع

ولما كنت بشتري كنت بشوف انى اجيب كام بيجامة معقولين

بدل ما اجيب اتنين ب 200 ولا 300 ومش معنى كده انى اجيب حاجة

لوكال بس خير الأمور الوسط

ولو عايزة تزغرطي زغرطي ف الجيزة :D

انا نفسي اعزم الكل بس للأسف المركب بالعدد ويادوب مقضية

قرايبي بالعافية بس انا هاعمل ان شاء الله زفة قبل ما اركب اليخت

فلو تحبوا يا بنات تيجوا تتجمعوا وتكونوا جمبي وحواليا في الزفة

بجد انا هاكون مبسوطة جداً اللى يحب يقولي وانا اقوله العنوان بالظبط



الله يبارك ف عمرك يا حبيبتي عقبالك يارب

متنسوش العزومة اللى فوق دي بجد مش مراكبيه

الف الف مبروك ياقمر ربنا يتملك على خير يارب
:072::027::074::062:

العروسه لوكا;13872321:
شكرا جدا يا احلى اصحاب
ميرسى يا زهره نورما وشكرا ياكلاسيك
ومبروك ياقمر و ربنا يتملك بخير بس انا اتحنقت معاه
ومش بنكلم بعض
وانا قولتله انا مش هستنى لشهر 1 واحنا خلاصنا الشقه خلاص اية المانع نتجوز فى12 قالى ان احنا فى12 خلاص يعنى لما نحدد يكون اخره تفرق اية بقى لو استننا لى1
وانا اتخنفت معاه عشان حسيت انة مش عامل حساب ليا
والمفجأه بقى اتصل بى ماما النهاردا وقاله انو نازلين يجبو السجاد وعاوزنا ننزل معاه
ماما قالتله دا ذوقك ودى شقتك انت يعنى برحتك
وهى مش تعرف اصلا ان احنا متخنقين
اجيب كام طقم كاسات؟

ياحببتى انزلى هاتى السجاد كده كده هتجبييه سواء فى واحد او 12 وقوليلله بابا ممكن مايردش عشان قالك فى 11 او 12 وعاوزة اقولك ان ده معاد عند ربنا هتتجوزى فيه ولو مكتوبلك فى 12 هتجوزى ومفيش حاجة هتمنع ان شاء الله وبالراحة كده

عاوزكو تدعولى دعوة جامدة ان ربنا يوفق خطيبى فى موضوع الشغل ده واللى مش عتدعى هتشوفه هعمل فيها ايه :011::089:وادعوا بذمة كده وانتو بتصلوا:thumbs_up:

انتى يابت انتى وهى اتلموا كده الله
ايه بقى كلام العيال دا اسيبه ونتخانق والكلام دا
عييييييييييييييييييييييييييييييييييييييييييييييييييييييييييييييب اوى الكلام دا
احنا خلاص كبرنا ع الكلام دا
وياريت بقى اللى زعلانه مع خطيبها او عايزه تسيبه
تقعد كده مع نفسها قاعده بجد وتفكر فيه كويس اوى وكل حاجه حلوه فيه وهل هى تقدر تبعد عنه لحظه بعد التفكير طبعا
ومدام كلكوا كده عارفين تفكير الرجاله وانهم مش زينا يبقى ليه بقى هاااا
استهدوا بالله كده
والاخت اللى عايزه تسيب خطيبها عشان النجفه
اشقها يابت هااااا
اعقلى كده واستهدى بالله وبلاش هبل ف لحظه شيطانيه اوك
وربنا يارب يبعد عننا كل شر ويصلح لنا احوالنا امين يارب
ميرسى ياتيامو ع ردك ياقمر
العروسا لوكا
هاتى ياحبيبتى 4
2 للنيش و2 للمطبخ
وكله طبعا للاستخدام عايزين نرفع شعار لا للزينه فقط اوك ياجميل

رشا قلبي و عمري

حبيبة قلبي و اختى الغالية و الحبيبة ، وحشتيني جدا يا قمرة عاملة ايه ؟؟؟ ربنا يبارك لى فيكي يارب و متحرمش منك ابدا

N O R Y;13868278:

وادعولي خطيبي ربنا يشفيه ويرجعلي بالف سلامه يااااااااااااااااااااااااارب

ربنا يشفي لك خطيبك يا قمرة و يرجعهولك بالف سلامة يا جميل

** مودة **;13868394:

مشمشة تامر

شكرا يا جميله إنك هتسألي ماما ع موضوع المستردة

أما بقى التنسيق مش نافع برضك !!
بس على فكرة أنا كان قصدي أقولك إنسخي لي الكود بتاعك اللي وإبعتيهولي ع الميل
عشان هنا ف عروس مش بينفع تنسخي أكواد
وصلت :| ؟؟

أجب عن السؤال التالي :

عاوزة السايت بتاع كالرز وسافلون إن وُجدا !!

وشماعة الطرح بتتجاب منين وبكام ؟؟

ازيك يا قمرة عاملة ايه ؟؟

ماماتى بتقولك حطي شوية زيت نباتى و نقطة خل صغيرة اوى و قلبي هتلاقيها بقيت طرية شوية انا باكلها كدة و بحبها جدا مع الناجتش

و اتفقنا يا قمرة شوفى امتى هنكلم ميل وانا تحت امرك يا جميل بالنسبة للتنسيق

اما عن اللينك هبعتهولك حالا ان شاء الله

و شماعة الطرح دي هاتيها من بتوع البلاستيك الى بيبيعوا الشماعات بتاعة الملابس

miss_mony2;13870716:
بنات اختي البيبي بتاعها مش بيتحرك في بطنها واحنا قلقانين اووووووووووي ادعولها ان يكون كل حاجة تمام ربنا يستر

ان شاء الله خير يا قمرة ، ممكن يكون البيبي كسلان شوية لاكن اطمنى يا جميل و ربنا يطمنكوا يا قمرة

العروسه لوكا;13870826:
ازيكو يابنات اخباركو اية
قولولى انا غلطانة كدا ولا اية
كان المفروض اتجوز فى10وكل شهر نأجل عشان ظروف
لحد مابابا قاله ادامك 11 او12
وخلصنا الشقه خلاص فاضل حاجات بسيطه
بس خطيبى عاوز يأجل الفرح لحد شهر1 ونتجوز مع اخته فى فرح واحد
وأجل فرحنا عشان نتجوز مع بعض
انا زعلت وقولتله ان مش هستنى لحد ما اختو تخلص شقتها
ومش عارفه هيكون رد بابا اية
حاسه انو بيجى عليا و يأجل فرحنا عشان خاطر انهم اتفقوا يتعمل فرح جماعى
وانا زعلانة عشان مش خد رايى
سؤال مخالفه بقى
اجيب كام طقم كاسات؟

بصي خديها واحدة واحدة و بالهداوة بالاخص ان انا مش برجح الافراح المختلطة يعني فرحين في فرح ملهاش اى معنى و المفروض العروسة دي يعني تبقى لوحدك الانظار كلها عليكي مش عليكي انتى وواحدة تانية دة يومك لوحدك ازاى حد يشاركك فيه و فرحتك لوحدك ازاى حد يشاركك فيها بالشكل دة يا قمرة

وواحدة واحدة ان شاء الله كل حاجة هتيجي زي ما انتى عايزة يا قمرة و ربنا يهدي سرك يا رب

tota_10;13870975:
[COLOR=red]بنـــــــــــــــــــــــــــــــــــــات
انا محتاجه منكم رد ضرورى دلوقتى لازم قبل بكرة الصبح
دلوقتى كنا سألنا فى الدار اللى هنعمل فيها الشبكه على مأذون يجيلنا القاعه عشان كتب الكتاب
الطلبات اللى طلبها
1- صور ليا انا وخطيبى
2- صورة البطاقه بتاعتنا احنا الاتنين
3- الشهاده الصحيه بتاعتنا احنا الاتنين
4- صورة شهاده ميلاد كل واحد فينا

هى دى بقا المشكله
انا شاكه فى اهميه صورة شهاده الميلاد دى
وكل الورق جاهز ماعدا دى
وخطيبى مصمم انى انزل بكرة الصبح اطلع مستخرج شهاده ميلادى
عشان بالليل هنروح نودى الاوراق دى للمأذون
وانا مش عاوزة انزل الصبح اعملها لأنها شغلانه وبهدله وزحمه وكده وكمان اشك انهم هيدوهانى فى ساعتها
وهروح لوحدى لأن انا فى منطقه وهو فى منطقه تانيه خالص يعنى مش هييجى معايا


السؤال بقا
كل البنوتات اللى كتبوا كتابهم الفترة اللى فاتت يعنى نقول خلال ال 6 شهور اللى فاتوا مثلا
حد فيكوا احتاج صورة شهاده الميلاد دى ؟؟؟؟؟؟؟؟؟؟؟؟؟؟؟

ردوا عليا ضرورى قبل بكرة الصبح
على فكرة خطيبى بياخد كلامكوا ثقه
كل حاجه اقوله اصبر هسأل صحباتى فى عروس
ماتكسفونيش ادامه بقاااااااااااا :o
[/COLOR]

حبيبتى انا اجوزت بالبطاقة بتاعتى و الشهادة دي ولا ليها لازمة و كمان اجوزت من غير شهادة صحية ههههههههههههههههههههههه

متتعبيش نفسك يا قمرة ولا ليها لازمة من الاساس هى البطاقة و 5 صور مش صورة واحدة لانك بتمضي على خمس قسايم لجوازك 3 في المحكمة و 2 معاكم واحدة معاكى وواحدة لجوزك يا قمرة

جويرية المسلمة;13871647:


يا ولاد يا ولاد

بصوا بقى

أنا عايزاكوا تقولولي على هدية حلوة أجيبها لأخت خطيب علشان خطوبتها قريب بإذن الله

وأان مش هعرف أروح الخطوبة .. امتحاناتي الحلوة دية مظبطاني :)

قولولي أفكار كدة :)

هاتى لها حاجة من الشوار الى عليها يعني هاتى لها مثلا طقم ملاية او لحاف شيك او بطانية حلوة كدة يعني

lasposadelnilo;13871999:


خفففففففففففففففففففففففففففففه منتاهيه ومتزايده
ايه يابت العسل ده
اكمنك طفله هتهزري مع الكبار ولا ايه
امشي العبي بعيد
وافضل اجننك كده
ايوه
في سها حضرتك
وفي سها اللي هي saso
اعقلي بقى
مانتى كنت كويسه
مالك

وايوه سلاح بيعمل طااااااااااااااااااااااااااااااااااااااخ كدخ وبيعور
حاسبي بقى الا اطخك
هوا
جزئ بيجرش التلج مسمينه سلاح
ممكن نسميهولك هيثم على اسم جده


هههههههههههههههههههههههههههههههههههههههههههههههههه ه

اوعى تعيطي
بضحك معاكي
تعالي فيرحي








ياحبي الوحيد
قلبي سعيد
اهداء مني ليكي
لمين لرشا
يعني الادب
يعني الزوق
يعني
العسل كله
شربات يا ناس
قمرين يا ناس
ورقصني يا جدع تاني
كل يوم تتعبوني وافضل ارقص واتعب كده


سوال ال في خاطري
اجيب الجزم والشنط من امتى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
واستقريتوا على اننا نجيب شنطه المكيب منين وبكام
كان في وقت كده مكنتوش بتتكلموا غير على شنط المكياج اللي فوجئنا انها طلعت شنط مجوهرات

ههههههههههههههههههههههههههههههههه

اه طفلة و بقول واااااااااااااااااااء و عايزة ريري ضروري احسن هصوت هههههههههههه

اه و هاتى لى كادليز هههههههههه او بمبرزاية

و ايه قصيدة الشعر دي عسل يا اخواتى تقوليش يا ربي احمد حلمى :D قصدي احمد شوقي ههههههههههه

اما لسؤالك انا من رايي من هوم تاتش عندكم في القاهرة لان هوم سنتر عندي غالى اوى ،، ومعتدش تفرق ميكب من مجوهرات يلا عادي الدهب في العالى و الميكب في النازل يبقى خلينا في الميكب هههههههههههههههههههه

العروسه لوكا;13872321:
وانا قولتله انا مش هستنى لشهر 1 واحنا خلاصنا الشقه خلاص اية المانع نتجوز فى12 قالى ان احنا فى12 خلاص يعنى لما نحدد يكون اخره تفرق اية بقى لو استننا لى1
وانا اتخنفت معاه عشان حسيت انة مش عامل حساب ليا
والمفجأه بقى اتصل بى ماما النهاردا وقاله انو نازلين يجبو السجاد وعاوزنا ننزل معاه
ماما قالتله دا ذوقك ودى شقتك انت يعنى برحتك
وهى مش تعرف اصلا ان احنا متخنقين
اجيب كام طقم كاسات؟

انتى نزلتى تشوفي سجاد بيتك ولا هو جابه من نفسه مش فاهمة حاجة ؟؟

te amo;13872309:


ايه ده هو انتى اسمك سها ياراجل :-o


طب ياختى ماتقوليلى فروعه فين والسيل امتى والارقام يعنى تقرير محترم كده


بطلى يابت يامشمشة مش كل الرجالة ينفع معها الكلام ده يعنى لو خطيبى قولتلو كده ادام اهلى اقل حاجة يقولهالى على اد امكانياتى انتى مش شايفة محدش بيتجوز وفى واحد ممكن يحرجها




طلاق ايه ياماما معندنش حد يطلق هو بالساهل كده ولا ايه ;)

ايون اسمى سها :adore:

اول ما انزل هعمل لكم تقرير مصور باذن الله يا قمرة

وبلاش قدام الاهل خليها بينها و بينه و كل شوية تقوله النجف مش مريحنى شكله مش عاجبني حساة مش حلو وكل ما تشوف محل نجف تقف قدامه و تتفرج يعني تخنقة شوية مش كتير لحد ما يحس بغلطته

كنا اتخنقنا فقولنا نطلق بس مقدرناش و رجعنا لبعض الحب كان اقوى مننا :L:

الحب يعمل المعجزات هكذا تقول الاسطورة F:

dr.doby;13866445:

ازيكم كلكم يا قمرات:adore: ايه الاخبار الجزء ده واضح ان كله نكد وخناق وانا برضه الاسبوعين اللى فاتو كنت شدة اوى مع خطيبى وبفكر نسيب بعض ربنا يكرمنا كلنا يارب ويبعد عننا الشيطان والعين

عيزة اسألكو دلوقتى عيزة اجيب ماكينة براون بس اللى هى شفرتين بس واحدة عادية وواحدة للمناطق الحساسة لان بقية الحجات مش بحتاجها حد اشتراها يوريهانى ويقولى اسم الموديل وبكام :)
كمان لو متر جرانيت للمطبخ ب330 كده حلو ولا غالى
وميرسى ليكو مقدماF:F:

بصى يا دودو انا اخر مره من اسبوع كنت بسال انا وبابا على الجرانيت فكان فى نوع ب 350 ومش راضى ينزل وفى نوع وشكل تانى نزلناه ل 280 جنيه فانتى حسب النوع اللى عندك بس الرينج بتاع 280 دا اعتقد اقل حاجه ومحدش هينزل عن كدا والاسعار دى فى المنصوره
[QUOTE=زهرة نورما;13871867]تيد لاموند وعندك تيد لابيدوس بس لاموند انقح وعندك جورج فى وسط البلد

ربنا يخليكى يا زهرتى هم الازهار كدا عاملين تششششششيم مع بعضيهم F:

[QUOTE=مشمشة.;13869044]انا قررت اسيب خطيبى خلاص

سؤال مخالفة؛اجييب كام شراب[/

QUOTE]

ربنا يهديلك الاحوال يا مشمشه

سؤالى
ايه اخبار اللبس الرجالى فى شارع شهاب ؟؟

سلام عليكم يابنات ازيكوووا وحشتوووني

أولا طبعا لازم ابارك لكلاسيك حبيبتي مبروووووووووووووووك يا يويو بجد الف مبروك ربنا يتمملكو على خير يارب وكل حاجة تبقى زي مانتي عايزة بس انتي فين مبتدخليش ليه علطول تقوليلنا ع الاخبار كده ابقي طمنينا عليكي علطووول

وبالنسبة للجست بوك انا مازالت عند رأيي ان كل اللي شوفتهم في المحلات غاليين جدا فانتي اعمليه احسن سواء العادي او اي فكرة جديدة او حد من اصحابك يعملهولك وبصي الفكرة دي مفيهاش اي حاجة انا شوفت امبارح في محل جامد كده بتاع هدايا في جولف سيتي مول جست بوك زي بتاعي بس ملونين الجزع وعاملين تزيين اجمد ولقيت حاجات كده جامدة بس اكيد غالي اوي مفكرتش حتى اسأل



غلباوية بصي الراجل بتاع الفساتين انا خدت منه كل حاجة يعني الستان والتل بتاع الطرح وكل حاجة ماعدا القماش المطرز ده لأن انا كان لازم اختار شكل الورود وكده وهو كمان قاللي على فكرة جامدة وفرت معايا جدا هتلاقيها في الموضوع اللي قولتلكوا عليه في المنتدى التاني وبصي دوري ع الموضوع في جوجل وادخلي بذات صفحة 9 هتلاقيني كاتبة كلللللللل التفاصيل وفي واحدة حطت صور لشغله كمان بس انا بتاعي ملحقناش نطرزه وبصراحة كان شكله اشيك بالقماش المشغول ده من غير تطريز خصوصا ان فرحي كان بالنهار بصي اهو العنوان
"أخيرااااااااااااااا بعد لف شهور هعمل فستان فرحي في المصنع اللي قولتلكوا عليه..ادعوولي"


بصي هو ده الورد المشغول اللي انا كنت عاملاه على فستاني مش عارفة هي كلاسيك مش بتحبه يمكن لكن هو شيك جداااا وكل الماركات العالمية بتستخدمه ودي ازواق طبعا وفي منه فاضي زي اللي في الصورة وفي منه مطرز يعني على الشغل ده في خرز وترتر





ميراميا يا قمر ازيييك انا مزعلتش ولا حاجة انا بس كنت بشرحلك مالي عشان انتي كنتي بتقوليلي في ايه بس وكده وطبعا يا حبيبتي انا اتشرف اصلا اننا نبقى اخوات وجزاكي الله خيرا يارب

مشمشة اظن البنات قالوا كل حاجة ممكن تتقال خدي موقف اه لكن متوةصلش لدرجة انكوا تسيبوا بعض طالما هو انسان كويس ويعرف ربنا ومحترم

بنات صحيح كنت عايزة اقولكوا حاجة من زمان بس نسيت وافتكرت لما لقيتكوا عمالين تتكلموا عن المشاكل والخناقات
بجد الحكاية كلها اننا مش فاهمينهم ومش فاهمين ردود افعالهم في حاجات كتير وحفيدة فاطمة كانت نصحتنا قبل كده نقرأ كتاب الرجال من المريخ والنساء من الزهرة وفعلا الكتاب كان عامل ضجة كبيرة اوي وبقى يتاخد كمحاضرات في اماكن كتير وفعلا مرة كنت في كورس عن حاجة تانية اصلا والراجل قاللنا نقطة مهمة جدا كانت موجودة في الكتاب ده فقررت اني انزله واقراه وفعلا قرأت شوية ولقيته تحففففة بجد مهم جدا زي محفيدة فاطمة قالت

هو بيفترض ان الرجالة دول كائنات من كوكب المريخ والنساء كائنات من كوكب الزهرة وان الرجالة جم الكوكب بتاعهم وحبوهم واتجوزوهم وبعدين راحوا عاشوا في الأرض ولما نزلوا الأرض نسيوا خالص انهم مختلفين وكل واحد توقع ان التاني المفروض يكون زيه وانه يعوز اللي التاني عايزه ويحسوا زي مالتاني حاسس وان المفروض تصرفاتهم تبقى كذا وكذا ورد فعلهم يبقى كذا وكذا ونسيوا خالص انهم مختلفين وكل واحد بيفكر ويتصرف ويحس بطريقة معينة غير التاني وبعد كده بقى بيتكلم بالتفصيل عن كل نوع او يعني كل كوكب على افتراضه وازاي نتواصل سوا وفعلا لما تقرأو هتلاقوا حاجات كتير احنا بنعملها او هما غلط حتى في طريقة الكلام يعني ممكن تقولي جملة بطريقة تستفذ الراجل جدا ويتخيل انها اهانة ليه او انتي بتقولي انت مش بتفهم ونفس الجملة لو قولتيها بطريقة تانية يتقبلها عادي ويتفهمها
فبجد اقرأو الكتاب ده وانا بجد كل مقرأ واستمر فيه الاقي حاجات كتير مفيدة وكمان زدني بتعمل علطول محاضرات عن الكتاب وعن التعامل بين الزوجين وكده واظن هما بدأوا موسم جديد شتا 2010 واسعارهم رمزية جدا لأنهم لجنة التنمية البشرية بتاعة جامع رابعة يعني مش مؤسسة ربحية أو حاجة

وفي كمان تصنيف تاني للناس قرأت عنه في النت لكن لسه متعمقتش فيه أوي بيصنف الناس جنوبي وشمالي ومش عارفه ايه

انا فعلا كان في تصرفات كتير جدا مبفهمهاش أبدا في جوزي وبنتخانق بسببها لما قرأت التصنيف ده وفهمت انه جنوبي وان صفاتهم كذا وكذا ففهمت هو ليه فعلا بيتصرف كده ليه مثلا مرتبط جدا بالبيت ونفسه منروحش لحد ولا حد يجيلنا وان الجنوبيين دول بيبقى عندهم البيت قيمة عليا ومهم جدا وبيرتبطوا بيه حاجات كده بقى فبرضه ده هيساعدكم على فهم تصرفات خطابكم او اجوازكم واظن اني شوفت في المنتدى التاني موضوع بالتفصيل عن التعامل مع كل نوع بس انا لسه مقرأتوش
اهم حاجة هدتني شوية بس اني فهمت تصرفاته ومبقتش مستغرباها زي مفهمت تصرفاتي وليه احنا مختلفين وربنا يهدينا جميعا يارب ويبعد عننا اي مشاكل يارب وطبعا اهم حاجة نفتكر حقهم علينا دينيا وهما يفتكروا حقنا عليهم ونراقب ربنا في كل تصرفاتنا معاهم

توتا هانم انا نسيت صحيح ردك عليا زمان بخصوص موضوع الفار واضح انك المشتبهة الأولى في اللي بيحصلنا انا عمارة 156 ياهااانم وحضرتك كاااام ؟؟ تخيلوا يابنات امبارح لقينا فار تاني عاااااااااااااااااااا :'(:badly::'( بس الحمدلله واضح انه مكنش داخل غير ساعتها تقولولي منين اقولكوا معرفش مش معقول اللحظة اللي فتحنا فيها الباب عشان باباوماما واختي كانوا عندي وطلعت ع السلم اسلم عليهم و وقفت شوية على منزلوا والله معارفة مش معقول في الكام دقيقة دول

المهم اننا علطول حسينا بيه يعني يدوبك هما نزلووا واحنا اعدين بنتفرج ع التليفزيون سمعنا صوت كركبة في المطبخ روحنا جاريين وطبعا بقينا خبرة روحنا جاريين قافلين بابا المطبخ وجرينا جبنا مكونات الحاجز اللي بنعمله كل مرة مابين المطبخ والريسبشن عشان لو جري من المطبخ ميدخلش ع الشقة حطينا كراتين وفل وكراسي وكده وفتحنا باب الشقة والحمدلله عرفنا نخرجه من المطبخ برة الشقة بدل منموته طبعا بعد تحضيرات وصويت وبتاع بس الحمدلله ياااااااااارب انه خرج وبأقل خساير ومش هنقع حاجة تاني بقى في ديتول حطيت ديتول مع البريل وهغسل بيه اي حاجة كانت برة
انا طبعا مش هدعي عليكي يا توتا بس عليكي تعويض لكل الخساير المادية والمعنوية اللي حصلتلي وعقاباً ليكي عليكي ليا غسيل سنة بحالها وانتي حرة بقى :)
وبصي بالنسبة لنايل كانتري كلوب واحدة صاحبتي قريبها ماسك حاجة هناك فقاللها ممكن نظبط لصاحبتك الفرح ب 7 الاف ب 150 فرد هاي تي معرفش هاي تي يعني جاتوه وبيبسي بس ولا زي الهاي تي بتاع دار البنك الأهلي تورتاية وساندوشات وساليزون وبيتي فور وكيك وطبعا بيبسي ومياه

بس بصراحة معرفش خالص الاسعار ايه هناك ولا حتى روحت ده كله كان بالتليفون بس انا قولت دار البنك الأهلي افضل عشان الهاي تي مليان حاجات كتير وارخص بتاع الف ونص من نايل كانتري ده وكمان اقرب كتير بالنسبالنا عشان الحق اروح بدري فاتصلي او روحي وشوفي كده

بصي شهادة الميلاد اظن ضرورية وعموما زي مالبنات قالولك مش هتخسري حاجة روحي اعمليها انا بابا اصلا كان جايبلي نسخ كده كده وموجودة في البيت فوديناها مع الاوراق فانتي روحي اعمليها وكلكوا برضه يابنات ابقوا هاتوا واحدة احتياطي وخلوها عندكوا

مرمورة أو ام لمار بصي يابنتي أولا طقم العشا مش هو طقم الشاي طقم العشا بيبقى كله أطباق ومفيهوش اي فناجين لكن في طقم شاي او جاتوه بيبقى 6 فناجين بأطباقهم وبراد وسكرية ولبانة وطبق كبير للجاتوه و6 أطباق توزيع للجاتوه وبس لكن طقم العشا كله اطباق

كنت شايفاكي بتقول عايزة اجيب ميلامين عشان احافظ على حاجتي أولا ياقمر انتي مش جايبة الحاجة تحنطيها ولا في حاجة هتخلد كله هيستخدم ويستهلك ويتجاب غيره عادي يعني اللهم الا طقم الصيني هو اللي بيبقى استخدامه بسيط وبيتحافظ عليه للضيوف اللي هيجولنا في كل سنين عمرنا 15 20 مرة بالكتير فالمهم ده بس اللي ممكن تخليه متطليعوش لكن الباقي عادي استخدميهم وانتي اصلا بتبقى جايبة طقم للاستخدام مش معقول جايبة كل الاطقم دي للضيوف وهتروحي شاريالك واحد مخصوص تاني للاستخدام

عموما انا شايفة انك لو جبتي طقم الصيني ومعاه الاركوبيركس وبالكتيييير اوي طقم كمان عشا صغير بورسلين او اركوبيركس برضه والاركوبيركس احلى عشان اخف كده التلاتة دول كفاية اوي اوي وبكرة تقولي نهى قالت وبصراحة الاركوبال والبيركس دول مش شيك خالص قدموا اوي اوي متزعلوش مني بس خلاص حاسة ان راحت عليهم والميلامين مش صحي خالص برضه ده انا ماما اللي بتممسك بكل الحاجات القديمة والمدهب ومش عارفه ايه لما بقولها هاتيلي كام طبق ميلامين مودرن كده للجبن والفاكهة وكده مرضيتش وقالتلي لالا حد دلوقتي بيجيب ميلامين هي ملهاش في موضوع صحي ولالا
بس قالتلي ده قديم اوي محدش دلوقتي بيجيبه مع انها مكانت بتصدق اني اقول عايزة حاجة واختار حاجة لأني كنت مغلباها في اللف على كل حاجة لكن جت عند ده ورفضت تماما فانتي ياتجيبي طقم عشا يا تستخدمي الاركوبيركس او اي طقم من عندك وحتى الصيني كل فترة كده مرة كتغيير هو انتوا ملكوش نفس يعني الضيوف بس هما اللي ياكلوا فيه
انا وجوزي عندنا لاااازم كل حاجة نستخدمها مش بنستخسر في نفسنا حاجة ونقول دي للضيوف ولا الكلام ده فبجد مفيش داعي لفكرة التخليد والتحنيط دي يابنتي واستمتعي بحاجتك

زهرة نورما كنتي بتسألي على معالق نوفال بصي هي طبعا افضل من الصيني اكيد ولو انتي بتحبي السلفر السادة خالص هتلاقي برضه برستيج كانت منزلة شنطة المعالق اللي في احلامي :adore:F: بظبط F: بس كانت غالية عليا فمجبتهاش لكن هجيبها فيما بعد ان شاء الله كانت ب 800 جنيه ونوفال برضه ماركة كويسة ومعقولة طالما متأكدة ان الاستانلس 18/10 انا شايفة انها افضل من الصيني وبرضه سعرها معقول عن الالماني والانواع الغالية فلو عاجباكي هاتيها

* كلاسيك *;13872026:
انا نفسي اعزم الكل بس للأسف المركب بالعدد ويادوب مقضية

قرايبي بالعافية بس انا هاعمل ان شاء الله زفة قبل ما اركب اليخت

فلو تحبوا يا بنات تيجوا تتجمعوا وتكونوا جمبي وحواليا في الزفة

بجد انا هاكون مبسوطة جداً اللى يحب يقولي وانا اقوله العنوان بالظبط




متنسوش العزومة اللى فوق دي بجد مش مراكبيه

مبررررررررررروك يا كلاسيك ربنا يمملك بخير ياارب ويسعدك
واذا كانت على العزومة احنا لاجئين زفة زفة :Dكفاية انها زفتك يا حبيبتى

رشروش84;13872107:

طب يا حبيتى يعنى انتى شوفتى البتنجانى اللى غطاه بيركس أناا قصدى البتنجانى ده للانى جايبة صنيتين مدورين الون ده من 6 اكتوبر فعايزة اجيب الحلل زيهم ويبقة التيفال لون واحد
بس انا اعرف انا 6 كتوبر بيستورد الحاجات دى من تركيا بنفسه للانى كنت باخد مع بنت صاحب محلات 6 أكتوبر قرأن ولما طلبتهم منها قالتلى اخويا السة جاى من تركيا قريب بيجب الحاجات لتركى كله بنفسه وبيشحنها على كونتر ولسة جايب حاجات كتير ومش هيروح قريب للانه مش بيروح الا لم الحاجات تكون كلها قربت تخلص علشان شوف ايه المطلوب بالظبط فهموا كمان بيسترودوا السافلون ده مش اورد نصار بس والاسعار زى اللى عسولة عمرو جبتهم من درب سعادة فاكرة ان الصغيرة من مكلمة ال115 بس هما لسة مش جابوا لون اللى عايزاه فقلت اسئل يمكن حد تانى عنده الون ده

فيه بتنجانى لكن ابو غطا بيركس مش بينزل مصر والموجود كله غطاه استاننلس
الحاجة التانية بالنسبة ل6 اكتوبر هاحكيلك اللى شفته بعينى معرض 6 اكتوبر فرع الهرم جمبى وكنت فيه من يومين سبحان الله وطبعا مش هألف عليكى تمام لقيت السافلون هناك روحت اشوفة مسكت الحلة لقيتها خفيفة جداااااا وشكلها مش اوووى واتعمدت انى امسك اكتر من حلة نفس الوضع برضه مش زى اللى شفته فى المرشدى اوك
الحاجة التانية قلبت الحلة علشان اشوف لقيت مكتوب اية بقى ؟؟؟؟؟؟؟؟؟؟؟؟؟؟
italy
وتحتها مكتوب صناعة اوروبيه ده فرع الهرم اللى فى محطة الطالبيه اوك
روحت للراجل قلتله اقعد يقولى كانى ومانى والسافلون فيه اكتر من صناعة وكلام ميدخلش العقل ولسبب انه معروووووووووف ان سافلون الاصلى مدموغ كلمة savlon
وميد ان تركى بارزة اوووى والحلة تقيلة مش التقل اللى متعرفيش تشيلية لا بس تقيلة وقيمة اوووووى فى شكلها فكان شتان مابين اللى شفته هناك واللى شفته فى المرشدى
اما بخصوص اولاد نصار انا مقلتش انك مش هتلاقوه غير عنده بس لان السافلون الاصلى برضه موجود عند ناس تانية بس انا قلت انه الوكيل الوحيد فى مصر ودة كلام متأكدة منه ا لانى سمعته من ناس كتير والله اعلم... اما بخصوص ان فيه ناس كتير بتستورده مش عارفة بقى مبشغلش نفسى فى الحوارات دى لان اللى يهمنى ان الكل بيقول لما تشتروا سافلون هاتو من اولاد نصار على الاقل مضمون بالنسبة لى انه الراجل حاجته متجربة
اقولك علشان ترتاحى وتقتنعى روحى دة وروحى دة وشوفى بنفسك لان الكلام بيختلف عن اللى شاف بنفسه وعلشان تكونى مقتنعة :)
وانا لوسفتلك اللى انتى عايزاه هاقولك مع انى عارفة انه مش موجود فى مصر اللى غطاه بيركس دة

te amo;13872309:

والله ياختى انا مشفتش غير كافر الوانه على كوحلى فى درجاته فيه فيونكة ده فى الوكالة زى اللى ساسو جابته لكن سادة مش مهم ياختى اتجوزى وبعدين شوفى الكافر ده يخرب بيت تناسق الالوان اللى انتوا فيه انتو جبتولى شلل اموت نفسى منكم مش كفاية اللى انا فيه :081:

:sleep::057:
اصلك مش فاهمة انا التويلت عندى مش مقتنعه بيه اصلا فبحاول اعمل فيه اى حاجة وخصوصا انه مش مستجيب خاااااالص
ادلع فيه مبيدلعش كدة يعنى
ومصممة على موقفى كافر كحلى سادة لازم نكون دقيقين دقيقين يعنى 8o|

العروسه لوكا;13872321:
شكرا جدا يا احلى اصحاب
ميرسى يا زهره نورما وشكرا ياكلاسيك
ومبروك ياقمر و ربنا يتملك بخير بس انا اتحنقت معاه
ومش بنكلم بعض
وانا قولتله انا مش هستنى لشهر 1 واحنا خلاصنا الشقه خلاص اية المانع نتجوز فى12 قالى ان احنا فى12 خلاص يعنى لما نحدد يكون اخره تفرق اية بقى لو استننا لى1
وانا اتخنفت معاه عشان حسيت انة مش عامل حساب ليا
والمفجأه بقى اتصل بى ماما النهاردا وقاله انو نازلين يجبو السجاد وعاوزنا ننزل معاه
ماما قالتله دا ذوقك ودى شقتك انت يعنى برحتك
وهى مش تعرف اصلا ان احنا متخنقين
اجيب كام طقم كاسات؟

ربنا ييسرلك امورك ارميها والله على باباكى
اصلى بصى انا واحدة من الناس لو قالو يعملو فرحى مع حد انا مش بحبذها مش لسبب اكتر من ان عايزة تكون الليلة بتاعتى دة ليلتى فى العمر كله وفيه ناس كتييييييييييييير اوى كدة لو اختها اللى روحها فيها هتقول لا وطالما انتى من الناس دى ودى حاجة مضايقاكى وانتى شايفاها انه كان لازم ياخد رايك فى موضوع زى دة يبقى خلاص من غير خناااق علشان م تضيعى حقك باباكى يقول لا ويعترض ودة حقه وشوفى الموضوع مش يمكن ليه علاقة بماديات ؟؟؟؟؟؟؟؟؟
لو كدة حاولى تعملى فرح صغير بس باباكى اللى يتكلم مش انتى وخصوصا انه متفق معاه على ميعاد تانى وخطيبك غيره
واحسنلك انزلى شوفى سجاد بيتك انتى ادرى بعفشك وفرشك بدل ما الالوان تختلف فى حاجه ولا بتاع حتى لو زعلانين مع بعض دة مالوش علاقة بدة خلى مامتك تكلمه علشان تنزلو معاه

te amo;13872564:

عاوزكو تدعولى دعوة جامدة ان ربنا يوفق خطيبى فى موضوع الشغل ده واللى مش عتدعى هتشوفه هعمل فيها ايه :011::089:وادعوا بذمة كده وانتو بتصلوا:thumbs_up:

يارب يوفقة للشغل ويرزقة

مشمشة تامر;13872930:



كنا اتخنقنا فقولنا نطلق بس مقدرناش و رجعنا لبعض الحب كان اقوى مننا :L:

الحب يعمل المعجزات هكذا تقول الاسطورة F:

:lol:عثلللللللللللايه بثمثم

nanono;13874772:

هو بيفترض ان الرجالة دول كائنات من كوكب المريخ والنساء كائنات من كوكب الزهرة وان الرجالة جم الكوكب بتاعهم وحبوهم واتجوزوهم وبعدين راحوا عاشوا في الأرض ولما نزلوا الأرض نسيوا



انتى يا نانو دماغك فيها كتير منى حتى فى القراية
انا بحب انواع الكتب دى جدااا خاصه انى بعشق القراية وقريت الكتاب دة وبالنسبة
برضه لتحليل الشخصية دة عملته بس معرفتش اعمله على خطيبى مش عارفة ليييييييه اصله شكله فاق كل الدراسات :D حتى علم النفس مقدرش يحلله :lol:
وعجبتنى اووى المحاضرات دى ممكن اعرف نظامها اية لو مش هاتعبك معايا عايزة تفاصيل عنها وازاى اشترك فيها اهو الواحد يتعلم ازاى يروض الاسد اللى معاه :lol:وهو فعلا برج الاسد برضه

زهرة نورما كنتي بتسألي على معالق نوفال بصي هي طبعا افضل من الصيني اكيد ولو انتي بتحبي السلفر السادة خالص هتلاقي برضه برستيج كانت منزلة شنطة المعالق اللي في احلامي :adore:F: بظبط F: بس كانت غالية عليا فمجبتهاش لكن هجيبها فيما بعد ان شاء الله كانت ب 800 جنيه ونوفال برضه ماركة كويسة ومعقولة طالما متأكدة ان الاستانلس 18/10 انا شايفة انها افضل من الصيني وبرضه سعرها معقول عن الالماني والانواع الغالية فلو عاجباكي هاتيها

ميرسى على ردك انا لما شفتها قلت اهو على الاقل نوفال ماركة لكن الصينى مش بعرفلو حاجة

سؤاااااااااال
هو انا لو جبت صينية تقديم فضه يبقى حرام
انا اعرف ان حرام الحاجات اللى بناكل بيها يعنى معالق كوباية اناء طبق
لكن صينية اقدم فيها حرام ولا اية واللى مش متأكد ميجاوبش ؟؟؟؟