بسم الله الرحمن الرحيم
و الصلاة و السلام على سيدنا محمد صلى الله عليه و سلم
اخواتي العزيزات
تقريبا قبل يومين كنت اشوف المواضيع الي في قسم قضايا الدينية لفت نظري موضوع
احد الاخوات ، دخلت الموضوع و قريت الموضوع جان انصدم :-o معقولة
:'( اول ما قلته هو استغفرالله ، معقولة التصوير حرام و انا هوايتي التصوير و
المصيبه اني امتلك 5 كاميرات تصوير فوتوغرافي و كامرتين تصوير فيديو :'( و
من كثر حبي لتصوير بناتي فاطمه و هند يحبون التصوير ، وين ما اروح اصور وين
ماروح اخذ معي كاميرتي ، لدرجة انه فطومه بنتي صارت مثلي ويوم نطلع من البيت
تاخذ معاها كاميرا . المهم الفتوى شغلت بالي لدرجةاني خلاص كنت بروح بقطع
الصور و بكسر الكاميرات ، و انا افكر فالفتوى قلت ليش ما اتصل
الصور و بكسر الكاميرات ، و انا افكر فالفتوى قلت ليش ما اتصل
على دائرة الاوقاف و اسالهم اتاكد من صحة الفتوى ،ا نشغلت و ما اتصلت حتى جاء
امس كنا قاعدين نتغدى انا و زوجي و عيالي .تذكرت الموضوع سالت زوجي قلتله عندك رقم الي نرسل الsms
مال الاوقاف .. قال لي خير في شو تبينهم يفتونج . قلت له احد الاخوات جزاها الله خير
فالمنتدى نبهتناانه التصوير حرام . قال لي خلاص انا بتصل فيهم و بسالهم قلته لا تنسى
قال افا عليج ما بنسى .. المهم طلع زوجي و يوم رجع البيت قلت له وين الي بيتصل الاوقاف
خليتني اعتمد عليك و انت ما اتصلت لهم :'(جان يقول حرام عليج شوفي تيلفوني عقب ارمسي . قال اتصلت عليهم الساعة 8 و نصف و هم من بعد الساعة 8 مساء ما يردون ،قلت له انزين نرسل لهم مسج قال انزين جان اكتب المسج
للعلم انا سالتهم عن التصوير فقط ،،
السوال
السلام و عليكم . هل التصوير بشكل عام بالكاميرا حرام ؟؟؟ و جزاكم الله خيرا
السوال
السلام و عليكم . هل التصوير بشكل عام بالكاميرا حرام ؟؟؟ و جزاكم الله خيرا
طبعا كانت الساعه تقريبا 11 مساء يعني ما بيردون علينا
في نفس الوقت و لكن بيردون فالصباح
في نفس الوقت و لكن بيردون فالصباح
و في الصباح رسلوا لنا الفتوى جزاهم الله خيرا
الفتوى
لا باس بالتصوير الفوتوغرافي مالم يؤد إلى كشف العورات فيحرم. والله اعلم
فالمقصود من القصة هذي انه لا احد يفتي من غير تاكيد
انا متاكده لو لا خوفها علينا الاخت جان ما كتبت الموضوع بس ياريت لو نتاكد
من صحة الايات و الاحاديث و الفتاوي قبل نشرها لانه المواضيع تنتشر فالمنتديات بسرعه
و اتمنى من المشرفات حذف فتوى تحريم التصوير
انا متاكده لو لا خوفها علينا الاخت جان ما كتبت الموضوع بس ياريت لو نتاكد
من صحة الايات و الاحاديث و الفتاوي قبل نشرها لانه المواضيع تنتشر فالمنتديات بسرعه
و اتمنى من المشرفات حذف فتوى تحريم التصوير
الافتاء في أمور شرعية معبر عن الله عز وجل معبر عن دين الله فلا يحل لأحد أن يفتي بغير علم فإن ذلك من كبائر الذنوب
و اي حد حاب يتاكد من هذي الفتوى او اي فتوى غيرها
او يتاكد من الاحاديث و الايات القرانية يقدر يتواصل معاهم
الهيئة العامة للشؤون الاسلامية و الاوقاف .الامارات
الموقع
الهاتف .. المرشد الامين
8002422 مجاني
و الsms
2535
هذا موضوع الاخت