ابتسامة طفل;13682906:
بما انه باقي لي اربع اسابيع لموعد الطلق الصناعي فقررت اني ارتب اموري لان ما يندرى يمكن يجي طلق من الله قبل ال38
حاولت اتخيل كل شي وان ما يفوتني اي شي بالرغم من الزجام الي مبهدلني وخشمي يصب مثل اليهالووه
واذا فاتني اي شي خبروني
جبت دفتر وقسمت الاحتياجات كالاتي
احتياجات المستشفى :
طبعا هذي الورقه بعطيها امرت اخوي حتى ترتب الاغراض وتجيبهم معاها المستشفى لمن تجي لان ما بشلهم معاي مسكينه والله ما قصرت مووووول معاي كل شي عراسها اقولها لمن تولدين مره 2 بسوي لج جذيه واكثر لوووووووووووووول اقردنها هههههههههه
الدلال والصياني والاكواب والفناجين وحددت العدد يعني دلة شاي ودلة قهوه ودلة شاي كرك
والصياني وحده كبيره تشيلهم كلهم وتنحط على طاوله صغيره ووحده صغيره للتقديم
اغراض الضيافه من صحون ومناديل واكواب
التوزيعات
صينية البيتيفور والجوكليت (يا بطلبهم واخليهم عندي او راع المحل قالي عادي خليهم عندنا ومتى ما بغيتي نوصلهم ودامهم حذا المستشفى شكلي بخليهم اهما يوصلونهن )
المعجنات والكيك والعصاير الفرش ( المعجنات والعصاير الفرش بخلي المحل يوصلهم لين المستشفى والكيك مرت اخوي بتمر عالمحل وتجيبهم)
بما ان الغرفه الي باخذها عاديه مو ملكي فما فيها ثلاجه فقررت اجيب براد الرحلات الي في بيتنا ويحطون فيه ثلج عشان العصاير والماي يتمون باردين
بما ان ما نقدر نبخر فالمستشفى عسب النونو ما يضيق صدره وثانيا جهاز انذار الحرايق قلت باخذ معاي عطر فراش وبعطر فيه المفرش حتى تطلع ريحه حلوه وخفيفه فالغرفه
نعال الحمام لان السليبر الي يحطونه من المستشفى شرات مال الفنادق ما ينفع لداخل الحمام بينبل بسرعه
سجاده + شيل صلاه
لصق حتى يركبون الزينه عالباب والسرير
شنطة البيبي
ملابس
قماطات
دلاغات + كفوف
قحفيات
مسك + دهن عود خفيف
بامبرز
شنطتي انا
الجلابيات بحطهن في كيس ملابس الي يتعلق حتى ما تخترب بعد الكوايه داخل الشنطه يعني ما بحطهم فالشنطه
بحط :
مشط + ليفه + صابون + مزيل عرق
عطرين + شنطة ميكب صغنونه بحط فيها ارواج خفيفه وكحل وماسكرا وبلاشر وبس لان ما ابي اكثر
لوشن للجسم وكريم ترطيب للجسم واكسسوارات خفيفه
بجامات + ملابس داخليه + فوط للصدر + فوط الويز
فيتاميناتي
شاحن تلفون
فسيارتي :
بحط المفرش والمخاد وهاي الامور مع السلة والسليبنق باق ومتى ما ولدت ان شاء الله بخلي حد ينزلهم حتى يرتبونهن خواتي فالغرفه
هذا الي في بالي قولولي خلاص ولا نسيت شي
ماشاء الله ،، شاملة من كله
لكن انا افكر احمل معاي كريم ميبو ،، لأن عندنا في المستشفى مايفكرون في المداواة الا اذا كان الجرح عندش غزير،، وببنتي كان جرحي عن قولهم بسيط لكن مااهتموا به والتهب لي من المستشفى قبل مااوصل البيت
بس هذا اللي ذكرته وماشا ءالله ماخليتي شي،، المفروض نطبع المشاركة هذي ونخليها قبالنا واحنا نجهز.. اي تذكرت،، حملي دفتر وقلم عشان تكتبين لنا كل شي صار لك من اول مادخلتي للولادة لين طلعتي ههههههههههههه
الله يقومش بالسلامة بسووومة ،، ونشوفش فرحانة بحمود بين احضانش